The Devil Comes at Night (2023) ဒီတစ်ခါ မိတ်ဆက်​ပေးမှာက​တော့ မိုး​အေး​အေး​လေးမှာ တစ်​ယောက်တည်းပဲဖြစ်ဖြစ်၊ ​Movie Date ပဲဖြစ်ဖြစ် ကြည့်လို့​​ကောင်းမယ့် 2023 မှာထွက်ထားတဲ့ သဘာဝလွန် သည်းထိတ်ရင်ဖိုကား​ကောင်း​လေး The Devil Comes at Night ပဲဖြစ်ပါတယ်။ ~ ဇာတ်လမ်းအညွှန်း ~ လက်​ဝှေ့အားကစားသမား​ဟောင်း ဘန်တစ်​ယောက် သူ့အ​ဖေရဲ့ အ​မွေ​ပေးခဲ့တဲ့ မီးခံ​သေတ္တာကို လာ​ရှာဖို့ သူ့အ​ဖေ​ခေါင်းချခဲ့တဲ့မြို့​လေးကို သူငယ်ချင်းဂျက်နဲ့ အတူ ပြန်လာ​နေတုန်း ဘားတစ်ခုမှာ အမူးလွန်ပြီး ရန်ပွဲဖြစ်ရင်းက​နေ သူတို့​နောက်ကို မြို့ခံ​တွေလိုက်လာတဲ့အခါ... ဘန်အ​ဖေအိမ်လည်း​ရောက်​ရော အိမ်နီးနားချင်း​​တွေက အရမ်းထူးဆန်းပြီး ​အပြင်အလည်ထွက်ဖို့ချည်း​ခေါ်​နေတဲ့အခါ အဲဒီ​နောက်ကွယ်မှာ ဘယ်လိုရည်ရွယ်ချက်​တွေရှိ​နေလဲ... တိုက်တိုက်ဆိုင်ဆိုင် ဘန်​အ​ဖေ့အိမ်ကို​ရောက်တဲ့အချိန် ဘန်အ​ဖေနဲ့ ရင်းနှီးတဲ့​စေတနာဝန်ထမ်း ​အေမီကလည်း အိမ်ထဲမှာ လာပုန်း​​နေတဲ့အခါ... ဘန့်အ​ဖေ ​အေမီကိုဘာ​တွေမှာခဲ့လဲ... အိမ်ကြီးရဲ့ သမိုင်း​ကြောင်းက​ရော ဘာ​တွေလဲ... ဘန်အ​ဖေက ဘန်ကို ဘာလို့ အိမ်ကြီးဆီ​ခေါ်ခဲ့တာလဲ... ဘန်ရဲ့ သမိုင်း​ကြောင်းက​ရော ရှင်းခဲ့ရဲ့လား... ဆိုတာ​တွေကို စိတ်လှုပ်ရှားရင်ခုန်စွာ ကြည့်ရမယ့် ကား​ကောင်း​လေး တစ်ကားပဲဖြစ်ပါတယ်။ (ဒီဇာတ်ကားနဲ့အညွှန်းကို DB မှ ပြန်ဆို ရေးသားထားပါတယ်) Size - 1.5GB, 630MB Quality - 1080p, 720p IMDb Rating - 5.2/10 Format - mp4 Duration - 1H 20Min Genre - Horror Subtitle - Myanmar Subtitle (Hardsub) Translated by DB Encoded by Y

ဒီနေ့ တင်ဆက်ပေးမှာကတော့ ဘောလုံးနဲ့ ပတ်သက်တဲ့ ရုပ်ရှင်လေးပါ။ NFL Draft ဆိုတာ အသင်း ၃၂ သင်းက လိုချင်တဲ့ ကစားသမားကို ရနိုင်ဖို့ ကစားသမား ၂၂၄ ယောက်ထဲက အကြိတ်အနယ်ရွေးချယ်ရမယ့် အခွင့်အရေးပါ။ Sonny Weaver Jr. ကတော့ Cleveland Browns ဘောလုံးအသင်းရဲ့ အထွေထွေမန်နေဂျာဖြစ်ပါတယ်။ ပြီးခဲ့တဲ့အပတ်က သူ့အဖေ နည်းပြ Sonny Weaver ဆုံးသွားပြီး လူတွေက အဖေနဲ့ နှိုင်းယှဉ်ပြီး ဝေဖန်ကြတာတွေ၊ အသင်းအပေါ် ပရိသတ်တွေရဲ့ မျှော်လင့်ချက်ကြီးတာတွေကြောင့် ဖိအားများနေပါတယ်။ ဇာတ်လမ်းစပုံကတော့ Sonny ဆီကို Seattle Seahawks အသင်းက Tom က ကမ်းလှမ်းမှုတစ်ခု လုပ်ရာကစပါတယ်။ ကမ်းလှမ်းချက်ကတော့ Seattle Seahawks က ထိပ်တန်း တိုက်စစ်မှူး ဘိုကယ်လာဟန်ကို လိုချင်ရင် Browns အတွက် ပထမအဆင့်မှာ ရွေးချယ်ထားတဲ့ သုံးနှစ်စာ ကစားသမားတွေနဲ့ အလဲအလှယ်လုပ်ရမှာပါ။ သူ့ရွေးချယ်မှုတစ်ခုက အသင်းရဲ့ အနာဂတ်ကို‌‌ ဆုံးဖြတ်မှာ ဖြစ်နေတော့ ဘိုကယ်လာဟန်က သင့်တော်တဲ့ ရွေးချယ်မှု ဟုတ်ရဲ့လားဆိုတာ Sonny နဲ့ Browns အဖွဲ့သားတွေ ဘယ်လို အဖြေရှာကြမလဲ။ လှည့်ကွက်တွေ အရွှေ့အပြောင်းတွေနဲ့ Sonny တစ်ယောက် လိုချင်တဲ့အသင်းကို ပုံဖော်နိုင်မလားဆိုတာကိုတော့…. File size…(1.7 GB)/(920 MB)/(530 Mb) Quality….Webrip 1080p / 720p / 480p Format…mp4 Duration….01:50:00 Genre...Drama Subtitle….Myanmar Subtitle (Hardsub) Encoder….Mr. Anderson Translated by Phu Myat Thwe

ရဲမှူးချုပ် Austin Carterနဲ့ သူ့လက်ထောက်ဟာ နာမည်ဆိုးနဲ့ ကျော်ကြားတဲ့ Hellhoundဂိုဏ်းခေါင်းဆောင် Ethan Crawley ကို ဖမ်းမိပြီး တရားစီရင်ဖို့ San Antonia မြို့ကို ခရီးသွားကြ တယ်။ လမ်းမှာ Blind Chapel ဆိုတဲ့ မြို့မှာရပ်နားပြီး လူဆိုး ဂိုဏ်းခေါင်းဆောင်ကြီး Ethan Crawleyကို အဲ့မြို့ရဲ့ အကျဥ်း ခန်းမှာ ခဏချုပ်ထားတယ်။ ဒါပေမဲ့ Hellhoundဂိုဏ်းက လူတကာကိုသတ်ဖြတ်ပြီး ​မြို့လုံးကျွတ်မီးရှို့ဖျက်ဆီးနေတဲ့ အရိုင်းအစိုင်းကောင်တွေဆိုတော့ Blind Chapelရဲ့ မြို့တော်ဝန် Bowmanက လက်မခံဘူး။ အဲ့လိုနဲ့ လက်ခံမယ်ပြောတဲ့ ရဲမှူး Vernon Kellyနဲ့ အငြင်းပွားပြီး နောက်တော့ Crawleysကို လက်ခံလိုက်ပါတယ်။ အဲ့အချိန်မှာပဲ ဇာတ်လမ်းရဲ့အရှုပ်တော်ပုံကြီးက စတော့တာပဲ။ ဇာတ်လိုက်မင်းသား Ivanက ​သေနတ်ပစ်ကျွမ်းပြီး သူ့သရုပ်မှန် ကိုတော့ ဘယ်သူမှသေချာမသိကြဘူး။ Hellhoundဂိုဏ်းက သူတို့ခေါင်းဆောင်ကိုပြန်ခေါ်ဖို့ Blind Chapel မြို့ကို လာတိုက် ဖို့ကြံတာမို့ ရဲမှူး Vernon၊ ရဲမှူးချုပ် Austin နဲ့ Ivan တို့ကပဲ ခုခံပြီး မြို့ကိုလည်းကာကွယ်၊ Crawleysကိုလည်း မလွတ်အောင် ကြံရ ပါတော့တယ်။ Countryside Cow boy တွေနဲ့ Action genre ကားဖြစ်တာမို့ အတိုင်းအတာတစ်ခုလောက်ထိ ကောင်းမွန်တာမို့ တင်ဆက်ပေးလိုက်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Thwal Htoo Zin ဖြစ်ပါတယ်) File Size..........(1.46 GB) / (553 MB) / (330 MB) Quality............BLU-RAY 1080p / 720p / 480p Duration.........1Hr 20Mins Subtitle...........Myanmar Hardsub Format............MP4 Genre..............Action, Drama, Western Translator.......Thwal Htoo Zin Encoder..........SWM

ဒီဇာတ်ကားဟာ အော်စကာ ဆန်ကာတင်(၂) ဝင်ခဲ့သလို အခြားဆုပေါင်း ၄၆ဆုလည်းရရှိခဲ့ပါတယ်.. " ကျွန်မတို့အပေါ် အပြစ်လုပ်သူတွေကို ခွင့်လွှတ်ခဲ့တာပဲလေ ဘာဖြစ်လို့အခုလည်း မလုပ်နိုင်ရမှာလဲ" "အခုကျွန်မတို့ ပိုသိသွားလို့ပေါ့" Stockholm Syndrome ဆိုတဲ့ ပြဿနာက နောက်ပိုင်းsocietyမှာ အတော်လေးအတွေ့ရများလာသလို ဒါကိုawarenessရဖို့အတွက်လည်း ပညာပေးတာတွေ ဆောင်းပါးရေးလာကြတာတွေကို မြင်ဖူးဖတ်ဖူးကြမှာပါ။ ဒါပေမဲ့ ဒီStockholm Syndrome ဆိုတဲ့အရာရဲ့ကနေဦးအစကို သင်တွေးခဲ့ဖူးပါသလား။ သင်ဟာအရာရာအမှောင်ချခံထားရတဲ့ဘဝမှာ ရှင်သန်ရဖို့ဖြစ်လာခဲ့ရင်၊ အလင်းလေးတစ်ပေါက်ရဖို့အတွက် အရာရာစတေးရတဲ့ အသိုင်းအဝိုင်းတစ်ခုမှာမွေးလာပြီး အနိုင်ကျင့်ခံနေရမှန်းသိရက်နဲ့ မြိုသိပ်ဖို့သာရွေးချယ်ခွင့်ရခဲ့ရင်ကော.... ဒီနေ့မှာကတော့ Oscar Norminee ၂ ခု ဝင်ထားတဲ့ ရုပ်ရှင်လေးဆိုလည်းဟုတ် Activistတစ်‌ယောက်ဖြစ်တဲ့Sarah Polley ရဲ့လက်ရာ‌ဆိုလည်းဟုတ်တဲ့ Women Talkingဆိုတဲ့ ဇာတ်ကားလေးနဲ့ မိတ်ဆက်ပေးလိုက်ပါရစေ။ ဇာတ်ကားကအနှစ်ဆိုပေမဲ့ လောကကြီးရဲ့အမှောင်ခြမ်းကို မီးမောင်းထိုးပြမဲ့ ရုပ်ရှင်ကားလေးဆိုတော့ PG-13 rating‌ ရထားပြီးနဲ့ Darkဖြစ်တဲ့အကြောင်းအရာတွေတော့ပါမှာပါ။ အမျိုးသားတွေသာ အခရာဖြစ်နေခဲ့တဲ့ မြို့ငယ်လေးတစ်ခု၊ အမျိုးသမီးဆိုတာ ပညာသင်ယူခွင့်မရ အရေးအဖတ်တောင် မသိတဲ့ဘဝမှာနေရတဲ့ ဒီမြို့ငယ်လေးမှာနေရတဲ့သူတို့တွေဟာ အမြဲတမ်း အမျိုးသားတွေရဲ့ အနိုင်ကျင့်ခံ အောက်ကျို့ခံတွေပါပဲ။ အရာရာ ပစားပေးခံရလွန်းတဲ့ ဒီအမျိုးသားတွေက ရဲတင်းလာပြီးတော့ တစ်ဆင့်တက်လို့ အမျိုးသမီးတွေကို လိင်အကြမ်းဖက်မှုပါ ပေါ်ပေါ်ထင်ထင် ကျူးလွန်လာချိန်မှာတော့ အရှက်သိက္ခာကို ထိပါးလာတာကိုသည်းမခံနိုင်တဲ့ အမျိုးသမီးတွေစုပြီး ဒီလူတွေကိုဖမ်းလိုက်ပါတယ်။ မကြာခင်မှာပဲ ဒီလူတွေကို ရဲကလာခေါ်သွားပါတယ် ဒါပေမဲ့... ကျူးလွန်သူတွေကို ဒေါသဖြစ်နေတဲ့ အမျိုးသမီးတွေဆီက ကာကွယ်ပေးဖို့ပါပဲ။ တစ်မြို့လုံးက ယောက်ျားသားများက ပန်းနု‌သွေးနေတဲ့ ဒီလူတွေအတွက် အာမခံပေးတဲ့အပြင်ကို မြို့မှာရှိတဲ့အမျိုးသမီးတွေကို ၂ ရက်အချိန်ပေးပါတယ်.... ဒီလူတွေကို ခွင့်လွှတ်ပေးဖို့ပါတဲ့။ ခွင့်မလွှတ်နိုင်ရင်တော့ မြို့ကနေ နှင်ထုတ်ခံရမှာပါ။ ဒီတော့ Do nothing, stay and fight, leave ဆိုတဲ့ ၃ ခုထဲက ရွေးချယ်ဖို့အတွက် မြို့ခံအမျိုးသမီးများကိုယ်စား အမျိုးသမီးတစ်စုက ‌၂ ရက်တိတိဆွေးနွေးဖို့ ဖြစ်လာပါတော့တယ်။ ဒီခေတ်ကြီးမှာသာလို ပွင့်လင်းမြင်သာပြီး Gender equalityနဲ့ Democracyရတဲ့နိုင်ငံမှာဆိုရင်တော့ ဒါဟာ ဆွေးနွေးဖို့လိုလားလို့ ပြောစရာဆိုပေမဲ့ အရာရာအညွန့်ချိုးခံထားရတဲ့အမျိုးသမီးငယ်တွေ ဗဟုသုတဆိုတာ ကြားတောင်မကြားဘူးတဲ့သူတို့အတွက် တစ်သက်လုံး Victim blaming လုပ်ခံထားရ ကိုယ်ကအနိုင်ကျင့်ခံရပြီး ကိုယ်ပဲခင်မို့မို့အေးဖြစ်ဖြစ်သွားတဲ့ သူတို့အတွက်၊ ဒီမြို့ကနှင်ခံရရင် ကောင်းကင်ဘုံမရောက်နိုင်ဘူးလို့ ဘာသာရေးမှိုင်းတိုက်ခံထားရတာကတစ်ဖက်၊ Comfort Zoneက ရုန်းမထွက်နိုင်တာကတစ်ဖုံ၊ Victim Blaming ကိုကြောက်ပြီး ကြိတ်မှိတ်နေရင်းနဲ့ Stockholm Syndrome ‌ဝင်‌နေသူတွေကတစ်မျိုး ဒီကြားထဲမှာမှ အတိတ်ရဲ့အရိပ်ဆိုးကနေ ဒီလူမဆန်တဲ့ဆင်းရဲတွင်းကနေ လွတ်မြောက်ဖို့ ကိုယ်ပိုင်အခွင့်အရေးရဖို့ သူတို့အကြိတ်အနယ်ဆွေးနွေးတာကို အချိန်ကုန်လို့ကုန်မှန်းမသိ မျောပါခံစားမိစေမဲ့ ဇာတ်လမ်းကောင်းလေးပါပဲ။ Single space settingနဲ့ Dialogue တွေနဲ့ပဲဆွဲခေါ်သွားမဲ့ရုပ်ရှင်ဆိုတော့ ပျင်းစရာကြီးလို့ထင်သွားနိုင်ပေမဲ့ IMDb 7.2/ Rotten Tomatoes 91%ဆိုတဲ့ ratingကောင်း‌တွေပိုင်ဆိုင်ထားတဲ့အပြင် Castingကလည်း Claries Foyတို့ Rooney Maraတို့လို ဝါရင့်သဘာရင့်တွေထည့်သုံးထားတာပြီး ဇာတ်လမ်းကစိတ်ကူးယဉ်ဆိုပေမဲ့ ဒီလိုအဖြစ်မျိုးတကယ်ရှိခဲ့တယ်ဆိုတာရယ် ဒီရုပ်ရှင်က သရုပ်ဆောင်တွေကိုပါ Impactတစ်ခုဖြစ်စေတဲ့အထိ Deepမဲ့ရုပ်ရှင်ဆိုတော့ မကြည့်ရသေးဘူးဆိုရင် စကားပြောတာပျင်းစရာကြီးလို့မ‌တွေးဘဲ မြည်းစမ်းသင့်ကြောင်း တိုက်တွန်းလိုက်ရပါတယ်။ File Size :(1.07GB) and (479MB) Quality :AMZN Web-Dl 1080P,720p Format…mp4 Duration…01:44:00 Genre : Drama Subtitle : Myanmar Subtitle (Hard Sub) Translated by Jane Encoded by Phyo Pyae

Horror ကားသစ်တစ်ခု တင်ပေးထားပါတယ်။ လူငယ်တစ်စု အိမ်အိုကြီးတစ်လုံးထဲ ရောက်သွားရာကနေ သရဲစီးခံသလို နတ်ပူးခံရသလို ဖြစ်ပြီး ပျောက်ခြင်းမလှ ပျောက်သွားရာကနေ ရက်ပိုင်းလောက်အကြာမှာ အဲဒီအုပ်စုထဲက ကောင်မလေးတစ်ယောက်ကို ပြန်တွေ့‌ပြီး အိမ်ခေါ်လာရာက အမှောင့် ပယောဂတွေကပ်ပါလာတဲ့ သဘောမျိုးပါ။ဇာတ်ကွက်အလှည့် အပြောင်းလေးတွေကလည်း ပါတော့ လိုအပ်ချက်အချို့ကိုသာ ဖယ်ထားလိုက်ရင် သူ့အရပ်နဲ့သူ့ဇာတ်တော့ ကြည့်ပျော်ရှုပျော် ရှိပါတယ်။ File size…(2.86GB)  / (1.38GB) / (708MB) Quality…. Web 1080P / 720p / 480p Format…mp4 Duration….01:46:00 Genre...Horror / Thriller Subtitle….Myanmar Subtitle (Hardsub) Encoder….Mr. Anderson Translated by Hugo

IMDb Rating - 5.6/10 ဒီနေ့ ညနေကမှ Netflix ကနေ ထွက်ရှိထားတဲ့ Sci-Fi, Fantasy, Drama ကားသစ် ကားကောင်းလေးပါ။ အော်ဂတ်စတင်းဆိုတဲ့ လူဟာ သိပ္ပံပညာရှင်တစ်ယောက်ဖြစ်ပြီး သိပ္ပံပညာကို စွဲလမ်းလွန်းလို့ ချစ်သူနဲ့တောင် အဆက်ပြတ်ခဲ့သူတစ်ယောက်ပါ။ သူဟာ ကမ္ဘာဂြိုဟ်ပေါ်က သက်ရှိတွေအတွက် နေရာသစ်တွေကို ရှာဖွေချင် တဲ့သူတစ်ယောက်ပါ။ ငယ်ရွယ်တဲ့ဘ၀ ကုန်ဆုံးပြီး နောက်အနှစ် ၃၀ လောက်ကြာတဲ့အခါ ကမ္ဘာဂြိုဟ်ပေါ်မှာ ဆိုးရွားတဲ့ ကပ်ဆိုးတွေဖြစ် ပေါ်လာပြီး အားပြင်းတဲ့ ရေဒီယိုလှိုင်းတွေကြောင့် လူတွေအမြောက်အများသေကြေကုန်ကြပါတော့တယ်။ လူတိုင်း ကိုယ့်နေရာကို စွန့်ခွာပြီး လုံခြုံမယ့်နေရာ ရှာကြပေမယ့် အော်ဂတ်စတင်းကတော့ သူ့ရဲ့ ကင်ဆာရောဂါအခြေအနေကြောင့် အာတိတ်ဒေသမှာပဲ တစ်ယောက်တည်း နေရစ်ခဲ့ပါတယ်။ တစ်ဖက်အာကာသထဲမှာကျတော့လည်း နေရာသစ်ရှာဖို့သွားတဲ့ ယာဥ◌်တွေထဲကမှ တစ်စီးထဲ အသက်ရှင်ကျန်နေတဲ့ ယာဉ်အဖွဲ့ဟာ ကမ္ဘာမြေက အခြေအနေတွေကို မသိဘဲ နေရာသစ် တွေ့ကြောင်းသတင်းပေးဖို့ ကမ္ဘာမြေကိုပြန်လာဖို့ ကြိုးစားပါတော့တယ်။ အော်ဂတ်စတင်းကလည်း ကမ္ဘာပေါ်က အခြေအနေတွေအကြောင်း ထိုအဖွဲ့ကို ပြောနိုင်ဖို့ ဆက်သွယ်ချင်ပေမယ့် အဆက်အသွယ်ကမရနဲ့ ဒီဇာတ်လမ်းဟာ စိတ်ဝင်စားဖွယ်ရာကြည့်ရှူရမှာပါ။ လက်ရှိမှာ IMDb Rating 5.6 ရရှိထားပြီး . တဖြေးဖြေးနဲ့ တတ်လာနေတာကို လည်းတွေ့ရပါတယ်။ ဒီဇာတ်ကားမှာ နာမည်ကြီး သရုပ်ဆောင်တွေဖြစ်တဲ့ George Clooney, Kyle Chandler, Demian Bichir, Felicity Jones အစရှိတဲ့ လူများစွာလည်းပါဝင်ထားပါတယ်။ (ဒီဇာတ်လမ်းရဲ့ အညွှန်းကို Yoon Sandi Aung ကရေးသားပေးထားပြီး၊ Yoon Sandi Aung, Jerrica, MTA တို့မှ ဘာသာပြန်တင်ဆက်ပေးထားပါတယ်။) Quality – 1080p, 720p WebRip 5.1CH Duration - 1h 58min Subtitle – Myanmar Hardsub Format – Mp4 Genre : Drama, Fantasy, Sci-Fi Source : 1080p.WebRip Translator – Yoon Sandi Aung, Jerrica, MTA Encoder – SWM

IMDb 7.3 အထိရရှိထားတဲ့ အီတလီ Coming of age/Drama အမျိုးအစားရုပ်ရှင်လေး။ ဒီရုပ်ရှင်ထဲမှာ ပျော်စရာတော့ များများစားစားမပါဘူး။ စ လယ် ဆုံး ကို ရင်ထဲမွန်းကြပ် ဆို့နင့်စရာတွေနဲ့ အပြည့်ဖြည့်ပြီး ဒရာမာပီသအောင် လှလှပပကို ပုံဖော်ထားတယ်။ ဒီရုပ်ရှင်ရဲ့ အဓိကဇာတ်လိုက်က လူစီယာလို့ခေါ်တဲ့ ဆယ်ကျော်သက်အရွယ်ကောင်မ‌‌လေး။ အချိန်ကာလအားဖြင့် ၁၉၆၀ ခုနစ်‌ ကျော်။ လူစီယာတို့မိသားစုဟာ ပင်လယ်ပြင်ပတ်လည်ဝိုင်းနေတဲ့ အီတလီကျွန်းရွာလေးတစ်ခုပေါ်မှာ နေထိုင်ကြတယ်။ ရွာငယ်လေးမှာက စီးပွားရေး မကောင်းတာကြောင့် အိမ်နီးချင်းနိုင်ငံဖြစ်တဲ့ ပြင်သစ်မှာ ပြောင်းရွှေ့‌ အခြေချနေထိုင်ပြီး အလုပ်သွားလုပ်ကြတဲ့သူတွေများတယ်။ ဒီလူတွေထဲမှာ လူစီယာရဲ့ အဖေနဲ့အမေဖြစ်သူကလည်း အပါအ၀င်ဖြစ်လာခဲ့တယ်။ ကံဆိုးရှာတဲ့လူစီယာကတော့ ရွာမှာပဲ အဖွားဖြစ်သူနဲ့ ကျန်ရစ်ခဲ့တော့တယ်။ လူစီယာရဲ့အဖွားဖြစ်သူဟာ သိပ်ကိုရှေးရိုးစွဲပြီး တင်းကြပ်တဲ့အမျိုးသမီးကြီး။ အဖွားဖြစ်သူဟာ ရွာထဲမှာ အကြီးအကဲတစ်ယောက်လို ကြောက်ရွံ့လေးစားခြင်းကို ခံရတဲ့သူ။ ချစ်ခြင်းမေတ္တာကို သိပ်မဖော်ပြတတ်ဘူး။ လူစီယာဟာ အဖွားဖြစ်သူရဲ့“ဒီဟာမလုပ်နဲ့၊ ဟိုနားမသွားနဲ့၊ ဟိုလူနဲ့မပေါင်းနဲ့” စတဲ့ အမိန့်စကားတွေကို မြေ၀ယ်မကျ နားထောင်ရတယ်။ ရပ်ဝေးမြေခြားကို ထွက်ခွာသွားတဲ့ မိဘနှစ်ပါးရဲ့ ချန်ရစ်မှုကိုခံခဲ့ရရှာသူ လူစီယာရဲ့ မျက်စိထဲမှာတော့ အဖွားဖြစ်သူဟာ သူ့ကိုဘယ်တော့မှ ကြင်ကြင်နာနာမဆက်ဆံတဲ့ မိန်းမကြမ်းကြီးတစ်ဦးထက် မပိုခဲ့ဘူး။ လူစီယာဟာ အမြဲခက်ထန်ကြမ်းတမ်းနေတဲ့ အဖွားဖြစ်သူကို နားမလည်နိုင်ခဲ့ဘူး။ ဒါပေမဲ့ အရွယ်ရောက်လာတဲ့အခါ လူစီယာတစ်‌ယောက် သူမသိသေးတဲ့ အခြားတစ်ဖက်ခြမ်းက အမှန်တရားတွေကို ဖြည်းဖြည်းချင်းသိလာရတဲ့အခါမှာတော့ ဒီအမှန်တရားတွေကိုလက်ခံပြီး ရှေ့ဆက်ဖို့ရာ အင်အားတို့ကို မွေးရပြန်ရှာတော့တယ်။ ဒီရုပ်ရှင်က ဟော်လီးဝုဒ်ရုပ်ရှင်တွေထဲကလို ကြည့်ရှုသူကို စကားပြောခန်းတွေ တပုံတပင်နဲ့ချဉ်းကပ်မယ့်အစား မျက်နှာပေါ်ကခံစားချက်တွေ၊ ပင်လယ်ထဲကရွာငယ်လေးရဲ့ လမ်းကျဉ်းကျဉ်းလေးတွေ၊ အဆုံးမရှိတဲ့ အပြာရောင်ပင်လယ်ကြီးနဲ့ ငြီးငွေ့ဖွယ်ရာ ကောင်းကင်ပြာကြီးတွေနဲ့ ကြည့်ရှုသူရဲ့ခံစားချက်တွေကို လှုပ်ကိုင်လိမ့်မယ်။ ရွာငယ်‌‌လေးထဲက လူစီယာတို့ရဲ့ ဆွေ‌မျိုးတွေ၊ အထူးသဖြင့်အမျိုးသမီးဇာတ်ကောင်တွေရဲ့ ဇာတ်လမ်းတွေနဲ့လည်း ဆက်စပ်ထားတယ်။ အဆုံးသတ်ရမယ်ဆိုရင် ဒီဇာတ်ကားဟာ စိတ်ညစ်ညူးစရာကောင်းပေမဲ့ တစ်ဖက်မှာလည်း တော်တော်လေး လှပနေပြန်တယ်။ ဒါရိုက်တာက လေးနက်တဲ့ ဒိုင်ယာလော့တွေ၊ အဝါ လိမ္မော် စတဲ့ အပူဖက်သန်းတဲ့ အရောင်တွေများတဲ့ စီနီမက်တစ်ရိုက်ချက်တွေ၊ စိတ်ထိခိုက်စရာ နောက်ခံတေးတွေနဲ့အတူ ကြည့်ရှုသူရဲ့ရင်ထဲကိုထိအောင် လှလှပပ သေသေသပ်သပ်ဖန်တီးထားတဲ့ ဒရာမာရုပ်ရှင်စစ်စစ်ဖြစ်တာကြောင့် အချိန်ပေးကြည့်ရှုကြည့်ဖို့ ညွှန်းဆိုပေးရင်းနဲ့ပဲ… (Nudity အနည်းငယ်ပါရှိတာကို သတိပြုပေးပါ) File size…(780 Mb) Quality….Webrip 720p Format…mp4 Duration….01:35:00 Genre…Drama Subtitle….Myanmar Subtitle (Hardsub) Encoder….Mr.Anderson Translated by Steven

Dr.Lamb (1992) ဟောင်ကောင် Noir ကားကိုမှ Horror theme နဲ့ ကြည့်ချင်သူများအတွက် ဟောင်ကောင်ရုပ်ရှင်မင်းသား Danny Lee ကိုယ်တိုင် ဒါရိုက်တာလုပ်ပြီး စုံထောက်လီအနေနဲ့ပါ သရုပ်ဆောင်ထားတဲ့ ၁၉၉၂ ခုနှစ်ထွက် ဟောင်ကောင်ရုပ်ရှင်တစ်ကားကို တင်ဆက်ပေးပါရစေ။ ဒီရုပ်ရှင်ဟာ ၁၉၈၂ ခုနှစ်က ဟောင်ကောင်မှာဖြစ်ခဲ့တဲ့ တကယ့်ကွင်းဆက်လူသ-တ်မှုကြီးကို အခြေခံပြီး ရိုက်ထားတာဖြစ်ပါတယ်။ တက္ကစီကားသမားအသွင်နဲ့ မိန်းကလေးတွေကို ကားပေါ်တင်၊ ရက်ရက်စက်စက် သ-တ်ဖြတ်၊ မုဒိ-မ်းကျင့်၊ အပိုင်းပိုင်း ခု-တ်ထ-စ်ပြီး ဓာတ်ပုံတွေရိုက်ယူထားကာ ဆန်အိတ်ထဲထည့်ပြီး လွှတ်ပစ်တဲ့ လင်းကော်ယွီဆိုတဲ့ ကွင်းဆက်လူသ-တ်သမားအကြောင်းကို ဟောင်ကောင်ရုပ်ရှင်တွေရဲ့ အငွေ့အသက်တွေနဲ့အတူ ဖန်တီးရိုက်ကူးထားတာပဲ ဖြစ်ပါတယ်။ လင်းကော်ယွီရဲ့ စိတ်အခြေအနေနဲ့ ယုံကြည်မှုတွေ၊ သူဘာလို့ သ-တ်ရတယ်၊ ဘယ်လိုမျိုး သ-တ်ပါတယ်ဆိုတဲ့အကြောင်း ဖြောင့်ချက်ပေးတာကို မင်းသား Simon Yam သရုပ်ဆောင်ပြထားပုံက တော်တော်ပီပြင်လွန်းလှပါတယ်။ ဘယ်လိုပီပြင်လဲဆိုတာ သိချင်ရင်တော့ လင်းကော်ယွီရဲ့ဘဝဇာတ်ကြောင်းကို စုံထောက်လီနဲ့အတူ လိုက်ပါစီးမျောကြည့်လိုက်ပါလို့ပဲ ပြောချင်ပါတော့တယ်။ ဟောင်ကောင် Horror ရုပ်ရှင်လောကမှာတောင် Category 3 သတ်မှတ်ထားရတဲ့အထိ ဆိုးဝါးလှတဲ့ ဇာတ်ကားဖြစ်တဲ့အပြင် အဖော်အချွတ်ခန်းတွေလည်း တော်တော့် တော်တော်ကို ပါဝင်တဲ့အတွက် ၁၈ နှစ်အထက်မှမဟုတ်ရင် မကြည့်ဖို့ ကြိုတင်သတိပေးပါရစေ။ ဒီကားကို ကြည့်ပြီးရင်တော့ မိန်းကလေးတွေ ညဘက် တစ်ယောက်တည်း တက္ကစီမစီးကြဖို့နဲ့ စီးမယ်ဆိုလည်း မိသားစုတွေ မိတ်ဆွေတွေကို သေချာအကြောင်းကြားပြီးမှ စီးဖို့ တစ်ခါတည်းမှာလိုက်ပါရစေနော်။ အညွှန်း နဲ့ ဘာသာပြန်ကတော့ Egg ပဲ ဖြစ်ပါတယ်။ Genre….. Crime, Horror, Thriller Quality…. 1080p | 720p File size… 5.5GB | 1.4GB Format… mp4 Duration….. 1h 29min Subtitle…. Myanmar Subtitle (Hardsub) Translator ….. Egg Encoder ….. Aaron

The Killers (2025) ***************** IMDb…..6.1 ၁၉၅၄ ခုနှစ်မှာ စာပေ ပညာ နိုဘယ်ဆု ရရှိထားတဲ့ Ernest Hemingway ရဲ့ “The Murders” ဝတ္ထုကို မှီငြမ်းပြီး ရိုက်ကူးထားတဲ့ “The Killers” ဆိုတဲ့ ဇာတ်ကားနဲ့ မိတ်ဆက်ပေးပါရစေ။ Castတွေ အနေနဲ့ကတော့ Shim Eun Kyung, Yeon Woo Jin, Hong Sa Bin, Jang Hyun Sungတို့နဲ့ အတူ တခြား သရုပ်ဆောင်များစွာ ပါဝင်ပါတယ်။ ဇာတ်လမ်းအညွှန်း အနေနဲ့ကတော့.. နောက်ကျောမှာ ဓားစိုက်နေတဲ့ ယောကျ်ားတစ်ယောက်၊ လူသတ်ပေးဖို့ တောင်းဆိုလာတဲ့ မိန်းမတစ်ယောက်၊ လူတိုင်းက စောင့်မျှော်နေတဲ့ လူတစ်ယောက်၊ လူတစ်ယောက်ကို စောင့်မျှော်နေတဲ့ တစ်စုံတစ်ယောက်.. အစရှိသဖြင့် ရှူထောင့် ၄ခုကနေ ဇာတ်လမ်း ၄ပုဒ် တည်ရှိနေပြီးတော့ ညမိုးချုပ် အချိန် ပဟေဠိဆန်တဲ့ စားသောက်ဆိုင်တစ်ဆိုင်ကို ဓားစိုက်နေတဲ့ လူတစ်ယောက် ရောက်ရှိလာချိန်မှာပဲ ထူးခြားတဲ့ ဇာတ်လမ်းတစ်ပုဒ်ဟာ စတင်လာပါတော့တယ်။ ဒီ လူ၄ယောက်က ဘယ်လိုတွေ ပတ်သက်ဆက်နွယ်မှု ရှိနေပြီးတော့ ဘာတွေဆက်ဖြစ်လာမလဲ ဆိုတာကို စိတ်ဝင်တစား ကြည့်ရှုနိုင်ပါပြီ။ (ဇာတ်လမ်းအညွှန်းကိုတော့ာ Treasure Htet မှ ရေးသားထားပါတယ်။) File Size : 2.31GB/ 990MB Quality : WEB-DL 1080p/720p Format…mp4 Duration…01:59:00 Genre : Romance Subtitle : Myanmar Subtitle (Hard Sub) Translated by Treasure Htet, Hsu Pyae & Hnin Wai Oo Encoded by Tiff

ဒရာမာ ဟော်ရာဇာတ်ကားလေးတစ်ခုနဲ့ cm ပရိသတ်ကြီးကို မိတ်ဆက်ပေးမယ်နော်။ ဒရာကူလာ ဆိုတဲ့ နာမည်နဲ့ ဗမ့်ပိုင်းယား ဒဏ္ဍာရီ ဇာတ်လမ်းတွေဟာ ရှေးယခင်ကတည်းက ယုံကြည် သူတွေရော မယုံကြည်သူတွေပါ ရှိခဲ့တဲ့ အကြောင်းတွေပါ။ ဒီဇာတ်ကားမှာတော့ ဆယ်ကျော်သက်လူငယ်နှစ်ဦးရဲ့ ရင်ခုန်သံစီးချက်တွေနဲ့အတူ ဒီဒဏ္ဍာရီ အကြောင်းကို ယှဉ်တွဲ တင်ဆက်ထားတာ ဖြစ်ပါတယ်။ အီတလီနိုင်ငံ နပိုလီမြို့လေးရဲ့ လမ်းသွယ်တစ်ခုထဲမှာ မိဘမဲ့ဆယ်ကျော်သက်ကောင်လေး မီမီဟာ ပီဇာမီးဖို အပူငွေ့တွေ ကြားထဲမှာ ဘဝကို ရုန်းကန်နေပါတယ်။ သူဟာ မွေးလာကတည်းက ခြေထောက်ပုံစံ မူမမှန် တာကြောင့် ငယ်စဉ်ကတည်းက အနိုင်ကျင့်ခံ ဖယ်ကျဉ် ခံခဲ့ရတဲ့ ကောင်လေးဖြစ်ပါတယ်။ တစ်ညမှာ ကာမီလာဆိုတဲ့ ဆယ်ကျော်သက် အိမ်ပြေး ကောင်မလေး တစ်ယောက်နဲ့ ဆုံတွေ့ချိန်မှာ အရာအားလုံး ပြောင်းလဲသွားခဲ့ပါတယ်။ ကာမီလာက သူ့ကိုယ်သူ မြို့စားဒရာကူလာရဲ့ မျိုးဆက်လို့ ယုံကြည်ထားပြီး သူမရဲ့ နူးညံ့ပြီး လွတ်လပ်တဲ့ စိတ်ထားက မီမီကို အရူးအမူး စွဲလမ်းစေခဲ့ပါတယ်။ သူတို့နှစ်ဦးအတူ လူ့ပတ်ဝန်းကျင်ကို စွန့်ခွာပြီးတော့ လျှို့ဝှက်စွန့်စားမှုတွေ ပြည့်နေတဲ့ ခရီးရှည်ကို စတင်ဖို့ ဆုံးဖြတ်လိုက်တဲ့ အချိန်မှာတော့…။ File size… (1.66 GB) / ( 927 MB) Quality… WEB-DL 1080p HEVC /720p Format…mkv / mp4 Duration….1h 43m Genre …..Drama , Horror , Romance Subtitle….Myanmar Subtitle (Hard Sub) Encoder….Min Wai Translated by Aoi

တက်လမ်းတွေနဲ့ လူငယ်တစ်ဦး သို့မဟုတ် အဖေ့ရဲ့ နာမည်ဆိုးကို ချေဖြတ်ပေးချင်တဲ့ ကောင်လေး… ချစ်လို့ ကောင်းတုန်း အရွယ် … တက်သစ်စအရွယ်… အဖေ့အကြောင်း ကို ‌အပြောမခံတဲ့ စီးပွားရေးလုပ်ငန်းရှင် အကိုကြီး… နာဇီ လူသတ်ကောင် ဆေးလ်… ကောင်လေးရဲ့ တစ်ဦးတည်းသော အစ်ကို ယူလာတဲ့ ပြဿနာတွေက သူ့ရဲ့ ဘဝကို ဘယ်လို တစ်ဆစ်ချိုး ပြောင်းလဲ သွားစေမှာလည်း ဆိုတာတော့ ဒီဇာတ်လမ်းလေးကို စောင့်ကြည့်ပေးပါ File size…(1.8 GB)/(1..1 GB) Quality….Blu-Ray 1080p / 720p Format… mp4 Duration…. 02:05:00 Genre… Crime, Drama, Thriller Subtitle….Myanmar Subtitle (Hardsub) Encoder….Garfield Translated by YDN

အီတလီဆယ်ကျော်သက်လူငယ်ဇာတ်ကားလေးဖြစ်တဲ့ Scianel ကတော့ ပါမဲလိုမြို့ရဲ့ဆင်ခြေဖုံးရပ်ကွက်လေးမှာနေထိုင်တဲ့ရှန်နဲလ်ဆိုတဲ့ကောင်မလေးတစ်ယောက်အကြောင်း ရိုက်ကူးထားတာဖြစ်ပါတယ်။ အဘိုးနဲ့နှစ်ယောက်တည်းနေထိုင်တဲ့ရှန်နဲလ်ဟာ ငယ်စဉ်ကတည်းက သူ့ကိုယ်သူ သူများထက်ပိုထူးခြားနေခဲ့တာကို သတိထားမိခဲ့ပါတယ်။ အရာအားလုံးကိုစူးစမ်းချင်စိတ်ပြင်းပြတဲ့ရှန်နဲလ်တစ်ယောက် သူများတွေမမြင်နိုင် မကြားနိုင်တာတွေကိုပါ မြင်နေကြားနေရတာပါ။ ဒါပေမဲ့ အမှုမဲ့အမှတ်မဲ့သာနေခဲ့ပြီး နွေရာသီကျောင်းပိတ်ရက်တစ်ခုမှာတော့ ဘာမှလုပ်ချင်စိတ်မရှိဘဲပျင်းရိနေကြတဲ့သူငယ်ချင်းတွေကိုစိတ်ကုန်လာတဲ့ရှန်နဲလ်တစ်ယောက် ရပ်ကွက်ထဲမှာလာဖွင့်တဲ့ မိန်းကလေးတွေရဲ့အသက်မွေးဝမ်းကျောင်းလေ့ကျင့်ရေးဝပ်ရှော့တစ်ခုကို တက်ရဖို့ဖြစ်လာခဲ့ပါတယ်။ ဝပ်ရှော့မှာ ပန်းချီတွေရေးဆွဲရင်းနဲ့မှ သူဆွဲတဲ့ပန်းချီတွေက အသက်ဝင်နေတာကိုတွေ့ရတဲ့အတွက် အဘိုးဖြစ်သူကိုပြောပြခဲ့ပါတယ်။ အဲဒီအခါမှာတော့ ငွေလိုနေတဲ့အဘိုးဖြစ်သူက မြေးမရဲ့ထူးခြားတဲ့အစွမ်းနဲ့ငွေရှာခိုင်းခဲ့ပြီး ရှန်နဲလ်ကတော့ အဘိုးခိုင်းတာလုပ်ပေးတဲ့တိုင်အောင် ပန်းချီကို အနုပညာရှုထောင့်ကနေပဲဆွဲချင်တာကြောင့် မြေးအဘိုးနှစ်ယောက်ကြားမှာ ပြဿနာတွေဖြစ်လာကြပါတော့တယ်။ File size… (1.01 GB) / ( 520 MB) Quality… WEB-DL 1080p HEVC /720p Format…mkv / mp4 Duration….1h 26m Genre …..Comedy Subtitle….Myanmar Subtitle (Hard Sub) Encoder….Min Wai Translated by JULY

The Grapes of Wrath (1940) IMDb Rating (8.1) / Rotten Tomatoes (100%) ဂျွန်စတိုင်းဘတ်ရဲ့ ၁၉၃၉ထွက် The Grapes of Wrathဝတ္တုကို ဂျွန်ဖို့ဒ်ရိုက်ထားတဲ့ The Grapes of Wrath ( 1940 )ဟာ အော်စကာ၆ဆု ဆန်ခါတင်ဝင်ခဲ့ပြီး ဂျွန်ဖို့ဒ်က ဒါရိုက်တာဆု , ဇာတ်ဆောင်ရဲ့အမေနေရာက သရုပ်ဆောင်ခဲ့တဲ့ Jane Darwellက ဇာတ်ပို့မင်းသမီးဆု ရခဲ့တယ်။ ဟင်နရီဖွန်ဒါလည်း မင်းသားဆု ဆန်ခါတင် ဝင်ခဲ့ပေမဲ့ ရတော့မရခဲ့ဘူး။ ဒီရုပ်ရှင်ကို one of the greatest films of all timeလို့တော့ သတ်မှတ်ထားကြတယ်။ ဒါပေမဲ့ သိပ်မကြိုက်လှတဲ့လူတွေလည်းရှိပါတယ်။ စာအုပ်ကို အရင်သွားဖတ်မိတဲ့လူတွေပေါ့။ ဒီစာအုပ်ကို မောင်ထွန်းသူက ဒေါသမာန်ဆိုတဲ့ နာမည်နဲ့ ဘာသာပြန်ပေးထားတယ်။ ဇာတ်လမ်းကတော့ ၁၉၃၀မှာ ဇာတ်အိမ်တည်ထားတယ်။ တစ်ကမ္ဘာလုံး စီးပွားပျက်ကပ်နဲ့ ကြုံနေရတဲ့ကာလ Great Depression ကာလပေါ့။ အဲဒီကာလမှာ အိုကလာဟိုမာက လယ်သမားတွေဟာ လူအားနဲ့ လယ်ထွန်ယက်စိုက်ပျိုးနေတဲ့ လူတွေနေရာမှာ ထွန်စက်တွေကို အစားထိုးခံလိုက်ရလို့ အိုးမဲ့အိမ်မဲ့ဖြစ်ကြရင်း ဘဝတွေပျက်ကြတာကို ပုံဖော်ထားတယ်။ အိုကလာဟိုမာမှာ အိမ်အဖျက်ခံရမယ့် ညမှာ အလုပ်တွေပေါတယ်ဆိုတဲ့ ကယ်လီဖိုးနီးယားအထိ ကားစုတ်ကြီးနဲ့ မိသားစုလုံးကျွတ် ခရီးနှင်လာခဲ့ပြီးတဲ့နောက် အိမ်ပျက်ရာကနေ အိပ်မက်တွေဆက်ပျက်ရတဲ့အကြောင်းတွေပေါ့။ အဆိုးတွေကြားမှာ ဇာတ်အိမ်ကို သရုပ်ဖော်ထားပေမဲ့ အကောင်းတွေလည်း ရောပြွန်းနေတဲ့ ဇာတ်လမ်းလို့ပြောလို့ရတယ်။ ရုပ်ရှင်ကတော့ အဆုံးနားကို နည်းနည်းလှည့်လိုက်ပြီး ဝတ္တုရဲ့မာစတာပိစ်ဖြစ်လှတဲ့ ဇာတ်သိမ်းခန်းအထိ မပြခဲ့တာကလွဲ စတိုင်းဘတ်ရဲ့ ဝတ္တုအတိုင်းပဲ အတိအကျ ပုံဖော်ထားတယ်။ ခုနပြောခဲ့သလို စာအုပ်ကို အရင်ဖတ်မိတဲ့လူတွေ ဒီကားကို အားမရတဲ့ပြဿနာတော့ရှိတယ်။ ဘာလို့ဆို ဂျွန်စတိုင်းဘတ်ရဲ့ အရေးအသားက‌ တော်တော်လေး အသေးစိတ်ကျတဲ့ အရေးအသားဖြစ်နေလို့ပဲ။ သူ့ အဓိကဇာတ်အိမ်က ခုနမိသားစုရဲ့ခရီးရှည်ကြီးသက်သက်ပဲ ပြောရရင် ဒီကားမှာပြထားသမျှက အဓိကကျောရိုးအကုန်ပဲ။ ပြောရရင် ကာလတောင် အဲဒီလောက်မရှည်လှတဲ့အချိန်မှာပဲ ဇာတ်အိမ်တည်ထားတာ။ ဒါပေမဲ့ စတိုင်းဘတ်က ဇာတ်အိမ်ထက် ပုံဖော်မှုကို ပိုအသားပေးထားတယ်။ သူက ဇာတ်ကောင်တစ်ကောင်ရဲ့ ဒီကာလအတွင်းက အတွေ့အကြုံ လုပ်ရပ်တွေကို သေးသေးလေးကအစ သေချာထင်ရှားအောင်ပုံဖော်ထားသလို အဓိကကျောရိုးကို တစ်ခန်းနှစ်ခန်းရေးပြီးတာနဲ့ သူဇာတ်အိမ်တည်ထားတဲ့ ခေတ်ကြီးတစ်ခုလုံး စာဖတ်သူမျက်စိထဲ ကွက်ကွက်ကွင်းကွင်းပေါ်လာအောင် ကြားဖြတ်အခန်းလေးတွေလည်း အဆုံးအထိ ဖြတ်ဖြတ်ရေးသွားတယ်။ ဒါတွေကို ဂျွန်ဝိန်းက မထည့်သွားသလောက်ပဲ သူထိသွားပုံရတဲ့တစ်ခုတော့ ထည့်ထားတယ်။ ပြောရရင် ထည့်လို့လည်းမပြေပါဘူး။ ခေတ်ကြီးတစ်ခုလုံးကို ထင်ဟပ်နေတဲ့ ဇာတ်လမ်းတစ်ပုဒ်ကို ၂နာရီစာ ဇာတ်ကားထဲထည့်ဖို့ဆို မဖြစ်နိုင်ဘူး။ ဒါပေမဲ့ ဂျွန်ဝိန်းက သူရတဲ့၂နာရီစာဆိုတဲ့ အချိန်အတွင်းတော့ ဖြုတ်သင့်ဖြုတ် ပေါင်းသင့်တာပေါင်းပြီး အသပ်ရပ်ဆုံး ပုံဖော်သွားခဲ့တာကိုတော့ အာမခံလို့ရတယ်။ ဒီကားရဲ့ အဓိကပြဿနာက Run Time အရမ်းနည်းနေတာပါပဲ။ အဲဒီခေတ်ပရိသတ်ကလည်း ဒီ၂နာရီစာဆိုတဲ့ အချိန်လောက်ကိုပဲ လက်သင့်ခံကြတာကလည်း တစ်ပိုင်းပါတယ်။ ဒီလိုဆိုလို့ သူ့အရင် ထွက်တဲ့ Gone With The Windကျ ၄နာရီစာဖြစ်နေတဲ့အချက်ကိုတော့ ထောက်ပြစရာရှိမယ်။ လေရူးသုန်သုန်ရုပ်ရှင်က ၄နာရီကြာတာမှန်သလို အဲဒီခေတ်ပရိသတ်က ၂နာရီပဲ အများစုလက်ခံကြတာလည်းအမှန်ပါပဲ။ လေရူးသုန်သုန်က Civil War-era epic ဇာတ်အိမ်မျိုးရှိပေမဲ့ ဒေါသမာန်ကတော့ သူ့မျက်မှောက်ခေတ်နဲ့ သိပ်မကွာလှတာလည်းပါလိမ့်မယ်။ စတိုင်းဘတ်ကိုယ်တိုင် စာအုပ်မှာ တစ်ချို့လူတွေ ဖောင်းထုတာ ခံခဲ့ရတဲ့အပိုင်းကြောင့်လည်း ပါကောင်းပါမယ်။ ထုတ်လုပ်ရေးပိုင်းကြောင်းလည်းပါတယ်။ ဒေါသမာန်ကိုတော့ စတူဒီယိုက သာမန်လျှံကာပဲ ထုတ်ခဲ့ပေမဲ့ လေရူးသုန်သုန်ကိုတော့ စတူဒီယိုက prestige blockbuster ဖြစ်လာဖို့ ရည်ရွယ်ပြီး ထုတ်ခဲ့တယ်။ ဆိုတော့ ခေတ်အရရော ရုပ်ရှင်နဲ့စာအုပ်ရဲ့ ကွာခြားချက်အရရောကြောင့် ဒီကားကို အားမရတဲ့လူတွေ အားမရပေမဲ့လည်း ရုပ်ရှင်ကောင်းတော့ ဖြစ်နေတုန်းပါပဲ။ ဇာတ်ဝင်ခန်းတစ်ခန်းမှာပေါ့။ အဘိုးကြီးတစ်ယောက်က ကားလမ်းဘေးက စားသောက်ဆိုင်ကလေးထဲ ဝင်လာတယ်။ ဆိုင်ထဲမှာ ကားဒရိုင်ဘာတစ်ယောက်နဲ့ စကားပြောနေတဲ့ စားပွဲထိုးမကတော့ ဒီအဆင် ဒီအဆင်တွေဟာ အကျိုးပေးမယ်မှန်းမသိတော့ ခပ်ချေချေပေါ့။ အဘိုးကြီးက ဝင်လာတာနဲ့ ” ကျုပ်တို့ကို ပေါင်မုန့်လေးတစ်လုံးလောက် ရောင်းပေးနိုင်မလား”လို့ပြောတော့ စားပွဲထိုးမက ငါထင်သလိုပဲဆိုတဲ့ မျက်နှာပေးမျိုးနဲ့ ” ဒါကုန်စုံဆိုင်မဟုတ်ဘူး ကျွန်မတို့မှာ ဆန်းဒဝစ်လုပ်ဖို့ပဲ ရှိတယ်”လို့ ပြန်ပြောတာပေါ့။ အဘိုးကြီးက မျက်နှာလေးအိုအိုနဲ့ ” သိပါတယ် မဒမ်ရာ အမေကြီးအတွက်မို့ပါ။ သူကသွားမရှိဘူးလေ ရေနဲ့နှူးပြီး ကျွေးမှ ဝါးနိုင်တာ သူဗိုက်ဆာနေလို့ပါ”လို့ပါ တောင်းပန်တယ်။ မလျှော့တဲ့ စားပွဲထိုးမက “ဆန်းဒဝစ်ပဲဝယ်လိုက်ပါလား ကျွန်မတို့ဆီက ဆန်းဒဝစ်တွေက သိပ်ကောင်းတာ”လို့ ခွန်းတုံ့ပြန်ပြန်ရော။ ဇီးရွက်လောက်ပဲ ကျန်တော့တဲ့ မျက်နှာနဲ့ အဘိုးကြီးကတော့ ထပ်ရှင်းပြရှာတယ်။ “ဟုတ်ကဲ့ ကျွန်တော်လည်း ဝယ်ချင်ပေမဲ့ မဒမ်ရယ်… ကျွန်တော်တို့မှာ ပေါင်မုန့်ဖိုးက၁၀ဆင့်ပဲရှိတာ အဲဒါမှခရီးအတွက်လောက်မှာမို့ပါ”လို့ပေါ့။ ဒါပေမဲ့လည်း စားပွဲထိုးမက မလျှော့ပြန်ပါဘူး “၁၀ဆင့်နဲ့ ဘာပေါင်မုန့်မှမရဘူး ပေါင်မုန့်တစ်လုံးကို အနည်းဆုံး၁၅ဆင့်တန်ပဲရှိတယ်”လို့ ပြောပြန်တယ်။ စားဖိုမှူးက ပေးလိုက်စမ်းပါကွာလို့ပြောတော့လည်း စားပွဲထိုးမက ပေါင်မုန့်ကားမလာခင် ပေါင်မုန့်ကုန်သွားရင် ဘယ်လိုလုပ်ကြမလဲလို့ စောဒကတက်ပြန်တာပါပဲ။ စိတ်မရှည်တော့တဲ့ စားဖိုမှူးက ” အေး ကုန်တော့လည်းကုန်ပါစေ ကုန်ပါစေပေါ့”လို့ပြောပြီး ဘုတောလိုက်မှ စားပွဲထိုးမက ပေါင်မုန့်သွားယူလာပြီး အဘိုးကြီးကို ရောင်းပေးတော့တယ်။ ဒါလည်း ချိုချိုသာသာမဟုတ်ပါဘူး။ ဆောင့်ကြီးအောင့်ကြီးနဲ့ပဲ။ စားပွဲထိုးမပေါင်မုန့်သွားယူနေတဲ့အချိန်မှာ ကလေးလေး၂ယောက်က အဘိုးကြီးနောက်ကို လိုက်လာပြီး ဆိုင်ထဲဝင်လာခဲ့တယ်။ ငွေရှင်းတဲ့ကောင်တာနားက ချိုချဉ်တွေကို တွေ့သွားတဲ့အချိန် သူတို့အခြေအနေကိုလည်း သူတို့သိနေတော့ ဘာမှမပူဆာဘဲ မျက်လုံးအဝိုင်းသားလေးနဲ့ ကြည့်နေခဲ့ကြတယ်။ အဘိုးကြီးလည်း မနေသာတော့ ” ဟိုးက ချိုချဉ်တွေက တစ်ဆင့်တန်တွေလား”လို့ စားပွဲမကိုမေးလိုက်တယ်။ စားပွဲထိုးမက…” မဟုတ်ဘူး”လို့ ပြောပြီးမှ သူ့ကောင်တာရှေ့တည့်တည့်က ကလေးလေး၂ယောက်ရဲ့ မျက်လုံးကို မြင်သွားပြီး ဆောင့်ကြီးအောင့်ကြီးဖြစ်နေခဲ့တဲ့ သူ့မျက်နှာပေါ်ဝမ်းနည်းရိပ်သန်းလာခဲ့တယ်။ ” အာ မဟုတ်ဘူး ၂ချောင်းတစ်ဆင့်”လို့ ပြာပြာသလဲဖြေလိုက်တယ်။ အဘိုးကြီးကလည်း တစ်ဆင့်ပေးပြီး ကလေးနှစ်ယောက်ကို ချိုချဉ်တစ်ယောက်တစ်ခု ဝယ်ကျွေးနိုင်ခဲ့တယ်။ အဘိုးကြီးတို့ ထွက်သွားပြီးတော့ ခုန စားပွဲထိုးမနဲ့ စကားပြောနေတဲ့ ကားဒရိုင်ဘာက ” အဲဒါတွေက နှစ်ချောင်းတစ်ဆင့်တန်မဟုတ်ဘူးလေ တစ်ခုကို ၅ဆင့်မလား”လို့ မချိုမချဉ်မျက်နှာပေးနဲ့ စားပွဲထိုးမကို လှမ်းပြောလိုက်တာပေါ့။ စားပွဲထိုးမကတော့ ” ရှင့်အပူပါလို့လား”လို့ပဲ ပြန်ပြောခဲ့တယ်။ ခဏနေတော့ ကားဒရိုင်ဘာ ငွေရှင်းဖို့ ထလာတယ်။ ပိုက်ဆံပေးပြီးတဲ့နောက် တံခါးဝဆီတန်းသွားခဲ့တယ်။ စားပွဲထိုးမက ” နေပါဦး ပြန်အမ်းငွေယူသွားဦးလေ”လို့ ပြောတော့ ဒရိုင်ဘာကလည်း တစ်ခွန်းပဲ ပြန်ပြောခဲ့တယ်။ ” မင်းအပူပါလို့လား”တဲ့။ ဂျွန်ဖို့ဒ် နည်းနည်းပြင်ရိုက်ထားတဲ့ ဒီဇာတ်ဝင်ခန်းလေးကိုပဲ ဂျွန်စတိုင်းဘတ်က သူ့စာအုပ်ထဲ ပုံဖော်ထားတာက စာမျက်နှာ၂၀နီးနီးရှိတယ်။ စတိုင်းဘတ်က အဲဒီလောက် အသေးစိတ်ကျကျ ရေးတဲ့လူဆိုတော့ ဂျွန်ဖို့ဒ် ဒီလောက်ထိလုပ်ပြနိုင်တာပဲ ဟုတ်တော့ဟုတ်နေတဲ့ သဘောပါပဲ။ (အညွှန်းနဲ့ဘာသာပြန်ကတော့ WiRa Aung ဖြစ်ပါတယ်။) File size…(3.8 GB) / (2.3 GB) Quality….Blu-Ray 1080p HEVC / 720p Format…. mkv/mp4 Genre….Drama Duration….02:09:50 Subtitle….Myanmar Subtitle (Hardsub) Encoder….Double K Translated by WiRa Aung

“Titan: The OceanGate Disaster 2025” ဖြစ်ရပ်မှန် မှတ်တမ်းရုပ်ရှင်ဟာ ၂၀၂၃ ခုနှစ် ဇွန်လ ၁၈ ရက်နေ့မှာ ဖြစ်ပွားခဲ့တဲ့ Titan ရေငုပ်ယာဉ် ပေါက်ကွဲနစ်မြုပ်မှုရဲ့ နောက်ကွယ်က အကြောင်းအရာတွေကို နက်နက်နဲနဲ ဖော်ထုတ်ထားပါတယ်။ ဒီမှတ်တမ်းရုပ်ရှင်က ဖြစ်ရပ်ဆိုးကြီး ဘာကြောင့်ဖြစ်ပွားခဲ့ရသလဲ…ဘယ်သူတွေမှာ တာဝန်ရှိသလဲဆိုတာကို ပေါ်လွင်အောင် တင်ပြထားပါတယ်။ ဒီဇာတ်ကားဟာ OceanGate ကုမ္ပဏီရဲ့ CEO ဖြစ်သူ Stockton Rush ရဲ့ တိုက်တန်းနစ်သင်္ဘောပျက်ကို ကြည့်ရှုဖို ကြိုးပမ်းခဲ့မှု…သူ့ရဲ့ အန္တရာယ်ရှိတဲ့ ဆုံးဖြတ်ချက်တွေဟာ ဘယ်လိုဘယ်ပုံ လူ ၅ ဦးရဲ့ အသက်ကို ဆုံးရှုးစေခဲ့လဲ။ မှတ်တမ်းရုပ်ရှင်ထဲမှာ ကုမ္ပဏီရဲ့ ဝန်ထမ်းဟောင်းတွေရဲ့ ထွက်ဆိုချက်တွေ…အသံမှတ်တမ်းတွေ… OceanGate နဲ့ပတ်သက်တဲ့ ဗီဒီယိုဖိုင်တွေနဲ့ ဥပဒေပိုင်းဆိုင်ရာ စစ်ဆေးမှုတွေကနေ ရရှိတဲ့ အချက်အလက်တွေကို အတိအကျ ဖော်ပြထားပါတယ်။ ဒီမှတ်တမ်းရုပ်ရှင်ဟာ ဖြစ်ရပ်ဆိုးကြီးကိုသာ အဓိကထားပြီး ပြသတာမဟုတ်ဘဲ…မဖြစ်သင့်တဲ့ ဒီလိုအဖြစ်အပျက်မျိုး ဘာကြောင့်ဖြစ်လာရသလဲဆိုတဲ့ မေးခွန်းကိုပါ မီးမောင်းထိုးပြထားပါတယ်။ ကုမ္ပဏီရဲ့ လုံခြုံရေးစည်းမျဉ်းတွေကို ဘယ်လို လစ်လျူရှုခဲ့သလဲ…သတိပေးချက်တွေကို ဘယ်လို ပစ်ပယ်ခဲ့သလဲ။ Titan ရေအောက်ယာဉ်ရဲ့ ကာဗွန်ဖိုက်ဘာ ဒီဇိုင်းအပါအဝင် ဘေးကင်းရေးဆိုင်ရာ အားနည်းချက်တွေနဲ့ ပတ်သက်ပြီး ဝန်ထမ်းဟောင်းတွေရဲ့ သတိပေးချက်တွေကို CEO က ဘယ်လိုပယ်ချခဲ့သလဲဆိုတာတွေကိုပါ ကြည့်ရှုရမှာပါ… ဒီဇာတ်ကားဟာ အဖြစ်ဆိုးကြီးဖြစ်ခဲ့ရတဲ့ အဓိကအကြောင်းအရင်းကို ရှင်းရှင်းလင်းလင်း ဖော်ပြထားပြီး… တာဝန်မဲ့မှု…လျစ်လျူရှုမှုတွေကြောင့် အသက်တွေ ဘယ်လိုဆုံးရှုးခဲ့ရတယ်ဆိုတာကို ပြသထားပါတယ်။ ကြည့်ရှုသူတွေကို စိတ်ဝင်စားအောင် ဖန်တီးထားပြီး ဖြစ်ရပ်မှန်ကို သိရှိနားလည်နိုင်ဖို အားကောင်းတဲ့ မှတ်တမ်းရုပ်ရှင်တစ်ကားလို ဆိုနိုင်ပါတယ်။ ဖြစ်ရပ်မှန်ကို ပွင့်ပွင့်လင်းလင်းနဲ့ အသေးစိတ် ဖော်ပြထားတဲ့အတွက် ကြည့်ရှုသင့်တဲ့ မှတ်တမ်းရုပ်ရှင်တစ်ကား ဖြစ်ပါတယ်…

Sauda Khara Khara (2025) “ရိုက်စား” အသစ်ထွက် ပန်ချာပီဟာသဒရာမာရုပ်ရှင်ကို တင်ဆက်ပေးလိုက်ပါတယ်။ အလုပ်မှာလည်း အဆင်မပြေ၊ အကြွေးတွေနဲ့ လုံးချာလည်နေကြတဲ့ သူငယ်ချင်းသုံးယောက်ပေါင်းပြီး ပိုက်ဆံလွယ်လွယ်ရဖို့ ဆော်ဒါကာရာကာရာဆိုတဲ့ လုပ်ငန်းတစ်ခုထောင်ပြီးလိမ်စားဖို့ကြံကြပါတယ်။ ဒါပေမဲ့ သူတို့စီစဉ်သမျှက အလွဲလွဲအချော်ချော်တွေဖြစ်ပြီး သူတို့ပေါ်ပြန်တက်လာတဲ့ ပြဿနာတွေကနေ ရှောင်ကြပြေးကြပုံကို ဟာသနှောရိုက်ကူးထားတာမို့ကြည့်ရှုအားပေးကြပါဦး။ (အညွှန်းနဲ့ဘာသာပြန်ကတော့ CM Bollywood Teamပဲဖြစ်ပါတယ်)