Space Pups (2023) Space Pups သို့မဟုတ် အာကာသထဲက ခွေးလေးတွေပေါ့။ Space Pups ဆိုတဲ့ နာမည်နဲ့ ကာတွန်းကားတွေ ကာတွန်းဇာတ်လမ်းတွဲတွေ ထွက်ဖူးပါတယ်။ ဒီရုပ်ရှင်ဟာဆိုရင်လည်း အဲနာမည်နဲ့ပဲ ထွက်လာတဲ့ Live action ပါပဲ။ IMDb - 6.3 ရရှိထားတာမို့ ဒီရုပ်ရှင်ဟာဆိုရင် မိသားစုနဲ့အတူတူ ပေါ့ပေါ့ပါးပါး ကြည့်သင့်တဲ့ ဇာတ်လမ်းမျိုးပါပဲ။ တစ်ခေတ်တစ်ခါက ခေတ်စားခဲ့ဖူးတဲ့ မိသားစုအသားပေး စွန့်စားခန်းရုပ်ရှင်အလွမ်းပြေ ကြည့်ရှု့နိုင်မှာပဲဖြစ်ပါတယ်။ ဇာတ်လမ်းအကျဉ်းကတော့ အာစီ၊ အေ့စ်နဲ့ ဟက်စ်တို့ဟာ အာကာသတွင်းမှာ ခရီးသွားလာနေတဲ့ ဂြိုဟ်သားတွေပါ။ သူတို့ ခရီးသွားရင်း ဥက္ကာပျံလမ်းကြောင်းထဲဝင်သွားခဲ့လို့ ယာဉ်လည်း ထိခိုက်သွားခဲ့ပြီး ကမ္ဘာပေါ်ကို အရေးပေါ် ဆင်းသက်လိုက်ရပါတယ်။ ဆင်းသက်လာတဲ့ လမ်းကြောင်းမှာ အစိတ်အပိုင်းတွေ ပြုတ်ကျကျန်နေခဲ့ပါတယ်။ အာစီတို့လည်း အဆိုပါအစိတ်အပိုင်းတွေကို ပြန်ရှာဖို့အတွက် ခွေးလေးတွေအနေနဲ့ ရုပ်ဖျက်လိုက်ပါတော့တယ်။ သူတို့ ဆင်းသက်လိုက်တဲ့နေရာမှာတော့ မြို့ကနေ နွေရာသီကျောင်းပိတ်ရက်မို့ တောမြို့လေးမှာ လာနေနေတဲ့ မိသားစုတစ်စုရှိနေပါတယ်။ အဲဒီမိသားစုက သားဖြစ်သူ ဆမ်နဲ့ သမီးလေး ကက်စီတို့ဟာ ခွေးအဖြစ် ရုပ်ဖျက်ထားတဲ့ အာစီတို့နဲ့တွေ့ပြီး အစိတ်အပိုင်းတွေကို လိုက်ရှာဖို့ ကူညီပေးရင်း စွန့်စားခန်းထွက်ကြပါတော့တယ်..... မိသားစုရုပ်ရှင်ဖြစ်တာမို့ ဇာတ်လမ်းဇာတ်ကွက်တွေ၊ တင်ဆက်ပုံတွေ အများကြီးမျှော်လင့်မထားဘဲ ပေါ့ပေါ့ပါးပါးပဲ ကြည့်လိုက်ပါ။ Low budget ဖြစ်တာမို့ တစ်ချို့ဂြိုဟ်သားအခန်းတွေမှာ အရမ်းသိသာနေတာမျိုးရှိပါတယ်။ ဒါပေမယ့် သားသမီးတွေနဲ့အတူ ကြည့်ရှု့လို့ကောင်းမယ့် မိသားစုကားတစ်ကားပါပဲ။ အညွှန်း နဲ့ ဘာသာပြန်ကတော့ Leonard Lin ပဲ ဖြစ်ပါတယ်။ Genre..... Adventure, Family, Sci-fi Quality…. 1080p | 720p | 480p File size… 1.5GB | 732MB | 353MB Format… mp4 Duration…. 1h 36min Subtitle…. Myanmar Subtitle (Hardsub) Translator ..... Leonard Lin Encoder ..... Aaron

ရုပ်ရှင်​​​လောကက အနားယူထား​ပေမယ့် တစ်လတစ်ကား မှန်မှန်ထွက်​နေတဲ့ မင်းသားကြီး ဘရုစ်ဝီလီရဲ့ လစဉ်ထုတ် အက်ရှင်ကားသစ် အကြမ်းစားကြီးရပါပြီ။ မင်းသားကြီးက ​နောက်ပိုင်းကား​တွေမှာဆိုရင် ပိုစတာထဲ မျက်နှာ​လေးဝင်ပြပြီး မင်းသားငယ်​​လေး​တွေကို စင်တင် ​​ပေး​နေမှန်း ဘရုစ်ဝီလီကားမှန်သမျှ မလွတ်တမ်းကြည့်တဲ့ Hardcore fanကြီး​တွေဆိုရင် သိမှာပါ။ ဒီကားမှာလည်း မင်းသားကြီးက ဇာတ်ပို့​အဖြစ်ပဲ အားဖြည့်​ထားပါတယ်။ အထူး​​အေးဂျင့် ဂျပ်စတင်ရိုဆာဟာ နိုင်ငံ​တော်လုံခြုံ​ရေးဌာနက​နေ ဒုစရိုက်သမား အကြီးစား​တွေကို လျှို့ဝှက်ပြီး စောင့်ကြည့်ရတဲ့ ကင်း​ထောက်ခန်းမှာ တာဝန်ကျလာရင်း သူတို့​စောင့်ကြည့်ရမယ့်သူက လက်နက်နဲ့မူးယစ်​မှောင်ခို ​ခေါင်း​ဆောင် အက်ဒီဖလင်းပါ။ သူတို့အ​နေနဲ့ အက်ဒီကို ​ဖမ်းဆီးဖို့ စောင့်ကြည့်ရင်း သူမ​သေ​အောင်ပါ ကာကွယ်​ပေးရမှာပါ။ ဘာလို့လဲဆို​တော့ အက်ဒီဆီမှာFBIဘက်က အရမ်းလိုချင်​နေတဲ့ အကျင့်ပျက်ရဲဝန်ထမ်း​တွေရဲ့စာရင်း ရှိ​နေတာပါ။ ဒီလိုနဲ့ပဲ ပြဿနာ​​ပေါင်းစုံ တက်နေတဲ့ အက်ဒီဖလင်းကို ​အေးဂျင့်ရိုဆာ​တို့ဘက်က ကာကွယ်​​ပေးဖို့ လုပ်ရသလို တစ်ဖက်မူးယစ်ဂိုဏ်းနဲ့ အကျင့်ပျက်ရဲ​တွေကရှင်းပစ်ဖို့ ကြိုးစားလာတဲ့အခါ ..... အညွှန်း နဲ့ ဘာသာပြန်ကတော့ JimX ပဲ ဖြစ်ပါတယ်။ Genre..... Action, Thriller Quality…. 1080p | 720p | 480p File size… 1.29Gb | 676MB | 394MB Format… mp4 Duration….1h 36min Subtitle…. Myanmar Subtitle (Hardsub) Translator ..... JimX Encoder ..... August

Tobey Maguire နဲ့ Andrew Garfield တို့ပြီးတဲ့နောက်မှာ သုံးကြိမ်မြောက် Reboot လုပ်ခဲ့တဲ့Tom Holland ရဲ့ တကယ့်ကို လူငယ်ဆန်တဲ့ အငွေ့အသက်တွေလွှမ်းခြုံနေတဲ့Spider Man Homecoming ဟာ ၂၀၁၆နှစ်ကုန်ပိုင်းမှာ ထွက်လာတဲ့ Marvel Comic ဖန်တွေ အကြိုက်လောက်ဆုံး Spider Man Reboot Movie တစ်ခုဖြစ်ခဲ့ရပါတော့တယ် Tobey နဲ့ Andrew အလွန် ၂၀၁၆မှာတော့ ကျွန်တော်တို့လို Comic Fan တွေအတွက် Cilvil War မှာ လူငယ်မင်းသား Tom Holland က ဆန္ဒတွေ ဖြည့်ဆည်းပေးလိုက်တော့တယ်။ သူ့ကို စတင် Cast လုပ်လိုက်လိုက်ချင်း ဝေဖန်သံတွေ ပေါ်ထွက်ခဲ့ပေမယ့်အဲဒီ ဝေဖန်သံတွေကို Civil War မှာ Tony Stark ရဲ့ Underoses ဆိုတဲ့ စကားနဲ့ Spidey လက်သစ်ရဲ့ Hello Everyone ဆိုတဲ့တစ်ခွန်းတည်းနဲ့ ပယ်ဖျက်ခဲ့တယ်။ " တခြားစူပါဟီးရိုးတွေလို ရင့်ကျက်မှုမရှိသေးမယ့် CW ကဖြစ်ရပ်တွေထဲ ဝင်ပါခဲ့ရပြီးတဲ့နောက် Peter Parker ဟာ သူ့ကိုအချိန်ပြည့် စောင့် ကြည့်ထိန်းမတ်ပေးနေတဲ့ Tony Starkရဲ့ အုပ်ချုပ်မှုအောက်မှာ ကိုယ့်ကိုယ်ကိုယ် ယုံကြည်မှုအပြည့်နဲ့ ဝတ်စုံအသစ်နဲ့အတူ နေ့တိုင်း မှုခင်းတိုက်ဖျက်နေခဲ့ပါတယ်။ Parker ဟာ သူ့ရဲ့ အခင်ဆုံး သူငယ်ချင်း Ned နဲ့အတူ သာမန်ရိုးရှင်းတဲ့ အထက်တန်းကျောင်းသား ဘဝကို အတွဲညီညီဖြတ်သန်းနေသလို Lizဆိုတဲ့ ကောင်မလေးတစ်ယောက်ကိုပါ ခွက်ရှ်နေခဲ့ပါတယ်။ သို့သော်လည်းပဲ Tony Stark ရဲ့ လက်နက်ထိန်းချုပ်ရေး ပရိုဂရမ်ကြောင့် အမြစ်တည်ပျံ့ပွားလာတဲ့ အမုန်းတရားတွေရဲ့သားကောင် Vulture ဆိုတဲ့ Villain တစ်ယောက်ပေါ်လာချိန်မှာတော့ အတွေ့အကြုံအကြီးကြီး မရှိသေးတဲ့ Spidey လေးခင်မျာ အားကုန်သုံးပြီး ပြန်တွန်းလှန်ရပါတော့တယ်.... ။ " ‌ဒီကားဟာ Tomရဲ့ Solo Film ဖြစ်တဲ့အတွက် သူအတွက် လုပ်ပိုင်ခွင့်တွေ ပိုရလာခဲ့သလို Comic ထဲကလို ပျော်ပျော်နေတတ်တဲ့ Friendly Neighborhood Spidey လေးကို မြင်တွေ့ခဲ့ရတယ်။ သူ့ရဲ့ စိတ်ဓာတ်၊ သူ့ရဲ့ စွမ်းအား၊ သူ့ရဲ့ လုပ်နိုင်စွမ်းတွေဟာ ဒီကားနဲ့အတူ နောင်လာမယ့် ကားတွေမှာပါ ကျွန်တော်တို့ အချစ်တော် Spidey လေးဖြစ်လာမယ်ဆိုတာတော့ ဘယ်လိုမှ လွဲမယ်မထင်ပါဘူး...။ (ဇာတ်လမ်းအညွှန်းကိုတော့ Y မှရေးပေးထားတာဖြစ်ပြီး ဘာသာပြန်သူကတော့ Little Neo ပါ) ++++++++++++++++++++++++++++++++++++++++++++++++++++++ Marvel Cinematic Universe Intro ======================= Marvel ထုတ်လုပ်ရေးမှ Marvel Cinematic Universe(MCU) ကို လွန်ခဲ့တဲ့ ၁၀ နှစ်က စပြီးတည်ဆောက်ခဲ့ပါတယ်။ ပထမဆုံး ဇာတ်လမ်းဖြစ်တဲ့ Iron Man-1 နဲ့ဖြစ်ပါတယ်။ နောက်ဆုံးအပိတ်ကတော့ Endgame (2019) ဖြစ်ပါတယ်။ Marvel Universe မှာ Infinity Stone လို့ ခေါ်တဲ့ စွမ်းအား အကြီးဆုံး ကျောက်တုံး(၆) လုံးရှိပါတယ်။ အဲဒီကျောက်တုံးတွေဟာ စကြဝဠာအနှံ့မှာ ပြန့်ကျဲနေတယ် ဆိုပါတော့။ ကျောက်တုံးတစ်တုံးချင်းစီမှာ သီးခြားအစွမ်းတွေ ရှိပြီး သာမာန်လူတွေ ကိုင်တွယ်သုံးစွဲဖို့ မဖြစ်နိုင်သလောက်ပါပဲ။ Infinity War ရဲ့ အဓိက ဗီလိန်ဖြစ်တဲ့ Mad titan လို့ခေါ်ကြတဲ့ Thanos က ဒီကျောက်တုံးတွေကို စုစည်းပြီး စကြဝဠာကို သူ့သဘောအတိုင်းဖန်တီးဖို့ကြိုးစားပါလိမ့်မယ်။ ဒါကို Avengers( Captain America, Iron Man, Hulk, Thor, Black Widow, Hawkeye, Vision,Scarlet Witch,Antman,Falcon) တို့နဲ့ Spiderman, Doctor Strange, Black Panther, Guardians of the Galaxy အဖွဲ့တို့ ပူးပေါင်းတားဆီးကြရင်း ဖြစ်လာတဲ့ စစ်ပွဲပါ။ Infinity Stones 6 လုံးရဲ့ တည်နေရာတွေကတော့ ၁. Space Stone aka Tesseract (Blue) (Captain America: the first avenger ဇာတ်ကားမှာ နာဇီတွေဆီက လုယူရတဲ့ ကျောက်တုံးဖြစ်ပြီး Avengers ဇာတ်ကားမှာ လိုကီက ဂြိုလ်သားတွေကို ကမ္ဘာကိုခေါ်ဖို့ ဝင်ပေါက်ဖွင့်တဲ့နေရာမှာ အသုံးပြုခဲ့ပါတယ်၊ လက်ရှိကတော့ Asgard ဂြိုလ်ပေါ်မှာ သိမ်းဆည်းခဲ့ရင်း Thor: Ragnarok ကားအဆုံးမှာ လိုကီ ခိုးယူခဲ့တာကို တွေ့ရမှာပါ) ၂။ Reality Stone aka Aether (Red) ( စကြဝဠာကို Big Bang မတိုင်ခင်အထိတောင် ပြန်ပြောင်းပစ်နိုင်ပါတယ်။ Thor 2: The Dark World မှာ ပါလာခဲ့ပြီး နောက်ဆုံး credit scene မှာ Collector ဆိုသူဆီမှာ သိမ်းဆည်းထားပါတယ်) ၃။ Power Stone (Purple Orb) ( ဂြိုလ်တစ်ခုလုံးကို အသာလေးဖျက်ပစ်လို့ရတဲ့ raw power တွေပါပါတယ်။ Guardian of the Galaxy 1 မှာ ပါဝင်ခဲ့ပြီး Xander က Nova Corps စစ်တပ်လက်ထဲမှာ သိမ်းဆည်းထားပါတယ်။) ၄။ The Time Stone ( The Eye of Agomotto, Green) ( အချိန်ကို လိုသလိုအသုံးချနိုင်ပါတယ်။ Doctor Starnge ဇာတ်လမ်းမှာ ပါဝင်လာပြီး လက်ရှိ ဒေါက်တာ စထ်ရိန့်က စောင့်ရှောက်ထားပါတယ်) ၅။ Mind Stone (Yellow) ( ဉာဏ်ရည်ကို မြှင့်တင်ခြင်းနဲ့ စိတ်ညို့ခြင်းတွေ ပြုလုပ်နိုင်ပါတယ်။ Avengers 1 မှာ ပါဝင်ခဲ့ပြီး လက်ရှိ Vision ရဲ့ နဖူးထဲမှာ မြှပ်ထားတာပါ) ၆။ Soul Stone (Orange) ( သက်ရှိ သက်မဲ့ အခြေအနေတွေကို ထိန်းချုပ်နိုင်ပါတယ်။ Planet Vormir မှာရှိပါတယ်။ ) အဆိုပါ ကျောက်တုံး ၆ တုံးကို သုံးနိုင်ဖို့ Infinity Gauntlet ဆိုတဲ့ လက်အိတ်ကို လိုပါတယ်။ အဲဒီလက်အိတ်ကိုတော့ Thanos ပိုင်ဆိုင်ထားပါတယ်။ ဒီလောက်ဆို Marvel Universe ကိုကြည့်ဖို့ အကြမ်းဖျဉ်းလုံလောက်ပြီ ထင်ပါတယ်။ File size…(6.3 GB)/(1.6 GB)/(850 MB) Quality….BluRay 4K HEVC/ DS4K 1080p / 720p Format…mkv/mp4 Duration….02:13:28 Subtitle….Myanmar Subtitle (Hardsub) Encoder….Nyeinsaeya Aung Translated by Little Neo

Ito (2021) Love Letter မင်းသား Etsushi Toyokawa အပြင် မကြာသေးခင်က တင်ခဲ့တဲ့ Tomorrow, I Will Be Someone’s Girlfriend ဇာတ်လမ်းတွဲထဲက Mayū Yokota နဲ့ သဘာဝကျတဲ့ပုံစံဘက်သွားတဲ့ မင်းသမီး Ren Komai တို့ အဓိက သရုပ်ဆောင်ထားတဲ့ Ito ဆိုတဲ့ MUBI က ကားသစ်လေးပါ။ Osaka Asian Film Festival မှာ Best Film ဆုလည်းရထားပါတယ်။ ဒီဇာတ်လမ်းရဲ့မင်းသမီး Ito ကတော့ အထက်တန်းကျောင်းသူကလေးပါ။ သူဟာ စကားနည်းပြီး စကားကို လေးလုံးကွဲအောင် မပြောတတ်တဲ့သူလည်းဟုတ်ပါတယ်။ သူနဲ့လူတွေကြားက ကွင်းဆက်ကလည်း ဂီတပဲရှိတယ်။ တစ်နေ့မှာတော့ သူ ဒီဂီတကိုလည်း စိတ်မပါတော့ပါဘူး။ ဒီတော့ သူက အိမ်စေကဖေးလို့ခေါ်တဲ့ စားသုံးသူတွေကို ကိုယ့်အိမ်ကိုယ့်ယာလို ခံစားမိအောင် လုပ်ပေးတဲ့ ကဖေးဆိုင်လေးမှာ အလုပ်ဝင်လုပ်ပြီး လခလည်းရ လူတွေနဲ့ ဆက်ဆံရလို့ စကားလည်းပြောတတ်လာမယ်ဆိုပြီး ဝင်လုပ်ပါတယ်။ အဖေက ပါမောက္ခဆိုတော့ လူအထင်သေးလောက်တဲ့ ဒီအလုပ်မျိုးကို သဘောမကျပေမဲ့ မိတဆိုးလေးမို့ လွှတ်ပေးထားလိုက်တယ်။ ဒီလိုနဲ့ အလုပ်ကလူတွေကိုရော အလုပ်ကိုရော သံယောဇဉ်တွယ်လာပြီးနောက် ဆိုင်ရှင်သူဌေးအဖမ်းခံရရာကနေ ဆိုင်ပိတ်ဖို့အကြောင်းဖန်လာခဲ့ပါတယ်… ဒီဆိုင်လေးတည်မြဲအောင် Ito နဲ့ ဆိုင်ဝန်ထမ်းကောင်မလေးတွေ ဘယ်လိုတွေကြိုးစားကြမလဲဆိုတာကို ဂျပန့်ယဉ်ကျေးမှုအငွေ့အသက်တွေနဲ့အတူ တွဲဖက်ခံစားရမယ့် Coming of Age ဆန်ဆန် ဒရာမာကားကောင်းလေးပါပဲ။ (ဒီဇာတ်ကားနဲ့အညွှန်းကို W မှ ပြန်ဆို ရေးသားထားပါတယ်) Size – 1.85GB, 870MB Quality – 1080p, 720p IMDb Rating – 6.7/10 Format – mp4 Duration – 1H 56Min Genre – Drama Subtitle – Myanmar Subtitle (Hardsub) Translated by W Encoded by Y

ရဲအရာရှိတစ်ဦးဖြစ်တဲ့ ဂီလ်မန်းဟာ ဖခင်ဆုံးပါးသွားတဲ့အခါမှာ မိသားစုပိုင်ဘိုးလင်းရုံကြီးကို အမွေရရှိခဲ့ပါတယ်၊ အလုပ်အကိုင်အတည်တကျရှိတဲ့ ဂီလ်မန်းဟာ ဒီဘိုးလင်းရုံကြီးကို ရောင်းပစ်ဖို့တွေးထားပေမယ့် အဖေ့ချန်ထားခဲ့တဲ့ တစ်ခုတည်းသော အရာဖြစ်တာကြောင့် သူရဲ့ဖအေတူ မအေကွဲ ညီဖြစ်သူကို မန်နေဂျာအဖြစ်ခန့်ပြီး ဘိုးလင်းရုံကြီးကို ဆက်ဖွင့်ထားဖို့ ဆုံးဖြတ်ခဲ့ပါတယ်။ ဆုံးပါးသွာတဲ့ သူတို့ရဲ့အဖေက ဝါသနာရင့်သန်တဲ့ မုဆိုးတစ်ဦးဖြစ်ပြီး သူသတ်ဖြတ်အမဲလိုက်ခဲ့သမျှ မကောင်းမှု ဒုစရိုက်အညစ်အကြေးတွေက ဒီဘိုးလင်းရုံမှာပဲ လာပြီးစုပုံနေသလို ဖြစ်နေခဲ့ပါတယ်။ ဒီတော သူတို့ အမွေရလိုက်တာက ဘိုးလင်းရုံကြီးတင်မဟုတ်ဘဲ မကောင်းတဲ့အငွေ့အသက်တွေ စွမ်းအင်တွေပါ ပါဝင်နေခဲ့ပါတယ်။ ဒီလိုနဲ့ လူသေမှုတွေ ဆက်တိုက်ဆိုသလိုဖြစ်လာပြီး သဲလွန်စတွေအကုန်လုံးက ဒီဘိုးလင်းရုံကြီးကိုပဲ ဦးတည်လာတဲ့အခါမှာတော့ အကြောင်းအရင်းက ဘာဖြစ်မလဲဆိုတာကို ရင်ဖိုလှိုက်မောဖွယ်ကြည့်ရှု ရမယ့် စိတ်ဝင်စားဖွယ်ရာ လျို့ဝှက်ဆန်းကြယ်ဇာတ်လမ်းအမျိုးအစားပဲဖြစ်ပါတယ်။ ၂၀၂၃ စက်တင်ဘာမှာမှ ပူပူနွေးနွေး ထွက်ရှိထားတာဖြစ်ပြီး ဇာတ်လမ်းအလှည့်အပြောင်းတွေကို လိုက်ပြီး တွေးတောသီအိုရီထုတ်ရတာ ကြိုက်တဲ့သူတွေအတွက် အရသာတွေ့စေမယ် ဇာတ်ကားဆိုရင်လည်း မမှားပါဘူး၊ ဒါကြောင့် နှစ်ခါတွေးမနေဘဲ ကြည့်ကြည့်ကြဖို့ တိုက်တွန်းလိုပါတယ်။ File size…(1.6 GB)/(791 MB) Quality….Webrip 1080p / 720p Format…mp4 Duration….01:54:00 Genre…Thriller, Drama Subtitle….Myanmar Subtitle (Hardsub) Encoder….Mr. Anderson Translated by Matteo

သရဲကားကြိုက်တဲ့ ရုပ်ရှင်ချစ်ပရိသတ်အတွက် ဒီနှစ်ထဲမှာ ထွက်ထားတဲ့ ပရိသတ်တော်တော်များများ စိတ်ဝင်စားတဲ့ The Conjuring နဲ့ မိတ်ဆက်ပေးချင်ပါတယ်။ ဒီကားက ၁၉၇၁ ခုနှစ်က Rhode Island မှာရှိတဲ့အိမ်မှာ ထိတ်လန့်ခြောက်ခြားမှုတွေ ဖြစ်ခဲ့တာကိုပြန်လည်ရိုက်ကူးထားတဲ့ ဖြစ်ရပ်မှန်ဇာတ်လမ်းပါ။ ဒီအိမ်ကြီးက ယနေ့တိုင် ရှိပြီး ကမ္ဘာလှည့်ခရီးသည်များ လည်ပတ်စရာ နေရာအဖြစ်ရှိဆဲပါ ပရောဂဆရာမ Lorraine Warren နဲ့ သူ့အမျိုးသား Ed Warren တို့ဟာ Carolyn and Roger Perron တို့ မိသားစု (သမီး ၅ယောက်နဲ့အတူ) ဒီအိမ်ကို ပြောင်းရွှေ့ပြီးကတည်းက ခြောက်ခြားစရာတွေ ဆက်တိုက်လို ကြုံတွေရတာတွေကို ကူညီပေးရင်း ဘဝတစ်ပါးသို့ မကူးပြောင်းဘဲ အိမ်မှာ ကျန်ရစ်နေတဲ့ ၀ိဉာဏ်ဥစ္စာစောင့်နတ်ဆိုးက မိသားစုဝင်အားလုံးကို ဘယ်လိုအနှောင့်အယှက်ပေးတယ်၊ ထိတ်လန့်မှုတွေပေးတယ်၊ နောက်ဆုံးအသက်အန္တရာယ် စိုးရိမ်ရသည်အထိ ဒုက္ခပေးလာတယ် ဆိုတာ ရိုက်ပြထားတာပါ။ ဇာတ်လမ်းအစမှာထဲက အရုပ်တရုပ်ကထူးဆန်းစွာ သွားလာပြုမူနေတာကို ရှုစားရမှာပါ။ ဒီအရုပ်က အပြင်မှာ တကယ်ရှိခဲ့တဲ့ အရုပ်ပါပဲ။ သရဲကားတွေရဲ့ ထုံးစံအတိုင်း တခါးက သူ့အလိုလို ဝုန်းခနဲ ပိတ်သွားတာ၊ သူ့အလိုလို တအိအိ ပွင့်သွားတာမျိုး၊ အိပ်နေရင်း တယောက်ယောက်က ခြေထောက်ကို ရုတ်တရက် စောင့်ဆွဲသလိုမျိုး ပြကွက်တွေကို တွေ့ရမှာပါ။ ဒီကားရဲ့ အဓိက ထူးခြားချက်ကတော့ လက်ခုပ်တီးတာပါပဲ။ ကြည့်ရှုသူ ပရိသတ်တော်တော်များများ မျက်စိထဲမှာ စွဲကျန်အောင် လက်ခုပ်သံရဲ့ ခြောက်ခြားစရာကောင်းပုံကို ရိုက်ပြနိုင်တာက ဒီကား ဒါရိုက်တာ တော်တယ်လို့ ပြောလို့ရပါတယ်။ Rated R ဆိုပေမဲ့ ဒီဇာတ်ကားမှာ သမီးရည်းစားခန်း အဖော်အချွတ်ခန်း တစ်ခန်းမှ မပါပါဘူး။ သာမန်ရိုးရှင်းတဲ့ ဇာတ်လမ်းတပုဒ်ပါပဲ။ စုန်းမပူးတဲ့အခန်းတွေ၊ သွေးထွက်သံရဲရဲဇာတ်ကွက်တွေကဇာတ်သိမ်းပိုင်းနားမှာ အတော်လေးပါတာမို့ အသက် (၁၈)နှစ်အောက်မကြည့်သင့်တဲ့ စာရင်းထဲ ဝင်သွားတာပါ။ မိသားစုတူတူကြည့်ဖို့ အဆင်ပြေပါတယ်။ ဇာတ်စ၊လယ်၊ဆုံး ဆွဲဆောင်မှုရှိပါတယ်။ အဆုံးပိုင်းကို သိပ်သဘောမတွေ့ပေမဲ့ ရိုက်ချက်တွေက အတော်ကောင်းတာမို့ လူကြိုက်များတဲ့ ဇာတ်ကားဖြစ်ပါတယ်။ သရဲကား ပရိတ်သတ်တွေလက်မလွှတ်သင့်တဲ့ကားတစ်ကားပါ။ (ရုပ်ရှင်အညွန်းကို Movies For Myanamrမှ ကူးယူဖော်ပြသည်) File size… 3.72 GB / 1.34 GB / 662 MB Quality… Web-DL 4K / 1080p / 720p Format… mp4 Duration…. 1h 52m Genre ….. Horror Subtitle…. Myanmar Subtitle (Hard Sub) Encoder…. Thit San Khant Translated by Hein Thet Naing

The Whistleblower 2014 သုတေသနဓါတ်ခွဲခန်းတစ်ခုကနေ အလုပ်ထွက်လာတဲ့ သုတေသီတစ်ဦးက သတင်းသမားတစ်ယောက်ကို ဒီစကားပြောခဲ့ပါတယ်။ “ကျွန်တော့်မှာ ဘာသက်သေမှ မရှိပါဘူး ဒီလိုဆိုရင်တောင် ကျွန်တော့်စကားကို ယုံပေးမလား” 2005 ခုနှစ်တုန်းက တောင်ကိုရီးယား သုတေသနပညာရှင်တစ်ဦးနဲ့ သူ့ရဲ့ လုပ်ကြံဖန်တီးမှုတွေအပြင် ဖော်ထုတ်ခံလိုက်ရတဲ့ အမှန်တရားဇာတ်ကွက်အားလုံးကို တစ်ပုံစံတည်း ရိုက်ကူးထားတဲ့ ဖြစ်ရပ်မှန် ဇာတ်လမ်းလေးကို တင်ဆက်ပေးချင်ပါတယ်။ ဒီရုပ်ရှင်မှာ ဇီဝနည်းပညာဘာဘာသာရပ်နဲ့ သက်ဆိုင်တဲ့ အသိပညာဗဟုတုတတွေကို ထည့်သွင်းထားတဲ့အပြင် မျက်မှောက်ခေတ်မှာ တွေ့နေရတဲ့ ဆေးပညာသစ်တွေနဲ့ လက်တွေ့စမ်းသပ်မှု ပြုလုပ်လာကြတဲ့အပေါ် အမှားနဲ့အမှန်ကို သေချာပိုင်းခြားတတ်ဖို့ ပညာပေးထားတာကိုပါ ခံစားမိမှာပါ။ ပင်မဆဲလ်ပုံတူပွားယူခြင်းဆိုင်ရာ စာတမ်းတစ်ခုကို ပြင်ဆင်ခဲ့ပြီး ကမ္ဘာတစ်ဝှမ်းလုံးရဲ့ စိတ်ဝင်စားမှုကို ရရှိထားတဲ့ ပါမောက္ခတစ်ဦး။ ကုသလို့မရနိုင်တဲ့ ရောဂါကိုခံစား‌နေရတဲ့ လူနာတွေအတွက် ပင်မဆဲလ်အစားထိုးကုသမှုက မျှော်လင့်ချက်လိုဖြစ်နေတဲ့အတွက် နိုဘယ်ဆုရှင်အဖြစ်ပါ သတင်းထွက်နေတဲ့ ပါမောက္ခပါ။ ဒိတ်ဒိတ်ကြဲ ပါမောက္ခကြီးရဲ့ ဒီဇီဝနည်းပညာဟာ ထင်ထားသလောက် မရိုးရှင်းပါဘူး။ နောက်ကွယ်မှာ ဖုံးကွယ်ထားတဲ့ အမှန်တရားတွေက ရှိနေပါတယ်။ ဒါကို လက်မခံနိုင်တဲ့ သုတေသီတစ်ဦးက သက်သေအခိုင်အမာမရှိတဲ့အတွက် မတတ်နိုင်တဲ့အဆုံး အမှန်တရားမှန်သမျှကို အတွင်းကျကျ ဖော်ထုတ်တဲ့ ပရိုဂရမ်တစ်ခုရဲ့ ပီဒီဆီကို ဆက်သွယ်လာပါတော့တယ်။ နိုင်ငံတကာကပါ ဩချရတဲ့ ပါမောက္ခအီဂျန်ဟွမ်ရဲ့ စာတမ်းနောက်ကွယ်က အမှန်တရားတွေကို တစ်ခုချင်း ဖော်ထုတ်အဖြေရှာသွားမယ့် စိတ်ဝင်စားစရာဇာတ်လမ်းကောင်းလေးပါ။ ပါဝင်သရုပ်ဆောင်ထားကြတဲ့ သရုပ်ဆောင်တွေကတော့ လူတိုင်းနဲ့ မစိမ်းတဲ့ နာမည်ကြီးတွေပါပဲ။ – ဂုဏ်သိက္ခာကျဆင်းစေတဲ့ လုပ်ရပ်ကို ဆက်မလုပ်နိုင်လို့ ထွက်လာခဲ့တဲ့ ရှင်းမင်ဟိုအဖြစ် မင်းသား Yoo Yeon Seok – အမှန်တရားကို ပိုက်စိပ်တိုက်ရှာရင်း ဖော်ထုတ်မယ့် ပီဒီယွန်းမင်ချောလ်အဖြစ် မင်းသားPark Hae Il – ဇာတ်ကို ကြိုးကိုင်ချယ်လှယ်မယ့် ပါမောက္ခအီဂျန်ဟွမ်အဖြစ် မင်းသားကြီး Lee Kyung Young တို့အပြင် ထူးချွန်တဲ့သရုပ်ဆောင်တွေနဲ့ အားဖြည့် ရိုက်ကူးထားတဲ့ ရုပ်ရှင်ပဲဖြစ်ပါတယ်။ အညွှန်း နဲ့ ဘာသာပြန်ကတော့ Milkeux ပဲ ဖြစ်ပါတယ်။ Genre….. Crime, Drama, Mystery Quality…. 1080p | 720p File size… 1.3GB | 649MB Format… mp4 Duration…. 1h 53min Subtitle…. Myanmar Subtitle (Hardsub) Translator ….. Milkeux Encoder ….. Aaron

ဒီဇာတ်လမ်းလေးအကြောင်းပြောရမယ်ဆိုရင်တော့ နန်ဟွိုင်မြို့က ထူးဆန်းတဲ့လူသေမှုတွေကနေ အစချီပြောရမှာပဲ ။ ပထမဆုံးယွင်ကျိုးကနေလာတဲ့မှော်ဆရာတစ်ယောက်က ထူးထူးဆန်းဆန်း ကောင်းကင်ကအပေါက်ကြီးပေါ်လာပြီး သူလည်းသွေးအန်ပြီးသေဆုံးသွားခဲ့တာပါ ။ အဲဒီမှော်ဆရာရဲ့ဈာပနကိုတော့ သူ့မိတ်ဆွေမြေရှင်ချန်က ခမ်းခမ်းနားနားကျင်းပပေးခဲ့ပါတယ် ။ ဒါ့အပြင် နန်ဟွိုင်မြို့မှာ နောက်ထပ် မကောင်းတဲ့အရာတွေမကပ်အောင်လို့ မန္တန်တွေရွတ်ဖို့တခြားမှော်ဆရာတွေကိုပါဖိတ်ပြီး စားပွဲတစ်ခုပါကျင်းပခဲ့ပါတယ် ။ မထင်မှတ်ထားဘဲ အဲဒီဈာပနကျင်းပတဲ့ရက်မှာပဲ မြေရှင်ချန်ရော ဖိတ်ထားတဲ့မှော်ဆရာပါ ဆန်းကြယ်စွာသေဆုံးသွားပါတယ်။ နန်းတော်ကအစောင့်တပ်တွေစစ်ဆေးတဲ့အချိန်မှာ သေဆုံးသူရဲ့ဒဏ်ရာတွေက ထျန်းလော်ကြိုးမျှင်လို့ ခေါ်တဲ့လက်နက်ကြောင့်သေဆုံးခဲ့တာဖြစ်နေပါတော့တယ် ။ ဒီလိုနဲ့ သူ့ရဲ့ထျန်းလော်ကြိုးမျှင်လက်နက်ပျောက်သွားမှန်းတောင်မသိတဲ့ ယွင်ကျန့်ရယ် သူ့ဆရာဖြစ်သူရယ်က ဘာမှမသိလိုက်ဘဲ အဖမ်းခံလိုက်ရပါတော့တယ် ။ မဟုတ်မခံနဲ့ ဘာမဆိုဝင်‌ဖြေရှင်းတတ်တဲ့ယွင်ကျန့်တစ်ယောက် သူတို့ဆရာတပည့်အဖမ်းခံရတဲ့ကိစ္စကိုဘယ်လိုဖော်ထုတ်သွားမလဲ ? နောက်ကွယ်ကတရားခံကဘယ်သူဖြစ်နေမလဲ ? တခြားဘယ်လိုအမှုတွေရော ပါဝင်နေအုံးမလဲဆိုတာကို စိတ်ဝင်စားစွာကြည့်ရှုရမှာဖြစ်လို့ ဆက်ဆက်ကြည့်ဖို့ တိုက်တွန်းလိုက်ပါရစေ ။

Breaking the Ice (2023) IMDb Rating (6.0) ရေခဲပြင်အားကစားနဲ့ပတ်သက်တဲ့ LGBT ဒရမ်မာ ဇာတ်ကားကောင်းတစ်ကားလာပါပြီ။ သြစတြီးယားဒါရိုက်တာ ကလာရာ စတာန် (Clara Stern) ရဲ့ ပထမဆုံး ရုပ်ရှင်ဖြစ်ပါတယ်။ ဒီဇာတ်ကားဟာ Tribeca ရုပ်ရှင်ပွဲတော်မှာလည်း ပြသခဲ့ပြီး အကောင်းဆုံး ဇာတ်ညွှန်းဆုကို Max Ophüls ဆုပွဲမှာ ရရှိခဲ့ပါတယ်။​ သြစတြီးယားရုပ်ရှင်ဖြစ်ပြီးတော့ မင်းသမီး Alina Schaller မှ အဓိကပါဝင်ထားပါတယ်။ မီရာဟာ သြစတြီးယားရေခဲပြင်ဟော်ကီအားကစားသမားတစ်ယောက်ပါ …. သူမက သာမန်မိန်းကလေးတွေနဲ့ မတူဘဲ Lesbian တစ်ယောက်ဖြစ်ပေမယ့် မိသားစုရဲ့ဖိအားပေးမှုတွေကြားမှာ သူ့ဘဝဟာ အချုပ်အနှောင်တွေနဲ့ရှင်သန်နေခဲ့ရပါတယ်… တနေ့မှာတော့ သူတို့အဖွဲ့ထဲကို သီရိဆာဆိုတဲ့ အဖွဲ့ဝင်သစ်တစ်ယောက် ရောက်ရှိလာခဲ့ပြီးတော့ မီရာရဲ့ဘဝအပြောင်းအလဲတွေ ဘယ်လိုဆက်ဖြစ်မလဲဆိုတာ……..။ (အညွှန်းနဲ့ဘာသာပြန်ကတော့ Lux ပဲဖြစ်ပါတယ်) File size…(1.9 GB) / (830 MB) Quality….WEB-DL 1080p HEVC / 720p Format…. mkv/mp4 Duration….01:37:44 Subtitle….Myanmar Subtitle (Hardsub) Encoder….Benjamin Translated by Lux

Wunderland (2023) ======== IMDb Rating (7.9 ) Miniatur Wunderland လို့ခေါ်တဲ့ ဂျာမနီ ဟန်းဘတ်မြို့က ဂင်းနစ်စံချိန်ဝင်ထားတဲ့ ရထားသံလမ်းမော်ဒယ် တည်ဆောက်ကြတဲ့ အမြွှာ၂ယောက်အကြောင်းရိုက်ကူးထားတဲ့ မှတ်တမ်းရုပ်ရှင်ပဲဖြစ်ပါတယ်။ သာမန် သာကြည့်ရင် အရုပ်သေးသေးလေးတွေလို့ထင်ရတဲ့ မော်ဒယ်ပုံစံလေးတွေကိုလည်း Braun အမြွှာနှစ်ယောက်နဲ့ သူတို့ team က အချိန်တွေအများကြီးပေးပြီး အသေးစိတ်ကျကျ ပုံဖော်ရပါတယ်။ ဒီရုပ်ရှင်ထဲမှာတော့ Wunderland ကို ဂျာမနီမှာတင်မဟုတ်ပဲ တောင်အမေရိက ဘရာဇီးနိုင်ငံ ရီယိုဒီဂျနေးယိုးမြို့မှာပါ ဆောက်ဖို့ပြင်ဆင်ကြတာတွေပါ ရိုက်ကူးထားပါတယ်။ ဘာသာစကားမတူ ယဥ်ကျေးမှုမတူပဲ တောင်အမေရိကသားတွေနဲ့ ဂျာမန်တွေ အလုပ်ကို ချစ်စိတ်တစ်ခုတည်းနဲ့ ရီယိုမြို့မှာ Wunderland အကောင်အထည်ပေါ်ဖို့ ၂နှစ်လောက်အတူကြိုးစားကြတာကို ကြည်နူးဖွယ်ကြည့်ရမှာပါ။ ကမ္ဘာမှတ်တမ်းဝင်အရာတစ်ခုဖြစ်လာဖို့ အချိန်တွေ ပိုက်ဆံတွေအပြင် စိတ်အားထက်သန်မှုတွေအများကြီးနဲ့ အလုပ်လုပ်နေကြတဲ့ Wunderland Team က နောက်ကွယ်မှာ ဘယ်လိုရှိလဲဆိုတာ ကြည့်လိုက်ရအောင်နော်

ကျူးကျော်သူများ (၂၀၁၃) လက်ဟောင်းကိုရီးယားတို့ ထုံးစံအတိုင်း လျှို့ဝှက်ချက်တွေကို တစ်ခုချင်းစီဖြည်ရင်း၊ ပဟေဠိအဖြေညှိရမယ့် Thriller, Mystery ဇာတ်ကား ထပ်မံရောက်ရှိလာပါပြီ။ ဆိုးလ်မြို့သား ဇာတ်ညွှန်းရေးဆရာတစ်ယောက်က တစ်နေ့ စိတ်ပြေလက်ပျောက် အလုပ်လုပ်နိုင်ဖို့အတွက် နယ်ဘက်ကို ခရီးဆက်ခဲ့ပါတယ်။ နှင်းထူထူ လူကျဲကျဲ ခေါင်လီလှတဲ့ တောင်ကြားက တည်းခိုဆောင်မှာ တစ်ယောက်တည်း အလုပ်ကို အာရုံစိုက်ဖို့အကြံပါပဲ။ ဒီလိုနဲ့ ခရီးလမ်းတစ်လျှောက်မှာ ထောင်ထွက်တစ်ယောက်နဲ့ ဆုံခဲ့ရသလို၊ မဖိတ်ခေါ်ထားတဲ့ ဧည့်သည်တွေပါ ဝင်ရောက်လာတဲ့အခါ…။ ဇာတ်ညွှန်းရေးဆရာရဲ့ ခရီးစဉ်တစ်လျှောက် ပဟေဠိများစွာနဲ့ ကိုယ်တိုင်ပါ အဖြေညှိနိုင်မှာမို့ စိတ်ပြေလက်ပျောက်ကြည့်ဖို့ ရွေးချယ်သင့်တဲ့ ဇာတ်ကားတစ်ကားပါပဲ။ အညွှန်း နဲ့ ဘာသာပြန်ကတော့ Su Myat ဖြစ်ပါတယ်။ Genre….. Mystery, Thriller Quality…. 1080p WEB-DL | 720p WEB-DL File size… 1.4GB | 678MB Format… mp4 Duration…. 1h 39min Subtitle…. Myanmar Subtitle (Hardsub) Translator ….. Su Myat Encoder ….. Aaron

နာမည်ကြီးကားမို့ အထူးအထွေမိတ်မဆက်ပေးတော့ပါဘူး ဇာတ်ကားနာမည်ကတော့ Ying Yang Master ပါ။ Painted Skin (2012)မှာ ill-fated lover အနေနဲ့ပဲ သရုပ်ဆောင်နေသလားမှတ်ရလောက်တဲ့ Chen Kun နဲ့ Zhou Xun က အဓိက ပါဝင်သရုပ်ဆောင်ထားတာပါ။ ဇာတ်လမ်းအကျဉ်းလေးကတော့ Chen Kun (ချင်မင်) ဟာ မိစ္ဆာတစ်ပိုင်းလူသားတစ်ပိုင်းပေါ့နော်။ သူက ခေါင်းကိုးလုံးမြွေရဲ့ ဆက်ခံသူလို့ ဆိုနိုင်လောက်အောင် မိစ္ဆာသွေးပါနေခဲ့သူပါ။ ဒီကားလေးမှာ လူနဲ့ မိစ္ဆာကို စည်းတစ်ခုခြားပြီး အတူယှဉ်တွဲနေတာဖြစ်ပြီး ယင်းယန်အဖွဲ့ကတော့ စည်းကျော်လာတဲ့ မိစ္ဆာတွေကို အပြစ်ပေးစီရင်တဲ့အဖွဲ့ပေါ့။ ချင်မင်ကို လူမမယ်အရွယ်မှာယင်းယန်အဖွဲ့က မွေးစားခဲ့ပေမယ့် နောက်ကြောင်းကို မသိခဲ့ဘူး။ တစ်နေ့တော့ သရုပ်မှန်ပေါ်လာခဲ့ပြီး မိစ္ဆာကောင်ဆိုပြီး ညီအစ်ကိုတွေ ဆရာတွေရဲ့ ခွဲခြားဆက်ဆံတာကိုခံရတဲ့ ချင်မင်အဖို့ Zhou Xu (ပိုင်နီ)ဟာ အလင်းရောင်ဖြစ်ခဲ့ပါတယ်။ ပိုင်နီကလည်း ချင်မင်လိုပဲ တာဝန်တစ်ခုနဲ့ယှဉ်တွဲမွေးဖွားလာသူပါ။ သူ့တာဝန်ကတော့ ယင်းယန်အဖွဲ့ရဲ့ခေါင်းဆောင်အဖြစ်ရွေးချယ်ခံထားရသူပေ့ါ။ ပိုင်နီနဲ့ချင်မင်က ကတိတစ်ခုထားထားတယ် ဒါကတော့ ချင်မင်က ပိုင်နီရဲ့ အမိန့်နာခံသူအဖြစ်နေပြီး လုံးဝ မိစ္ဆာဆိုးအဖြစ်မပြောင်းလဲသွားဘူးဆိုတာပါပဲ။ ဒီကတိစကားကို ချင်မင်တည်နိုင်မှာလား။ ပိုင်နီနဲ့ချင်မင်ကြားက သံယောဇဉ်ကရော ဘယ်လိုပြောင်းလဲသွားမလဲ။ လူနဲ့ မိစ္ဆာကြားက တိုက်ပွဲကရော ဘာဖြစ်သွားမယ်ဆိုတာ စိတ်ဝင်စားစရာကောင်းအောင် ရိုက်ကူးထားတဲ့ ဇာတ်ကားကောင်းလေးမို့ ကြည့်ဖြစ်အောင်ကြည့်ကြည့်ကြနော်။

ဒီတစ်ခေါက် ဘာသာပြန်တင်ဆက်ပေးလိုက်တဲ့ ရုပ်ရှင်လေးကတော့ နာမည်အတိုင်းပဲ အော်တန် ဆိုတဲ့ ကလေးမလေးနဲ့ “ဟုပ်” လို့ အမည်ရတဲ့ သူ့ရဲ့ ကျားသစ်နက်လေးအကြောင်းပါ ။ အော်တန်ဟာ တောထဲမှာ မွေးပြီး တောထဲမှာ ကြီးပြင်းခဲ့တဲ့ ကလေးမလေးဖြစ်တာမို့ သဘာဝပတ်ဝန်းကျင်အပေါ်ရော တိရစ္ဆာန်လေးတွေအပေါ်ရော အရမ်းကြင်နာတဲ့ ကလေး တစ်ယောက်ပါ ။ ဒီလိုနဲ့ သူ့အမေ သေဆုံးပြီးတဲ့နောက်မှာ အရွယ်ရောက်လာတဲ့ အော်တန်ဟာ နယူးယောက်မြို့ကြီးပေါ်ကို ပြောင်းလာခဲ့ပြီး တစ်နေ့မှာတော့ သူ့ရဲ့ တောတွင်းမိသားစုတွေဆီက ပို့လိုက်တဲ့ စာကို မြင်လိုက်ရပါတော့တယ် ။ “ဟုပ်” လေး အသက်အန္တရာယ် ရှိနေတယ်ဆိုတဲ့ သတင်းကို ကြားပြီးတဲ့ အော်တန်ဟာ အမေဇုန် တောထဲကို မရမကသွားပြီး ဟုပ်ကို ကယ်ဖို့ ကြိုးစားပါတော့တယ် ။ နောက်ဆုံးမှာ အော်တန် တကယ်ပဲ တစ်ကောင်တည်းကျန်တော့တဲ့ ရှားပါးကျားသစ်နက်လေး ဟုပ်ကို ကယ်နိုင်ပါ့မလား ။ ဇာတ်လမ်းအစမှာတင် အော်တန် အရမ်းမုန်းနေတဲ့ သူ့ဇီဝဗေဒဆရာမ မစ္စရှိုင်းမောကရော ဘယ်လိုပြောင်းလဲလာမလဲ ။ ဒီရုပ်ရှင်လေးမှာတော့ အော်တန်နဲ့ မစ္စရှိုင်းမောတို့ မတည့်အတူနေ ဆရာတပည့်နှစ်ယောက်ရဲ့ စွန့်စားခန်းတွေကို ဟာသလေးနှောပြီး ကြည့်ရှုရမှာဖြစ်ပါတယ် ။ File size… (2.41GB) / (1.35GB ) Quality… WEB-DL 1080p HEVC / 720p Format…mkv / mp4 Duration….1h 40m Genre …..Adventure , Comedy , Family Subtitle….Myanmar Subtitle (Hard Sub) Encoder….Min Wai Translated by Hazelle

ပြင်သစ်နိုင်ငံရဲ့ ကက်သလစ်ဘာသာရေးဆိုင်ရာ အယူအဆအကြောင်း၊ ကက်သလစ်ဘုန်းတော်ကြီးတွေလိုက်နာရတဲ့ ဝိနည်းစည်းမျဉ်း‌တွေအကြောင်း၊ လူ‌သားတွေရဲ့ ဖြူစင်တဲ့သံယောဇဉ်အနှောင်အဖွဲ့အကြောင်းကို ခံစားကြည့်ရှုရမယ့် မေတ္တာဘွဲ့ဒရာမာအမျိုးအစားဖြစ်ပါတယ် ဇာတ်လမ်းအကျဉ်း Simonဆိုတဲ့အမျိုးသားတစ်ဦးဟာ ဘုရားသခင်ရဲ့အမှုတော်ကို ထမ်းဆောင်ဖို့ ကက်သလစ်ဘုန်းတော်ကြီးဘဝကို ရွေးချယ်ခဲ့တဲ့သူဖြစ်ပြီးအသင်းတော်ရဲ့ ယုံကြည်သူတွေကလည်း အင်မတန်လေးစားအားကိုးကြတယ် အဲဒီအချိန် ပြင်သစ်မှာ ကလေးတွေအပေါ် ဘုန်းတော်ကြီးတွေက လိင်ပိုင်းဆိုင်ရာအမြတ်ထုတ်မှု‌တွေပေါ်ပေါက်လာခဲ့ပြီး ဘုရားကျောင်းတွေကို လူတွေက ယုံကြည်မှုကျဆင်းလာခဲ့တယ် တစ်နေ့မှာတော့ Simonတို့ဘုရားကျောင်းက ကလေးမလေးတစ်ယောက် ရုတ်တရက်ကိုယ်ဝန်ရှိလာတဲ့အခါ ဘာကြောင့်ဒီလိုတွေဖြစ်လာရတာလဲဆိုတာ‌ ဖြေရှင်းဖို့ကြိုးစားနေရင်း Simon လူဝတ်ကြောင်ဘဝက ရည်းစားဟောင်းဖြစ်ခဲ့တဲ့ Louise Fisher ဆိုတဲ့အမျိုးသမီးဟာ Aloe ဆိုတဲ့ကလေးတစ်ယောက်နဲ့အတူ Simon ကိုလာ‌တွေ့ပြီးနောက် ပြဿနာတွေစတင်လာခဲ့တယ် ဘုန်းတော်ကြီးမဖြစ်ခင်က ဇာတ်လမ်းတစ်ခုကြောင့် Simon ရဲ့ ဘုန်းတော်ကြီးဘဝကို သက်ရောက်မှုရှိတွေခဲ့လာတဲ့အခါ Simon တစ်ယောက်ဘယ်လိုတွေဖြေရှင်းမလဲ ဖခင်တစ်ယောက်ရဲ့တာဝန်ကို‌ရောယူနိုင်ပါ့မလားဆိုတာကို ကြည့်ရှုရမယ့် ပြင်သစ်ဒရာမာဇာတ်ကားကောင်းလေးပဲဖြစ်ပါတယ် File size…(1 GB)/(450 Mb) Quality….Webrip 1080p / 720p Format… mp4 Duration…. 01:33:00 Genre… Drama Subtitle….Myanmar Subtitle (Hardsub) Encoder….Garfield Translated by Vivien

Fight or Flight (2025) IMDb Rating (6.5) ဒီဇာတ်ကားထဲမှာတော့ တစ်ချိန်ကသရုပ်ဆောင်လောကမှာ လက်စွမ်းပြနိုင်ခဲ့တဲ့ မင်းသားမင်းသမီဟောင်း​တွေကနေ တစ်ဖန်လက်စွမ်းပြထားတဲ့ အက်ရှင်ဇာတ်ဝင်ခန်းတွေကိုတွေ့မြင်ရမှာဖြစ်ပါတယ်။ ဒီဇာတ်ကားဟာဆိုရင် ၂၀၂၅ နှစ်ဆန်းပိုင်းမှာထွက်ထားတာဖြစ်ပေမယ့် IMDB 6.5 ရရှိထားပြီဖြစ်ပါတယ်။ ဇာတ်လမ်းဇတ်သွားကလည်း ပုံမှန်စပိုင်ကားတွေလိုမျိုးမဟုတ်ဘဲ ဇာတ်အိမ်လှည့်ထားတာတွေ ပါဝင်နေတဲ့အတွက် တကယ်ကြည့်သင့်တဲ့ B-rated ဇာတ်ကားတစ်ခုလို့ဆိုရမှာပါ။ ဇာတ်လမ်းအကျဉ်း တစ်နေ့ အမေရိကန်ထောက်လှမ်းရေးအေဂျင်စီတစ်ခုမှာ သူလျှိုအဖွဲ့အစည်းပေါင်းများစွာကနေ အလိုရှိနေတဲ့ “The Ghost” /သရဲ လို့လူသိများတဲ့လူတစ်ယောက်ဟာ အမေရိကန်သူထောက်လှမ်းရေးတွေကို သမပြီးထွက်ပြေးသွားခဲ့ပါတယ်။ ဒါကိုအေဂျင်စီကနေ လိုက်ပေမယ့် သရဲဟာ နည်းပညာပိုင်းထူးချွန်တဲ့ဟက်ကာတစ်ယောက်ဖြစ်နေတဲ့အတွက် ဒစ်ဂျစ်တယ်နည်းပညာနဲ့လုံးဝလိုက်ဖမ်းလို့မရပါဘူး။ ဒီလိုနဲ့ ကွင်းဆင်းနေတဲ့လူတွေကို လွှတ်ဖို့ကလည်း သရဲကိုတွေ့တဲ့နေရာက ဘန်ကောက်ဖြစ်နေတော့ အေဂျင်စီဘက်ကနေ လက်လှမ်းမမှီပါဘူး ။ အမေရိကရဲ့ စင်္ကာပူကထောက်လှမ်းအခွဲကိုလည်း လွှတ်ဖို့ကြံတဲ့အချိန်မှာ လူမအားတာနဲ့ သရဲက အေဂျင်စီလက်ကနေလွတ်သွားဖို့ အကြောင်းဖန်လာပါတယ်။ တစ်ချိန်မှာ လူးကတ်စ်ရေးယက်လို့ခေါ်တဲ့ သက်လတ်ပိုင်ယောက်ျားတစ​်ယောက်ဟာ အမေရိကအရာပိုင်တွေလက်နေ ထွက်ပြေးတိမ်ရှောင်နေရတဲ့သူတစ်ယောက်ပါ။ သူ့ရဲ့ အတိတ်ဆိုးတွကြောင့် ၂ နှစ်တိုင်တိုင်ထွက်ပြေးတိမ်ရှောင်နေတဲ့သူကိုအေဂျင်စီရဲ့ခေါင်းဆောင်ဖြစ်တဲ့ ဘရန့်ဆိုတဲ့သူက ဖုန်းဆက်လာခဲ့ပါတယ်။ ဒီလိုနဲ့ ဘရန့်နဲ့ရေးယက်တို့ကြားက ဆက်ဆ​ံရေးက ဘယ်လိုဖြစ​်နေခဲ့တာလဲ၊ရေးယက်ရဲ့ တကယ့်သရုပ​်မှန်ကကော ဘယ်လိုဖြစ်နေမလဲ၊ ဒါ့အပြင် ကမ္ဘာတစ်ခွင်လိုက်ပြီးအဖျက်အမှောက်လုပ်နေတဲ့သရဲကရော အမှန်တကယ်ကျဘယ်လိုလူမျိုးဖြစ်မလဲဆိုတာကို ဒီဇာတ်လမ်းထဲမှာ အက်ရှင်အပြည့်နဲ့ စိတ်ဝင်တစားရှုစားရမှာပဲဖြစ်ပါတယ်။ (အညွှန်းနဲ့ဘာသာပြန်ကတော့ Mark ဖြစ်ပါတယ်။) File size… (5.9 GB) / (1.7 GB) / (940 MB) Quality….WEB-DL 4K HEVC / 1080p HEVC / 720p Format…. mkv/mp4 Genre….Action, Thriller Duration….01:38:10 Subtitle….Myanmar Subtitle (Hardsub) Encoder….Benjamin Translated by Mark