Tayuan (2023) ~ IMDb rating - 7.7/10 ~ အယ်လာ (Angeli Khang) ဟာ ငယ်ရွယ်ပြီးထက်မြက်တဲ့ ကိုယ်ပိုင်လုပ်ငန်းရှင် မိန်းမငယ်တစ်ယောက်ဖြစ်ပြီး ယောက်ျားတွေကို အပျင်းပြေ စားစရာလို့ပဲ သဘောထားတတ်သူပါ။ ယောက်ျားတွေနဲ့ပတ်သက်ရင် သူ့မှာ စည်းမျဉ်းတွေများစွာရှိပြီး လူတစ်ယောက်ကို နှစ်ခါပြန်မတွေ့တာ၊ ကိုယ့် ကိုယ်ရေးကိုယ်တာ အချက်အလက်တွေကိုပြောမပြတာ အစရှိတာတွေ ပါဝင်ပါတယ်။ ဒါတွေဟာလည်း ငယ်ရွယ်စဉ် အချစ်ဦးနဲ့ ခါးသီးတဲ့အတွေ့အကြုံတွေကြောင့်ဖြစ်ပြီး နောက်ပိုင်းတွေ့ကြုံလာရတဲ့ယောက်ျားမှန်သမျှ သူ့စံနှုန်းတွေနဲ့ မကိုက်ညီတာကြောင့်လည်းဖြစ်ပါတယ်။ ဒါပေမဲ့လည်း သူ့အလိုဆန္ဒကိုပြီးမြောက်အောင် ဖြည့်ဆည်းမပေးနိုင်တဲ့ ယောက်ျားတွေကိုကြုံရဖန်များလာတဲ့နောက် အယ်လာတစ်ယောက် ပုံမှန်လုပ်ရိုးလုပ်စဉ်ကနေ ခွဲထွက်ပြီး စွန့်စားကြည့်ဖို့ဆုံးဖြတ်လိုက်ပါတယ်။ အဲဒီမှာ ရီကိုဆိုတဲ့လူကိုတွေ့ခဲ့ရတာပါပဲ။ ရီကိုဆိုတာ အယ်လာ ကားမအားတဲ့ရက် အလုပ်အသွားမှာ ဘတ်စ်ကားစီးမိတဲ့ လမ်းကြောင်းပေါ်က လက်မှတ်ရောင်းသမား (စပယ်ယာ) တစ်ယောက်ပါ။ စံချိန်စံညွှန်းမြင့်မား စည်းကမ်းချက်တွေများလှတဲ့ အယ်လာတစ်ယောက် သာမန်ဘတ်စ်ကားလက်မှတ်ရောင်းလေးကိုမှ အစွဲလန်းကြီးစွဲလန်းပါတော့တယ်။အစပိုင်းမှာတော့ သွေးသားဆန္ဒအတွက်သက်သက် နှစ်ယောက်လုံး ရည်ရွယ်ခဲ့ပေမဲ့ တစ်ဖြည်းဖြည်းသံယောဇဉ်တွယ်တာခိုင်မာလာပြီး ခံစားချက်တွေပိုလာတဲ့အချိန်မှာတော့... 18 နှစ်အထက်အခန်းတွေ ခပ်များများနဲ့ အချစ်ဟာသဇာတ်ကားကောင်းလေးတစ်ကားဖြစ်ပါတယ်။ ဇာတ်လမ်းလေးကြည့်ကောင်းသလို မင်းသမီးလေးကလည်း အထူးတလည် မိတ်ဆက်ပေးစရာမလိုတဲ့အတွက် အားလုံး အကြိုက်တွေ့ကြမှာပါ။ (ဒီဇာတ်ကားနဲ့အညွှန်းကို Alias မှ ပြန်ဆို ရေးသားထားပါတယ်) Size - 2.1GB, 830MB Quality - 1080p, 720p IMDb Rating - 7.7/10 Format - mp4 Duration - 1H 42Min Genre - Drama Subtitle - Myanmar Subtitle (Hardsub) Translated by Alias Encoded by RGB

သေဒဏ်ကျခံရတဲ့ အပြစ်သားတွေကိုခေါင်းဖြတ်ကွပ်မျက်ဖို့တာဝန်ယူရတဲ့ အာဏာပါးကွက်သားတွေမှာ စည်းမျဥ်းတစ်ခုရှိပါတယ်။ မွန်းတည့်မကျော်ခင်မှာ အပြစ်သားကို စီရင်ရတာပါပဲ။ စီရင်ချိန်ကျော်သွားခဲ့ရင် စည်းမျဥ်းကိုဖောက်ဖျက်မိသလိုဖြစ်ပြီး သရဲဝိဉာဥ်တွေက လက်စားချေဖို့ပြန်လာတတ်ကြပါတယ်တဲ့။ အာဏာပါးကွက်သားတစ်ယောက်ဖြစ်တဲ့ရှဲ့ချီဟာ ပြစ်ဒဏ်စီရင်ရာမှာ အချိန်ကျော်လွန်သွားရာကနေ စည်းမျဥ်းကိုဖောက်ဖျက်မိသွားပါတယ်။ သူကွပ်မျက်ခဲ့တဲ့သရဲမဟာ သူ့ကိုပြန်လာရှာရာကနေ ၊ သူတင်မက တစ်မြို့လုံးကို ကံဆိုးမှုတွေစတင်လွှမ်းခြုံလာတဲ့အခါ ၊ ခြောက်ခြားဖွယ်ရာဖြစ်ရပ်တွေဆက်တိုက်ဖြစ်လာတဲ့မခါမှာ.. မြို့ထဲကလူတွေကလည်း ရှဲ့ချီကိုဝိုင်းပြီးအပြစ်တင်ကြပါတော့တယ်။ သရဲတွေ မိစ္ဆာတွေ ကျိန်စာတွေပါဝင်နေတဲ့ ဒီပြဿနာကို ဘယ်လိုဖြေရှင်းကြမယ်ဆိုတာကို ဇာတ်လမ်းထဲမှာဆက်လက်ကြည့်ရှုလိုက်ရအောင်။ Quality : WEB-DL 1080p , 480p Format : mp4 Genres : Action , Mystery , Fantasy , Thriller Runtime : 1h 20 min Subtitle : Myanmar Subtitle ( Hardsub ) Translated by CM Team Encoded by LK

ဒီတစ်ခါတော့ Arjun Reddy, World Famous Lover ဆိုတဲ့ တေလဂူဇာတ်ကားတွေနဲ့ ပျိုမေတွေရဲ့အသည်းကိုကိုင်လှုပ်ခဲ့တဲ့ဲ ဗီဂျေးဒေဗရာကွန်ဒါရဲ့ပထမဦးဆုံး Bollywood ဘက်ကိုစတင်ခြေလှမ်းတဲ့ ဟင်ဒီဘာသာစကားပြော ဇာတ်ကားသစ်လေးနဲ့ မိတ်ဆက်ပေးပါရစေ။ မင်းသမီးအနေနဲ့တော့ Student of the Year 2 ထဲက မင်းသမီးချောလေး အာနန်ယားပန်ဒေးပဲဖြစ်ပါတယ်... ဒီဇာတ်ကားမှာ ဗီဂျေးက စကားထစ်တယ် ဆင်းရဲတယ် အဖေဆုံးသွားလို့ အမေနဲ့အတူ လမ်းဘေးလက်ဖက်ရည်ဆိုင်လေးဖွင့်ပြီး အသက်မွေးဝမ်းကျောင်းပြုနေရတယ်.. သူတို့သားအမိရဲ့ရည်မှန်းချက်က ဆုံးသွားတဲ့သူ့ဖခင်ရဲ့ဆန္ဒအတိုင်း ဗီဂျေးကို MMA ဖိုက်တာ ချန်ပီယံတစ်ယောက်ဖြစ်စေချင်တယ်... အာနန်ယားကတော့ ချမ်းသာတဲ့မိသားစုကနေ ဆင်းသက်လာပြီး ဘဝမှာ လုပ်ချင်တာမှန်သမျှ စိတ်ကြိုက်လုပ်ခွင့်ရနေသူပေါ့... သူတို့နှစ်ယောက်ငြိသွားကြတဲ့အခါ ဇာတ်လမ်းက ဘယ်လိုဖြစ်လာမလဲ...။ MMA ဖိုက်တာတစ်ယောက်ဖြစ်ချင်တဲ့ သူ့ဆန္ဒတွေရော ပြည့်ဝလာပါ့မလား...။ ဒီဇာတ်ကားလေးက ဗီဂျေးရဲ့ Muscle အလန်းစားတွေနဲ့ ပျိုမေတွေကို ဖမ်းစားနိုင်တဲ့အပြင် အာနန်ယားရဲ့အလန်းစားဖက်ရှင်တွေကြောင့် ပုရိသတွေလည်း အကြိုက်တွေ့စေမှာ အမှန်ပဲဖြစ်ပါတယ်... လက်ဝှေ့ထိုးသတ်ချက်တွေကိုလည်း များများစားစားဖော်ပြပေးထားလို့ ချခန်း ဖိုက်ခန်းကြိုက်နှစ်သက်တဲ့သူတွေအဖို့ လက်မလွှတ်သင့်တဲ့ ဇာတ်ကားလေးပါလို့ ညွှန်းဆိုပေးလိုက်ပါတယ်နော်...။ File size…8.4GB / 3.98GB / 1.8GB Quality…4k HEVC WEB DL /1080p AVC AAC5.1CH / 720p  Format…mp4 Duration….2h 20m Subtitle….Myanmar Subtitle (Hard Sub) Encoder….YK Translated by Taylor

အန်နာဟာ အမေနဲ့အတူနေတဲ့ ဆယ်ကျော်သက်ကောင်မလေး တစ်ယောက်ဖြစ်တယ်။ သစ်ရွက်လှုပ်တိုင်းရင်ခုန်တတ်တဲ့အရွယ်မှာ အွန်လိုင်းကနေ အချစ်နဲ့ထိတွေ့မိတယ်။ အရူးအမူးပါပဲ။ သူ့မွေးနေ့မှာ အွန်လိုင်းပေါ်က ကောင်လေးဟာ မိုင်၉၀၀ဆိုတဲ့ အကွာအဝေးကို ဖြတ်ပြီး သူ့ဆီလာတွေ့တယ်။ အပေါ်ယံကြည့်ရင်တော့ ကြည်နူးစရာ ကောင်းတဲ့ဆယ်ကျော်သက်အချစ်ဇာတ်လမ်းလေးပါပေါ့။ ဒါပေမဲ့ ကောင်လေးဟာ သူ့ကိုတွေ့ချင်လို့လာတယ်ဆိုတာ အကြောင်း ပြချက်တစ်ခုသာသာပါပဲ။ အပြင်မှာ တွေ့ရတော့ ထိုလူဟာ အသက် လိမ်ထားမှန်းသိလိုက်ရတယ်။ တကယ်တမ်းက ၂၈နှစ်အရွယ်အမျိုး သားတစ်ဦးဖြစ်တယ်။ အဲဒီအမျိုးသားရဲ့အချစ်ဦးဟာ အန်နာ့အမေ ပါတဲ့။ ဇာတ်လမ်းတွေကရှုပ်ကုန်ရပြီပေါ့ . ကျန်တာကိုတော့ ဇာတ်ကား ထဲမှာပဲ ဆက်လက်ကြည့်ရှုကြပါကုန်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Ngwe Zin ဖြစ်ပါတယ်) File Size..........(1.62 GB) / (504 MB) Quality............WEB-RIP 1080p / 720p Duration.........1Hr 25Min Subtitle...........Myanmar Hardsub Format............MP4 Genre..............Drama, Thriller Translator......Ngwe Zin Encoder..........SWM

Looking Up (2022) ဒီလိုကားမျိုးကို ရီဗျူးရေးဖို့ အများကြီးစဉ်းစားရပါတယ်။ ဇာတ်လမ်းကကောင်းပြီး ရီဗျူးချာသွားမှာဆိုးလို့ပါ။ ရီဗျူးကို သည်းခံဖတ်ပြီး ဘယ်လိုနေနေ ဇာတ်ကားကိုတော့ဒေါင်းပြီးကြည့်လိုက်ကြပါ။ ပေးရတဲ့အချိန်နှစ်နာရီခွဲနဲ့တန်အောင် ကြည့်ရမှာပါ။ ဘာသာပြန်နေရင်းနဲ့တောင် ကြက်သီးမွှေးညင်းထရတဲ့အထိ ဒိုင်ယာလော့ခ်တွေက ထိမိသလို Deng Chao၊ Bai Yu၊ Li Jianyi တို့လိုဝါရင့်သရုပ်ဆောင်တွေမို့ အကယ်ဒမီရှော့ခ်ပါပဲဗျာ။ တရုတ်ပြည်ရဲ့အသက်အငယ်ဆုံး အာကာသယာဉ်မှူးဖြစ်တဲ့ မာဖေး အကြောင်းကို ပြန်လည်ရိုက်ကူးထားတာဖြစ်ပြီး တရုတ်ပြည်ရဲ့ ပြောင်းလဲဖို့ကြိုးစားနေတဲ့ ပညာရေးစနစ်အပြင် မိဘနဲ့သားသမီးကြားက သံယောဇဉ်နဲ့ယုံကြည်မှုကို အဓိကရိုက်ပြထားပါတယ်။ တုန်းဖေနယ်ရဲ့ ဂုဏ်ထူးဆောင်အင်ဂျင်နီယာတစ်ယောက်ဖြစ်တဲ့ မာဟောက်ဝန်က သူဒီဇိုင်းဆွဲထားတဲ့တံတားကြီး ပြိုကျပျက်ဆီးသွားလို့ ရှိသမျှအပြစ်တွေအကုန်လက်ခံလိုက်ပြီး ထောင်ကျခဲ့ပါတယ်။ သူအရမ်းချစ်တဲ့သားလေး မာဖေးကတော့ ဉာဏ်မမှီတဲ့သူဆိုပြီး လူတွေအားလုံးက လက်ညှိုးထိုးနေကြတဲ့ ထူးခြားတဲ့ကလေးတစ်ယောက်ပေါ့။ ခုနစ်နှစ်ကြာပြီး မာဖေးကျောင်းထုတ်ခံရတဲ့အချိန်ကျမှ သားအဖနှစ်ယောက်ပြန်တွေ့ကြပါတယ်။ အဲ့ဒီအချိန်ကစပြီး ဖခင်တစ်ယောက်က ကလေးတစ်ယောက်ကို စိတ်ဓါတ်သန်မာလာအောင်၊ ပြဿနာနဲ့ကြုံတွေ့ရင် ဖြေရှင်းတတ်အောင်၊ စဉ်းစားတတ်အောင် ဘယ်လိုမျိုးလေ့ကျင့်ပေးလဲဆိုတာကို ဒီကားလေးကြည့်ပြီး အတူတူလေ့လာလိုက်ကြရအောင်နော် ။ ။ အညွှန်း နဲ့ ဘာသာပြန်ကတော့ JoJoVa ပဲ ဖြစ်ပါတယ်။ Genre….. Drama Quality…. 1080p | 720p | 480p File size… 2.3GB | 1.1GB | 533MB Format… mp4 Duration….2h 27min Subtitle…. Myanmar Subtitle (Hardsub) Translator ….. JoJoVa Encoder ….. August

A Charlie Brown Valentine (2002) ========================= IMDb Rating – 7.1/10 “ကျွန်တော့်ကိုရှိလို့ရှိမှန်းတောင်မသိတဲ့ ကောင်မလေးအတွက် ချောကလက်ဝယ်ချင်လို့ပါ “….. Valentines’ Day ကပြီးသွားပြီ ဆိုပေမယ့် Crush ကို Confess မလုပ်လိုက်ရတဲ့လူတွေအတွက် Relatable အဖြစ်ဆုံး ကာတွန်းဇာတ်လမ်းတိုလေးကို CM ကနေ တင်ဆက်ပေးလိုက်ရပါတယ်။ Charlie Brown ဆိုတဲ့ ကောင်လေးကတော့ ရိုမန်တစ်ဆန်တာတွေ အပြောကောင်းတာတွေ ကိုယ့်ကိုယ်ကိုယုံကြည်မှုရှိတယ်ဆိုတာတွေရဲ့ ဆန့်ကျင်ဘက်တွေနဲ့ချည်းပဲ ပြည့်နှက်နေပြီး ရှက်တတ်လွန်းအားကြီးလို့ လူတောသိပ်မတိုးပါဘူး။ ဆံပင်နီနီနဲ့ကောင်မလေးတစ်ယောက်ကို ကြိတ်ကြိုက်နေပေမယ့် ဖွင့်ပြောရဲတဲ့သတ္တိမရှိတာကြောင့် အမြဲဝေ့လည် ကြောင်ပတ်နဲ့ပဲ အချိန်ကုန်နေခဲ့ပါတယ်။ Valentines’ Day ဆိုတဲ့ အကြောင်းပြချက်အကြီးကြီးကို အသုံးချပြီး တောင် ဒိတ်ဖို့မပြောရဲသေးတဲ့ Charlie တစ်ယောက် Crush ဘက်က ကိုယ့်ကိုအော်တိုပြန်ကြိုက်လာမလားပဲ စိတ်ကူးယဉ်ရင်း အချိန်တွေသာ ကုန်လာတာပေါ့။ နောက်ဆုံး….. လူကိုယ်တိုင်မပြောရဲတောင် ဖုန်းကနေ တစ်ဆင့်ပြောဖို့ သတ္တိတွေမတရားမွေးပြီး ဖုန်းဆက်လိုက်တဲ့အခါမှာတော့ သူစိုးရိမ်နေသလို တစ်ဖက်ကဖုန်းပြန်ချသွားမှာလား၊ ဖုန်းရော လာကိုင်ပါ့ မလား၊ ကျောင်းကလူတွေအများကြီးထဲကမှ Valentine ကပွဲကို ဘယ်သူ နဲ့သွားလိုက်ရမလဲ ဆိုတာကို ဆယ်ကျော်သက်လေးတွေကြားထဲက ရတာ မလို လိုတာမရတဲ့ Valentines’ Day အလွဲဟာသလေးတွေကို ပေါ့ပေါ့ပါး ပါးကြည့်ရှုရမှာပါ…..။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Hnin Wut Yi ဖြစ်ပါတယ်) File Size………. (344 MB) Quality…………WEB-RIP 1080p Duration………30Mins Subtitle………..Myanmar Hardsub Format…………MP4 Genre…………..Animation, Comedy, Family Translator…….Hnin Wut Yi Encoder……….SWM

The Notebook (2004) IMDb Rating (7.8 ) Romantic ရုပ်ရှင်ဆိုတာနဲ့ အရင်ဆုံးပြေးမြင်ကြမှာကတော့ The Notebook ဆိုတဲ့ဇာတ်ကားပါပဲ။ ဒီဇာတ်ကားက အမေရိကန် ရိုမန့်တစ် စာရေးဆရာကြီး Nicolas Sparks ရဲ့ ဝတ္ထုကို ရိုက်ကူးထားတာဖြစ်ပြီး မင်းသား Ryan Gosling နဲ့ မင်းသမီး Rachel McAdams တို့အဓိကပါဝင်သရုပ်ဆောင်ထားပါတယ်။ အချစ်ဆိုတာ တကယ်ရှိတယ်ပြဖို့လိုအပ်လာရင် ဒီရုပ်ရှင်ကို ထိုးပြလိုက်ယုံပါပဲ… “ငါတို့ချစ်ခြင်းက ငါတို့ ဖြစ်ချင်တာ အကုန်လုပ်ပေးနိုင်တယ်လို့ ငါထင်တယ်” ချစ်ခြင်းနဲ့ဖန်ဆင်းထားတဲ့ကမ္ဘာကြီးဟာ ဘယ်လောက်ထိလှပလဲဆိုတာ ခံစားကြည့်ကြပါဦး။

ကော်ဖီထဲမှာ နွားနို့ထည့်ပြီးတော့ မလိုင်အပြည့်နဲ့သောက်ရတာကို အကုန်လုံးကြိုက်နှစ်သက်ကြမှာပါ။ ဒါပေမဲ့ နွားနို့ပါတဲ့ ကော်ဖီတစ်ခွက် သောက်လိုက်တိုင်းမှာ ကမ္ဘာကြီးအတွက် ဘေးအန္တရာယ်တွေအများကြီး ဖြစ်စေတယ်ဆိုတာ သိပါသလား။ ကော်ဖီအထဲမှာ ထည့်တဲ့ နွားနို့တစ်ဂါလံရဖို့ ရေဂါလံပေါင်းများစွာကို အသုံးပြုရပါတယ်တဲ့။ နွားနို့ရဖို့ နွားမတွေဆီက ညှစ်တဲ့အခါမှာလည်း နွားမတွေကို ဘေးအန္တရာယ်တွေဖြစ်စေတာ၊ နို့ထွက်အောင်လို့ အတင်းသားဖောက်ခိုင်းတာ ဒါတွေဟာ ဘဘာဝရဲ့သယံဇာတဖြစ်မှုကို ဖျက်ဆီးနေတာပါပဲ။ ဒီဇာတ်ကားအထဲမှာ ဂျိုးဆိုတဲ့သူဟာ ကော်ဖီဆိုင်ဖွင့်ထားပြီး ကမ္ဘာကြီးအတွက် တိုက်ခိုက်နေတဲ့သူပါ။ “ကော်ဖီတစ်ခွက်ရောင်းရတိုင်း ကမ္ဘာကြီးကိုကယ်တင်မယ်” ဆိုတာ သူမရဲ့ဆောင်ပုဒ်ပါပဲ။ အဲဒီတော့ သူဟာ နွားနို့အစား အသီးအနှံတွေကို အခြေခံပြီးထုတ်လုပ်တဲ့ ပဲနို့၊ ဂျုံနို့၊ almond နို့တွေပဲ သူ့ရဲ့ကော်ဖီထဲမှာထည့်သွင်းအသုံးပြုပါတယ်။ သိတဲ့အတိုင်းပဲ မလိုင်အပြည့်နဲ့ နွားနို့လောက်တော့ အရသာမကောင်းတဲ့အတွက် ဆိုင်ကအရှုံးပေါ်လုနီးနီးဖြစ်နေတာပါ။ Britain မှာ တစ်နှစ်တစ်ကြိမ် အကောင်းဆုံးကော်ဖီဖျော်ဆရာကို ရွေးချယ်တဲ့ ပြိုင်ပွဲကျင်းပပါတယ်။ ဂျိုးက မနှစ်ကဝင်ပြိုင်ခဲ့ပေမဲ့ နွားနို့ကိုအသုံးမပြုဘူးလို့ ငြင်းဆန်တဲ့အတွက် အရည်အချင်းမပြည့်မှီဘူးလို့ သတ်မှတ်ခံခဲ့ရပါတယ်။ ဒီနှစ်မှာတော့ သူ့စီးပွားရေးအခြေအနေက ဆိုးရွားလာတဲ့အတွက် ပြိုင်ပွဲဝင်ပြိုင်ပြီး ဆုငွေရမှဖြစ်မှာပါ။ ကဲ ဂျိုးတစ်ယောက် သူ့ရဲ့အသင်းသားတွေနဲ့အတူတူ ပြိုင်ပွဲမှာ ဘယ်လိုအနိုင် ရအောင်လုပ်မလဲ၊ ကမ္ဘာကြီးကိုရော ကယ်တင်ဖို့ လုပ်ဆောင်နိုင်ပါ့မလားဆိုတာကို ဇာတ်ကားထဲမှာ ကြည့်ရှုကြရမှာပါ။ ဇာတ်ကားကြည့်ပြီးရင် နွားနို့ကိုမရှောင်ဖြစ်ရင်တောင် တစ်နေ့မှာ ကော်ဖီတစ်ခွက် လောက်တော့ လျော့သောက်အောင် လုပ်ပေးနိုင်‌တဲ့ ဇာတ်ကားကောင်းလေးပဲဖြစ်ပါတယ်။ File size…2.46 GB / 1.13 GB Quality… AMZN.WEB-DL 1080p 5.1 CH / 720p Format…mp4 Duration….1h 44m Genre ….. Comedy Subtitle….Myanmar Subtitle (Hard Sub) Encoder….Min Wai Translated by Yee Wai

Ligaw na bulaklak (2023) ကယ်ဗင်ပတ်စ်ကွယ်ဟာ တက်သစ်စမင်းသားတစ်ယောက်ဖြစ်ပြီး လတ်တလော ကားရိုက်များနေတာကြောင့် အနားယူချင်နေတယ်လို့ သူ့ဘေးနားက လူတချို့ကို ပြောထားခဲ့မိပါတယ်။တစ်နေ့မှာ ရိုက်ကွင်းအပြီး ပါတီတစ်ခုကအပြန်လမ်းမှာ မတော်တဆမှုကြုံပြီး သတိလစ်မေ့မျောသွားခဲ့ပါတယ်။ သူနိုးထလာချိန်မှာတော့ သူဟာ တဲတစ်လုံးကိုရောက်နေပါတယ်။ ခြေထောက်မှာလည်း ဒဏ်ရာရထားတဲ့ သူ့ကို မိန်းမလှလေးတစ်ယောက်က ပြုစုပေးနေတာကိုတွေ့လိုက်ပါတယ်။ အဲဒီမိန်းကလေးဟာ သူ့ကို အားရှိတယ် အနာကျက်သက်သာတယ်ဆိုပြီး ဘာမှန်းမသိတဲ့ ပရဆေးတွေ အတင်းတိုက်ကျွေးလေ့ရှိတယ်။ သူတို့နေတဲ့နေရာဟာ ဝေးလံခေါင်ဖျားလွန်းပြီး လူရယ်လို့ ဒီမိန်းကလေးအပြင် စကားလုံးဝမပြောတဲ့ ဒွန်ဆိုတဲ့လူကြီးတစ်ယောက်သာရှိပါတယ်။ ကယ်ဗင် တစ်စထက်တစ်စ ရိပ်စားမိလာတာက ဒီနှစ်ယောက်ဟာ သူ့ကိုကယ်တင်ထားတယ်ဆိုတာထက် အကျဉ်းချထားသလိုသဘောထားပြီး ဒီနေရာကပြန်လွတ်ဖို့ လမ်းစမမြင်ဘူးဆိုတာပါပဲ။ ဖုန်းလိုင်းမမိ အကူအညီတောင်းစရာ တစ်ခြားလူရယ်လို့မရှိတဲ့ ဒီနေရာကနေ သူဘယ်လိုအလွတ်ရုန်းမလဲ… Chloe Jenna, Sheila Snow နဲ့ Sheree တို့လို အမိုက်စားမင်းသမီးသုံးယောက်အပြိုင်ကြဲထားတဲ့ကားပါ။ (ဒီဇာတ်ကားနဲ့အညွှန်းကို Alias မှ ပြန်ဆို ရေးသားထားပါတယ်) Size – 1.75GB, 750MB Quality – 1080p, 720p Format – mp4 Duration – 1H 31Min Genre – Drama Subtitle – Myanmar Subtitle (Hardsub) Translated by Alias Encoded by RGB

အခုကတော့ ၂၀၂၃ ထွက် Horror ဇာတ်ကားလေးမ်တ်ဆက်ပေးပါ့မယ်၊ ဇာတ်လမ်းက နာမည်ကြည့်ရုံနဲ့ မှန်းကြည့်လို့ရမယ့် ဇာတ်အိမ်မျိုးလေးပါ၊ ကိုယ် မရောက်ဖူးတဲ့ နယ်ဘက်နေတာကို အိမ်ခြံမြေစီမံကိန်းရဲ့လက်ထောက်မန်နေဂျာမလေး ဂက်ဘီက မြေကွက်အသစ်တွေလာကြည့်ဖို့ရောက်လာပါတယ်၊ မြို့က အစတည်းက လူသူနည်းပါး ခြောက်ကပ်ပြီး သရဲလ်ုလို ဝိဉာဉ်လိုလို ပုံပြင်တွေရဲ့ကောလဟာလတွေနဲ့နာမည်ကြီးတဲ့မြို့ပါ၊ ဂက်ဘီလည်းကိုယ်တည်းမယ့်အိမ်က အွန်လိုင်းပေါ်နေ ငှါးနေလိုက်ပေမဲ့ အိမ်ကြီးမှာ စနေတည်းက ထူးဆန်းမှုတွေဆက်တိုက်ကြုံလာချိန်မှာတော့…. .. File size…(1.5 GB)/(885 MB) Quality….Webrip 1080p / 720p Format…mp4 Duration….01:40:00 Genre… Horror, Thriller Subtitle….Myanmar Subtitle (Hardsub) Encoder….Mr. Anderson Translated by Mia

ဒီတစ်ခါမှာတော့ စကူဘီအပြင်တခြား နာမည်ကြီး ကာတွန်းခွေးကလေး Courage the Cowardly Dog နဲ့ Collab ထားတဲ့ ကားလေးပါ စကူဘီတို့ အုပ်စုဟာ ကန်းဆက် ပြည်နယ်မှာ ရှိတဲ့ နိုးဝဲဆိုတဲ့ မြို့လေးကို ရောက်လာကြပါတယ် ဒီမြို့ကတော့ တခြားမြို့ မဟုတ်ပါဘူး Courage (သတ္တိ) ဆိုတဲ့ ငကြောက်ခွေးလေး ရှိတဲ့ မြို့ပဲ ဖြစ်ပါတယ် အဲဒီမှာ Courage တို့ နဲ့ တွေ့ဆုံပြီးနောက်ပိုင်း ဒီမြို့လေးမှာ နတ်ဆိုးတွေ ခြောက်လှန့်နေတယ်ဆိုတာကို သိရပြီး ဒီခြောက်လှန့်မှုတွေကို ဖော်ထုတ်ဖို့ ဖြစ်လာပါတော့တယ် နဂိုတည်းက ကြောက်တတ်တဲ့ စကူဘီတစ်ယောက် သူနဲ့ အတူကြောက်ဖို့အတွက် နောက်ထက်ငကြောက်ခွေးလေးတစ်ကောင်နဲ့ အတူတူ ဘယ်လို အလွဲတွေ လုပ်ဦးမလဲဆိုတာကို ကြည့်ရှု ခံစားလိုက်ပါဦး ခင်ဗျာ File size… 1.5 GB / 744 MB Quality… BluRay 1080p / 720p Format… mp4 Duration…. 1h 18m Genre ….. Adventure / Animation / Comedy Subtitle…. Myanmar Subtitle (Hard Sub) Encoder…. Thit San Khant Translated… by Jia

The Rhythm (2024) ဇာတ်လမ်းအကြောင်းအ‌ရာကတော့ လူဖြူအများစုကစားကြတဲ့ ဟော်ကီအားကစားမှာ လူမည်းကောင်လေးတစ်ယောက်က ဟော်ကီကစားတာကို တအားဝါသနာပါ ပါတယ် ။ အဲ့လိုဝါသနာပါတာကလဲ သူ့အဖေ သူ့အဘိုးကအစတကယ်တော်ကြတဲ့ ဟော်ကီကစားသ‌မားတွေဖြစ်ကြလို့ပါပဲ။ ငယ်ငယ်က တစ်နေ့မှာ သူ့အဖေ နဲ့ ဟော်ကီလေ့ကျင့်ပြီး ပြန်အလာမှာသူ့မျက်စိရှေ့တင် သူ့အ‌ဖေဟာ အthetခံလိုက်ရပါတယ်။ အဲ့တာနဲ့ ဟော်ကီကို ဆက်မဆော့ဖြစ်တော့ပါဘူး..နောက်တော့ နည်းပြတစ်ယောက်ဟာ သူ့‌ဆီကိုလာပြီး သူတို့အသင်းမှာ‌ ဝင်ကစားပေးဖို့ပြောပါတယ်။ ဝင်ကစားရာကနေ လူဖြူတွေ လူချတာကိုခံလိုက်ရပြီး ဒေါသထွက်ကာ ထိုးလိုက်မိ လူသတ်ရန်ကြံစည်မှုနဲ့ထောင် ၇ ခုနှစ်ကျသွားပါတယ်။ ထောင်ကျသွားရာကနေ အကျိုးပြုလုပ်ငန်းတွေ လုပ်ကိုင်ဖို့စောင့်ကြည့်ကာလအနေနဲ့ ဘတ်ဇယ် လူထုအကျိူးပြုစင်တာကို ကလေးတွေကို ဟော်ကီသင်ပေးဖို့ဟော်ကီနည်းပြ လုပ်အားပေး ‌အနေနဲ့ရောက်လာပါတယ်။ အဲ့ကနေပြီးတော့ ဘယ်လိုမျိုး ပရိုဟော်ကီကစားသမားဖြစ်အောင်ကြိုးစားသွားမလဲ? နည်းပြအနေနဲ့ကောဘယ်လိုအောင်မြင်အောင်ကြိုးစားသွားမလဲဆိုတာကိုဘဝသင်ခန်းစာတွေနဲ့ မိုတီပေးတဲ့ဟော်ကီဇာတ်လမ်းလေးတစ်ပုဒ်ဖြစ်ပါတယ်။ (အညွှန်းနဲ့ဘာသာပြန်ကတော့ Aung Khant Min Myat ဖြစ်ပါတယ်။) File size… (1.5 GB) / (730 MB) Quality…. WEB-Rip 1080p HEVC / 720p Format…. mkv/mp4 Genre…. Drama Duration…. 01:39:01 Subtitle…. Myanmar Subtitle (Hardsub) Encoder…. Benjamin Translated by Aung Khant Min Myat

တစ်နှစ်တစ်ကြိမ်ကျင်းပတဲ့လူငယ်လက်ဝှေ့ဘုရင်ချန်ပီယံပြိုင်ပွဲကြီးမှာ ပါဝင်ယှဉ်ပြိုင်နိုင်ဖို့ဟာ လူငယ်လေးတွေရဲ့အိပ်မက်ဖြစ်ပါတယ်။ လူငယ်လေးတစ်ယောက်ဟာ လူငယ်လက်ဝှေ့ချန်ပီယံပြိုင်ပွဲမှာ ဝင်ပါချင်ပေမယ့် ငွေကြေးချို့တဲ့တာကြောင့် လက်ဝှေ့ရုံတွေက လက်မခံတဲ့အတွက် လေ့ကျင့်ပေးမယ့်နည်းပြမရှိဖြစ်နေပါတယ်။ အဲဒီအချိန်မှာဘဝကိုဖြစ်သလိုနေနေတဲ့လက်ဝှေ့နည်းပြဆရာတစ်ယောက်ဟာ ငွေလိုနေတာကြောင့် လူငယ်လေးရဲ့မဖြစ်စလောက်ပိုက်ဆံလေးကို လက်ခံပြီးတော့ လူငယ်လေးကိုလေ့ကျင့်ပေးဖို့ဆုံးဖြတ်လိုက်ပါတယ်။ လူငယ်လေးကတော့ကျေးဇူးတွေတင်နေပေမယ့် တကယ်ကတော့ နည်းပြဆရာကတကယ်စိတ်ရင်းနဲ့သင်ပေးချင်တာမဟုတ်ပဲ ပြီးစလွယ်သင်ပေးတဲ့အခါ လူငယ်လေးဟာ ဒေါသထွက်စိတ်ဓာတ်ကျရပါတယ်။ တစ်နေ့မှာတော့ နည်းပြဆရာက လူငယ်လေးရဲ့အဖေကရောဂါအပြင်းအထန်ဖြစ်နေပြီးတော့ လူငယ်လေးကလက်ဝှေ့ဘုရင်ပြိုင်ပွဲကိုဝင်ပြိုင်ချင်တာ သူ့အဖေရဲ့ဆန္ဒကိုဖြည့်ဆည်းပေးဖို့ဆိုတာသိလိုက်ရတဲ့အခါ လူငယ်လေးကိုအဆုံးထိကူညီဖို့ဆုံးဖြတ်လိုက်ပါတယ်။ နာမကျန်းဖြစ်နေတဲ့ အဖေ့ရဲ့ဆန္ဒအတွက်ကြိုးစားနေတဲ့ လက်ဝှေ့ချန်ပီယံဖြစ်ချင်တဲ့လူငယ်လေးနဲ့ အတိတ်ကနောင်တရစရာတွေကို ပြန်ဖြေဆယ်ချင်တဲ့နည်းပညာဆရာတို့ရဲ့ အခက်အခဲတွေကျော်ဖြတ်ပြီး အဆုံးထိကြိုးစားသွားတဲ့ဇာတ်လမ်းလေးပဲဖြစ်ပါတယ်။

Get Real (1998) IMDb Rating (7.5) / Rotten Tomatoes (79%) IMDb Rating 7.5/10 အထိ ရရှိထားတဲ့အပြင် EIFF အီဒင်ဘာ့နိုင်ငံတကာရုပ်ရှင်ပွဲတော်ကြီးမှာ လူကြိုက်အများဆုံးဆုကို ဆွတ်ခူးရရှိထားတဲ့ အနောက်တိုင်း BL ကားတစ်ကားပဲ ဖြစ်ပါတယ်။ LGBT တွေကြားမှာ တကယ့်ကို လူကြိုက်များခဲ့ပြီး ကိုယ့်ဖြစ်တည်မှုကို လူကြားထဲမှာ ထုတ်မပြရဲတာကြောင့် လူတွေကြားမှာ ဟန်ဆောင်နေခဲ့ရတဲ့ ဂေးတစ်ယောက်ရဲ့ စိန်ခေါ်မှုတွေ၊ အခက်အခဲတွေ၊ ခံစားချက်တွေကို ပေါ်လွင်အောင် ရိုက်ကူးထားပါတယ်။ ဆယ်ကျော်သက်အရွယ် စတီဗင်ဆိုတဲ့ ကောင်လေးက သူ့ကိုယ်သူ ဂေးတစ်ယောက်ဖြစ်နေမှန်း သိနေပေမဲ့လဲ တခြားသူတွေ သူ့ကို အထင်မြင်သေးသွားမှာစိုးလို့ သူ့ဖြစ်တည်မှုကို ဖုန်းကွယ်ရင်း နေထိုင်နေခဲ့ရသူတစ်ယောက် ဖြစ်ပါတယ်။ သူ့ရဲ့ လျှို့ဝှက်ချက်တွေအားလုံးကို သိတဲ့ တစ်ဦးတည်းသောသူက အိမ်နီးချင်းမလေး လင်ဒါပေါ့.. ဒီလိုနဲ့ ကျောင်းရဲ့ အားကစားထူးချွန်တဲ့စတား ဂျွန်ကို ချစ်မိသွားခဲ့တဲ့စတီဗင်တစ်ယောက် ဂျွန်ကပါ သူ့လိုခံစားချက်ရှိနေတာကို သိလိုက်ရတဲ့အခါ သူတို့နှစ်ဦးဟာ ချစ်သူတွေ ဖြစ်သွားခဲ့ကြတယ်။ ပျိုတိုင်းကြိုက်တဲ့နှင်းဆီခိုင် ဂျွန်တစ်ယောက် သူ့ကိုယ်သူဂေးဖြစ်နေတာကို လူတွေသိသွားမှာစိုးတဲ့စိတ်ကြောင့် စတီဗင်နဲ့ သူ့ရဲ့ ချစ်ဇာတ်လမ်းလေးကို လျှို့ဝှက်ထားခဲ့ကြတယ်။ ဂေးဆိုတာနဲ့ အထင်အမြင်သေးတတ်ကြတဲ့ ပတ်ဝန်းကျင်၊ လူမှုအသိုင်းအဝိုင်းတွေကြားမှာ သူတို့ရဲ့ ဖြစ်တည်မှုကို ရဲရဲဝံ့ဝံ့မထုတ်ဖော်ဝံ့တဲ့ ချစ်သူနှစ်ဦးကြား ဘယ်လိုပြဿနာတွေဖြစ်လာမလဲ? ဒီဖြစ်တည်မှုကို အချိန်ဘယ်လောက်ကြာကြာအထိ ဖုန်းကွယ်ထားနိုင်မှာလဲ? အခက်အခဲတွေနဲ့ သူတို့နှစ်ဦးရဲ့ အချစ်ဇာတ်လမ်းလေးကရော ဖြောင့်ဖြူးပါ့မလား? စိတ်ဝင်စားစရာအကြောင်းအရာတွေအပြင် ကြည်နူးစရာအချစ်၊ အလွမ်း၊ နာကျင်မှု စတဲ့ ရသမျိုးစုံကို ခံစားကြည့်ရှုရမှာ ဖြစ်လို့ LGBT ဇာတ်လမ်းလေးတွေကို ကြိုက်နှစ်သက်ကြသူများအတွက် မဖြစ်မနေကြည့်ရှုသင့်ပါတယ်။ (အညွှန်းနဲ့ဘာသာပြန်ကတော့ Su Mon ဖြစ်ပါတယ်။) File size… (2.3 GB) / (850 MB) Quality…. Blu-Ray 1080p HEVC / 720p Format…. mkv/mp4 Genre…. Comedy, Drama, Romance Duration…. 01:51:33 Subtitle…. Myanmar Subtitle (Hardsub) Encoder…. Benjamin Translated by Su Mon

Floating Weeds (1959) IMDb Rating (7.9) / Rotten Tomatoes (96%) ဒါရိုက်တာတိုင်းမှာ သေချာတဲ့ဟန်တစ်ခု ရှိဖို့တော့ မလွယ်ပေမဲ့ ဖလင်မိတ်ကာတိုင်းမှာတော့ ဟန်တစ်ခုက သိသိသာသာကို ရှိတယ်။ အိုဇုတို့ ခေတ်နဲ့ မရှေးမနှောင်းထဲတော့ ဟန်တစ်ခုလည်းရှိသလို ဂျပန်ရုပ်ရှင်ဆန်တယ်ဆိုတဲ့ ခံစားချက်ပါ တွဲပေးနိုင်တာ အိုဇုပဲ ရှိတယ်လို့ ကျွန်တော်တော့ မြင်တယ်။ ကူရိုဆာဝါကျ အိုဇုလောက် ဂျပန်ဟန် သိပ်အားမကောင်းလှဘူး။ ဒါက ဆန်းတော့လည်း မဆန်းလှပါဘူး။ အိုဇုရုပ်ရှင်တွေဟာ ဂျပန်လူနေမှု ဂျပန်ဘဝမှာပဲ အခြေခံပြီး ဂျပန်ရိုးရာယဉ်ကျေးမှုနဲ့ ဂျပန်အတွေးအခေါ်အပြည့်နဲ့ ရုပ်ရှင်တွေကိုပဲကိုး။ ကင်မရာအယူအဆကအစ တတမိဗျူးနဲ့ရိုက်တဲ့ အထိ သူ့ယဉ်ကျေးမှုကို သူ့ရုပ်ရှင်ထဲ သွတ်သွင်းနိုင်စွမ်းက အားကောင်းခဲ့တယ်။ တင်ဆက်ပုံပိုင်းမှာလည်း အိုဇုက ထူးတာတစ်ခုတော့ရှိတယ်။ တစ်ခါတလေကျ သူက ဇာတ်ရဲ့အရေးအပါဆုံးလို့ ထင်ရတဲ့ ဇာတ်ဝင်ခန်းတစ်ခုကို မပြတော့ဘူး။ အဲဒီနောက်မှာပဲ အရှေ့က မပြထားတဲ့အခန်းကို စကားနည်းနည်းနဲ့ သရုပ်ပြန်ဖော်တတ်တယ်။ အိုဇုလွှမ်းမိုးမှုအားကောင်းခဲ့တဲ့ Koreedaရဲ့ Still Walkingတို့ ဘာတို့မှာလည်း ဒီဟန်ကို သုံးထားခဲ့ပါသေးတယ်။ ဒီဟန်ကို ကျွန်တော်က စစက ဟဲမင်းဝေးရဲ့ စာရေးဟန်လိုမျိုး ထင်ခဲ့ပေမဲ့ ဒီနောက်မှသိလိုက်ရတာက တကယ်တမ်း ဒါကိုကလည်း ဂျပန်ယဉ်ကျေးမှုထဲ ရှိနေတဲ့အရာပါပဲ။ ဂျပန်လိုဆို (မ)လို့ခေါ်တယ်။ ဗမာဆိုလို ကွက်လပ်ပေါ့။ ဗလာတစ်နေရာပေါ့။ ဒေါက်တာသန်းထွန်း ဘာသာပြန်ထားတဲ့ ဂျပန်မှုတစ်ရာထဲ မနဲ့ပတ်သက်ပြီး ဒီလိုရေးထားတယ်။ မ (MA) – နေရာကွက်လပ် , စပ်ကြား , ခေတ္တရပ်ဆိုင်းခြင်း ဂျပန်တွေဟာ မိတ်ဆွေတွေနဲ့ ဆူဆူညံညံ စကားပြောရင်း တွေ့ဆုံသလို ဆိတ်ဆိတ်ငြိမ်ငြိမ်ထိုင်ရင်းလည်း တွေ့ဆုံလေ့ရှိတယ်။ စကားမပြောဘဲနဲ့ ငုတ်တုတ်ထိုင်နေရင် ပိုပြီးပြည့်စုံအောင် တစ်ယောက်နဲ့တစ်ယောက် ဆက်သွယ်လို့ရတယ်လို့လည်း ယုံကြည်တယ်။ ဒီလိုတွေ့ဆုံပြီး စကားမပြောဘဲ နေတဲ့သဘောကတော့ ဘေးလူကြားမှာ စိုးရတဲ့ လျှို့ဝှက်ကိစ္စကို အစပျိုးပြီး ကျန်တာ ဆက်စဉ်းစားပေတော့ဆိုတဲ့ သဘော။ ဒေါသထွက်ခြင်း၊ ဝမ်းနည်းခြင်းဆိုတဲ့ သိပ်စိတ်လှုပ်ရှားစရာကိစ္စကို ဆက်ပြောရင် ပေါက်ကွဲသွားမှာစိုးလို့ဆိုတဲ့ သဘောတွေ ပါတယ်။ ဂျပန်လူမှုဆက်ဆံရေး ဒဿနိကမှာ ဒီလိုပြုမူပုံမျိုးကို “လှိုင်းမထစေနဲ့”လို့ တင်စားပြီး ပြောလေ့ရှိပါတယ်။ ဘာမှဝန်မခံဘဲ အဖြေကို သူ့ဘက်ကိုယ့်ဘက်မျှပြီး စဉ်းစားယူပါတော့လို့ ဆိုရာလည်းရောက်တယ်။ အပြတ်ငြင်းရတယ်ဆိုတာ သိပ်မဟန်ဘူး။ ရုပ်မပျက်ဘူး။ ကျွန်တော် တစ်ခါက ကြုံဖူးတာက အတိအကျ ရှင်းရှင်းငြင်းမိပြီးမှ တစ်ဖက်က ဆိုလိုတာကို သဘောမပေါက်ဘဲ ခါးခါးသီးသီး ငြင်းမိတာပဲ အဖတ်တင်ပြီး ခိုးလုခိုးလု ဖြစ်ကျန်ရစ်တယ်။ တိုကျိုမှာ ကျွန်တော် စာသင်တုန်းက နှစ်နှစ်ကြာတော့ ကျွန်တော် အလုပ်ထွက်ချင်တယ်။ ဘယ်လိုပြောလို့မှ သဘောမပေါက်တဲ့အပြင် လခဆက်ပေးနေတာနဲ့ လေးနှစ်ဖြစ်သွားတယ်။ ဘာမှမပြောဘဲ အတန်းလည်းမယူ, စာလည်း မစစ်ပေးတော့မှ တက္ကသိုလ်အာဏာပိုင်တွေက ထွက်စာ ပို့ပါတယ်။ အဲဒါက အထက်က ပြောပြီးတာတွေအတွက် ဥဒါဟရုဏ်ပါပဲ။ သူတို့ဘာသာစကားကို လေ့လာလေ, သူတို့နဲ့ အတူနေတာကြာလေ, သူတို့ဓလေ့ကို ကြုံတွေ့ပါများလေ , သူတို့စကားလည်လည်ပတ်ပတ် တတ်ရုံနဲ့ မပြီးဘူးဆိုတာ သိလာလေပါပဲ။ သူတို့ဓလေ့မှာ တုံဏှိဘာဝေနေဖို့ စည်းချက်ညှိတတ်ရမှာပါကလားလို့ သိလာတယ်။ ဒီစည်းချက်ကို သိဖို့ ကိုယ်လိုသလို အသုံးချတတ်ဖို့ဟာ မဆိုတဲ့ တုံဏှိဘာဝေမှာ အလိုလားအပ်ဆုံး အခြင်းအရာဖြစ်ပါတယ်။။ ဒေါန်ကေနန်နီ အိုဇု ဒီဟန်ကို ယူရာမှာတော့ ပြလိုက်ရင် ပေါ့သွားမှာစိုးလို့ဆိုတဲ့ သဘောလည်းပါမယ်လို့ ကျွန်တော်ထင်တယ်။ ဒါပေမဲ့ အဲဒီသဘောဆိုရင်တောင် အပေါ်က မရဲ့ လက္ခဏာတွေ အကျုံးဝင်နေသေးတာပါပဲ။ ဆိုတော့ အိုဇုရဲ့ ရုပ်ရှင်တွေမှာ ဟန်, ကင်မရာအယူအဆ, ဇာတ်အိမ်, ဇာတ်အဖြည့်ပစ္စည်း, သရုပ်ဆောင်တွေကအစ ဂျပန်ဆန်နေတယ်လို့ပြောရမယ်။ ဒီဓာတ်ကို ကားတိုင်းမှာရနေဖို့က ကြီးကျယ်ခမ်းနားလှတဲ့ ဆက်တင်ကြီးတွေနဲ့ ရိုက်ပြနိုင်ဖို့ထက် ခက်လိမ့်မယ်။ ကျွန်တော့်အမြင်အရပေါ့။ အနုပညာဟာ ယဉ်ကျေးမှုကနေတစ်ဆင့်ပဲ နိုင်ငံတစ်ခုရဲ့ သီခြားဟန်ကို ပေါ်လွင်လာစေနိုင်တယ်။ လာခဲ့တဲ့လမ်းကို မမေ့ခြင်းပေါ့။ အိုဇုဟာ သူ့မြစ်ဖျားကို သူ သိပ်တွယ်တာတဲ့ ဖလင်မိတ်ကာတစ်ယောက်လို့ ပြောလို့ရတယ်။ ဒါကြောင့်လည်း သူ့ရုပ်ရှင်ဟူသမျှဟာ ရိုးရှင်းစွာနဲ့ အားကောင်းနေတာပါပဲ။ အိုဇုဟာ စစ်ကြိုခေတ်က ရိုက်ထားတဲ့ အသံတိတ်အဖြူအမဲကားတွေကို စစ်ပြီးခေတ်မှာ အသံတွေ အရောင်တွေနဲ့ ပြန်ရိုက်တာတွေ ပမာဏတစ်ခုအထိ လုပ်ခဲ့ပါတယ်။ Floating Weeds ( 1959 )ကလည်း အဲဒီလိုပြန်ရိုက်ခဲ့တဲ့ထဲက တစ်ကားပါပဲ။ ဒီဇာတ်လမ်းကိုပဲ နည်းနည်းကွဲလွဲပြီး ၁၉၃၄မှာ Story of Floating Weedsဆိုပြီး ရိုက်ခဲ့ဖူးတယ်။ ဒီမှာ တစ်ခုရှိတာက စုဗူးနဲ့ကလေး အခန်းကြည့်ချင်ရင်တော့ မူရင်း အသံတိတ်ကားကို ကြည့်ရမှာပါ။ ဒီကားကိုကြည့်ပြီး ၁၉၃၄ကားကို ကြည့်ရင်တော့ ဇာတ်လမ်းနားမလည်မှာ ပူစရာမလိုပါဘူး။ Youtubeနဲ့ တောရန့်ဆိုက်တွေမှာ အလွယ်တွေ့နိုင်ပါတယ်။ ဒီဇာတ်ကားရဲ့နာမည်ကိုက ရေယူရာမျောနေရတဲ့ပေါင်းမြက်ပင်တွေဆိုတဲ့ သဘောပါပဲ။ တင်ချင်လည်း တင်မယ်ပေါ့။ ဆိုတော့ နာမည်ကို ဘာသာပြန်ဖို့လိုလာရင်တော့ ဒီတိုင်းပြန်ဖို့ကလည်း မချောနေတော့ သူ့သဘောကလည်း ” ကမ်းကွေ့မှခွေ၊ ကမ်းပြေတော့စင်း” “လှိုင်းတက်ရာ ဗေဒါတက် ၊ လှိုင်းသက်ရာဆင်း” “ဘယ်ကမ်းခြေ ဘယ်ရေဆိပ်မှာမှ၊ နေအိပ်လိုပဲ” ” ဒီချောင်း‌ရေ ဗေဒါလမ်း၊ မယ့်လမ်းပါတဲ့” စသဖြင့် ဗေဒါလမ်းရဲ့ Conceptတွေနဲ့လည်း တော်တော်တူနေတော့ ဗေဒါလမ်းလို့ ချရင်ချလို့ရတယ်။ ဇာတ်ကြောင်းကတော့ ဒီဗေဒါတွေလိုဖြစ်နေတဲ့ ဇာတ်သမားတွေရဲ့ ဘဝဇာတ်ကြောင်း ဘဝဇာတ်နာပေါ့။ ပြောရရင် အဲဒီဇာတ်ကြောင်းကိုကလည်း ယဉ်ကျေးမှုပဲဆိုတော့ အိုဇုက သူ့ဖရိန်ထဲ အပြည့်အဝင်တယ်။ ဇာတ်သမားဆိုတာ နယ်လှည့်က, ပွဲသာရာရွေ့ ဗေဒါတွေလိုမျောရင်း , အခါမကောင်းလို့ ဇာတ်ခေါင်းကွဲရင် ဗေဒါတွေ ကမ်းဆိပ်မှနေအိပ်သလို အိပ်ရတဲ့လူတွေပေါ့။ ကျားမ အလီလီနဲ့ နယ်လှည့်နေတဲ့နောက် ဘယ်အဖွဲ့အစည်းမှာမဆို အကောင်းရော အဆိုးရောရှိနေမှာဖြစ်တဲ့နောက် မကောင်းတဲ့လူတွေလည်း ရှိကြတော့ ဒါကိုပဲ မြင်ပြီး ဇာတ်သမား ဇာတ်သမဆိုတာ မကောင်းဘူးလို့ ရှက်စရာလို့ သတ်မှတ်ကြတဲ့ စံနှုန်းတွေရဲ့ ဒဏ်ကိုပါ ခံနေရတဲ့လူတွေလို့ပြောလို့ရတယ်။ ဒါက ဒီဘက်မှာလည်း တင့်တယ်ရဲ့ ချစ်မိသည့်ဝန်တို့, မောင်ဝဏ္ဏရဲ့ ခြေဖဝါးတော်နုနုတို့ ဘုန်းနိုင်ရဲ့ မိုးညအိပ်မက်မြူတို့, နောက် တွတ်ပီစာအုပ်တွေမှာပါ ပုံဖော်တတ်ကြပါတယ်။ အာရှနိုင်ငံတွေရဲ့ တစ်ချို့ ယဉ်ကျေးမှုတွေက သိပ်မကွာလှဘူးဆိုတော့ အခြေအနေတွေက တစ်ပုံစံတည်းနီးပါးလို့တောင် ပြောလို့ရတယ်။ ပြတဲ့ ဇာတ်တွေတော့ ကွာတာပေါ့။ ဂျပန်တွေရဲ့ ပြဇာတ်တွေက ၄၇ရိုနင်ဇာတ် ဝါ ချူရှင်ဂူရပြဇာတ်လို ဇာတ်တွေလို အမြင့်တွေဆို စံတစ်မျိုး တခြားဆို စံတစ်မျိုး Nohတို့ Kabukiတို့ Bunrakuတို့ ခွဲထားတာတွေရှိတယ်။ ဒီထဲတော့ ခါဘုခိပဲ ပြသွားတယ်။ ဇာတ်ကတာတောင် သိပ်မပြပါဘူး။ ဇာတ်သမားတွေရဲ့ လူနေမှုနဲ့ လူမှုဒဏ်ကို အဓိကပြထားတယ်။ ဇာတ်သမားဘဝရဲ့ အဆိုးဆုံးအဖြစ်လို့ ပြောရမယ့် ဇာတ်ခေါင်းကွဲတဲ့ အဆင့်အထိ ပြထားတယ်။ အိုဇုရဲ့ ထုံးစံအတိုင်း အဖေနဲ့သားကြားက ပဋိပက္ခနဲ့ မိသားစုရဲ့ထရာဂျဒီတွေနဲ့တော့ ဇာကွပ်ထားတယ်။ ကွဲပြားအောင် ပြောရရင်တော့ ဒီဇာတ်လမ်းဟာ ရေယူရာမျောရင်း ပွဲရှိရာ ခြေဦးလှည့်ရတဲ့, ဇာတ်ခေါင်းကွဲတဲ့အခါ ရေမျောရာကမ်းတင်ရတဲ့ ဗေဒါတွေလို ဇာတ်သမားတွေရဲ့ ဘဝအကြောင်းပါပဲ။ (အညွှန်းနဲ့ဘာသာပြန်ကတော့ WiRa Aung ဖြစ်ပါတယ်။) File size…(3.7 GB) / (1.4 GB) Quality….Blu-Ray 1080p HEVC / 720p Format…. mkv/mp4 Genre….Drama Duration….01:59:35 Subtitle….Myanmar Subtitle (Hardsub) Encoder….Double K Translated by WiRa Aung