ဒီရုပ်ရှင်ကတော့ Teen Wolf (2011-2017) စီးရီးရဲ့နောက်ဆက်တွဲကို ရုပ်ရှင်အနေနဲ့ ၂ နာရီခွဲကြာအောင်ရိုက်ကူးထားတာပဲ ဖြစ်ပါတယ်။ မူလသရုပ်ဆောင်အားလုံး ပြန်လာကြတာမို့ Teen Wolf ဖန်တွေတော့ အရမ်းကြိုက်ကြမှာပါပဲ။ စီးရီးမကြည့်ဖူးတဲ့သူတွေလည်း ကြည့်လို့ရအောင် အတိုချုံးလေး ရှင်းပြပေးထားပါ့မယ်။ အဓိက ဇာတ်ကောင်ကတော့ ဘီကွန်ဟေးလ်မြို့လေးမှာနေတဲ့ စကော့ မက်ကော ဆိုတဲ့ သမန်းဝံပုလွေပါပဲ။ စီးရီးအဆုံးမှာတော့ သူဟာ သမန်းဝံပုလွေအုပ်ရဲ့ အယ်ဖာခေါင်းဆောင်ဖြစ်သွားခဲ့ပါပြီ။ သူ့အမေကတော့ သူနာပြုပါ။ သူ့ရဲ့ ချစ်သူ အလီဆန်အားဂျန့်ကတော့ သမန်းဝံပုလွေ မုဆိုးမျိုးရိုးဖြစ်ပြီး စီးရီးထဲမှာ သေဆုံးသွားခဲ့ပါပြီ။ သူ့ရဲ့အချစ်ဆုံးသူငယ်ချင်းက စတလင်းစကီးခေါ် စတိုင်းပါ။ သူကတော့ သမန်းဝံပုလွေတွေကို တချိန်လုံးကူညီခဲ့တဲ့ ဉာဏ်ကောင်းတဲ့ သူငယ်ချင်းပါပဲ။ နောက်တော့ FBI ထဲရောက်သွားပါပြီ။ စတလင်းစကီးရဲ့အဖေကတော့ ရဲမှူးပါ။ စတိုင်းရဲ့ကောင်မလေး လစ်ဒီယာကတော့ ဘန်းရှီးဖြစ်ပြီး သေခြင်းတွေကို မြင်နိုင်တဲ့အစွမ်းနဲ့ အသံလှိုင်းနဲ့တိုက်ခိုက်နိုင်တဲ့အစွမ်းရှိပါတယ်။ စကော့မက်ကောရဲ့ နောက်ထပ်အချစ်ဆုံးမိတ်ဆွေကတော့ ဒဲရက်ဟေးလ်လို့ခေါ်တဲ့ သမန်းဝံပုလွေဖြစ်ပြီး စီးရီးအဆုံးမှာတော့ အီလိုင်ဆိုတဲ့ သားတစ်ယောက်နဲ့ အတူနေထိုင်နေပါပြီ။ ဒဲရက်ရဲ့ ညီမကတော့ မာလီရာတိတ် ဖြစ်ပြီး သမန်းမြေခွေးပါပဲ။ နောက်ပြီး ပဲရစ်ရှ်ဆိုတဲ့ ရဲတပ်သားကတော့ ငရဲခွေးဖြစ်ပါတယ်။လစ်ဒီယာရဲ့ သူငယ်ချင်း ဂျက်ဆန်ဝစ်မောကလည်း ကာနီမာဆိုတဲ့ မှော်သတ္တဝါအဖြစ် ပါဝင်ထားပါတယ်။ စကော့မက်ကောကနေ သမန်းဝံပုလွေအဖြစ်ပြောင်းပေးထားတဲ့ လီယမ်လည်း ပါလာပါတယ်။ ဒီရုပ်ရှင်အစမှာတော့ Teen Wolf တွေဟာ Adult Wolf တွေဖြစ်ပြီး ကိုယ့်အလုပ်နဲ့ကိုယ် အခြားမှာ အခြေကျနေပါပြီ။ ဒါပေမဲ့ သူတို့အားလုံးကို လက်စားချေချင်နေတဲ့ ရန်သူဟောင်းတစ်ယောက်က အရမ်းအစွမ်းထက်တဲ့ ဂျပန်နတ်ဘုရားမိစ္ဆာနိုဂစ်ဆူနဲကို လွှတ်ပေးလိုက်ပြီး တိုက်ခိုက်ခိုင်းလာပါတော့တယ်။ သူတို့တစ်ယောက်ချင်းစီအနေနဲ့ ရန်သူကို မယှဉ်နိုင်တော့မို့ ဘီကွန်ဟေးလ်ရဲ့ မှော်သတ္တဝါတွေနဲ့ မုဆိုးတွေပူးပေါင်းပြီး ပြန်ရင်ဆိုင်ကြရတဲ့အခါ... File size…(3.22GB)  / (1.33B) / 857MB Quality…. Web 1080P / 720p / 480p Format…mp4 Duration….01:25:00 Genre...  Action / Drama / Fantasy Subtitle….Myanmar Subtitle (Hardsub) Encoder….Mr. Anderson Translated by Mr. Anderson

ဒီဇာတ်လမ်းကတော့ ဟင်းလျာကောင်းဆိုတာ လူတန်းစား တိုင်းနဲ့ထိုက်တန်တယ်၊ စားဖိုမှူးတိုင်းလည်း ဆန်းသစ်တီထွင် ခွင့်ရှိတယ်ဆိုပြီး စားဖိုဆောင်တော်လှန်ရေးလုပ်ကာ စားသောက် ဆိုင်ထောင်ခဲ့တဲ့ ထမင်းချက်ကြီး မာစီယွန်အဖြစ် ဇာတ်လမ်း တည်ရိုက်ကူးထားတာပါ…။ ဇာတ်လမ်းအကျဥ်းမစမီ ဇာတ်အိမ်တည်ထားပုံကို နည်းနည်းပြောပြပါဦးမယ်..။ ဇာတ်အိမ်ကိုတော့ ပြင်သစ်နိုင်ငံရဲ့ ဘုရင်စနစ်ကိုတော်လှန်တဲ့ တော်လှန်ရေး မစမီ ၁၇၈၉ ခုနှစ်မှာဇာတ်အိမ်တည်ထားပါတယ်…။ အဲ့ခေတ်အဲ့အခါမှာ ပြင်သစ်နိုင်ငံမှာ လူတန်းစားသုံးမျိုးရှိတယ်ဗျ…။ ပထမတန်းစားက ဘုန်းတော်ကြီးတွေ တစ်နည်းဆို ဘာသာရေးလူတန်းစားပေါ့…။ ဒုတိယက တော်ဝင်မျိုးနွယ်တွေ၊ တတိယကတန်စားက သာမန်လူတွေပါ…။ အဲ့ဒီခေတ်တုန်းက စားသောက်ဆိုင်တွေဆိုတာ မပေါ်ထွန်းသေးဘူး…။ လူတွေကအိမ်မှာပဲစားသောက်တဲ့အလေ့ရှိကြပါတယ်…။ ခရီးသွားရင်း ခဏနားတဲ့ နားခိုရာလေးတွေ၊ တည်းခိုခန်းလေးတွေမှာလည်း ဟင်းလျာကောင်းကောင်း ချက်လေ့မရှိဘူး။ စားစရာဆိုလို့ စွပ်ပြုတ်လောက်သာရှိပြီး အရသာမဲ့တဲ့အပြင်၊ အဆာပြေ ဝမ်းဝရုံကလွဲ ဘာမှရွေးချယ်စရာမရှိပါဘူး။ ဘာလို့လည်းဆိုတော့ အဲ့ဒီခေတ်ရဲ့ အယူအဆအရ ဟင်းလျာကောင်းကောင်း ဆိုတာ အရသာခံတတ်သူ တော်ဝင်မျိုးနွယ်နဲ့သာထိုက်တန်တယ်…၊ ထိုက်သင့်မှ စားသုံးခွင့်ရှိတယ်…၊ သာမန်လူတန်းစားတွေအနေနဲ့ ဟင်းလျာကောင်းကောင်းစားစရာမလိုဘူးဆိုတဲ့အယူရှိလို့ပါပဲ…။ ဒါကြောင့် ထမင်းချက်တွေ၊ စားဖိုမှူးတွေဟာ တော်ဝင်မျိုးနွယ်အတွက်သာ ချက်ပြုတ်ရပြီး ဆန်းသစ်တီထွင်ခွင့်မရှိဘဲ သတ်မှတ်ထားတဲ့ဟင်းပွဲကိုသာ သတ်မှတ်ထားတဲ့ အမယ်တွေနဲ့ချက်ပြုတ်ရပါတယ်… ဟင်းပွဲတွေ၊ဟင်းလျာတွေဆိုတာလည်း တော်ဝင်မျိုးနွယ်ရဲ့ ပျင်းရီငြီးငွေ့ မှုအတွက် အသုံးတော်ခံသက်သက်သာဖြစ်ခဲ့ပါတယ်…။ ဒီလိုဓလေ့တွေရှိတဲ့အပြင် အဲခေတ်ကာလပြင်သစ်ရဲ့ အောက်ခြေ လူတန်းစားက ငတ်မွတ်ခေါင်းပါးမှုဒဏ်ကိုလည်းခံရပါသေးတယ်။ ဒီအချက်ကလည်း ပြင်သစ်တော်လှန်ရေးရဲ့အကြောင်းတစ်ချက်ပေါ့…။ ဇာတ်လမ်းအစမှာတော့ မာစီယွန်ဟာ နယ်စားကြီးတစ်ယောက်ရဲ့ စားဖိုမှူးဖြစ်ပြီး ဟင်းလျာကောင်းချက်ပြုတ်ရာမှာ ပါရမီပါသူဖြစ်ပေမယ့် ထိုကာလရဲ့ထုံးတမ်းအရ ဆန်းသစ်တီထွင်ခွင့် မရရှာပါဘူး…။ ဘယ်လောက်ထိဆိုးသလဲဆိုရင် အတတ်စမ်းပြီး အာလူးပိုင်မုန့်လေးပြု လုပ်မိလို့ ရဲတိုက်ကနှင်ထုတ်ခံရပါတယ်။ အဲ့တုန်းက အာလူးလိုမျိုး မြေအောက်ကရတဲ့အစားအစာဟာ ယုတ်ညံ့တယ်…၊ တော်ဝင်မျိုးနွယ်နဲ့မသင့်တော်ဘူးလို့အယူရှိလို့ပါ…၊ သို့ပေမယ့် မာစီယွန်တစ်ယောက် သူ့လုပ်ရပ်ကိုမှားတယ်မထင်ခဲ့ဘဲ သူ့သခင်မြို့စားကြီး အမျက်တော်ပြေပြီး သူ့ကိုပြန်ခေါ်ဖို့သာ ကြိုးစားခဲ့ပါတော့တယ်…။ မာစီယွန်တစ်ယောက်ဘာတွေ ဘယ်လိုကြိုးစားပြီး စားသောက်ဆိုင်ဆိုတာကို ဘယ်လိုဖန်တီးခဲ့လဲဆိုတာ တစ်ခေတ် တစ်ခါက ပြင်သစ်ပြည်ကို အလည်သွားရင် ဇာတ်လမ်းလေးထဲမှာကြည့်ရှုနိုင်ပါပြီ…။ File size…2.13GB / 859MB Quality…Blu-Ray 1080p 5.1 CH/ 720p Format…mp4 Duration….1h 52m Genre ….. Comedy , Drama , History Subtitle….Myanmar Subtitle (Hard Sub) Encoder….Min Wai Translated by Themes

Honey Sweet (2023) အသက် ၄၀ ကျော်မှ ဘဝစကြမယ့် သဲသဲကဲကဲအတွဲလေးအကြောင်း ရိုက်ကူးထားတဲ့ ဇာတ်လမ်းလေးကို တင်ဆက်ပေးပါဦးမယ်နော် ချာချီဟိုဟာ အဆာပြေမုန့်တီထွင်တဲ့သုတေသနပညာရှင်ပါ.. တစ်ယောက်တည်း အချိန်ဇယားကြီးနဲ့ ဖြတ်သန်းနေတဲ့ လူပျိုသိုးကြီးဆိုလည်း မမှားပါဘူး အဲလိုလူပျိုကြီးကို ရင်ခုန်အောင်လုပ်သွားတာတော့ အီအီးလ်ယောင်းဆိုတဲ့ အမျိုးသမီးလေးပါ၊ သူတို့နှစ်ယောက်ရဲ့ တွေ့ဆုံမှုကနေ တစ်ဆင့်ချင်းတက်သွားတဲ့ပုံစံကို နည်းနာယူရင်း… အသက် ၄၀ ကျော်မှ ကလိကလိဖြစ်အောင် လုပ်ပေးသွားမယ့် အတွဲကတော့ ဘယ်လိုတွေရိုကြမလဲဆိုတာ ကြည့်ရမှာပဲဖြစ်ပါတယ် မင်းသားကြီး Yu Hae Jin နဲ့ မင်းသမီးကြီး Kim Hee Seon တို့လို အထင်ကရသရုပ်ဆောင်တွေပါဝင်ထားတာဆိုတော့ အပန်းပြေစေမယ့် ရုပ်ရှင်လေးဖြစ်လို့ ကြည့်လိုက်ကြပါဦးနော် အညွှန်းကိုတော့ Joyz က ရေးထားပေးပြီးတော့ ဘာသာပြန်ထားတာကတော့ Joyz & Hmwe ပဲ ဖြစ်ပါတယ်။ Genre….. Comedy Quality…. 1080p | 720p File size…1.2GB | 547MB Format… mp4 Duration…. 1h 58min Subtitle…. Myanmar Subtitle (Hardsub) Translator ….. Joyz & Hmwe Encoder ….. Aaron

The Tripper (2006) =============== လွတ်လပ်မှုကို မြတ်နိုးတဲလူငယ်တစ်သိုက်… ဆေးချမယ်၊ သောင်းကျန်းမယ်၊ ကာမဂုဏ်ခံစားမယ်၊ ဘယ်သူ့ကိုမှဂရုမစိုက်ဘူး ကိုယ်ကြိုက်တာလုပ်ခွင့်ရှိမယ်။ အဲ့ဒါမျိုးက လွတ်လပ်မှုလား၊ အထိန်းအချုပ်မဲ့တာလား၊ ကောင်းတာလား၊ ဆိုး တာလား၊ ဘာပဲဖြစ်ဖြစ် ဒီရုပ်ရှင်ထဲမှာတော့ လွတ်လပ်မှုကိုမြတ်နိုးတယ်ဆိုပြီး ဟစ်ကြွေးနေကြတဲ့ လူငယ်အုပ်စု ဒုက္ခလှလှတွေ့ရပုံလေး ရိုက်ကူးထားပါတယ်။ ဆမန်သာတို့လူငယ်အုပ်စုလေးကတော့ တောအုပ်ထဲမှာဖျော်ဖြေပွဲတစ်ခုကို ဆင်နွဲဖို့ချီတက်ခဲ့ကြပါတယ်။ ဖျော်ဖြေပွဲဆိုပေမယ့်လည်း မူးယစ်ဆေးဘာညာ အကုန်လုပ်မယ့်ပွဲလေးပါ။ ဆမန်သာက မသွားချင်ပေမယ့် သူ့ရည်းစားဟောင်း လက်ထဲကနေလွတ်ဖို့ လိုက်လာခဲ့ပါတယ်။ တောထဲရောက်တော့ သူငယ်ချင်း ငါးယောက်ပေါင်းပြီး ဆေးတွေကွဲလိုက်ကြတာ မြင်လို့မှမကောင်း… သူတို့တင် ပဲမဟုတ် တစ်ခြားလူငယ်တွေလည်း အပျော်ကြူးကုန်ကြပါပြီ။ ဒါပေမဲ့ ဖျော် ဖြေပွဲနဲ့မလှမ်းမကမ်းနေရာကနေ အလောင်းတစ်လောင်းကို စတွေ့ပါတော့တယ်။ ညနေပိုင်းရောက်တော့ နောက်ထပ်အလောင်းတစ်လောင်းထပ်တွေ့တော့ ပါတီ ပွဲကိုဖျက်သိမ်းဖို့လုပ်ပါတော့တယ်။ လူငယ်တွေလည်း အထိတ်တလန့်ဖြစ်ကုန် ကြပြီး ဆမန်သာတို့သူငယ်ချင်းအုပ်စုကလည်း အဖွဲ့ကွဲသွားတဲ့အခါ…. ဘာတွေ ဆက်ဖြစ်မလဲဆိုတာတော့ ဆက်ကြည့်လိုက်ပါတော့နော်…. (သွေးသံရဲရဲတွေပါဝင်တာမို့ နှလုံးအားကောင်းသူများသာ ကြည့်ရှုသင့်ပါတယ်ခင်ဗျ ) (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Jo Jo Va ဖြစ်ပါတယ်) File Size……….(2.64 GB) / (1.13 GB) Quality…………WEB-DL 1080p / 720p Duration………1Hr 33Min Subtitle………..Myanmar Hardsub Format…………MP4 Genre…………..Comedy, Horror Translator…….Jo Jo Va Encoder……….SWM

Food for the Heart (2023) IMDb – 5.9/10 “လီရာ” ဆိုတဲ့ သက်လတ်ပိုင်းအမျိုးသမီးတစ်ဦးက သူပိုင်တဲ့ “The Loving Spoonful” အမည်ရှိ အစားအသောက် ဝန်ဆောင်မှုလုပ်ငန်းလေးကို စိတ်နှစ်ထားတဲ့ အမျိုးသမီးလေးပေါ့ အရာရာကို သူ့အတွေးအခေါ်နဲ့ သူ့ခြေသူ့လက် လုပ်ချင်တယ်… ဝန်ထမ်းဆိုလို့ “ဖေး” ဆိုတဲ့ ကျောင်းသူကောင်မလေးတစ်ယောက်ပဲ ရှိပြီး ကိုယ်တိုင် နေ့မနားညမနား အလုပ်လုပ်ရလို့ သူမရဲ့ချစ်မေတ္တာတွေ အလုံးစုံကို customer တွေအတွက် သူမရဲ့ ဟင်းပွဲလေးတွေကနေ အနွေးဓာတ်ပေးဖို့ပဲ ပုံအပ်ထားသူလေး…. တစ်ဖက်မှာလည်း တူမလေးအိုင်ဗီနဲ့ တူအရီးနှစ်ယောက်တည်း နေတဲ့ လူပျိုကြီး “အန်ကယ်အီလိုင်” တစ်ယောက် သူတို့တိုက်ခန်းကို ပြောင်းလာတယ် သူကတော့ ငွေကြေးပြေလည်မှုနဲ့ အမိမဲ့တူမလေးကို ဂရုတစိုက်ချစ်ပေးဖို့ဆိုတဲ့ ဟန်ချက်နှစ်ခုကို ဘက်မျှအောင် ညှိဖို့ အခက်အခဲဖြစ်နေသူပါ အန်ကယ်အီလိုင်တစ်ယောက် တူမလေးကို နွေရာသီ လေ့လာရေးစခန်းမှာ ထားချင်ပေမဲ့ ဈေးကြီးလို့ မတတ်နိုင်တာကြောင့် တစ်ခုကြံရတော့တယ် ဒီလိုနဲ့ အစားအသောက် ဖန်တီးရှင် အပျိုကြီးမမနဲ့ ပရောဂျက်မန်နေဂျာ အန်ကယ်တို့ အလုပ်တွဲလုပ်ရဖို့ ဖြစ်လာတယ်ပေါ့ အရာရာ ကိုယ့်ခြေကိုယ့်လက်ချည်းဆိုတဲ့ အပျိုကြီးမမ လီရာကို ပရောဂျက်မန်နေဂျာ အန်ကယ်အီလိုင်တစ်ယောက် ဘယ်လိုတွေ ပြောင်းလဲပေးမလဲ တစ်ကားလုံး violence ဆိုလို့ စိုးစဥ်းမပါဘဲ ကြည်နူးစရာကောင်းလွန်းတဲ့ အချစ်ဇာတ်လမ်းလေးကနေ ဘဝရဲ့ “စိတ်ပြောင်းလဲခြင်း” ကို သူတို့နှစ်ယောက် ဘယ်လိုရှာတွေ့သွားနိုင်မလဲဆိုတာ …။ (ဘာသာပြန်ကတော့ aungmo3han ဖြစ်ပါတယ်) Genre….. Comedy, Drama, Romance Quality…. 1080p | 720p File size… 1.5GB | 801MB Format… mp4 Duration…. 1h 30min Subtitle…. Myanmar Subtitle (Hardsub) Translator ….. aungmo3han Encoder ….. Aaron

ဒီဇာတ်ကားလေးကတော့ နာမည်အတိုင်း နဂါးထိန်းသိမ်းထောင်ကိုရှာပုံတော်ဖွင့်ရင်း ရန်အစွယ်စွယ်ကိုရင်ဆိုင်ရမဲ့ဇာတ်လမ်းမျိုးပဲဖြစ်ပါတယ် ။ ဇာတ်လမ်းအညွှန်းအနေနဲ့ – လွန်ခဲ့တဲ့နှစ်ပေါင်းရာချီက ထျန်းချီဂိုဏ်းကမှော်ပညာတွေမှာ ကျွမ်းကျင်တတ်မြောက်ပြီးမင်းကြီးအတွက် တစ္ဆေစစ်သည်တွေဖန်တီးပေးကြပါတယ်တဲ့ ။ ဒါပေမဲ့ မင်းကြီးကအရပ်လေးမျက်နှာလုံးကိုစစ်တိုက်ဖို့ကြံတဲ့အချိန်မှာပဲ ရုတ်တရက်ပြီး တစ်ညအတွင်း ထျန်းကျီဂိုဏ်းက တစ်ဂိုဏ်းလုံးအမြစ်ပြတ်သုတ်သင်ခံလိုက်ရပါတော့တယ် ။ ဘယ်တုန်းကမှမရှိခဲ့ဖူးတဲ့ဂိုဏ်းတစ်ခုလိုမျိုးပေါ့ ။ နှစ်ပေါင်းမျာစွာကြီးပြီးတဲ့နောက်မှာ ပိုင်ထျန်းလို့ခေါ်တဲ့ပန်းပဲဆရာလေးမှာ ပြဿနာရှာလွန်းနဲ့အစ်မတစ်ယောက်ရှိပါတယ် ။ တစ်နေ့ကျ အဲဒီပြဿနာအိုးအစ်မက လောင်းကစားရှုံးလို့ အကြွေးရှင်လိုက်တာခံရရင်း အိမ်ပြန်ရောက်လာခဲ့ပါတယ် ။ အကြွေးရှင်ကလည်း ပိုင်ထျန်းရဲ့ စက်ယန္တယားနားလည်မှုကိုတွေ့သွားတော့ မသတ်တော့ဘဲ ပျောက်ဆုံးသွားတာကြာပြီဖြစ်တဲ့ ထျန်းကျီဂိုဏ်းရဲ့ ဂူဗိမာန်မှာရတနာရှာဖို့ဖြစ်လာပါတော့တယ် ။ အဲဒီလိုနဲ့ ပိုင်မောင်နှမရယ် အကြွေးရှင်သူရဲကောင်းကြီးရယ် ရတနာရှာတဲ့ခရီးစဉ်မှာဘယ်လိုအခက်အခဲတွေကြုံတွေ့ရမလဲ ဘယ်လိုအန္တာရာယ်တွေကစောင့်ကြိုနေမလဲဆိုတာကို ရင်ခုန်စိတ်လှုပ်ရှားစွာနဲ့လိုက်လံကြည့်ရှုအားပေးကြပါအုံး

Immaculate (2024) IMDb Rating (6.3) / Rotten Tomatoes (70%) Sydney Sweeney လေးရဲ့ နာမည်ကျော် ဟော်ရာရုပ်ရှင်အသစ်လာပါပြီ။ ဒီရုပ်ရှင်ကို ဆစ်ဒနီက ၁၇ နှစ် သမီးကတည်းက လူရွေးပွဲဝင်ပြိုင်ဖူးပေမဲ့ မရိုက်ဖြစ်ခဲ့တာပါ။ အခု ဆယ်နှစ်လောက်နေတဲ့အထိ သူဒါကို စိတ်မကုန်ဘဲ ကိုယ်တိုင် ပရိုဂျူဆာအဖြစ်ပါပြီး ရိုက်ဖြစ်အောင် စီစဉ်ခဲ့တာပါ။ ဘာသာရေးအစွန်းရောက်တွေကို ရင်ဆိုင်ရတဲ့ ဖြူစင်ရိုးသားတဲ့ အချောအလှသီလရှင်လေးအဖြစ် ပါဝင်ထားပါတယ်။ ဇာတ်လမ်းအကျဉ်း Immaculate ဆိုတဲ့ခေါင်းစဉ်က သန့်ရှင်းစင်ကြယ်သောလို့ အနက်ရပါတယ်။ ဒီရုပ်ရှင်မှာ အမေရိကန်ကနေလာတဲ့ စစ္စတာဆယ်စီလီရာ ဟာ အီတလီရဲ့ ကျေးလက်ဒေသ သီလရှင်ကျောင်းတစ်ခုကို ရောက်လာပါတယ်။ အဲဒီနေရာက သီလရှင်ကြီးတွေရဲ့ နောက်ဆုံးအချိန်တွေအတွက် ပြုစုစောင့်ရှောက်ပေးတဲ့နေရာပါပဲ။ အဲဒီနေရာကို ရောက်ပြီး မကြာခင်မှာပဲ ဆယ်စီလီရာဟာ ကိုယ်ဝန်ရှိနေတာကို သိလိုက်ရပါတယ်။ အပျိုစင်အစစ်ကနေ ကိုယ်ဝန်ရှိလာတာဖြစ်ကြောင်း နည်းမျိုးစုံ စစ်ဆေးအပြီးမှာ ဘုရားကျောင်းတစ်ခုလုံးက ဆယ်စီလီရာဟာ ခရစ်တော်ကို ကိုယ်ဝန်ဆောင်ထားတဲ့ ဒုတိယမြောက် မယ်တော်မေရီဆိုပြီး လက်ခံလိုက်ကြပါတယ်။ ဒါပေမဲ့ ဟော်ရာကားပီပီ အဲဒီ ယုံကြည်မှုနောက်ကွယ်က ကြောက်စရာ အစွန်းရောက်ကိစ္စတွေကို ဆယ်စီလီရာတွေ့လာရပြီး သီလရှင်ကျောင်းကြီးထဲကနေ လွတ်မြောက်ဖို့ ကြိုးစားရပါတော့တယ်။

ဖိလစ်ပင်းတွေဟာ လိင်မှုကိစ္စအပေါ်ခံယူပုံ၊ ခေတ်ရှေ့ပြေးပုံတွေမှာ တစ်ခြား အာရှနိုင်ငံအတော်များများထက်ရှေ့ရောက်တယ်လို့ယူဆရပါလိမ့်မယ်၊(ဟောင်ကောင်ရဲ့ 1975 cat 3 ကားတွေနဲ့ ဂျပန်ရဲ့ အဲ့ဒီကာလဝန်းကျင်က ကြိုးတုပ်ဖယောင်းစက်ချ တွေကိုခဏမေ့ထားလိုက်ကြရအောင်ပါ)။ သူတို့တွေဟာ Mainstream ရုပ်ရှင်တွေကျရင် ဖုံးဖုံးဖိဖိဆင်ဆာပိလေရှိကြခဲ့ပေမယ့် Indie ခေါင်းစဉ်တပ်ထားတဲ့ဇာတ်ကားတွေမှာတော့ အဖုံးအကွယ်မရှိ ပကတိအတိုင်းတင်ဆက်ပြသပြီး ပွင့်လင်းကြတဲ့သူတွေပါပဲ။အခုနောက်ပိုင်း သူတို့ဇာတ်ကားတွေမှာ မကြာခဏမြင်လာရတာကတော့ Throuple ဆိုတဲ့ Relationship ပုံစံတစ်မျိုးပါပဲ။ပုံမှန်အားဖြင့်Couple ဆိုတာ လူနှစ်ယောက်ဆက်ဆံရေးဆိုတာကိုမြင်ကြည့်လိုက်မယ်ဆိုရင် Throuple ဆိုတာကတော့ လူသုံးယောက်ဆက်ဆံရေးပါ။Threesome လိုမျိုး တစ်ကြိမ်တစ်ခါ sex ကိစ္စအပေါ်ယံပတ်သက်တာမဟုတ်ပဲနဲ့ လူသုံးယောက်လုံးက ဒီဆက်ဆံရေးထဲမှာ အချစ်၊လူမှုရေး၊စီးပွားရေး အကုန်လုံးရောထွေးပတ်သက်နေတာမျိုးဖြစ်ပါတယ်။ တွေးကြည့်ရင် ပျော်စရာကောင်းသလိုလိုနဲ့ ဇယားရှုပ်မှာဖြစ်သလို လူတစ်ယောက်ရစ်တာတောင်မခံနိုင်တဲ့လူတွေအနေနဲ့ နှစ်ယောက်ပေါင်းရစ်ရင် ဘယ်လိုနေမလဲဆိုတာ ကျောထဲစိမ့်ချင်စရာပါပဲ။အဲ့ဒီ Relationship အကြောင်းအရင် Vivamax ကားတွေမှာကြိုကြားကြိုကြားပြထားတာတွေရှိပေမယ့် အခုတော့ အဲ့ဒီအကြောင်းအရာကိုပဲ ဒဲ့ရှင်းပြထားတဲ့ဇာတ်ကားနှစ်ကားရှေ့ဆင့်နောက်ဆင့်ထွက်လာပါတယ်။ ပထမ ဇာတ်ကားကတော့ အခုမိတ်ဆက်ပေးချင်တဲ့ Table For 3 ပါပဲ။ ဆယ်နှစ်ကျော်ဆက်ဆံရေးနောက်ပိုင်းမှာကတောက်ကဆတွေ ပြဿနာတွေနဲ့ အချင်းချင်း အေးစက်မာခဲလာတဲ့ လိင်တူချစ်သူအတွဲတစ်တွဲဟာ တတိယလူတစ်ယောက်ကို နှစ်ဦးသဘောတူဖိတ်ခေါ်ခဲ့ပြီး ဘယ်လိုပျော်စရာတွေ ဘယ်လိုစိတ်ညစ်စရာတွေ ကြုံရမှာလဲဆိုတာကို ခံစားကြည့်ကြပါဦး။( အညွှန်းနဲ့ ဘာသာပြန်သူကတော့ Alias ပါ )File size_( 620MB)/(310MB) Quality_Blu-Ray 1080p / 720p Format_mp4 Duration_00:50:00 Genre_Adult Subtitle_Myanmar Subtitle (Hardsub) Encoder_a hao Translated by alias Download Nulled Scripts and Plugins Download Nulled Scripts and Plugins.generalmenu { font-size:0; }

အမျိုးသမီးတစ်ယောက်ကို မုတ်ဆိတ်မွှေးကြီးတွေနဲ့လို့ မြင်ယောင်ကြည့်လိုက်ရင် တော်တော်ကြည့်ရဆိုးပြီး တစ်မျိုးကြီး ဖြစ်နေမှာတော့အမှန်ပါပဲ။အဲ့ဒါဆိုရင် အဲ့လိုအသွင်အပြင်မျိုး တကယ်ဖြစ်နေတဲ့ မိန်းမတစ်ယောက်ကိုရောမြင်ယောင်ကြည့် လိုက်ပါ။မယုံနိုင်လောက်အောင်ဆိုးဝါးတဲ့ ဝေဖန်ခြင်းတွေ ပြစ်တင် ရှံ့ချခြင်းတွေကိုခံရပြီး ခေါင်းတောင်မဖော်နိုင်လောက်အောင် ရှက်နေရမှာအတိအကျပါပဲ။ဒါပေမယ့် ပတ်ဝန်းကျင်ကလူတွေ ဘာပြောပြော ဘာလုပ်လုပ်အသွင်အပြင်ကအရေးမကြီးပဲ စိတ်ထားလှလှထားပြီး ကိုယ့်ရဲ့ဘ၀နေ့ရက်တွေကိုပျော်ပျော်ရွှင်ရွှင် ဖြတ်သန်းသွားနိုင်ဖို့ပညာပေးထားတဲ့ IMDb Rating 6.8 အထိ ရရှိထားတဲ့ Rosalie ဆိုတဲ့ဇာတ်ကားလေးကိုတင်ဆက်ပေး လိုက်ပါတယ်။ ဇာတ်ကားနာမည်အတိုင်းပဲ ရိုစလီဆိုတဲ့ကောင်မလေးက အလွန်တရာမှချောမောလှပပေမဲ့ သူ့မှာမွေးရာပါခန္ဓာကိုယ် အမွေးအမျှင်များတဲ့ ပြဿနာတစ်ခုရှိနေတာကတော့ ဝမ်းနည်းစရာကောင်းလှပါတယ်။အဲ့ဒီအကြောင်းကို အဖေ ဖြစ်သူက ဘယ်သူမှမသိအောင်လျှို့ဝှက်ထားခဲ့ပေမဲ့လည်း အရွယ်ရောက်လာတဲ့အခါမှာ အိမ်ထောင်ပြုဖို့မဖြစ်မနေလို အပ်လာပါတော့တယ်။ဒါပေမယ့်သူ့အခြေအနေကြောင့်ရှေ့မှာ တွေ့ခဲ့တဲ့ အိမ်ထောင်ဖက်တွေတစ်ယောက်မှ သူ့ကိုလက်မခံ ခဲ့ကြပေမဲ့ အဖေဖြစ်သူကလက်မလျှော့ပဲ အက်ဘယ်ဆိုတဲ့ ကဖီးဆိုင်ပိုင်ရှင်တစ်ယောက်နဲ့ သမီးဖြစ်သူကိုပေးတွေ့ခဲ့ပါတော့ တယ်။ဒါပေမယ့်သမီးဖြစ်သူရဲ့အခြေအနေကို မပြောပြဘဲ လိမ်လည် ထားခဲ့ပြီး အက်ဘယ့်လက်ထဲမှာ ရိုစလီ့ကိုအပ်ထားခဲ့ပါတော့တယ်။ လင်မယားနှစ်ယောက်ကြားမှာ ဒီလိုကိစ္စမျိုးဆိုတာဖုံးဖိထားလို့ မရတဲ့အတွက် သိပ်မကြာခင်မှာပဲ အက်ဘယ်သိသွားခဲ့ပြီး မောင်းထုတ် ပေမဲ့ အရာရာစွန့်လွှတ်အနစ်နာခံတတ်တဲ့ရိုစလီကြောင့် အက်ဘယ် စိတ်လည်လာခဲ့ပြီး သူတို့နှစ်ယောက်ဘ၀မှာဘယ်လို စိတ်ဝင်စားစရာတွေ ဆက်ဖြစ်လာမယ်ဆိုတာကို ကြည့်ရှုရမဲ့ဇာတ်ကားလေးတစ်ကားပဲ ဖြစ်ပါတယ်။ File size…1.82GB / 849MB Quality…WEB-DL 1080p 5.1CH / 720p Format…mp4 Duration….1h 55m Genre ….. Drama , History Subtitle….Myanmar Subtitle (Hard Sub) Encoder….Min Wai Translated by Saw Lay

Chatrapati 2005 (ချတ်တရာပါတီ) ယခုတစ်ခါမှာတော့ ၂၀၀၅ခုနှစ်က ထွက်ရှိထားတဲ့ မင်းသား Prabhasနဲ့ Drishyam(လေးတန်းအောင်)ဇာတ်ကားထဲက ဇနီးအဖြစ် သရုပ်ဆောင်ခဲ့တဲ့ မင်းသမီးချောလေး Shriya Saranတို့ ပါဝင်သရုပ်ဆောင်ထားတဲ့ ဇာတ်ကားဟောင်းလေးတစ်ကားကို တင်ဆက်ပေးလိုက်ရပါတယ်။ ရှီဗာဆိုတဲ့ကောင်လေးဟာ အမေရယ် သူ့ညီလေးရယ်နဲ့ သီရိလင်္ကာကမ်းခြေက ရွာလေးတစ်ရွာမှာ နေထိုင်တဲ့သူပေါ့။ သူတို့ရွာလေးကို နယ်ခံတွေက သိမ်းပိုက်ချင်နေတာကြောင့် ခဏခဏ လာရောက်တိုက်ခိုက်ခြင်းကို ခံနေရတဲ့ရွာလေးပါ။ ရှီဗာရဲ့ညီဖြစ်သူ အာရှုတ်ခ်ကလည်း ရှီဗာက သူ့အမေရဲ့ သားအရင်းမဟုတ်ဘဲ သူ့အမေယူလိုက်တဲ့ သူ့ပထွေးကပါလာတဲ့သားဖြစ်တာကြောင့် သူ့အမေက ရှီဗာကို ချစ်နေတဲ့အပေါ် မနာလိုအူတူနေတဲ့ကလေးလေးပါ။ ဒီလိုနဲ့ တစ်ရက်မှာ သူတို့ရွာလေးကို နယ်ခံတွေက လာရောက်သိမ်းပိုက်ခံလိုက်ရပြီး အကုန်လှေတွေနဲ့ ထွက်ပြေးတိမ်းရှောင်ကြတဲ့အချိန် ရှီဗာနဲ့ သူ့အမေရယ် သူ့ညီလေးရယ်နဲ့ လူစုကွဲသွားခဲ့ပါတော့တယ်။ ရှီဗာပါသွားတဲ့လှေထဲကလူတွေဟာ အိန္ဒိယဘက်ကိုရောက်လာပြီးတော့ ဘာဂျီရောင်ဝ်အုပ်ချုပ်တဲ့ တရားမဝင်လုပ်ငန်းလုပ်တဲ့နေရာတစ်ခုမှာ မတရားအလုပ်လုပ်ခိုင်းခြင်းကို ခံခဲ့ရပါတော့တယ်။ ဒီလိုနဲ့ အသက်တွေကြီးလာတဲ့အချိန်မှာတော့ ရှီဗာဟာ ကျန်းမာသန်စွမ်းပြီးတော့ စွမ်းရည်အပြည့်နဲ့ ပျိုတိုင်းကြိုက်တဲ့ နှင်းဆီခိုင်လေးဖြစ်လာပါတော့တယ်။ ဒီလိုနဲ့ ရှီဗာတစ်ယောက် လူတွေကို ကူညီကယ်တင်ပေးရင်းနဲ့ ငယ်ငယ်က ကွဲကွာသွားတဲ့ သူ့အမေနဲ့ ပြန်ဆုံတွေ့ကြတဲ့အခါမှာတော့ …… ဘာတွေဆက်ဖြစ်မလဲဆိုတာကို ဆက်လက်ကြည့်ရှုပေးကြပါဦး။ (အညွှန်းနဲ့ ဘာသာပြန်ကတော့ CM Bollywood Team ပဲ ဖြစ်ပါတယ်)

The Book of Everything (2024) IMDb Rating (6.7) ကိုးနှစ်အရွယ် ကလေးငယ်လေး Thomas ရဲ့ အမြင်ကနေ ကမ္ဘာကြီးကို ကြည့်ရမှာပါ။ Thomas မှာ ဘာသာရေး အရမ်းကိုင်းရှိုင်းတဲ့ ဖခင် ရှိတယ်။ သူ့ဖခင်ဟာ ဘာသာရေး အကြောင်းပြပြီး သူ့အမေကို နှိမ်တယ်၊ ရိုက်တယ်၊ သူတို့ မောင်နှမ နှစ်ယောက်ပေါ်မှာလည်း ကြမ်းတမ်းစွာ ဆက်ဆံလေ့ရှိတယ်။ သူ့မိခင်ကတော့ Thomas ကို အရမ်းချစ်ပြီး ယောကျ်ားရဲ့ ဒဏ်ကိုလည်း သည်းခံလေ့ ရှိတယ်။ ဒီလိုနဲ့ Thomas လေးဟာ သူ့အဖေကို မုန်းလွန်းလို့ ဘုရားမှာ ဆုပန်ပါတယ်။ ဘုရားသာ တကယ်ရှိရင် အဖေ့ကို ပြစ်ဒဏ်ပေး ပေးပါတဲ့။ သူ ဆုတောင်းနေတုန်း သူ့ နောက်ဖက်က ပန်းချီကားထဲက Jesus က ထွက်လာပြီး သူ့ကို ကောင်းကင်ဘုံပေါ် အလည်ခေါ်သွားခဲ့ပါတယ်။ Jesus က သူ့သူငယ်ချင်း မိတ်ဆွေ ဖြစ်ပြီး သူ အလိုရှိတိုင်း ပေါ်လာပေးပါတယ်။ဒါက ကိုးနှစ်သားလေးတစ်ယောက်ရဲ့ စိတ်ထဲက စိတ်ကူးယဥ် မိတ်ဆွေ တစ်ယောက် ပုံဖော်ထားတာ ဖြစ်ပါတယ်။ မိသားစုအပေါ် အရမ်းတင်းကြပ်ပြီး လက်ပါတတ်တဲ့ ဖခင်ကို Thomas လေး ရင်ဆိုင်ပြီး အမေနဲ့အစ်မကို အဖေ့ဆီက ဘယ်လိုကာကွယ်ပေးလဲဆိုတာကို ကြည့်ရမှာ ဖြစ်ပါတယ်။ (အညွှန်းနဲ့ဘာသာပြန်ကတော့ Leonie ဖြစ်ပါတယ်။) File size…(1.5 GB) / (640 MB) Quality….WEB-Rip 1080p HEVC / 720p Format…. mkv/mp4 Genre….Drama Duration….01:26:45 Subtitle….Myanmar Subtitle (Hardsub) Encoder….Double K Translated by Leonie

Zhongkui: Snow Girl and the Dark Crystal (2015) တရုတ်ရှေးဟောင်း စိတ်ကူးယဉ်သိုင်းကားနှစ်သက်သူတွေ မြည်းစမ်းကြည့်နိုင်ဖို့အတွက် အကယ်ဒမီဆုရ ဒါရိုက်တာပီတာပေါင်း ရိုက်ကူးထားတဲ့ဇာတ်ကားလေးကိုတင်ဆက်လိုက်ပါတယ်။ မကောင်းဆိုးဝါးမိစ္ဆာတွေကိုနှိမ်နင်းသူဖြစ်တဲ့ ဒဏ္ဍာရီထဲက သူရဲကောင်းကျုံးကွေဟာ လျှို့ဝှက်ဆန်းကြယ်တဲ့စွမ်းအင်ရှိသူဖြစ်ပြီး ကောင်းကင်ဘုံနဲ့ငရဲမှာ တစ်ပြိုင်နက်တိုက်ခိုက်ရင်း လူသားတွေနဲ့ သူချစ်ရတဲ့မိန်းကလေးကို ကယ်ဆယ်ပုံကို ဇာတ်အိမ်တည် ရိုက်ကူးထားတာပါ။ တရုတ်ဒဏ္ဍာရီ ဇာတ်လမ်းတွေရဲ့ ထုံးစံအတိုင်း ဒီဇာတ်လမ်းမှာလည်း နတ်သမီးတွေ၊ မကောင်းဆိုးဝါးတွေနဲ့ လူတွေအတူတကွ အေးအေးချမ်းချမ်း နေလို့မရတဲ့စကြဝဠာကြီးနဲ့ စတင်ထားပါတယ်။ ထောင်စုနှစ်တွေ ဖြတ်သန်းပြီးတိုင်းမှာ မကောင်း ဆိုးဝါးတွေကလည်း လူသားတွေအဖြစ် ပြန်ဝင်စားသလို အဆင့်မြင့်သွားတာတွေလည်းရှိတာကြောင့် မိုးနတ်မင်းဟာဆိုရင် ငရဲပြည်က မကောင်းဆိုးဝါးတွေ လွတ်လာမှာအလွန်စိုးရိမ်နေခဲ့ပါတယ်။ နတ်ဘုရား ကျန်ဒေါင်ရှန်ဟာ မိစ္ဆာရန်က ကာကွယ်နိုင်ဖို့အတွက် သူ့တပည့်ဖြစ်တဲ့ ကျုံးကွေကို မကောင်းဆိုးဝါးတွေ ရဲ့ဝိညာဉ်တွေသိမ်းဆည်းတဲ့ ငရဲပြည်ကနေ အနက်ရောင် သလင်းကျောက်ကို ယူဆောင်စေခဲ့ပါတယ်။ တစ်ကိုယ်တည်းသမားကျုံးဟာ မိစ္ဆာတွေနဲ့မကောင်းမှုမှန်သမျှ ဖယ်ရှားရှင်းလင်းသူ တစ်ယောက်ဖြစ်တာကြောင့် သူ့ဆရာ ရဲ့ စေခိုင်းချက် အတိုင်းလုပ်ဆောင်ခဲ့ပါတယ်။ မကောင်းဆိုးဝါး ဘုရင်က ဟူမြို့တော်ကို အေးခဲသွားအောင် လုပ်ဖို့ အတွက် နှင်းမင်းသမီးကိုခိုင်းစေခဲ့ပါတယ်။ နှင်းမင်းသမီးနဲ့ မကောင်းဆိုးဝါးတွေဟာ ပါရှင်းအကအဖွဲ့ ယောင်ဆောင်ပြီး ဟူမြို့တော်ထဲဝင်ခဲ့ပြီး ပျောက်ဆုံးသွားတဲ့ ကျုံးရဲ့ချစ်သူလို့ ထင်မှတ်အောင်လည်း ညှို့ယူခဲ့ပါတယ်။ ဒီဇာတ်လမ်းက စိတ်ကူးယဉ် လျှို့ဝှက်ဆန်းကြယ် ဇာတ်ကားဖြစ်လို့ အထူးပြုလုပ်ချက်တွေ အလွန်အကျွံသုံးထားတာကြောင့် ကြည့်ရတာတစ်မျိုးဖြစ်နေပေမယ့်လည်း အတိုက်အခိုက် ဇာတ်ကွက်လေးတွေကတော့ ကြည့်ကောင်းပါတယ်။ အကအဖွဲ့ကိုယုံလွယ်မိတဲ့ လူသားတွေကို မိစ္ဆာတွေက ဘယ်လိုဒုက္ခပေးဦးမှာလဲ။ မိစ္ဆာတွေကို နှိမ်နင်းတဲ့ကျုံးကွေတစ်ယောက် သူချစ်ရတဲ့ နှင်းမင်းသမီးနဲ့ ဆုံစည်းခွင့်ရမလားဆိုတာ ကြည့်လိုက်ကြဦးနော်။ ဒီဇာတ်ကားမှာ မြန်မာပရိသတ်တွေနဲ့ မစိမ်းတဲ့ မင်းသမီးလီပင်းပင်းက နှင်းမင်းသမီးအဖြစ်သရုပ်ဆောင်ထားပြီး သူရဲကောင်း ကျုံးကွေအဖြစ် မင်းသားချန်ကွန်းက သရုပ်ဆောင်ထားပါတယ်။

Eldritch USA ကတော့ zombie ဇာတ်လမ်းကိုမှ musical comedy ဇာတ်လမ်းပုံစံမျိုးဖန်တီးရိုက်ကူးထားတဲ့ ထူးထူးခြားခြားဇာတ်ကားလေးတစ်ကားပဲဖြစ်ပါတယ်။ ဇာတ်လမ်းအကျဉ်းလေးကတော့ ဂျက်လို့ခေါ်တဲ့ကောင်လေးတစ်ယောက်ဟာ အမြဲတမ်းသူ့အကိုရဲ့အနိုင်ကျင့်မှုကိုခံရပြီး သူရသင့်ရထိုက်တဲ့အခွင့်အရေးတွေကိုအမြဲတမ်းလုယူခံရလေ့ရှိပါတယ်။ တစ်နေ့မှာတော့ သူလုပ်လိုက်တဲ့မတော်တဆမှုတစ်ခုကြောင့် သူ့အကိုရဲ့အသက်ဆုံးရှုံးသွားခဲ့ရတယ်။ အရမ်းထိတ်လန့်သွားတဲ့ဂျက်ဟာ သူ့အမှားကိုဖုံးကွယ်ဖို့ကြိုးစားရင်း သူ့အကိုကိုအသက်ပြန်သွင်းဖို့ကြိုးစားပါတော့တယ်။ အလွဲပေါင်းများစွာနဲ့ ရင်ဆိုင်ပြီးနောက် ပြန်ရောက်လာတာဟာသူ့အစ်ကိုလား တခြားတစ်ယောက်လား။ အဲဒီအလွဲတွေရဲ့နောက်ဆက်တွဲကဘာတွေဖြစ်မလဲ။ ဒီအရာတွေကိုဂျက်နဲ့သူ့အချစ်ဆုံးသူငယ်ချင်းတို့ ဘယ်လိုဖြေရှင်းကြမလဲဆိုတာကို ထူးထူးခြားခြားတင်ဆက်ရိုက်ကူးထားတဲ့ musical ဇာတ်လမ်းလေးထဲမှာ ကြည့်ရှုခံစားကြည့်လိုက်ကြပါဦး။ File size… (1.3 GB) / (837 MB) Quality….HEVC / 1080p HEVC / 720p Format…. mkv/mp4 Duration….01:48:00 Genre…Comedy, Horror, Music Subtitle….Myanmar Subtitle (Hardsub) Encoder….Swan Min Htet Translated by Senju

A Samurai in Time (2023) IMDb – 7.1/10, RT – 100% Edo ခေတ်ကာလမှာ Shogun ဆန့်ကျင်ရေးအဖွဲ့ဖြစ်တဲ့ Choshu မျိုးနွယ်ဝင်တွေနဲ့ Shogun ထောက်ခံရေးအဖွဲ့ဝင်ဖြစ်တဲ့ Aizu မျိုးနွယ်ဝင်တွေက အချင်းချင်း တိုက်ခိုက်နေကြပါတယ်။ တစ်ရက်မှာတော့ Aizu မျိုးနွယ်ဝင်ဖြစ်တဲ့ ဆာနိုဆကဲနဲ့ ခိုဆကတို့က Choshu မျိုးနွယ်ဝင်တစ်ယောက်ဖြစ်တဲ့ ရာမဂတဟိကိုကုရိုကို အလစ်ဝင်တိုက်ပါတော့တယ်။ ဒီလိုနဲ့ တိုက်ခိုက်နေရင်းမှာပဲ မိုးတွေရွာရင်း လျှပ်စီးလက်ပြီး တစ်လောကလုံးလင်းထိန်သွားပါတော့တယ်။အဲဒီနောက် ခိုဆကတစ်ယောက် သတိရတဲ့အချိန်မှာ သူက နှစ်ပေါင်း ၁၄၀ လောက် အချိန်ခရီးသွားလာမိတဲ့အကြောင်းကို သိသွားပါတယ်။ ဒီလိုနဲ့ ဆာမူရိုင်းတွေမေ့ပျောက်ခံနေရတဲ့ လက်ရှိခေတ်မှာ ဆာမူရိုင်းတွေကို အမှတ်ရစေဖို့အတွက် ခိုဆကတစ်ယောက် သမိုင်းကြောင်းရုပ်ရှင်တွေမှာ စတန့်သမားအဖြစ်နဲ့ အလုပ်ဝင်လုပ်ပါတော့တယ်။ ခိုဆကတစ်ယောက် သမိုင်းကြောင်းရုပ်ရှင်တွေရိုက်ရင်း ကြုံတွေ့ရမယ့်အရာတွေ… ဆာမူရိုင်းတစ်ယောက်ရဲ့ စိတ်ဓာတ်ပြတ်သားမှုတွေကို စိတ်ဝင်စားဖွယ်ကြည့်ရှုရမှာပဲဖြစ်ပါတယ်။ ဒီ A Samurai in Time ဆိုတဲ့ရုပ်ရှင်က 37 ကြိမ်မြောက် Nikkan Sports Film Awards, 67 ကြိမ်မြောက် Blue Ribbon Awards, 48 ကြိမ်မြောက် Japan Academy Film Prize စတဲ့ ဆုပေးပွဲတွေမှာ ဆုပေါင်း ၇ ဆုရရှိခဲ့တဲ့အပြင် တခြားဆု ၇ ဆုအတွက်လည်း Nominate စာရင်းဝင်ခဲ့ပါသေးတယ်။ ဆာမူရိုင်းရုပ်ရှင်တွေကို စိတ်မဝင်စားတဲ့သူကိုတောင် စိတ်ဝင်တစားဆွဲ‌ခေါ်သွားနိုင်တဲ့ ဇာတ်လမ်းကောင်းလေး တစ်ခုဖြစ်တဲ့အတွက် ကြည့်ကြည့်ကြဖို့ အကြံပေးချင်ပါတယ်။ (အညွှန်းနဲ့ ဘာသာပြန်ကတော့ Benni ပဲ ဖြစ်ပါတယ်) File size… 2 GB / 980 MB Quality… Blu-ray 1080p / 720p Format… mp4 Duration…. 2h 11m Genre ….. Comedy, Fantasy Subtitle…. Myanmar Subtitle (Hard Sub) Encoder…. Thit San Khant Translated… by Benni