သည်းထိတ်ရင်ဖိုကားတွေကိုမှ ကြိုက်ပါတယ်ဆိုတဲ့ CM ရဲ့ ပရိသတ်တွေအတွက် River God ဆိုတဲ့ ရုပ်ရှင်ကို ဘာသာပြန်တင်ဆက်ပေးလိုက်ပါတယ်။ ဇာတ်လမ်းအကျဉ်းလေးကတော့ - မင်ကော်ခေတ်မှာ ထျန်းကျင်းဝေ့မြို့မှာ ရေဘေးအန္တရာယ်တွေ အကြိမ်ကြိမ်ကြုံတွေ့နေရပြီး သဘာဝလွန် ဖြစ်ရပ်သတင်းတွေ မပျက်ကြားနေရပါတယ်။ ရေပေါ်ရဲတပ်ဖွဲ့ အဖွဲ့ခေါင်းဆောင် ကောသယ်ယိုဟာ သူ့ဆရာရဲ့ ပညာတွေကို ဆက်ခံထားပြီး မြစ်နတ်အဖြစ် နာမည်ကြီးနေပါတယ်။ တစ်နေ့မှာ ကောသယ်ယိုတစ်ယောက် မြစ်ထဲကနေ အလောင်း ၂ ခုကို ဆယ်ခဲ့ပြီးနောက်မှာတော့ ပုံရိပ်ယောင်တွေကို မြင်လာခဲ့ပါတယ်။ ပုံရိပ်ယောင်တွေက တစ်ဆင့် သူ့အစ်ကို သေဆုံးခဲ့ရတဲ့ အကြောင်းအရင်းဟာ လွန်ခဲ့တဲ့ နှစ် ၂၀ လောက်က ကလေးပျောက်ဆုံးမှုနဲ့ ပတ်သက်နေတာ သိခဲ့ရပါတယ် ကောသယ်ယို၊ တင်းမောင်နဲ့ လီတာ့လန့်တို့ ၃ ယောက်ဟာ အမှန်တရားကို ရှာဖွေဖို့အတွက် စွန်စားခန်း စတင်ခဲ့ပါတယ်။ စာကြည့်တိုက်မီးလောင်မှု၊ ဝက်ခေါင်းလူကြီးရဲ့တိုက်ခိုက်မှုတွေ၊ ယင်းရန်မြစ်နတ်ရဲ့ လမ်းညွှန်မှု၊ ဝေမိသားစုသင်္ချိုင်းက သရဲအိမ်ကြီး စတဲ့ နေရာတွေကို တစ်ယောက်ယောက်က တမင်လမ်းညွှန်ပြနေပါတယ်။ ကောသယ်ယိုတစ်ယောက် လွန်ခဲ့တဲ့ နှစ် ၂၀ က အမှန်တရားကို ဖော်ထုတ်နိုင်ပါ့မလား...... ပုံရိပ်ယောင်တွေနဲ့ သူ့ကို တိုက်ခိုက်နေသူကရော ဘယ်သူဖြစ်မလဲ...... ဆိုတာကို ရုပ်ရှင်နဲ့အတူ သည်းထိတ်ရင်ဖိုစွာ လိုက်လံ ခံစားကြည့်ရှုလိုက်ရအောင်နော်။ Quality : WEB-DL 1080p , 480p Format : mp4 Genres : Action , Mystery , Crime  Runtime : 1h 31 min Subtitle : Myanmar Subtitle ( Hardsub ) Translated & Reviewed By Moon Encoded by LK

မြေအောက်သင်္ချိုင်းဖောက်ထွင်းတဲ့ဇာတ်ကားတွေကိုရိုးအီနေကြပြီလား..... ဒီတစ်ခါတော့ မြေအောက်မှာရတနာတွေဖွက်တဲ့အခါ ခိုးယူခံရနိုင်တဲ့အန္တရာယ်များတဲ့အတွက် ယိ၊ကျန်း၊တင်း မျိးနွယ်(၃)စုရဲ့အကူအညီနဲ့ရေအောက်မှာ ရတနာသိုက်တည်ပြီးမြှုပ်နံကြပါတယ်တဲ့။ မျိုးနွယ်(၃)စုရဲ့ထူးခြားချက်ကတော့ ရေအောက်မှာအသက်ရှူနိုင်ပြီး စိတ်ကြိုက်သွားလာနိုင်တဲ့ ရေသရဲလို့ခေါ်တဲ့ထူးခြားတဲ့လူတွေရှိနေခြင်းပါပဲ။ ယိဆာ့ဆိုတဲ့ကောင်မလေးဟာ ထူးဆန်းတဲ့ရောဂါကိုကုသဖို့အတွက်နဲ့ သူငယ်ငယ်တုန်းက သူတို့မျိုးနွယ်တစ်စုလုံး မျိုးတုန်းလုမတတ်ဖြစ်ခဲ့ရတဲ့ဖြစ်ရပ်မှန်ကို ဖော်ထုတ်ဖို့ကြိုးစားတဲ့ဇာတ်လမ်းလေးပဲဖြစ်ပါတယ်။ အားလုံးပဲရေအောက်ကမ္ဘာရဲ့လျှို့ဝှက်ချက်တွေကိုအတူဖော်လုပ်လိုက်ကြပါဦးနော်...... [ Reviewed By Nu Mon ] Quality : WEB-DL 1080p , 480p Format : mp4 Genres : Adventure , Drama , Romance Runtime : 1h 50 min Subtitle : Myanmar Subtitle ( Hardsub ) Translated by CM Team Encoded by LK

Tobey Maguire နဲ့ Andrew Garfield တို့ပြီးတဲ့နောက်မှာ သုံးကြိမ်မြောက် Reboot လုပ်ခဲ့တဲ့Tom Holland ရဲ့ တကယ့်ကို လူငယ်ဆန်တဲ့ အငွေ့အသက်တွေလွှမ်းခြုံနေတဲ့Spider Man Homecoming ဟာ ၂၀၁၆နှစ်ကုန်ပိုင်းမှာ ထွက်လာတဲ့ Marvel Comic ဖန်တွေ အကြိုက်လောက်ဆုံး Spider Man Reboot Movie တစ်ခုဖြစ်ခဲ့ရပါတော့တယ် Tobey နဲ့ Andrew အလွန် ၂၀၁၆မှာတော့ ကျွန်တော်တို့လို Comic Fan တွေအတွက် Cilvil War မှာ လူငယ်မင်းသား Tom Holland က ဆန္ဒတွေ ဖြည့်ဆည်းပေးလိုက်တော့တယ်။ သူ့ကို စတင် Cast လုပ်လိုက်လိုက်ချင်း ဝေဖန်သံတွေ ပေါ်ထွက်ခဲ့ပေမယ့်အဲဒီ ဝေဖန်သံတွေကို Civil War မှာ Tony Stark ရဲ့ Underoses ဆိုတဲ့ စကားနဲ့ Spidey လက်သစ်ရဲ့ Hello Everyone ဆိုတဲ့တစ်ခွန်းတည်းနဲ့ ပယ်ဖျက်ခဲ့တယ်။ " တခြားစူပါဟီးရိုးတွေလို ရင့်ကျက်မှုမရှိသေးမယ့် CW ကဖြစ်ရပ်တွေထဲ ဝင်ပါခဲ့ရပြီးတဲ့နောက် Peter Parker ဟာ သူ့ကိုအချိန်ပြည့် စောင့် ကြည့်ထိန်းမတ်ပေးနေတဲ့ Tony Starkရဲ့ အုပ်ချုပ်မှုအောက်မှာ ကိုယ့်ကိုယ်ကိုယ် ယုံကြည်မှုအပြည့်နဲ့ ဝတ်စုံအသစ်နဲ့အတူ နေ့တိုင်း မှုခင်းတိုက်ဖျက်နေခဲ့ပါတယ်။ Parker ဟာ သူ့ရဲ့ အခင်ဆုံး သူငယ်ချင်း Ned နဲ့အတူ သာမန်ရိုးရှင်းတဲ့ အထက်တန်းကျောင်းသား ဘဝကို အတွဲညီညီဖြတ်သန်းနေသလို Lizဆိုတဲ့ ကောင်မလေးတစ်ယောက်ကိုပါ ခွက်ရှ်နေခဲ့ပါတယ်။ သို့သော်လည်းပဲ Tony Stark ရဲ့ လက်နက်ထိန်းချုပ်ရေး ပရိုဂရမ်ကြောင့် အမြစ်တည်ပျံ့ပွားလာတဲ့ အမုန်းတရားတွေရဲ့သားကောင် Vulture ဆိုတဲ့ Villain တစ်ယောက်ပေါ်လာချိန်မှာတော့ အတွေ့အကြုံအကြီးကြီး မရှိသေးတဲ့ Spidey လေးခင်မျာ အားကုန်သုံးပြီး ပြန်တွန်းလှန်ရပါတော့တယ်.... ။ " ‌ဒီကားဟာ Tomရဲ့ Solo Film ဖြစ်တဲ့အတွက် သူအတွက် လုပ်ပိုင်ခွင့်တွေ ပိုရလာခဲ့သလို Comic ထဲကလို ပျော်ပျော်နေတတ်တဲ့ Friendly Neighborhood Spidey လေးကို မြင်တွေ့ခဲ့ရတယ်။ သူ့ရဲ့ စိတ်ဓာတ်၊ သူ့ရဲ့ စွမ်းအား၊ သူ့ရဲ့ လုပ်နိုင်စွမ်းတွေဟာ ဒီကားနဲ့အတူ နောင်လာမယ့် ကားတွေမှာပါ ကျွန်တော်တို့ အချစ်တော် Spidey လေးဖြစ်လာမယ်ဆိုတာတော့ ဘယ်လိုမှ လွဲမယ်မထင်ပါဘူး...။ (ဇာတ်လမ်းအညွှန်းကိုတော့ Y မှရေးပေးထားတာဖြစ်ပြီး ဘာသာပြန်သူကတော့ Little Neo ပါ) ++++++++++++++++++++++++++++++++++++++++++++++++++++++ Marvel Cinematic Universe Intro ======================= Marvel ထုတ်လုပ်ရေးမှ Marvel Cinematic Universe(MCU) ကို လွန်ခဲ့တဲ့ ၁၀ နှစ်က စပြီးတည်ဆောက်ခဲ့ပါတယ်။ ပထမဆုံး ဇာတ်လမ်းဖြစ်တဲ့ Iron Man-1 နဲ့ဖြစ်ပါတယ်။ နောက်ဆုံးအပိတ်ကတော့ Endgame (2019) ဖြစ်ပါတယ်။ Marvel Universe မှာ Infinity Stone လို့ ခေါ်တဲ့ စွမ်းအား အကြီးဆုံး ကျောက်တုံး(၆) လုံးရှိပါတယ်။ အဲဒီကျောက်တုံးတွေဟာ စကြဝဠာအနှံ့မှာ ပြန့်ကျဲနေတယ် ဆိုပါတော့။ ကျောက်တုံးတစ်တုံးချင်းစီမှာ သီးခြားအစွမ်းတွေ ရှိပြီး သာမာန်လူတွေ ကိုင်တွယ်သုံးစွဲဖို့ မဖြစ်နိုင်သလောက်ပါပဲ။ Infinity War ရဲ့ အဓိက ဗီလိန်ဖြစ်တဲ့ Mad titan လို့ခေါ်ကြတဲ့ Thanos က ဒီကျောက်တုံးတွေကို စုစည်းပြီး စကြဝဠာကို သူ့သဘောအတိုင်းဖန်တီးဖို့ကြိုးစားပါလိမ့်မယ်။ ဒါကို Avengers( Captain America, Iron Man, Hulk, Thor, Black Widow, Hawkeye, Vision,Scarlet Witch,Antman,Falcon) တို့နဲ့ Spiderman, Doctor Strange, Black Panther, Guardians of the Galaxy အဖွဲ့တို့ ပူးပေါင်းတားဆီးကြရင်း ဖြစ်လာတဲ့ စစ်ပွဲပါ။ Infinity Stones 6 လုံးရဲ့ တည်နေရာတွေကတော့ ၁. Space Stone aka Tesseract (Blue) (Captain America: the first avenger ဇာတ်ကားမှာ နာဇီတွေဆီက လုယူရတဲ့ ကျောက်တုံးဖြစ်ပြီး Avengers ဇာတ်ကားမှာ လိုကီက ဂြိုလ်သားတွေကို ကမ္ဘာကိုခေါ်ဖို့ ဝင်ပေါက်ဖွင့်တဲ့နေရာမှာ အသုံးပြုခဲ့ပါတယ်၊ လက်ရှိကတော့ Asgard ဂြိုလ်ပေါ်မှာ သိမ်းဆည်းခဲ့ရင်း Thor: Ragnarok ကားအဆုံးမှာ လိုကီ ခိုးယူခဲ့တာကို တွေ့ရမှာပါ) ၂။ Reality Stone aka Aether (Red) ( စကြဝဠာကို Big Bang မတိုင်ခင်အထိတောင် ပြန်ပြောင်းပစ်နိုင်ပါတယ်။ Thor 2: The Dark World မှာ ပါလာခဲ့ပြီး နောက်ဆုံး credit scene မှာ Collector ဆိုသူဆီမှာ သိမ်းဆည်းထားပါတယ်) ၃။ Power Stone (Purple Orb) ( ဂြိုလ်တစ်ခုလုံးကို အသာလေးဖျက်ပစ်လို့ရတဲ့ raw power တွေပါပါတယ်။ Guardian of the Galaxy 1 မှာ ပါဝင်ခဲ့ပြီး Xander က Nova Corps စစ်တပ်လက်ထဲမှာ သိမ်းဆည်းထားပါတယ်။) ၄။ The Time Stone ( The Eye of Agomotto, Green) ( အချိန်ကို လိုသလိုအသုံးချနိုင်ပါတယ်။ Doctor Starnge ဇာတ်လမ်းမှာ ပါဝင်လာပြီး လက်ရှိ ဒေါက်တာ စထ်ရိန့်က စောင့်ရှောက်ထားပါတယ်) ၅။ Mind Stone (Yellow) ( ဉာဏ်ရည်ကို မြှင့်တင်ခြင်းနဲ့ စိတ်ညို့ခြင်းတွေ ပြုလုပ်နိုင်ပါတယ်။ Avengers 1 မှာ ပါဝင်ခဲ့ပြီး လက်ရှိ Vision ရဲ့ နဖူးထဲမှာ မြှပ်ထားတာပါ) ၆။ Soul Stone (Orange) ( သက်ရှိ သက်မဲ့ အခြေအနေတွေကို ထိန်းချုပ်နိုင်ပါတယ်။ Planet Vormir မှာရှိပါတယ်။ ) အဆိုပါ ကျောက်တုံး ၆ တုံးကို သုံးနိုင်ဖို့ Infinity Gauntlet ဆိုတဲ့ လက်အိတ်ကို လိုပါတယ်။ အဲဒီလက်အိတ်ကိုတော့ Thanos ပိုင်ဆိုင်ထားပါတယ်။ ဒီလောက်ဆို Marvel Universe ကိုကြည့်ဖို့ အကြမ်းဖျဉ်းလုံလောက်ပြီ ထင်ပါတယ်။ File size…(6.3 GB)/(1.6 GB)/(850 MB) Quality….BluRay 4K HEVC/ DS4K 1080p / 720p Format…mkv/mp4 Duration….02:13:28 Subtitle….Myanmar Subtitle (Hardsub) Encoder….Nyeinsaeya Aung Translated by Little Neo

In the Quarry (2019) =============== ဇာတ်လမ်းအစ သူငယ်ချင်းနှစ်ယောက်နဲ့ အတွဲတစ်တွဲက စွန့်ပစ်ထားတဲ့ ကျောက်မိုင်းကျင်းတစ်နေရာကို အပန်းဖြေခရီးထွက်ကြပါတယ်…… မြို့နဲ့ ၁၀ ကီလိုမီတာကျော်ဝေးပြီး ဘယ်သူမှမလာကြတဲ့အတွက် သူတို့ လေးယောက်အတွက်တော့ အေးဆေးအပန်းဖြေလို့ရတဲ့ နေရာပါပဲ။ အာလီနဲ့ ဘရူနိုတို့က ချစ်သူတွေဖြစ်ကြပြီး အာလီက သူ့ရဲ့ငယ်သူငယ်ချင်း မာတင်နဲ့ နောက်ကွယ်မှာ ဖောက်ပြန်နေကြတာပါ။ ဒီကိစ္စကို ဘရူနိုသိသွားတဲ့ အချိန်မှာတော့….အာလီနဲ့ ဘရူနိုတို့ ပြန်အဆင်ပြေပါ့မလား၊ မာတင်နဲ့ ဘရူနို တို့ရော ဘာတွေဆက်ဖြစ်မလဲဆိုတာ ကြည့်ရှူရမှာဖြစ်ပါတယ်။ Drama, Thriller ဇာတ်လမ်းမျိုးကြိုက်နှစ်သက်သူများအတွက် အဆင်ပြေမယ်လို့ မျှော်လင့်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ပေးသူကတော့ Parris ဖြစ်ပါတယ်)

Tadka 2022 ဒီတစ်ခါမိတ်ဆက်ပေးချင်တာကတော့ အသစ်စက်စက် အိန္ဒိယ အချစ်ဟာသကားလေးပါ… အချစ်တော် “တာ့ပ်ဆီး”လေးလဲပါတယ်ဆိုတော့ ပရိသတ်ကြီးကြိုက်ကြမယ်ထင်ပါတယ်….. ဇာတ်လမ်းအညွှန်းလေးကတော့ တူကာရမ်(Nana Patekar)က အစားအသောက်တွေကိုနှစ်သက်တဲ့ ရှေးဟောင်းသုတေသနပညာရှင်ဖြစ်ပြီး လူပျိုကြီး တစ်ကိုယ်တည်းသမားပေါ့.. မဒူရား (Shriya Saran)ကတော့ ရေဒီယိုတင်ဆက်သူတစ်ဦးဖြစ်ပါတယ် တစ်နေ့မှာတော့ မဒူရာနဲ့ ဖုန်းမှားခေါ်မိရာက လေလှိုင်းထဲကနေတစ်ဆင့် တစ်ယောက်နဲ့တစ်ယောက် သဘောကျမိသွားကြပါတယ်.. ကိုလူပျိုကြီးတူကာရမ်ကတော့ ရေငတ်တုန်းရေတွင်းထဲကျဆိုသလိုပါပဲ ဖုန်းထဲမှာတော်ကီတွေလွှတ်ပစ်ပြီး ချုပ်တာပေါ့..ဒါပေမယ့်တကယ်တမ်းလူချင်းတွေ့ကြမယ်ဆိုတော့ မထုံတက်တေးနဲ့မထော်မနမ်းတွေလုပ်မိမှာလဲစိုး.. ဒီလိုနဲ့ တူကာရမ်ရဲ့တူဖြစ်သူ ခပ်နောက်နောက်လူငယ်လေး ဆစ် (Ali Fazal) နဲ့ အရမ်းဟော့တဲ့ နီကိုလ် ( Taapsee)တို့က လူအစားဝင်ပြီးတွေ့ကြတဲ့အချိန်မှာ နီကိုလ်းရဲ့အလှမှာမျောသွားတဲ့ ဆစ်က အရွယ်ချင်းကွာတယ် အဆင်မပြေဘူးဘာညာပေါ့… ကိုလူပျိုကြီးတူကာရမ်ရဲ့ ကြီးမှဝက်သက်ပေါက်ရတဲ့အချစ်ဇာတ်လမ်းမှာ သူတို့လေးယောက်ဘယ်လိုတွေများ မီးစင်ကြည့် ကကြမလဲဆိုတာ ကြည့်ရင်းရယ်ရင်းနဲ့ပဲ ဆက်လက်အားပေးလိုက်ကြပါဦး….

ပရိတ်သတ်ကြီးရေ ထူးဆန်းထွေလာ စိတ်ကူးယဉ်ဇာတ်လမ်းတွေနဲ့ ပတ်သတ်လာရင် The Mummy, George of the Jungle, Journey ကားတွေလို ္Fantasy တွေနဲ့ နာမည်ကြီးတဲ့ မင်းသားကြီး Brendan Fraserကို မေ့ထားလို့မရပါဘူး။ ကျွန်တော်ဆိုလည်း ငယ်ငယ်ကတိုင် သူ့ရဲ့ဇာတ်လမ်းတွေကို သိပ်သဘောကျခဲ့တာပါ။ အခုလည်း စီအမ်ပရိသတ်ကြီးအတွက် မင်းသားကြီးရဲ့ အချစ်/ဟာသ ဇာတ်လမ်းလေဟောင်းတစ်ပုဒ် တင်ဆက်ပေးပါရစေ။ ၁၉၉၉ ခုနှစ်ကထွက်တာဆိုတော့ ကျွန်တော်နဲ့ သက်တူရွယ်တူပဲဗျ။ ဖေဖော်ဝါရီလမှာ ထွက်တာဆိုတော့ ကျွန်တော့်ထက်တောင် လပိုင်းကြီးသေးဗျာ။ ဘရန်ဒန့်ဇာတ်လမ်းပီပီ သောင်းပြောင်းထွေလာတွေ မပါမှာကလည်း ပူစရာမလို့ပါဘူး ဇာတ်လမ်းအစမှာတော့ သူ့ရဲ့နောက်ခံဝန်းကျင်က ၁၉၆၂ ခုနှစ် ဆိုဗီယက်တွေနဲ့ အမေရိကန်တို့ တင်းမာမှုတွေ ရှိနေတဲ့ အချိန်ကာလပေါ့၊ အဲဒီမှာ ကယ်ဗင်ဆိုတဲ့ သိပ္ပံပညာရှင်တစ်ယောက်က နျူကလီးယား တိုက်ခိုက်မှုတွေ ရှိလာတဲ့အခါ ဘေးရှောင်နိုင်ဖို့ မြေအောက်ဗုံးခိုကျင်းကြီး တစ်ခု တည်ဆောက်ခဲ့တယ်။ နျူကလီးယားကိုတောင် ခံနိုင်ရည်ရှိတယ်ဆိုတော့ တွေးသာကြည့်ပေးတော့ပေါ့။ ဒီလိုနဲ့ သူပြင်ဆင်ထားသလိုပဲ တစ်နေ့မှာ ဒီကိစ္စတွေ ဖြစ်လာပြီး သူ့မိန်းမ ကိုယ်ဝန်သည် ဟယ်လင်နဲ့အတူ နျူကလီးယားနောက်ဆက်တွဲဒဏ်တွေ ကာကွယ်ဖို့ မြေအောက်မှာပဲ ၃၅ နှစ်ကြာနေဖို့ အခြေအနေဖြစ်လာခဲ့တယ် ။ မွေးလာတဲ့ သား အဒမ်ကိုလည်း မြေအောက်ထဲမှာပဲ အကုန်ပျိုးထောင်သင်ကြားပေးခဲ့တာပေါ့။ တကယ်တော့ သူတို့ထင်သလို နျူကလီးယား ပေါက်ကွဲခဲ့တာမဟုတ်တဲ့အတွက် ကမ္ဘာကြီးရော လူတွေပါ ပုံမှန်လည်ပတ်နေခဲ့တာပါ။ ဒါကို မသိတဲ့ ကယ်ဗင်တို့ မိသားစုကတော့ မြေအောက်မှာပဲ ဆက်နေခဲ့ကြပါတယ်။ မြေပြင်ပေါ်မှာ ၃၅ နှစ်တာ ခံမယ့် အဆိပ်ငွေ့ ရှိတယ်ဆိုတဲ့ ယုံကြည်မှုကြောင့် တစ်ခါမှလည်း တက်ကြည့်ဖို့ မကြိုးစားခဲ့ကြပါဘူး ဒီလိုနဲ့ ၃၅ နှစ်အကြမှာ မြေပြင်ပေါ်ကို တစ်ယောက်တည်း အရင်တက်ကြည့်ပြီး ခေတ်အပြောင်းအလဲတွေကို လိုက်မမီတဲ့ ကယ်ဗင်ကြီးက ကမ္ဘာကြီး အရင်လိုမဟုတ်တော့ဘူး မြေအောက်မှာပဲ ဆက်နေရမယ်တွေ ဖြစ်ပြီး သားဖြစ်သူ အဒမ်ကို မြေပြင်ပေါ်တက် ရိက္ခာရှာခိုင်းတဲ့ အချိန်မှာတော့ …….. File size…( 2.03GB) / (1.44GB) / (660MB) Quality…. Web 1080P / 720p / 480P Format…mp4 Duration….01:52:00 Genre… Comedy / Drama / Romance Subtitle….Myanmar Subtitle (Hardsub) Encoder….Mr. Anderson Translated by Act Molemy

Lesson in Murder (2022) ~ IMDb – 6.3/10, MyDramaList – 7.7/10 ~ ဂျပန်တွေဟာ မှုခင်း Thriller ကားတွေကို အသက်သွင်းတဲ့နေရာမှာ အာရှရဲ့ ဆရာတစ်ဆူလို့ ဆိုလို့ရပါတယ်။ မနှစ်က အော်စကာရခဲ့တဲ့ ဂျပန်ကားရဲ့ ဒါရိုက်တာ ရူဆုခဲဟမဂုချိရဲ့ဆရာအရင်း Kiyoshi Kurosawa ရဲ့ မှုခင်းကားတွေဆိုလည်း မာစတာပိစ်လို့ဆိုလို့ရတဲ့အထိ တန်းမြင့်သလို ကူရိုဆာဝါလို လူကိုယ်တိုင်ရိုက်ခဲ့တဲ့ Crime ကားတွေလည်းရှိခဲ့ပါတယ်။ Takeshi Kitano, Sion Sono, Takashi Miike, Tetsuya Nakashima, Shunji Iwai နဲ့ Hirokazu Kore-eda တို့လို လူတွေရိုက်ခဲ့တဲ့ မှုခင်းကားတွေလည်းရှိပြီး ရိုက်သမျှအကုန်ကောင်းတဲ့ ဘဲတွေရိုက်ထားတဲ့ မာစတာပိစ်တွေလည်း မနည်းပါဘူး။ ဒီတစ်ခါရုပ်ရှင်ကတော့ အပေါ်ကဒါရိုက်တာတွေရိုက်သလို မာစတာပိစ် မဟုတ်ရင်တောင် တော်တော်လေးမိုက်တဲ့ ဂျပန် မှုခင်းကားပါပဲ။ စိတ္တဇ ကွင်းဆက်လူသတ်သမားတစ်ယောက် အကြောင်းကို ရိုက်ပြထားတာဖြစ်ပြီး စိတ္တဇလူသတ်သမားတစ်ယောက်ရဲ့ ဖြစ်တည်လာပုံ တွေးပုံခေါ်ပုံ ထောင်ထဲရောက်သွားပြီးတာတောင် သားကောင်တွေကို ကြိုးကိုင်ထားနိုင်ပုံတွေကို ကောင်းကောင်းကြီးကို တဝတပြဲကြည့်ရမှာဖြစ်သလို ဇာတ်ကလည်း လှလှပပနဲ့ကို မထင်ထားတဲ့အရာတွေအပြည့်နဲ့ တည်ဆောက်ထားပါတယ်။ ရပ်ကွက်လေးတစ်ခုထဲက မုန့်တိုက်ဖွင့်ထားတဲ့ လူတစ်ယောက်ရှိတယ်။ သူက သဘောကောင်းပြီး လူတိုင်းနဲ့ အပေါက်အလမ်းတည့်တယ်။ စာကြိုးစားတဲ့ ကျောင်းသားလေးတွေဆိုလည်း မုန့်တွေအလကားပေးတတ်တယ်။ ဒါပေမဲ့ တစ်နေ့မှာ သိလိုက်ရတာက ဒီလူဟာ ကွင်းဆက်လူသတ်သမားဖြစ်နေပြီး လူ၃၀နီးပါးကို သတ်ထားတဲ့လူဆိုတာပါပဲ။ သူဟာ ၁၇ ၁၈ကြား အထက်တန်းကျောင်းသူ ကျောင်းသားတွေကို သတ်ရတာ သဘောကျသူဖြစ်ပြီး စာကြိုးစားတဲ့ ဆံပင်အနက်ရောင်ရှိတဲ့လူတွေကိုပဲရွေးသတ်တာပါ။ သူတို့နဲ့အရင်ခင်အောင်လုပ်ပြီး သူတို့မထင်ထားတဲ့အချိန်ကျမှ တွေးတောင်တွေးလို့မရတဲ့ သတ်နည်းတွေနဲ့ သတ်တဲ့လူပါ။ သူ့ကိုမိသွားပြီနောက် ထောင်ထဲကနေ ကောလိပ်ကျောင်းသားလေးတစ်ယောက်ဆီ သူ့ကိုလာတွေ့ဖို့ သူစာပို့ခဲ့ပါတယ်။ ကျောင်းသားလေးရောက်လာတဲ့အခါမှတော့ သူက သူ့အမှုတွေအကြောင်းပြောပြရင်း သူ့ကိုဆွဲချက်တင်ထားတဲ့အမှုတွေထဲ သူမသတ်ခဲ့တဲ့လူသတ်မှုတစ်ခုရှိကြောင်းနဲ့ အဲဒီအမှုကိုဖော်ပေးဖို့ အကြောင်းပြောပါတော့တယ်။ ကျောင်းသားလေးဟာ ဒီလူ့အမှုတွေကို ပြန်တူးဖော်ရင်း ဘာတွေ တွေ့ရှိလာမလဲဆိုတာကိုတော့… (ဒီဇာတ်ကားနဲ့အညွှန်းကို W မှ ပြန်ဆို ရေးသားထားပါတယ်) Size – 1.6GB, 650MB Quality – 1080p, 720p IMDb Rating – 6.3/10 Format – mp4 Duration – 2H 8Min Genre – Mystery Subtitle – Myanmar Subtitle (Hardsub) Translated by W Encoded by Y

Namo Bhoothathma 2 (2023) IMDb-8.6/10 နေရင်းထိုင်ရင်း စခွီထ ရယ်ချင်နေတတ်တဲ့သူတွေအတွက် Comedy – horror ဇာတ်ကားလေးတစ်ကား ဇာတ်လမ်းအညွှန်းကတော့ တီဗီချန်နယ်တစ်ခုရှိတယ်ပေါ့ဗျာ အဲဒီချန်နယ်မှာ နာမည်ကြီးလူတစ်ယောက်ကို သွားအရူးလုပ်ကြတဲ့ (Prank ကြ fool ကြပေါ့) ဗီဒီယိုကပေါက်သွားရော အဲဒီလိုနဲ့ သူတို့ချန်နယ်ကြီးဒီထက်ပိုအောင်မြင်ရအောင် နာမည်ကြီးနေရာတစ်ခုမှာ လူတစ်ယောက်ကို သွား fool လုပ်ကြမယ်တဲ့ ဒါပေမဲ့……. သူများကို နောက်ပြောင်ပြီးချောက်ချမဲ့အချိန် သူတို့ပြန်ခံလိုက်ရတယ်ဆိုဘယ်လိုနေမယ်ထင်လဲ.. ပိုဆိုးတာက သူတို့ကိုပြန်အရူးလုပ်သူက လူမဟုတ်ဘဲသရဲဖြစ်နေလေရဲ့ ဆိုတော့က…. သူများကိုသွားနောက်ပြီး ဟားကြမဲ့သူတွေ ပြန်အဟားခံလိုက်ရတဲ့အဖြစ်ကို ဟားနိုင်ကြစေဖို့ တင်ဆက်ပေးလိုက်ရပါတယ် အညွှန်းနဲ့ ဘာသာပြန်သူတွေကတော့ V ~ BpL ~ YH ~ Aditi ~ Moon ~ Yunni တို့ပဲဖြစ်ပါတယ်

ခရစ္စမတ်မှာ Horror ကားကြည့်ချင်တဲ့ လူတွေအတွက် Rotten Tomatoes မှာ 93% ရရှိထားတဲ့ ခရစ္စမတ် Horror ကားလေးကို တင်ဆက်ပေးလိုက်ပါတယ် ဆမန်သာဆိုတဲ့ ကောင်မလေးဟာ ခရစ္စမတ်ပိတ်ရက်မှာ အိမ်မပြန်ရဘဲ ထူးဆန်းတဲ့ ကလယ်ရာဆိုတဲ့ကောင်မလေးနဲ့အတူ ကျောင်းမှာနေခဲ့ရပါတယ် အဲ့ဒီအချိန် သူတို့ပြည်နယ်မှာ နာမည်ကြီး သတင်းတစ်ပုဒ်ကတော့ ခရစ္စမတ် လူသတ်သမား သတင်းပါ ဆမန်သာ ကလယ်ရာနဲ့ သူတို့ဆရာမ သုံးယောက် ခရစ္စမတ်အကြို ညစာစားပွဲပြင်နေတုန်း သူတို့ဆီကို ခရစ္စမတ် လူသတ်သမားတွေ ရောက်လာပါတော့တယ် ခရစ္စမတ် လူသတ်သမားတွေ‌ကရော ဘာဖြစ်လို့ ကျောင်းကိုရောက်လာတာလဲ သူတို့ဟာ ကြုံရာကျပန်း လူသတ်နေတဲ့ psychopath တွေလား ကလေးတွေနဲ့ ဆရာမကရော လူသတ်သမားတွေလက်က လွတ်သွားမှာလား ဆိုတာကိုတော့ ကြည့်ရှုပေးကြပါဦးခင်ဗျာ….. File size…(1.4 GB)/(735 MB) Quality….Webrip 1080p / 720p Format…mp4 Duration….01:39:00 Genre…Horror, Thriller Subtitle….Myanmar Subtitle (Hardsub) Encoder….Mr. Anderson Translated by Ban

၂၀၁၀ ကထွက်ရှိထားတဲ့ Rubber ဟာ ရုပ်ရှင်ဆုငါးဆုဆွတ်ခူးထားပြီး ဆန်ခါတင်သုံးဆုစာရင်းဝင်ထားပါတယ်။ Comedy, Fantasy, Horror အမျိုးအစားဖြစ်ပြီး ပုံမှန်ကြည့်နေကျဇာတ်ကားများထက် တမူထူးခြားပါတယ်။ ဇာတ်လမ်းအကျဉ်းက ကန္တာရမြို့လေးတစ်မြို့က စွန့်ပစ်ထားတဲ့ ကားတာယာအဟောင်းတစ်ကွင်းဟာ အသက်ဝင်လှုပ်ရှားလာပါတယ်။ ရွေ့လျားနိုင်ရုံသာမက စိတ်စွမ်းအင်နဲ့ သတ္တဝါငယ်လေးတွေကို အသေသတ်နိုင်မှန်း သူ့ဘာသာသူသိလာပါတယ်။ ကားတာယာဟာ လမ်းသွားလမ်းလာမိန်းကလေးတစ်ယောက်ကို စွဲလမ်းမိပြီး သူမတည်းခိုရာ မိုတယ်မှာလိုက်နေပါတော့တယ်။ စိတ်စွမ်းအင်နဲ့ အဖျက်လုပ်ငန်းလုပ်နိုင်တဲ့ ကားတာယာဟာ စိတ်မထင်ရင်မထင်သလို လူပါသတ်နိုင်လာပြီး ကန္တာရမြို့ငယ်လေးအတွင်း သောင်းကျန်းပါတော့တယ်။ ရဲတပ်ဖွဲ့ဟာ လူသတ်ကားတာယာကိုဖမ်းဆီးနိုင်ဖို့ ခရီးသွားမိန်းကလေးရဲ့အကူအညီနဲ့ ကြိုးစားပြီး ထောင်ချောက်ဆင်ပါတော့တယ်။ ကားတာယာဟာဘယ်လိုလုပ်အသက်ဝင်လာတာလဲ… စိတ်စွမ်းအင်နဲ့လူသတ်တယ်ဆိုတာဘယ်လိုမျိုးလဲ… ကားတာယာဆိုပြီးတော့ မိန်းကလေးတွေကို ဘာလို့သဘောကျတာလဲ ကားတာယာကအစစ်လား… သောင်းကျန်းနေတဲ့ကားတာယာကို ဘယ်ပုံဘယ်နည်းနှိမ်းနင်းနိုင်မလဲဆိုတာ Rubber ဇာတ်ကားမှာ ဆက်လက်ရှုစားကြရမှာဖြစ်ပါတယ်… File size…1.50 GB / 751 MB Quality…Blu-Ray 1080p / 720p Format…mp4 Duration….1h 22m Genre ….. Comedy , Fantasy , Horror Subtitle….Myanmar Subtitle (Hard Sub) Encoder….Min Wai Translated by Miyamoto

လူရယ်လို့ ဖြစ်လာရင် အချစ်နဲ့ မကင်းနိုင်ကြပါဘူး။ တစ်ချို့တွေက ဘယ်လိုပဲ ကြိုးစား ကြိုးစား ဂေါ်မစွံတဲ့လူတွေ ရှိသလို တချို့တွေကျပြန်တော့လည်း တော်ကီတစ်ပေါက် လျှမ်းလျှမ်းတောက် ကောင်မလေးတွေ ကြွေဆင်းရလောက်အောင် အပြောကောင်းကောင်းနဲ့ ရည်းစားမှိုလိုပေါက်အောင် ထားနိုင်တဲ့သူတွေလည်း ရှိပါတယ်။ ဒီဇာတ်ကားလေးမှာဆိုရင် ရည်းစား အယောက်ရေ တစ်ရာ ရောက်လုနီးပါးထိ မြာပွေခဲ့တဲ့ ရဲစုံထောက် ဂျက်ဗာဒွန်ကို တွေ့ရမှာပါ။ သူတကယ်ချစ်မိသွားခဲ့တဲ့ကောင်မလေးကို လက်ထပ်ထားပြီး ၈နှစ်အကြာ သူတို့မြို့မှာ မုဒိန်းကျင့် လူသတ်မှုတစ်ခု ဖြစ်ပွားခဲ့ပါတယ်။ သေဆုံးသူ အမျိုးသမီးက ဂျက်နဲ့ ယခင်က ဇာတ်လမ်းရှိခဲ့ဖူးသူ တစ်ယောက်ဖြစ်ပြီး အသတ်ခံလိုက်ရဲတဲ့ နေရာကလည်း သူတို့ နောက်ဆုံးချိန်းတွေ့ ခဲ့ဖူးတဲ့ နေရာမှာပါ။ ကံဆိုးချင်တော့ မိခင်ဖြစ်သူ အသတ်ခံရပြီး ဆက်တိုက်ဆိုသလို အခြား အမျိုးသမီးတစ်ဦးလည်း ထပ်မံ မုဒိန်းကျင့် အသတ်ခံရပြန်ပါတယ်။ တရားခံက ဂျက်နဲ့ ဘယ်လိုဆက်စပ်မှု ရှိနေလို့ ဂျက်နဲ့ ဇာတ်လမ်းရှိခဲ့ ဖူးသူ မှန်သမျှကို မုဒိန်းကျင့် လူသတ်မှုတွေ ကျူးလွန်နေတာလဲ။ ဂျက်ဗာဒွန် ကရော တရားခံကို ဖော်ထုတ်နိုင်ပါ့မလား။ File size…1.51GB / 780MB Quality…WEB-Rip 1080p / 720p Format…mp4 Duration….1h 32m Genre ….. Crime , Mystery , Thriller Subtitle….Myanmar Subtitle (Hard Sub) Encoder….Min Wai Translated by Aoi

IMDB -6.5 Rotten Tomato – 100% Rating မြင့်မှကြည့်ချင်တဲ့သူတွေအတွက် အရမ်းမိုက်တဲ့ ဆွီဒင်ဇာတ်ကားလေးတစ်ကားကိုတင်ဆက်ပေးလိုက်ပါတယ်။ ဇာတ်လမ်းအစမှာတော့ နယ်မြို့လေးတစ်မြို့က အမဲလိုက်အဖွဲ့က သစ်တောထဲမှာသားကောင်ပစ်လို့ပြင်ဆင်နေကြရင်းနဲ့ အရက်ဆိုင်မှာအလုပ်လုပ်တဲ့ အဲလင်းရဲ့ကားကိုအမှတ်မထင် တွေ့သွားတယ်။ ကားထဲမှာဘယ်သူမှမရှိပေမယ့် သွေးစသွေးနတွေနဲ့ ဖရိုဖရဲဖြစ်နေတာကိုတွေ့တော့ ရဲတပ်ဖွဲ့မှူးမတ်က အမဲလိုက်အဖွဲ့မှာ ပါတဲ့ ရဲအရာရှိဖြစ်တဲ့ တိုစတန်ကိုဖုန်းဆက်ခေါ်လိုက်တယ်။ အခြေအနေကိုစမ်းစစ်ပြီးနောက်မှာတော့ အဲလင်ဟာအသတ်ခံရတာ ဖြစ်နိုင်တယ်လို့ဆုံးဖြတ်လိုက်တယ်။ အလောင်းနဲ့ လူသတ်လက်နက်ကို ရှာမတွေ့ပေမယ့် သံသယရှိသူတွေကိုစစ်ဆေးမေးမြန်းရင်းနဲ့ ကားပေါ်မှာကျန်ခဲ့တဲ့လက်ဗွေရာနဲ့ကိုက်ညီတဲ့ ရာရီဆိုတဲ့သူကို ရှာတွေ့သွားတယ်။ ရာရီက တိုစတန်နဲ့တစ်ချိန်တစ်ခါက ပြဿနာတစ်ချို့ ရှိခဲ့ဖူးတော့ ပုဂ္ဂိုလ်ရေးပြဿနာတွေပါမှာစိုးတဲ့အတွက် မတ်က စတော့ခ်ဟုမ်းက မှုခင်းစုံစမ်းစစ်ဆေးရေးအဖွဲ့ကို အကူအညီ တောင်းလိုက်တယ်။ မှုခင်းစုံစမ်းစစ်ဆေးရေးအဖွဲ့က အဲ့မြို့မှာမွေး အဲ့မြို့မှာကြီးပြင်းခဲ့တဲ့ အဲရစ်ကို အမှုစစ်ဖို့လွှတ်လိုက်တယ်။ အဲရစ်ရဲ့စစ်ဆေးမှုတွေအရ ရာရီဟာလူသတ်ပါတယ်ဆိုတဲ့ လုံလောက်တဲ့သက်သေတွေ မရတဲ့အတွက်ရာရီလွှတ်လိုက်ရတယ်။ အကုန်လုံးက ရာရီကိုလူသတ်တရားခံလို့ထင်နေချိန်မှာ အဲရစ်က လူသတ်သမားက အခြားလူဖြစ်နိုင်တယ်လို့ထင်တဲ့အတွက် စစ်ဆေးမှုဆက်လက်လုပ်ဆောင်ပါတော့တယ်။ အဲရစ်တစ်ယောက် လူသတ်သမားအစစ်ကိုရှာဖွေနိုင်မလားဆိုတာဆက်လက် ကြည့်ရှူပေးကြပါဦး.. File size…2.09GB / 937MB Quality…Blu-Ray 1080p / 720p Format…mp4 Duration….2h 9m Genre ….. Mystery , Thriller Subtitle….Myanmar Subtitle (Hard Sub) Encoder….Min Wai Translated by Tin Myo Lwin

၁၃ရာစုနှစ်ခေတ်ဟောင်းက ဘာသာရေး၊အောက်လမ်းအယူ အစွဲတွေကြားမှာ ဇာတ်အိမ်တည်ထားပြီး အတော်ကြည့်လို့ ကောင်းတဲ့ ဇာတ်ကားတစ်ပုဒ်ပဲဗျ…။ အဓိကသရုပ်ထားတဲ့သူတွေကလည်း GOTထဲက ဘိုရိုမီယာမင်းသားSean Bean၊ Fantastic Beast မင်းသားEddie Redmayneနဲ့ GOTထဲကမှော်ဆရာမ မယ်လီဆန်ဒရီအဖြစ်သရုပ်ဆောင်တဲ့ မင်းသမီး Carice van Houtenစတဲ့ ဒိတ်ဒိတ်ကြဲတွေပါပဲ…။ ဒီဇာတ်လမ်းထဲမှာလည်း သူတို့ရဲ့ သရုပ်ဆောင်ပုံက ပြောစရာမလိုအောင်ကွက်တိကျနေပြီး ဇာတ်လမ်းနဲ့ တစ်သားတည်းဖြစ်လွန်းလှပါတယ်…။ ဇာတ်လမ်းအကြောင်းကိုပြောပြရရင်…။ အချိန်ကာလအားဖြင့် ၁၃၈၄ခုနှစ်၊ အင်္ဂလန်မှာ ပလိပ်ကပ်ရောဂါ ကြီးဖြစ်ပွားပြီး တိုင်းပြည်တစ်ဝက်လောက်ကလူတွေ သေကြေပျက်ဆီးကြရပါတယ်…။ လူတွေယုံကြည်ကြတာက ဒီရောဂါဟာ ဘုရားသခင်က ပြစ်ဒဏ်ခတ်တာ၊ အပြစ်ရှိတဲ့လူတွေကို ဆေးကြောသုတ်သင်ဖို့ ဘုရားသခင် စီရင်ချက်ချလိုက်တာပဲပေါ့…။ သို့ပေမယ့် စိမ့်တောတွေဝန်းရံလျက်ရှိတဲ့ရွာလေးတစ်ရွာမှာတော့ အဲ့ဒီကပ်ရောဂါ လုံးဝမကျရောက်ပါဘူးတဲ့…။ ရောဂါမဖြစ်လို့ လူမသေတဲ့အပြင် အဲ့ဒီရွာမှာက သေပြီးသား လူတွေကို အသက်ပြန်သွင်းတတ်တဲ့ စုန်းမ၊အောက်လမ်း ဆရာရှိနေတယ်လို့လည်း သတင်းတွေ ထွက်လာပါတယ်….။ အဲ့ဒီခေတ်မှာက ဘုရားသခင်ကလွဲပြီး တခြားယုံကြည် သက်ဝင်သူရှိရင်…၊ စုန်းမဆိုပြီး မိစ္ဆာဒိဌိဆိုပြီး မီးရှို့သုတ်သင်ခံရပါတယ်…။ အခုလည်း ဒီလိုသတင်းစကားတွေကြောင့် အဲ့ဒီရွာမှာ တကယ်ပဲ စုန်းမ၊ အောက်လမ်းဆရာ ရှိမရှိသိနိုင်ဖို့ဆိုပြီး ပုပ်ရဟန်းမင်းကြီးက သူရဲကောင်းတပ်ဖွဲ့တစ်ဖွဲ့ကိုစေလွှတ်ဖမ်းဆီးစေပါတယ်…။ ဇာတ်လမ်းလေးကဒီလိုနဲ့ အစပြုခဲ့ပြီး…. Action, Drama, History, Horror, Mystery စတဲ့ရသအစုံ ပါဝင်တာမို့ ကြည့်ရှုခံစားသင့်တဲ့ဇာတ်ကားကောင်းလေးပဲဖြစ်ပါတယ်…. File size…2.19GB / 1.3GB Quality…Blu-Ray 1080p 5.1CH / 720p Format…mp4 Duration….1h 42m Genre ….. Action , Drama , History Subtitle….Myanmar Subtitle (Hard Sub) Encoder….Min Wai Translated by Themes

ဒီဇာတ်ကားက ဒါရိုက်တာ​ ဟာမိုနီကိုရင်းရဲ့ experimental ရုပ်ရှင်​ဖြစ်​ပြီး ဝါရင့်ကြေးစား လူသတ်​သမား​တစ်ယောက်​ အကြောင်း​ကို ပုံဖော်​ဖန်တီး​ထားတဲ့ Action Thriller ဇာတ်လမ်း​တစ်ခုဖြစ်ပါတယ်။ ဇာတ်​လမ်း​တစ်​လျှောက်​လုံး​ကို အနီ​အောက်​ရောင်ခြည် ဓာတ်​ပုံ​ပညာအသုံးပြုပြီး ရိုက်​ကူး​ထားတာ​ပါ။ ဇာတ်လမ်း​ကို မိုင်​ယာမီနဲ့ ဖလော်ရီဒါပြည်နယ်မှာ တည်ထားခြင်းဖြစ်ပြီး ကြေး​စား​လူသတ်သမားတစ်ဦး​ဖြစ်​တဲ့ Bo ရဲ့ သူလုပ်ကြံရမဲ့ ရာဇဝတ်​ဂိုဏ်း​ခေါင်း​ဆောင်​တစ်ဦးကို လိုက်လံရှာဖွေပုံကို စိတ္တဇ​ဆန်​ဆန်​ တင်​ဆက်​ထား​ခြင်းဖြစ်ပါတယ်။ တစ်​ချိန်​တည်း​မှာ Bo ရဲ့ မိသားစု​ဘဝနဲ့ လူမှု​ရှုထောင့်​ကိုလည်း ​ပုံ​ဖော်​ထား​ပါသေးတယ်။ ဒီဇာတ်ကားထဲမှာ Travis Scott ကလည်း​ Zion ဆိုတဲ့​ ဇာတ်​ကောင်​နေရာ​က ပါဝင်​ထားတာ​ကို တွေ့ရ​ပါတယ်။ ဇာတ်လမ်း​ဇာတ်​အိမ်​က ရိုး​ရှင်း​ပြီး အမြင်​ပိုင်း​ကို အဓိက​အသား​ပေး ပုံ​ဖော်​ထားတယ်လို့ ခန့်​မှန်း​ရပါတယ်။ experimental ရုပ်ရှင်​ဖြစ်​တာနဲ့အညီ လူတိုင်း​အတွက်​ မဟုတ်​တာတော့ သေချာ​ပါတယ်။ File size…(2.4GB)/(2.2 GB) Quality….WEB-DL 1080p / 720p Format…mp4 Duration….01:20:00 Genre… Action, Crime, Drama Subtitle….Myanmar Subtitle (Hardsub) Encoder….Garfield Translated by Wolfenheim

အချိန်ခရီးသွား မလေးရှားရုပ်ရှင် အရှေ့တောင်အာရှရဲ့ ရုပ်ရှင်ကားတစ်ကားကို အခုလိုမျိုး ကြည့်ရှုခံစားခွင့်ရတာ ဝမ်းသာစရာပါ.. ဒီကားလေးဟာဆိုရင် Drama နဲ့ Sci-Fi ကို အနုပညာမြောက်စွာ ထိထိမိမိ ရောယှက်တင်ပြထားတဲ့ ကားလေးဖြစ်ပြီး အချိန်ခရီးသွားမှုဆိုင်ရာ အတွေးအမြင် တချို့ကို တင်ဆက်ပြသထားခြင်းဖြစ်ပါတယ်… အာကစ်တို့မိသားစုဟာ မျိုးရိုးစဉ်ဆက်အချိန်နောက်ပြန် ခရီးသွားနိုင်သူတွေဖြစ်ကြပါတယ်.. အာကစ်တို့ သားအမိသား အဖသုံးယောက် ပျော်ပျော်ရွှင်ရွှင်အေးအေးချမ်းချမ်းနဲ့ ဘဝကို ဖြတ်သန်းနေစဉ်မှာပဲ ကံကြမ္မာဆိုးတစ်ခု ဆိုက်ကပ် လာခဲ့ပါတယ်… တစ်နေ့အာကစ်တို့သားအဖ ဥယျာဉ်သုံးပစ္စည်း ဝယ်ယူနေစဉ် အနီးအနားမှ အမျိုးသမီးတစ်ဦးလုယက်ခံခဲ့ရပါတယ် ထိုအမျိုးသမီးအား ကူညီဖို့သွားရင်း အာကစ်အဖေဟာ ဓားထိုးခံခဲ့ရပါတယ် အချိန်နောက်ပြန်သွားနိုင်တဲ့ အာကစ်ဟာ စိတ်မတည်ငြိမ်ချိန်မှာ အချိန်ခရီးသွားလို့မရဆိုတဲ့ စည်းမျဉ်း ကြောင့် အဖေဖြစ်သူကို မကယ်တင်နိုင်ခဲ့ဘဲရှိရာ နောင်တ တရားတွေနဲ့ နေထိုင်ရင်း ဒုစရိုက်မှုတွေကို ကူညီဖြေရှင်းပေးဖို့ ရဲအရာရှိတစ်ယောက်အဖြစ် ဝင်ရောက်လုပ်ကိုင်ခဲ့ပါတယ်.. ရဲအရာရှိဘဝမှာ အချိန်ခရီးသွားနိုင်တဲ့အစွမ်းကြောင့် ပြစ်မှု မှန်သမျှကို အောင်မြင်စွာဖြေရှင်းနိုင်ခဲ့သော်လည်း ‌အချိန် ခရီးသွားနိုင်သည့်အစွမ်းအကြောင်းကို လူသိမခံဘဲ လျှို့ဝှက် ထားခဲ့ပါတယ်… ဖခင် သေဆုံးပြီးနောက် ရဲအရာရှိအဖြစ်နဲ့ ဘဝကို ရေစုန် မျှောလိုက်နေရင်း ပါတီပွဲတစ်ခုမှာဆုံခဲ့ရတဲ့ ဆာရာ့ကို ချစ်မိ သွားရာမှာတော့ နေရောင်ခြည်အလင်းတန်းတို့ အုံ့မှိုင်းမှိုင်း တိမ်တိုက်တို့ကို ထိုးခွဲပြီး မြေပြင်ပေါ်သို့ ဆင်းသက်လာသည့် နှယ် အာကစ်ဘဝဟာ ပြန်လည်ရွှင်လန်းလာခဲ့ပြန်ပါတယ်.. ချစ်ရသူကို လက်ထပ်ယူပြီး သားလေးတစ်ယောက်နဲ့အတူ အာကစ်တို့ မိသားစုဘဝက စိမ်းလန်းစိုပြည်ခဲ့ပါတယ်.. သို့သော်လည်း ပျော်ရွှင်နေရင် ကုန်လွယ်လွန်းတဲ့အချိန်ဟာ အာကစ်အ‌ပေါ်မှာလည်း သက်ညှာခြင်းမရှိခဲ့ပါဘူး.. အာကစ်ထံမှ ချစ်ရသူဇနီးနဲ့သားကို ကံကြမ္မာဆိုးတစ်ခုက ဆွဲထုတ်ခေါ်ဆောင်သွားချိန်မှာတော့ အာကစ်တစ်ယောက် ဘဝအမှောင် ကျရပြန်ပါတော့တယ်.. ဖခင်ဆုံးပါးစဉ်က‌လိုအဖြစ်မခံနိုင်တော့တဲ့ အာကစ်ဟာ စိတ်တည်တည်ငြိမ်ငြိမ်နဲ့ အချိန်ခရီးနောက်ပြန်သွားပြီး သားအမိနှစ်ယောက်လုံးကို ကယ်တင်ဖို့ကြိုးစားရာ အဖြေ တွေ့သွားတဲ့နောက်မှာတော့… ဒီဇာတ်ကားလေးကို အာကစ်တစ်ယောက် စိတ်‌ရောပါရဂူထံ ဘဝဇာတ်ကြောင်းဖွင့်ဟ နေဟန်ဖြင့် ဇာတ်လမ်းဆင်တင် ပြထားပြီး မလေးရှားလူနေမှုပုံစံနဲ့ ဓလေ့ထုံးတမ်းအချို့ကိုပါ မြင်တွေ့ရမှာဖြစ်လို့ ရုပ်ရှင်ချစ်ပရိသတ်များ ကြည့်ရှုခံစားနိုင်ဖို့ ညွှန်းဆိုပေးလိုက်ရပါတယ်ခင်ဗျာ……….. File size… (1.22 GB) Quality… WEB-DL 1080p HEVC / 720p Format…mkv Duration….2h 15m Genre …..Drama , Romance , Sci-Fi Subtitle….Myanmar Subtitle (Hard Sub) Encoder….Min Wai Translated by Ye Thiha Htet