(1080p ရပါပြီ) R Rated Mystery/Scifi ကားသစ်လေးပါ။ ရူ့သ်နဲ့ ဟယ်ရီက တောအုပ်တစ်ခုထဲကို စခန်းချခရီးထွက်လာကြတဲ့ ချစ်သူစုံတွဲပါ။ အဲဒီလိုခရီးထွက်ဖို့ကို ဟယ်ရီက စိတ်အားထက်သန်သလောက် ရူ့သ်က အင်တင်တင်ရယ်။ ဒါပေမဲ့ ချစ်ရသူ ဟယ်ရီက စိတ်အားထက်သန်နေတော့ ကျောပိုးအိတ်တစ်လုံးနဲ့ လိုက်လာရှာပါတယ်။ တကယ်တမ်း ဟယ်ရီက ရူ့သ်ကို တောထဲခေါ်လာတယ်ဆိုတာ အကြံနဲ့ပါ။ ဘာအကြံလဲဆိုတော့ လက်ထပ်ခွင့်တောင်းဖို့ပေါ့။ ဒါပေမဲ့ ကလေးတုန်းက ရခဲ့တဲ့စိတ်ဒဏ်ရာပေါင်းများစွာနဲ့ ရူ့သ်က ဟယ်ရီ့ကို ငြင်းပါတယ်။ ဒီလိုနဲ့ အက်ကြောင်းထင်သွားတဲ့ သူတို့ကြားမှာ ဟယ်ရီ ထပ်သိလာတာက တောထဲခဏပျောက်သွားခဲ့တဲ့ ရူ့သ်ဟာ … ရူ့သ်တစ်ယောက် ဘာတွေဖြစ်သွားတာလဲ? သူတို့ ဆက်ဆံရေးကကော အရင်လို ပြန်အဆင်ပြေပါ့မလား? ဆိုတာတွေကိုတော့ ရုပ်ရှင်လေးထဲ ဆက်လက် အဖြေရှာ ကြည့်ရှုလိုက်ကြစို့နော် (ဇာတ်လမ်းအညွှန်းနဲ့ ဘာသာပြန်က May Myat Thu ပါ။) File Size          : 1.6GB, 540MB, 281MB Quality            : 1080p WEB-DL AC3 5.1CH, 720p WEB-DL, 480p Format            : mp4 Duration         : 1hr & 24mins Genre              : Mystery, Thriller, Sci-Fi Translated by May Myat Thu Encoded by Kinnov

CM ကပရိသတ်ကြီးအတွက် ဒီတစ်ခေါက် တင်ဆက်ပေးလိုက်တာကတော့ 1941 ခုနှစ်၊ ဒုတိယကာလစစ်အတွင်းကို ဇာတ်အိမ်တည်ပြီး ရိုက်ကူးထားတဲ့ ဗစ်စ်မာ ဒေသအတွင်းက လူတစ်စုအကြောင်းပဲဖြစ်ပါတယ်။ ဇာတ်လမ်းအကျဉ်းကတော့ ... နာဇီတပ်တွေရဲ့ ဝန်းရံတိုက်ခိုက်ခြင်းကို ခံရပြီး လူစုကွဲသွားတဲ့ ဆိုဗီယက် တပ်သားတစ်စု သူတို့ရဲ့ ရဲဘော်ရဲဘက်တွေဆီ ပြန်သွားဖို့ ကြိုးစားရာက လမ်းမှာပေါ်ပေါက်လာတဲ့ မမျှော်လင့်ထားတဲ့ အဖြစ်အပျက်တစ်ခုကြောင့် ဂျာမန်တွေရဲ့ ဗဲမာ့ အထူးတပ်ဖွဲ့နဲ့ ထိပ်တိုက်တွေ့ပြီး အင်အားမမျှတဲ့ တိုက်ပွဲတစ်ခုကို ရင်ဆိုင်ရပါတော့တယ်။ အဲဒီအချိန်မှာ သူရဲကောင်းတွေ မဟုတ်ကြပေမဲ့ အင်အားမမျှတဲ့ ကြားကရအောင် အံတုနေတဲ့ ဆိုဗီယက်လူစုလေးကို ကူညီတိုက်ခိုက်ပေးတဲ့ လူတစ်ယောက်ပေါ်လာပါတယ်။ သူကတော့ "သရဲနီ" ဆိုတဲ့ နာမည်ပြောင်နဲ့ နယ်မြေတစ်ဝိုက်မှာ သတင်းမွှေးနေတဲ့ နာဇီလူသတ်သမားပဲ ဖြစ်ပါတယ်။ သရဲတစ်ကောင်လို ဘယ်နေရာက ပေါ်လာမှန်းမသိ ပေါ်လာပြီး နာဇီတွေကို တစ်ယောက်ပြီးတစ်ယောက် စနိုက်ပါနဲ့ ပစ်သတ်နိုင်တာကြောင့် နာဇီတပ်က ဖိန့်ဖိန့်တုန်အောင်ကြောက်ပြီး ဖမ်းဝရမ်းအမိန့်နဲ့ လိုက်ရှာနေတဲ့သူ ဖြစ်ပါတယ်။ အဲလိုလူက လာရောက်ကူညီပြီး တိုက်ခိုက်ပေးတဲ့အခါ အင်အားမမျှတဲ့ စစ်ပွဲက ဘယ်လိုအဆုံးသတ်မလဲ။ "သရဲနီ" ကရော သတင်းထွက်နေသလို မသေမျိုးလား၊ အံ့ဩစွာနဲ့ပဲ အင်အားနည်းတဲ့ သူတို့ဘက်က အနိုင်ရသွားမလား၊ ဘယ်လိုဆက်ဖြစ်ကြမလဲဆိုတာကို ဇာတ်လမ်းတစ်လျှောက် စီးမြောရင်း ခံစားကြည့်ကြပါခင်ဗျ။ ဒီကားက အက်ရှင်ခန်းတွေလည်း ပါပေမဲ့ ဇာတ်ကွက်တစ်ခုချင်းစီကို သေချာအေးအေးဆေးဆေး ရိုက်ပြထားတာမလို့ တိုက်ပွဲအတွင်းက ရန်သူတွေရဲ့ လှည့်ကွက်ကို ရအောင်ရှောင်ရှားရမဲ့ သဘောသဘာဝတွေ၊ အသက်မသေရုံတမယ် ညှဉ်းပန်းနှိပ်စက်တာတွေကနေ သည်းခံပြီး မျှော်လင့်ချက်တစ်ခုအတွက် ရှင်သန်အောင် ကြိုးစားရတာတွေ၊ လူ့အခွင့်အရေး ချိုးနှိပ်ခံရမှုတွေ စသဖြင့် တွေးတောစရာတွေ အများကြီးပါတာမလို့ တစိမ့်စိမ့်နဲ့ အတွေးနယ်ချဲ့ချင်သူတွေအတွက် ဇာတ်ကားကောင်းလေးတစ်ခုဖြစ်မယ်လို့ အကြံပြုချင်ပါတယ်ဗျ။ File Size          :  (1.63GB), (704MB) & (455MB) Quality            : BluRay 1080p 5.1CH, BluRay 720p & 480p Format            : mp4 Duration         : 1hr & 39mins Genre              : Drama, History, Horror Translated by  Chothet_mlmt Encoded by Kinnov

အဏ္ဏဝါဇီဝပညာရှင် ဂျေဆင်နဲ့သူ့ဇနီးတို့ဟာ ပင်လယ်ကမ်းခြေမြို့လေးတစ်မြို့ဖြစ်တဲ့ ပိုလာ,မင်ဒိုရိုကို ငါးဘေးမဲ့ဇုန် တည်ထောင်ထိန်းသိမ်းဖို့တာဝန် နဲ့အတူလာခဲ့ကြပါတယ်၊ ဂျေဆင်ရဲ့ ဇနီးဖြစ်တဲ့ကင်ဆာဝေဒနာသည် အက်ဘီမှာတော့တစ်ခြားရည်ရွယ်ချက်တစ်ခုရှိပါတယ်။ အဲ့ဒါကတော့ သူမရှိတော့တဲ့တစ်နေ့မှာ သူချစ်ရတဲ့ခင်ပွန်းသည်ကိုစိတ်ချလက်ချထားခဲ့နိုင်တဲ့အဖော်တစ်ယောက်ရှာဖွေပေးခဲ့ချင်တာပါပဲ။ မြို့တော်ဝန်က ဂျေဆင်ရဲ့လက်ထောက်အဖြစ် ဒင်းနစ်ဆိုတဲ့မြို့ခံကောင်လေးတစ်ယောက်ကို တာဝန်ချထားပေးခဲ့ပါတယ်။ ဂျေဆင်နဲ့ဒင်းနစ်ဟာ ပင်လယ်ထဲကိုခရီးထွက် ရေအောက်ကိုအတူတူငုပ်ကြရင်း တစ်ယောက်အပေါ်တစ်ယောက်အကြည့်တွေ၊ မတော်တဆအထိအတွေ့တွေကို သာယာမိရာကနေ မရှောင်နိုင်ပဲရှေ့ဆက်တိုး အချစ်နယ်ကျွံမိကြပါတော့တယ်။ တကယ်တော့ ဒင်းနစ်စ်မှာလဲသက်တူရွယ်တူကောင်မလေးရှိပြီး အဲ့ဒီကောင်မလေးကိုယ်ဝန်ရှိကြောင်းသိရ၊ လက်ထပ်ဖို့ အတင်းပူဆာလာတဲ့အခါမှာ..။ ဆိုင်သူကိုယ်စီနဲ့ သူတို့ဇာတ်လမ်းကို ဘယ်လိုရှေ့ဆက်ကြမလဲ? မဆိုင်သူတွေမနစ်နာရမယ့်လမ်းကို ဘယ်လိုရွေးချယ်ကြမလဲ? သူတို့တွေရဲ့ အချစ်ဟာပျော်စရာဇာတ်သိမ်းလေးတွေ့ကြုံရပါ့မလား? Palitan ကိုရိုက်ခဲ့တဲ့ ကိန်းရုပ်ရှင်ပွဲတော်အကောင်းဆုံးဒါရိုက်တာဆုရှင် Brillante Mendoza ရဲ့လက်ရာပါပဲ။ ဇာတ်လမ်းက ရိုးရိုးလေးနဲ့ဆန်းသလို သူ့ကားတွေထုံးစံ ရုပ်ရှင်ဆန်တဲ့ဒိုင်ယာလော့တွေ ကြီးကြီးကျယ်ကျယ် ဘာညာမရောင်းပဲ ရှင်းရှင်းလေးနဲ့ပြေပြေပြစ်ပြစ်တင်ဆက်ထားပါတယ်။ သာယာလှပတဲ့နယ်မြို့လေးနဲ့ ရေအောက်က သန္တာကျောက်တန်းတွေ ကျွန်းတွေရဲ့အလှအပကို Cinematography အမိုက်စားတွေနဲ့ မြင်တွေ့ရမှာဖြစ်ပါတယ်။ BL ဘက်ကိုနွယ်တဲ့ဇာတ်ကားဖြစ်ပေမယ့် မင်းသမီးတွေဘက်ကိုလဲ အသားပေးမှုမလျော့တာကြောင့် လင်းတဲ့အခန်းတွေလင်းပေမယ့် မှောင်တဲ့အခန်းတွေလဲတော်တော်မှောင်ပါတယ်။ File size…(2.2 GB) / (1 GB) Quality….WEB-DL 1080p /720p Format…mp4 Duration….01:55:48 Subtitle….Myanmar Subtitle(Hardsub) Encoder….RGB Translated by ALS

လူငယ်တစ်ဦးဟာ ရွေ့လျားနေတဲ့ ဓာတ်လှေကားတစ်ခုထဲမှာပိတ်မိနေပြီး သွေးပျက်ကြောက်ရွံ့စွာ ဓာတ်လှေကားရဲ့ခေါ်ဆောင်ရာနောက်ကို လိုက်ပါနေရပါတယ်။ ဓာတ်လှေကားရဲ့ ခရီးအဆုံးမှာတော့ သူမသိတဲ့ လူငယ်တစ်ချို့ရဲ့ ဖမ်းဆီးခြင်းကို ခံရပြန်တယ်။ ထိတ်လန့်တုန်လှုပ်စွာနဲ့ပဲ သူထွက်ပြေးချိန်မှာ ဘယ်သူမှသူ့ကို လိုက်မဖမ်းပဲ အော်ဟစ်ရယ်မောနေကြပါတယ်။ မကြာခင်မှာပဲ သူ့ကိုဘာ့ကြောင့်လိုက်မဖမ်းသလဲဆိုတဲ့အဖြေကို သူသိရှိသွားပါတော့တယ်။ သူရောက်ရှိနေတဲ့နေရာဟာ ပတ်ပတ်လည်မှာ နံရံကြီးတစ်ခု ကာဆီးထားလို့ပါပဲ။ အရှေ့က ရောက်ရှိနေတဲ့ လူငယ်လေးတွေဟာလည်း သူ့လိုပဲ ဖမ်းဆီးခံရပြီး ဒီနေရာကို ပို့ဆောင်ခြင်းခံခဲ့ရသူတွေပါ။ ကောင်လေးဟာ သူ့ရဲ့နာမည်သောမတ်ဆိုတာကလွဲပြီး ဘာကိုမှ မမှတ်မိပါဘူး။ ရုတ်တရတ် နံရံကြီးကနေ အသံတွေကြားလာရပြိ်း တံခါးတစ်ချပ်ကိုတွေ့ရှိသွားချိန်မှာ ဝမ်းသာအားရနဲ့ သူပြေးထွက်ဖို့ ကြိုးစားပါတော့တယ်။ ဒါပေမယ့် ရောက်နှင့်ပြီးသား လူငယ်တွေရဲ့ တားဆီးခြင်းကို ခံရပါတော့တယ်။ ဘာ့ကြောင့်လဲဆိုတော့ ဒီဂိတ်တံခါးဟာ တစ်နေ့မှာ တစ်ကြိမ်သာပွင့်ပြီး အလွန်အန္တရာယ်များလှတဲ့ ဝင်္ကဘာတစ်ခုဆိ်ကို သွားရာဝင်ပေါက်ဖြစ်နေလို့ပါပဲ။ လူငယ်တွေဟာ သူတို့ရောက်ရှိနေတဲ့နေရာကို Glade လို့အမည်ပေးထားပြီး သူတို့ကိုယ်သူတို့ Gladers လို့ ခေါ်ကြပါတယ်။ စောင့်ရှောက်သူ keeper ရဲ့ ဦးဆောင်မှုအောက်မှာ တာဝန်အသီးသီးကိုခွဲဝေထမ်းဆောင်ကြရပါတယ်။ တောင်နံရံတွေကို ဝင်္ကဘာကြီးတစ်ခုက ကာရံထားပြီး အတွင်းမှာ Grievers လို့ခေါ်တဲ့ စက်ပစ္စည်းတွေထပ်ဆောင်းတပ်ဆင်ထားတဲ့ ပင့်ကူလိုသတ္တဝါဆိုးကြီးတွေရှိနေပါတယ်။ ရောက်ရှိခဲ့ပြီးသား Glader တွေရဲ့ နှစ်နှစ်ကျော်ကြာအောင် ဒီဝင်္ကဘာထဲက လွတ်မြောက်ဖို့ လေ့လာတွေ့ရှိထားသမျှကို သောမတ်စ်ဟာ သင်ယူရပါတယ်။ ဝင်္ကဘာထဲကို runner လို့ခေါ်တဲ့ သွားရောက်လေ့လာသူတွေဟာ မနက်စောစောတံခါးဖွင့်ချိန်မှာ ဝင်ရောက်ပြီး ာနေတံခါးမပိတ်မီမှာ ပြန်လာကြရပါတယ်။ ဝင်္ကဘာထဲကနေ ပြန်ထွက်မလာနိုင်တော့တဲ့ runner တွေလည်း အများကြီးရှိခဲ့ပါတယ်။ တစ်ရက်မှာတော့တံခါးပိတ်ချိန်အထိ ရောက်မလာကြသေးတဲ့ runner နှစ်ယောက်အတွက် အားလုံးစိတ်ပူနေကြချိန်မှာ သောမတ်စ်ဟာ အန္တရာယ်များလှတဲ့ ဝင်္ကဘာထဲကို ဝင်ရောက်သွားပါတော့တယ်။ တောမတ်စ်ရဲ့ဖြတ်ထိုးဉာဏ်နဲ့ runner နှစ်ဦးကို ကယ်တင်နိုင်ခဲ့ပေမယ့် စည်းကမ်းဖောက်ဖျက်တဲ့အတွက် တစ်ညအချုပ်ထဲထည့်ခံလိုက်ရပါတယ်။ နောက်တစ်နေ့မှာတော့ သောမတ်စ်ကို runner အသစ်အဖြစ်တာဝန်ပေးခြင်းခံရပါတော့တယ်။ သောမတ်စ်တစ်ယောက် ဒီဝင်္ကဘာထဲက ရုန်းထွက်နိုင်မှာလား? ဒီဝင်္ကဘာကြီးကို ဘယ်သူတွေ တည်ဆောက်ခဲ့တာလဲ? ဝင်္ကဘာကြီးရဲ့ နောက်ကွယ်မှာ ဘယ်လိုရည်ရွယ်ချက်တွေရှိနေသလဲဆိုတာကိုတော့ ကိုယ်တိုင်သာကြည့်ရှုခံစားကြပါလို့။ ဒီဇာတ်လမ်းအဆုံးမှာတော့ ဘာကိုမှ မယုံရဘူးလို့ ရေရွတ်မိလောက်အောင် အပြောင်းအလဲ၊ လှည့်ကွက်လေးတွေနဲ့တင်ဆက်ထားပြီး လူသားဆန်မှု၊ ဉာဏ်ပညာ၊ စည်းလုံးခြင်းရဲ့အင်အား၊ ခင်မင်မှုနဲ့ ယုံကြည်မှုတို့ကို ကောင်းကောင်းဖော်ညွှန်းထားနိုင်တဲ့ ဇာတ်ကားကောင်းတစ်ကားဖြစ်ကြောင်း မှတ်ချက်ချပါရစေ။ ဒီဇာတ်ကားကို Dylan O’Brien, Alm Ameen နဲ့ ကိုရီးယားသရုပ်ဆောင် Ki Hong Lee တို့က ပါဝင်သရုပ်ဆောင်ထားပြီး ပရိသတ်ရင်ကို ထိရှစေခဲ့တဲ့ ကလေးသရုပ်ဆောင် Blake Copper က ချက်ခ်ဆိုတဲ့နေရာကနေ ပါဝင်သရုပ်ဆောင်ထားပါတယ်။ imdb rating 7.5/10 ရရှိထားပြီး ဒါရိုက်တာကတော့ Wes Ball ဖြစ်ပါတယ်။ အားလုံး စိတ်ချမ်းမြေ့ပါစေ။ Movie Preview Credit- MMmovie Guide File Size : (900 MB) and (398 MB) Quality : Blu-Ray 720p Running Time : 1hr 53min Format : Mp4 Genre : Action, Mystery, Sci-Fi Subtitle : Myanmar Subtitle (Hard Sub) Source : 720p.BluRay.x264-SPARKS Translated by ကျော်ကျော် (CU-Mdy) Encoded by Thanhtike Zaw

IMDb - 8.0/10_____Rotten - 90% Won 1 Oscar. Another 48 wins & 159 nominations ဒီဇာတ်ကားကိုအခုခေတ်လူတွေကြည့်ခွင့်ရတာ တကယ့်ကိုထူးတဲ့ ကုသိုလ်တစ်ခုလို့မှတ်ရပါမယ်။ ဘာဖြစ်လို့လဲဆိုတော့ ဇာတ်ကားထဲက အချက်အလက်တွေက တကယ့် Top Secret တွေဖြစ်ပြီး ဗြိတိန်နိုင်ငံက  ဒီအချက်အလက်တွေကို နှစ် ၅၀ ခန့်ထိမ်းသိန်းလျှို့ဝှက်ထားခဲ့တာပါ။ ဒုတိယကမ္ဘာစစ်အတွင်းမှာ ဂျာမဏီတို့ စစ်ရေးအရ အခြားနိုင်ငံတွေအပေါ် အသာရစေခဲ့တဲ့အရာဟာ Enigma လို့ခေါ်တဲ့ လျုှိ့ဝှက်ကြေးနန်းပို့စနစ်လို့ ဆိုနိုင်ပါတယ်။ Enigma ကတဆင့် သတင်းပေးပို့မယ်ဆိုရင် အခြားနိုင်ငံတွေအနေနဲ့ ဘယ်လိုမှ enigma စကားဝှက်တွေကိုဖော်နိုင်စရာမရှိပါဘူး။ possibilities ပေါင်း သန်းပေါင်း ၁၅၉ သန်းထိရှိတဲ့ စကားလုံးတွဲဖက်မှုတွေပေါ်လာနိုင်လို့ပါပဲ။ အဲဒီ possibilities အားလုံးကိုဖော်နိုင်တယ်ထားဦးတော့.....ဂျာမဏီတို့က ညသန်းခေါင်ကျော်ရင် setting အသစ်တစ်မျိုးထပ်ပြောင်းတာကြောင့် ၂၄ နာရီအတွင်း decipher လုပ်ဖို့ဆိုတာ mission impossible ပဲဖြစ်ခဲ့ပါတယ်။ ဗြိတိန်စစ်တပ်ဟာ ဒီ enigma ကိုဖော်နိုင်ဖို့ နိုင်ငံအတွင်းရှိ သချာၤပညာရှင်တွေ၊ cryptanalyst တွေကို Bletchley Park မှာ စုစည်းခဲ့ကြပါတယ်။ Bletchley Park ကိုလာရောက်ကြသူတွေထဲမှာ Alan Turing လည်းအပါအဝင်ပေါ့။ Alan Turing ဟာ ညာဏ်အင်မတန်ကောင်းတယ်၊ cryptology ကိုထုံးလိုကြေရေလိုနှောက် ကျွမ်းကျင်တယ်။ သို့ပေမယ့် ပေါင်းသင်းဆက်ဆံရေးကတော့အလွန်ညံ့တယ်။ လုပ်ဖော်ကိုင်ဖက်တွေနဲ့ပူးပေါင်းဆောင်ရွက်ဖို့ စိတ်မဝင်စားဘူး။ သူတို့ဟာ သူ့အလုပ်ကိုနှောင့်နှေးစေတာသာရှိမယ်လို့ သူကယူဆတယ်။ ဒီတော့ သူ့ကိုလုပ်ဖော်ကိုင်ဖက်တွေက ဘယ်ကြည်ကြလိမ့်မလဲ။ အထက်လူကြီးကရောတဲ့..........Alan Turing ဆိုတဲ့ငနဲကို ထုတ်ပစ်ဖို့ အကြောင်းပြချက်ရှာမတွေ့သေးလို့သာ ငြိမ်နေကြရတာဖြစ်ပါတယ်။ Alan က enigma ကိုဖော်ဖို့ လူ့စွမ်းအားနဲ့မဖြစ်နိုင်မှန်းသိတယ်။ လူ့ဦးနှောက်ထက်သာလွန်တွက်ချက်နိုင်တဲ့ စက်တစ်ခုကိုတည်ထွင်ဖို့သူကကြိုးပမ်းခဲ့တယ်။ အစကတော့ သူ့စက်အတွက် ငွေထောက်ပံ့ဖို့ Commander Denniston ကငြင်းဆိုခဲ့တယ်။ ဒီတော့ Alan ဘာလုပ်သလဲ.......။ Winston Churchill ဆီ တိုက်ရိုက်စာရေးတောင်းဆိုလိုက်တော့တယ်။ ရလဒ်အဖြစ် funding ရလိုက်ရုံမက decipher team တစ်ခုလုံးရဲ့ခေါင်းဆောင်ပါဖြစ်လာခဲ့ပါတယ်။ ဒီလိုနဲ့ အချိန်တွေတရွေ့ရွေ့ကုန်ဆုံးလာခဲ့ပေမယ့် ငွေကုန်ကြေးကျခံထားတဲ့ Alan ရဲ့စက်ကြီးက အလုပ်ဖြစ်မလာသေးလို့ အထက်လူကြီးတွေသည်းခံစိတ်ကုန်လာခဲ့ပြီ။ Bletchley Park မှာ ဆိုဗီယက်သူလျိုရှိတယ်ဆိုတဲ့ ကောလဟလထွက်လာတဲ့အခါမှာလည်း Alan ကသံသယရှိစရာအကောင်းဆုံးသူဖြစ်နေတယ်။ Alan ဟာ တကယ်ပဲသူလျိုလား........၊ သူ့ရဲ့စက်ကြီးကရော အချိန်မီပြီးစီးနိုင်မှာလား။ Alan မှာ အဲဒီခေတ်က လူသိခံလို့မရတဲ့ လျို့ဝှက်ချက်ကြီးတစ်ခုလည်းရှိနေခဲ့တယ်။ အဲဒီလျို့ဝှက်ချက်ကိုရော Alan ဘယ်အချိန်ထိဖုံးကွယ်ထားနိုင်မလဲဆိုတာ.......................။ အလန်ကျူ ရင်းကို ယခင်က ကျွန်တော် မကြားဖူးခဲ့ပါဘူး။(ကျွန်တော်တော်တော်ညံ့ခဲ့တာပါ။) အဲ့ဒီ အလန်ကျူ ရင်းဆိုတာ ကျွန်တော်တို့ ယနေ့ခေတ်ကွန်ပျူ တာခေတ်အတွက် အစကနဦး အိုင်ဒီယာချခဲ့တဲ့ ပုဂ္ဂိုလ်ကြီးပါတဲ့။ ဒီဇာတ်ကားက အဲ့ဒီပုဂ္ဂိုလ်ကြီးအကြောင်းကိုရိုက်ထားတာပါ။ သူဟာ ကမ္ဘာ့သမိုင်းကို ဖန်တီးခဲ့တဲ့ လူသားတွေထဲပါဝင်ခဲ့ပြီးတော့ လူ့အသက်ပေါင်း သန်းချီကို ကယ်တင်ခဲ့တဲ့ မဟာလူသားတစ်ဦးဖြစ်ပါတယ်။ (မဟာလူသားဆိုပေမယ့် Perfect ဖြစ်ခဲ့သူတစ်ယောက်တော့မဟုတ်ပါဘူး) ဒီလို Perfect မဖြစ်ပေမယ့် လူသားဆန်လွန်းတဲ့ လူတစ်ယောက်အကြောင်းကို ဇာတ်လမ်းဇာတ်ညွှန်းကောင်းကောင်း သရုပ်ဆောင်ကောင်းကောင်းနဲ့တင်ဆက်ထားတာဖြစ်တဲ့အတွက် ကြည့်ကိုကြည့်သင့်တဲ့ ဇာတ်ကားကောင်းဖြစ်ပါတယ်။ ကြည့်ဖို့တိုက်တွန်းအပ်ပါတယ်။ IMDb Rating(8.0/10) နဲ့ Rotten Tomatoes (90%) ရရှိထားပါတယ်။ မင်းသားကြီး Benedict Cumberbatch နဲ့ မင်းသမီး Keira Knightley တို့အဓိကပါဝင်သရုပ်ဆောင်ထားပါတယ်။ ဒီကားအပြီးမှာနိုင်ငံအတွက် ဘာတွေ ပေးဆပ်ပြီးပြီလဲ??? ဘာတွေ ပေးဆပ်ရဦးမလဲ??? ဆိုတာတွေးရင်းနဲ့ "Ask not what your country can do for you, ask what you can do for your country" ဆိုတဲ့ မိန့်ခွန်းကိုတောင် ပြန်သတိရမိပါတယ်။ Ref; Movies-we watch,we feel.'s FB Page & Movie Review's FB Page (ဒီဇာတ်ကားရဲ့ မြန်မာစာတန်းထိုးကိုတော့ Lotus Black မှဘာသာပြန်ခဲ့တာဖြစ်ပါတယ်။) File size...(804 MB) Quality....Blu-ray Rip 720p Format...mp4 Duration....01:54:13 Subtitle....Myanmar Subtitle (Hardsub) Translator ....Lotus Black Encoder....Nyeinsaeya Aung

So Cute(2004) ************** (၁၈+ အခန်းများပါသဖြင့်မိသားစုနဲ့အတူမကြည့်သင့်ပါခင်ဗျ..) ဂျန်ဆူရိုဟာ ဆိုးလ်မြို့ဆင်ခြေဖုံးရပ်ကွက်တစ်ခုမှာ နေထိုင်တဲ့ နတ်ဆရာတစ်ယောက်ဖြစ်ပါတယ်.. သူဟာ အိမ်ထောင်ရေးနဲ့ပတ်သက်တဲ့ အဆောင်လက်ဖွဲ့ပေးရာမှာ နာမည်ကြီးလို့ အမျိုးသမီးတွေက သူ့ကို သဘောကျကြတယ်.. အဲလိုနဲ့ဂျန်ဆူရိုဟာ အမျိုးသမီးတချို့နဲ့ပတ်သက်ခဲ့ပြီး ဖအေတူမအေကွဲ သား၃ယောက်ရလာပါတော့တယ်.. သားကြီးဖြစ်သူအမူးသမား ၉၆၃က ဆိုင်ကယ်နဲ့ပစ္စည်းပို့တဲ့အလုပ်ကိုလုပ်ပြီး သားလတ်ဖြစ်သူဂယ်ခို(ခွေးနှာခေါင်း)က ကရိန်းကားမောင်းတဲ့အလုပ်ကို လုပ်ပါတယ်.. သားအငယ်ဆုံးဖြစ်တဲ့မောရှီဂီကတော့ လူမိုက်တစ်ယောက်ဖြစ်ပြီး မကြာခင်ကမှ ထောင်ကထွက်လာသူဖြစ်ပါတယ်.. မောရှီဂီရဲ့ဆရာ လူမိုက်ဂိုဏ်းခေါင်းဆောင်က မောရှီဂီရဲ့ဖခင်နေထိုင်တဲ့ ဆင်ခြေဖုံးရပ်ကွက်ကတိုက်တန်းဟောင်းကို စီမံကိန်းတစ်ခုနဲ့ဖျက်ခိုင်းဖို့ မောရှီဂီနဲ့အဖွဲ့ကို စေခိုင်းတဲ့အခါမှာတော့ ဖခင်နဲ့လူမိုက်ဆရာကြား မောရှီဂီအခက်တွေ့ပါတော့တယ် ဒါ့ပြင် သားလတ်ဂယ်ခိုနဲ့သိတဲ့ ဆွန်းရီဆိုတဲ့ဆန်မုန့်ရောင်းတဲ့မိန်းကလေးတစ်ဦးကပါ.. သူတို့အိမ်ပေါ်ရောက်လာတဲ့အခါမှာ သားအဖ၄ယောက်နဲ့ဆွန်းရီရဲ့ပတ်သက်မှုကလည်း ရယ်မောစရာကောင်းပြီး ပိုရှုပ်ထွေးလာပါတော့တယ်.. File Size : (3.1GB)(1.0 GB) and (397 MB) Quality : NF.WEB-DL 1080P, 720p Format…mp4 Duration…01:56:00 Genre : Adult, Comedy, Drama Subtitle : Myanmar Subtitle (Hard Sub) Translated by PPM Encoded by DS

Mastemah (2022) Mastemah ဆိုတဲ့ စကားလုံးကို ခရစ်ယာန်ကျမ်းစာထဲမှာတော့ အနက်မျိုးစုံနဲ့ ဖွင့်ထားကြပါတယ်။ နတ်ဆိုးနဲ့ အဆက်သွယ်လုပ်တဲ့သူ ဒါမှမဟုတ် ကျမ်းစကားအရဆိုရင်တော့ “မိမိကိုယ်ကို သတ်သေသည်အထိ ခဲယဉ်းဆိုးယုတ်သောသူ” လို့ အဓိပ္ပါယ်ရပါတယ်။ ဒီကားထဲမှာကတော့ နတ်ဆိုးနဲ့ သွားကစားမိလို့ ဘဝကြီးတစ်ခုလုံး ပျက်သွားခဲ့တဲ့ အကြောင်းကို ရိုက်ကူးထားတာပါ။ ဇာတ်ကောင်ဖြစ်တဲ့ လူးဝိစ်လေးဟာ သူ ချစ်ရတဲ့သူနဲ့ ဘဝချင်းကွေကွင်းခဲ့ရလို့ ကျေးလက်တစ်နေရာမှာ ဇာတ်လာမြှုပ်သူပေါ့။ ဒါပေမဲ့ သူ ကျေးလက်က အိမ်ကိုပြောင်းပြောင်းပြီးချင်းပဲ အနိဌာရုံတွေ တစ်ခုပြီးတစ်ခုဖြစ်လာပါတော့တယ်။ စိတ်ကျန်းမာရေးဆရာဝန်ဖြစ်တဲ့ အလျောက် စစချင်းမှာ သူက သိပ္ပံနဲ့ အဖြေရှာဖို့ကြိုးစားကြည့်တာပေါ့။ ဒါပေမဲ့ ပြဿနာတွေဟာ ပိုပိုပြီးဆိုးလာပါတယ်။ ဒီပြဿနာတွေကို သူ ဘယ်လိုဖြေရှင်းသွားမလဲဆိုတာကို တစ်မေ့တစ်မောကြည့်ရမှာပဲဖြစ်ပါတယ်။ ဒီဇာတ်ကားဟာဆိုရင် ခရစ်ယာန်ဘာသာရဲ့ နောက်ဆုံးကျမ်းဖြစ်တဲ့ ဗျာဒိတ်ကျမ်းထဲက ရူပါရုံတွေအကြောင်းအခြေခံပြီးရိုက်ကူးထားတာဖြစ်ပါတယ်။ ဒါကြောင့် Horror ကြိုက်တဲ့သူတွေအတွက် သုတကော ရသမျိုးစုံပါပေးစွမ်းနိုင်တဲ့ ဇာတ်ကားကောင်းတစ်ကားပဲဖြစ်ပါတယ်။ (ဒီဇာတ်ကားနဲ့အညွှန်းကို Mark မှ ပြန်ဆို ရေးသားထားပါတယ်) Size – 1.95GB, 825MB Quality – 1080p, 720p Format – mp4 Duration – 1H 40Min Genre – Horror, Thriller Subtitle – Myanmar Subtitle (Hardsub) Translated by Mark Encoded by Y

Rotting in the Sun (2023) ================== IMDb Rating – 7.0/10 စိတ်ကူးယဉ်‌မဟုတ်ဘဲ တကယ့်လက်တွေ့ဇာတ်ကောင်တွေနဲ့ ဖန်တီးထားတဲ့ ခပ်ဆန်းဆန်း comedy-triller ဇာတ်လမ်းတစ်ပုဒ်နဲ့ မိတ်ဆက်ပေးပါရစေ။ ထူးခြားချက်က စာရေးဆရာ၊ ဒါရိုက်တာ ဆဘတ်စ်ရှန်ဆေလ်ဗာနဲ့ ဟာသ သရုပ်ဆောင်မင်းသား ဂျော်ဒန်ဖတ်စ်မန်းတို့က သူတို့ကိုယ်တိုင်အနေနဲ့ ခေါင်းဆောင်ပါ၀င်ထားတာပါ။ ဇာတ်လမ်းအကျဉ်းကတော့… ဆဘတ်စ်ရှန်ဟာအနုပညာလောကမှာ အောင် မြင်မှုရ‌အောင်ကြိုးစားနေတဲ့ ဒါရိုက်တာ၊ ပန်းချီဆရာပါ။ suicide လုပ်တဲ့ ကိစ္စတွေစိတ်၀င်စားတတ်ပြီး ပါးစပ်ကလည်း အမြဲထုတ်ပြောတတ်ပါတယ်။ ဆေးစွဲပြီး စိတ်ဓာတ်ကျ‌နေတဲ့ ဆဘတ်စ်ရှန်တစ်ယောက် တစ်နေ့တော့ ဂေး တို့ပျော်စံရာလို့နာမည်ကြီးတဲ့ nudist ကမ်းခြေကို ရောက်သွားပါတယ်။ အဲဒီ မှာ ဆိုရှယ်အင်ဖလူရန်ဇာ ဂျော်ဒန်ဖတ်စ်မန်းနဲ့ ‌တွေ့ဆုံခဲ့ပါတယ်။ အဲဒီကစ လို့ သူတို့နှစ်ဦး ပရောဂျက်တစ်ခု အတူလုပ်ဖို့ ဖြစ်လာပါတယ်။ အဲဒီပရော ဂျက်ကို ဆဘတ်စ်ရှန်ရဲ့အိမ်မှာ အတူလုပ်ကြဖို့ စီစဉ်ထားပါတယ်။ ပရောဂျက် အလုပ်စဖို့ ဂျော်ဒန်ရောက်လာချိန်မှာတော့ ဆဘတ်စ်ရှန်တစ်ယောက် အိမ် မှာမရှိဘဲ ထူးဆန်းစွာပျောက်ဆုံးနေတဲ့အခါ…။ *** ဇာတ်လမ်းမှာ nudist beach က ဇာတ်၀င်ခန်းတွေနဲ့ မိသားစုအတူမကြည့် သင့်တဲ့ ဇာတ်၀င်ခန်းနည်းနည်း ပါ၀င်တဲ့အကြောင်း ကြိုတင်သတိပေးထားပါရစေ။ *** (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ C’mon ဖြစ်ပါတယ်) File Size……….(1.8 GB) / (932 MB) Quality…………WEB-DL 1080p / 720p Duration………1Hr 49Min Subtitle………..Myanmar Hardsub Format…………MP4 Genre…………..Comedy, Mystery, Thriller Translator……C’mon Encoder……….SWM

ဒီတစ်ခါမှာတော့ ဘယ်ဂျီယံဇာတ်ကားလေးတစ်ပါးဖြစ်တဲ့ Bullhead ဆိုတဲ့ဇာတ်ကားလေးကိုတင်ဆက်ပေးချင်ပါတယ် ဇာတ်လမ်းလေးကတော့ ဂျက်ကီဟာ နွားမွေးမြူရေးလုပ်ငန်းလုပ်ကိုင်တဲ့မွေးမြူရေးသမားတစ်ယောက်ပါ တစ်နေ့သူတို့ဆီကအသားတွေကိုတင်သွင်းချင်တယ်ဆိုပြီး မာဖီယာတစ်ယောက်ကဆက်သွယ်လာပါတယ် အဲ့ရက်ပိုင်းအတွင်းမှာပဲ အသားပိုတိုးအောင်တိရစ္ဆာန်တွေထဲကို ဟော်မုန်းဆေးတွေတရားမဝင်ထိုးခြင်းကို စုံစမ်းစစ်ဆေးရတဲ့ ဒါအဲမ်ဆိုတဲ့ရဲတစ်ယောက်အသတ်ခံရပါတယ် ဂျက်ကီကလည်း အဲ့ဒီလူသတ်မှုမှာညသူတို့နဲ့အလုပ်တွဲလုပ်ချင်ပါတယ်ဆိုတဲ့သူတွေနဲ့ပက့သက်နေမလားဆိုပြီး သံသယဝင်နေခဲ့ပါတယ် သူတို့နဲ့တွေ့ဆုံကြည့်တဲ့အခါမှာ အဲ့ဒီမာဖီယာရဲ့တပည့်တစ်ယောက်က သူ့ရဲ့ငယ်ငယ်ကသူငယ်ချင်းဒီယဲဒရစ်ဖြစ်နေတာကိုသိလိုက်ရပါတယ် အဲ့အချိန်မှာ သူ့ရဲ့ငယ်ငယ်ကနာကျင်စရာအဖြစ်အပျက်ဆိုးကြီးကအတွေးထဲပြန်ဝင်လာပါတယ် ဂျက်ကီငယ်ငယ်က ဘာတွေနဲ့ကြုံတွေ့ခဲ့ရတာလဲ သူငယ်ချင်းဒီယဲဒရစ်နဲ့ရောဘာလို့ဝေးကွါခဲ့ရတာလဲ မာဖီယားတွေလက်အောက်မှာအလုပ်လုပ်နေတဲ့ဒီယဲဒရစ်ရဲ့သရုပ်မှန်ကရောဘာဖြစ်မလဲဆိုတာတွေကို စိတ်ဝင်စားဖွယ်ကြည့်ရမှာပါ File size…(1.8 GB GB)/(850 Mb) Quality….Webrip 1080p / 720p Format…mp4 Duration….02:09:00 Genre… Crime, Drama Subtitle….Myanmar Subtitle (Hardsub) Encoder….Mr. Anderson Translated by Ruby Jane

မာဗင်တို့ သူငယ်ချင်းတွေက သူတို့လေးစားအားကျရတဲ့အဆိုတော်ရဲ့ ပရိသတ်တွေ စုစည်းကျင်းပတဲ့ ပုံစံတူ တုပဖျော်ဖြေပွဲကို သွားကြည့်မလို့ ကြံရွယ်ရင်း ဖျော်ဖြေပွဲမတိုင်ခင် တောထဲက အိမ်ကြီးထဲကို အပန်းဖြေခရီး ထွက်ခဲ့ကြပါတယ်။ အဲဒီအိမ်ကြီးကို စောင့်ရှောက်ဖို့ခိုင်းထားတဲ့ အမြဲမူးနေတဲ့ အရက်သမားကြီး ဂျိရယ်၊ ဘေးအိမ်က ဘာတွေပြောလို့ပြောနေမှန်းမသိတဲ့ ထူးဆန်းတဲ့လူကြီး ဂယ်ရတ်ရယ်နဲ့အတူ တောအုပ်ထဲက အိမ်ကြီးက သူတို့အတွက်တော့ အတွေ့အကြုံအသစ်တွေကို ပေးစွမ်းခဲ့ပါတယ်။ လူငယ်သဘာဝ ပျော်ပါး သောက်စားရင်း ဂိမ်းတွေဆော့ရင်းနဲ့ မာဗင်က အရက်သမားကြီး ဂျိရဲ့ အရက်တွေကို အလစ်သုတ်ဖို့ကြံရာက သူတို့သူငယ်ချင်းတစ်စုက ထူးခြားဆန်းပြားမှုတွေကို ဘယ်လိုကြုံတွေ့ရမလဲဆိုတာကိုတော့.. File size…(1.4 GB)/(943 Mb) Quality….Webrip 1080p / 720p Format…mp4 Duration….01:02:00 Genre…Horror Subtitle….Myanmar Subtitle (Hardsub) Encoder….Garfield Translated by Emily

ယခုအခါတင်ဆက်ပေးလိုက်တာကတော့ ၂၀၁၇ ခုနှစ်ထွက် science fiction အမျိုးအစားဇာတ်ကားလေးပဲဖြစ်ပါတယ်။ Director နဲ့ producer ဆုနှစ်ခုရရှိထားပြီ ဇကာတင်ဆုတစ်ခုရရှိထားပါတယ်။ ဇာတ်လမ်းအကြောင်းကတော့ ဇာတ်ကားနာမည်အတိုင်းပါပဲ…အချိန်ကာလတစ်ခုထဲမှာပိတ်မိသွားတာပါ။ ဇာတ်ကားစစချင်းမှာပဲ ပရော်ဖက်ဆာဟော်ပါဆိုသူက ပျောက်ဆုံးနေတဲ့ဟစ်ပီမျိုးနွယ်စုတွေကိုလိုက်ရှာဖို့ လှိုဏ်ဂူတစ်ခုထဲကိုဝင်ဖို့အကြောင်းဖန်လာပါတယ်။ထိုဟစ်ပီလူမျိုးများက နုပျိုခြင်းရေတံခွန်ကိုလိုက်ရှာရင်း‌ပျောက်ဆုံးသွားကြတာပါ။ ပရော်ဖက်ဆာဟော်ပါကပြန်မရောက်လာတဲ့အခါမှာ သူ့ရဲ့ကျောင်းသားတွေဖြစ်တဲ့ တေလာနဲ့ဂျက်ကီကပရော်ဖက်ဆာဟော်ပါနောက်ကိုလိုက်ဖို့ပြင်ကြပါတယ်။ သူတို့နဲ့အတူ ကယ်ရာ၊ဗီးစ် နဲ့ ဖာဘီတို့သုံးယောက်ကိုလည်းခေါ်သွားပါတယ်။ ပရော်ဖက်ဆာဂော်ပါဝင်သွားတဲ့ လှိုဏ်ဂူကိုရောက်တဲ့အခါမှာ ဖာဘီကိုအပြင်မှာစောင့်ခိုင်းခဲ့ရင်း သူတို့လေးယောက်လည်းလှိုဏ်ဂူထဲကိုလိုက်ဝင်သွားပါတယ်။ လှိုဏ်ဂူက အောက်ခြေကိုကြိုးနဲ့ဆင်းရပါတယ်။ လှိုဏ်ဂူထဲမှာအော်ဟစ်သံလိုမျိုးကြားလို့ ပြန်တက်ဖို့လုပ်တဲ့အခါမှာ ကြိုးတွေအကုန်လုံးကပြတ်ကျကုန်ကျပါတယ်။ အဲဒါကိုသူတို့က အပေါ်မှာကျန်နေခဲ့တဲ့ ဖာဘီသူတို့ကိုစနောက်တယ်ထင်ပြီး ပါလာခဲ့တဲ့ရေဒီယိုနဲ့ဖာဘီကိုဆက်သွယ်ဖို့ကြိုးစားတဲ့အခါမှာ ဖာဘီရဲ့အသံမဟုတ်ပဲ အခြားလူတစ်ယောက်ရဲ့ အသံနဲ့ “ကယ်ပါ” ဆိုပြီးပေါ်ထွက်လာပါတော့တယ်…. ဘာဖြစ်လို့ကြိုးတွေကပြတ်သွားရတာလဲ၊ ဖာဘီကရောဘယ်ရောက်သွားလဲ၊ အချိန်စီးဆင်းမှုထဲပိတ်မိသွားဆိုတာကရောဘယ်လိုလဲ၊ ဘယ်လိုစွန့်စားခန်းတွေကြုံတွေ့ရမလဲဆိုတာ ဆက်လက်ခံစားကြည့်ကြပါခင်ဗျာ…. File size…(1.4 GB)/(760 Mb) Quality….Blu-Ray 1080p / 720p Format…mp4 Duration….01:27:00 Genre… Action, Adventure, History Subtitle….Myanmar Subtitle (Hardsub) Encoder….Garfield Translated by AKM

Zorawar Di Jacqueline (2024) တစ်ရက်တည်း တူတူသေရမယ့် ဇိုရာဝါနဲ့ ဂျက်ကလင်း ဇာတ်ကြမ်း ဖိုက်တင်ဘောလိဝုဒ်ကားတွေကိုပဲ ကြည့်နေရတာရိုးနေတဲ့လူတွေအတွက် ဘောလိဝုဒ် ဒရာမာဇာတ်လမ်းလေးနဲ့ မိတ်ဆက်ပေးပါရစေ။ ဇာတ်လမ်းအကျဉ်း ဇိုရာဝါနဲ့ ဂျက်ကလင်းတို့ဟာ အတော်လေးချစ်ကြတဲ့ချစ်သူစုံတွဲဖြစ်ပြီး မိဘတွေရော လူ့အသိုင်းအဝိုင်း ပတ်ဝန်းကျင်ကိုရော စွန့်ခွာပြီး ချစ်ခရီးနှင်ခဲ့ကြတဲ့ စုံတွဲလေးပါ။ ဇိုရာဝါကတော့ အိမ်မှာ ဘားပါထားပြီး တကီလာ ဂျက်ကာ ရေမီးအစုံနဲ့လေထီးခုန်တဲ့ ရှက်ကီသမားကြီးပါ။ သူ့ရဲ့ချစ်သူလေး ဇိုရာဝါကတော့ တနင်္ဂနွေနေ့တိုင်း ဘုရားကျောင်းတက် ဝတ်ပြုတတ်တဲ့လူပေါ့။ ဒီလိုနဲ့ သာယာနေတဲ့သူတို့ဘဝကြီးမှာ ကိစ္စတစ်ခုဖြစ်ဖို့ အကြောင်းဖန်လာပါတယ်။ ဒါကလည်း ထူးထူးဆန်းဆန်း သူတို့ ၂ယောက်လုံး တစ်နေ့တည်းမှာပဲ အတူသေရမယ်ဆိုတဲ့ကိစ္စပါပဲ။ ၂ယောက်လုံးလည်း သူတို့ကံကြမ္မာကို လက်ခံပြီး ကျန်တဲ့ နာရီ ၂၀အတွင်းမှာ သူတို့ရဲ့လက်ကျန်အချိန်လေးကို ဘယ်လိုကုန်ဆုံး စွန့်စားခန်းဖွင့်ကြမလဲ သူတို့တကယ်ရော တစ်နေ့တည်းမှာ တူတူသေဆုံးသွားကြမှာလား ဆိုတာကို စိတ်ဝင်စားစွာကြည့်ရှုရမှာပဲဖြစ်ပါတယ်။ (အညွှန်းနဲ့ဘာသာပြန်ကတော့ CM Bollywood Team ကပဲဖြစ်ပါတယ်ခင်ဗျာ)

Christmas Eve in Miller’s Point (2024) IMDb Rating (5.4) / Rotten Tomatoes (78%) သိပ်မကြာခင်မှာ ခရစ္စမတ်ကို ရောက်တော့မှာဆိုတော့ ကြည်နူးစရာကောင်းတဲ့ ခရစ္စမတ်ကားလေးတစ်ကားကို ညွှန်းပေးချင်ပါတယ်။ ခရစ္စမတ်အကြိုနေ့မှာ အီတလီအမေရိကန်မိသားစုတစ်စုက မိသားစုစုံညီစွာ ကျင်းပဖို့ ကျေးလက်ဒေသလေးကို ပြန်လည်ရောက်ရှိလာကြပါတယ်။ ဒီအိမ်လေးကို ရောင်းချတော့မှာဖြစ်လို့ ဒီနေရာမှာ မိသားစုစုံညီစွာ ခရစ္စမတ်အကြိုကို ကျင်းပတာနောက်ဆုံးမို့ ဝမ်းနည်းဝမ်းသာ ကြည်နူးစရာမိသားစုပုံစံလေးကို မြင်တွေ့ရမှာ ဖြစ်ပါတယ်။ ဒီအိမ်လေးထဲမှာ မိသားစုတွေ အတူတူဆုံစည်းစားသောက်ကြတာတွေ၊ ခရစ္စမတ်ကို ပျော်ရွှင်စွာ ဆင်နွှဲကြပုံတွေ၊ ဆယ်ကျော်သက်တွေရဲ့ မိဘနဲ့ ကတောက်ကဆဖြစ်မှုလေးတွေ၊ ခရစ္စမတ်လက်ဆောင်တွေ အချင်းချင်းဖလှယ်ကြပုံတွေကို ကြည်နူးစွာ မြင်တွေ့ရမှာ ဖြစ်လို့ ပျော်စရာကောင်းတဲ့ ခရစ္စမတ်ညလေးမှာ ကြည့်သင့်တဲ့ ဇာတ်လမ်းကောင်းတစ်ခုဖြစ်ပါတယ်။ ကြည့်ရင်းနဲ့ ကိုယ်တိုင် ဒီမိသားစုထဲကို ရောက်ရှိသွားသလို ခံစားရပြီး ပျော်ရွှင်ကြည်နူးစရာတွေ ရရှိမှာဖြစ်လို့ ခရစ္စမတ်ကာလလေးမှာ ဒီကားလေးကို မဖြစ်မနေကြည့်ကြဖို့ တိုက်တွန်းချင်ပါတယ်။ (အညွှန်းနဲ့ဘာသာပြန်ကတော့ Su Mon ဖြစ်ပါတယ်။) File size…(2.5 GB) / (1.1 GB) Quality….WEB-Rip 1080p HEVC / 720p Format…. mkv/mp4 Genre….Comedy, Drama Duration….01:47:59 Subtitle….Myanmar Subtitle (Hardsub) Encoder….Benjamin Translated by Su Mon

IMDB Rating 5.7 / 10 ဂျော့ရှ်နဲ့ရိုဟန်ဆိုတဲ့ ဂေးစုံတွဲလေးတစ်တွဲဟာ ပိတ်ရက်မှာ မိဘချင်းမိတ်ဆက်ကြဖို့အတွက် စံအိမ်ကြီးတစ်လုံးကိုငှားလိုက်တာကနေ ထုံးစံအတိုင်း သရဲပြဿနာကစပါတယ် ။ ဖြစ်ချင်တော့ အဲ့အိမ်မှာ သုံးလောင်းပြိုင်လူသေမှုတစ်ခုဖြစ်ထားပြီး နတ်ဆိုးတစ်ကောင်ကပါနေနေသေးတယ် ။ ရို့ဟန်အဖေကို သရဲပူးသလိုနတ်ပူးသလိုလိုဖြစ်သွားတာကနေစပြီး ထူးဆန်းတဲ့အရာတွေတစ်ခုပြီးတစ်ခုဖြစ်ပျက်လာတဲ့အပြင် နွေခေါင်ခေါင်နှင်းတွေက အိမ်ကြီးတစ်ဝိုက်ကိုဖုံးလွှမ်းသွားတဲ့အခါ သရဲခြောက်တဲ့အိမ်ကြီးထဲပိတ်မိသွားတဲ့မိသားစုနှစ်စုက ဘာတွေကိုရင်ဆိုင်လာရမလဲ ။ လွတ်မြောက်ဖို့အတွက် ဘယ်လိုတွေရုန်းကန်ရမလဲဆိုတာကို ဟာသလေးတွေနှောပြီး ကြည့်ရှု့သွားရမှာပဲဖြစ်ပါတယ် ။ Horror ပေမယ့် light hearted movie လေးတစ်ခုဖြစ်တာကြောင့် အချိန်ပေးရတန်ပါတယ် ။ File size…(1.3 GB)/(688 MB) Quality….Webrip HEVC 1080p / 720p Format…mp4/ mkv Duration….01:48:00 Genre…Horror, Comedy Subtitle….Myanmar Subtitle (Hardsub) Encoder….Swan Min Htet Translated by Phu Thet Khin

Surabhila Sundara Swapnam 2025 (အိပ်မက်လှလှလေးတစ်ခု) လူတွေက အမြဲတမ်း တစ်ယောက်ကိုတစ်ယောက် တူညီတဲ့ပုံစံတစ်ခုတည်းနဲ့ပဲ သတ်မှတ်ဖို့ ကြိုးစားနေကြတဲ့ ကမ္ဘာကြီးထဲမှာ ကိုယ်ပိုင်ရပ်တည်မှုနဲ့ အဓိပ္ပာယ်ရှိတဲ့ ဘဝတစ်ခုကို တည်ဆောက်ဖို့ ဘယ်လောက်အထိ ခက်ခဲလဲဆိုတာကို လက်တွေ့မြင်သာလာအောင် ဖန်တီးပေးထားတဲ့ ဇာတ်ကားလို့တင်စားရင်လည်း မှားမယ်မထင်ပါဘူး ငွေရေးကြေးရေးနဲ့ပတ်သက်လာရင် စုံလုံးကန်းတတ်ကြတာလည်း လူသဘောသဘာဝတွေပဲမလား ဖခင်ဖြစ်သူ ကျောက်ကပ်ဆေးရတော့ အမွေရထားတဲ့မြေကိုရောင်းချ၊ ကုသပေးခဲ့ပြီး ညီရဲ့အိမ်ပေါ်တက်နေခဲ့ရပါတယ် ဒါကို ညီရဲ့မိသားစုက အမြင်မကြည်ခဲ့ဘူး အစ်ကိုကြီးဖြစ်လင့်ကစား အိမ်ပေါ်ကဆင်းဖို့ကိုပဲ အမြဲတစေ ဖိအားတွေပေးပြီး ရိုင်းရိုင်းစိုင်းစိုင်း ဆက်ဆံနေခဲ့ပါတယ် ဒီလိုနဲ့နောက်ဆုံး ၃လအတွင်း အိမ်ပေါ်ကဆင်းပေးဖို့ ရာဇသံထွက်လာခဲ့ရာမှာတော့ အိမ်ပြောင်းဖို့ မြေကွက်ရှာဖို့ အသည်းအသန်ကြိုးစားရပါတော့တယ် လက်ထဲမှာရှိတဲ့ငွေနဲ့ မြေဈေးတွေက ခေါင်ခိုက်နေတော့ ဒီလိုအခက်အခဲတွေကြားကနေ သူ့ဘဝ ဘယ်လိုတွေပြောင်းလဲသွားမလဲ ဘယ်လိုလူတွေနဲ့ ထပ်မံတွေ့ဆုံဦးမယ်ဆိုတာကိုတော့ ဆက်လက်ကြည့်ရှုလိုက်ကြပါရှင် ( အညွှန်းနဲ့ ဘာသာပြန်တွေကတော့ CM Bollywood Team ပဲဖြစ်ပါတယ် )