~ IMDb - 7.7/10, Rotten Tomatoes - 92% ~ ဒီဇာတ်ကားအကြောင်းပြောမယ်ဆိုရင် ပါတဲ့လူ ၂ ယောက်အကြောင်းက စပြောရပါလိမ့်မယ်။ အမေရိကန် ပြဇာတ်ရေးဆရာ Wallace Shawn နဲ့ ပြင်သစ်-အမေရိကန် ပြဇာတ်ဒါရိုက်တာ Andre Gregory တို့ပေါ့။ ဇာတ်လမ်းထဲမှာလည်း သူတို့နာမည်ရင်းပဲသုံးထားတယ်။ ဒီဇာတ်ကားရိုက်ဖြစ်မယ့်အချိန်တုန်းက Andre ဟာ နှစ်နဲ့ချီခရီးတွေထွက်နေခဲ့လို့ အနုပညာကိစ္စတွေနဲ့ဝေးနေတဲ့အချိန်... အဲဒီမှာသူ့လုပ်ဖော်ကိုင်ဖက်ဟောင်း Wallace Shawn ကိုဆက်သွယ်ပြီး အနုပညာနဲ့ပတ်သက်တဲ့တစ်ခုခုလုပ်ကြဖို့ ပြောခဲ့တယ် (အဲဒီလိုဆက်သွယ်လာတာကို ရုပ်ရှင်ထဲမှာတော့ ညစာစားဖို့ဆက်သွယ်လာခဲ့ကြောင်း ထည့်ရိုက်ထားတယ်) Wallace ကလည်း လက်ခံလိုက်ပေမယ့် ဘာလုပ်ရမှန်းသိခဲ့တာမဟုတ်ဘူး။ သူတစ်ခုသိတာက Andre အနေနဲ့ သူတို့ချင်းမတွေ့ရတဲ့အတောအတွင်းက ဇာတ်ကြောင်းတွေပြန်ပြောပြချင်မယ်ဆိုတာပဲ။ အဲဒါကို တည်ပြီး မိတ်ဆွေနှစ်ယောက် ညစာစားရင်း စကားပြောကြတဲ့ပုံစံမျိုးနဲ့ ရုပ်ရှင်ရိုက်တယ်။ သူတို့နှစ်ယောက်ပဲ ဇာတ်ညွှန်းရေးတယ်။ ဒါရိုက်တာက Louis Malle... 1950 ‌ဝန်းကျင် ပြင်သစ်ရုပ်ရှင်လောက‌အကြောင်းပြောရင် မပြောမဖြစ်ထည့်ပြောရမယ့်၊ ဗင်းနစ်ရုပ်ရှင်ပွဲတော်ရဲ့ ရွှေခြင်္သေ့ဆုကို နှစ်ကြိမ်ရထားတဲ့ ဒါရိုက်တာတစ်ယောက်။ ရိုက်ပုံရိုက်ကွက်တွေက ‌Reality ဆန်တယ်၊ တချိန်တည်းမှာပဲ အနုပညာမြောက်တယ်။ ဒီရုပ်ရှင်က အခုအချိန်ထိ ရုပ်ရှင်လောကမှာလွှမ်းမိုးမှုကြီးနေသေးတာကလည်း သူရိုက်ကူးခဲ့တာကြောင့် တစ်စိတ်တစ်ပိုင်းပါပါလိမ့်မယ်။ ဇာတ်လမ်းအကြောင်းအရာအရဆိုရင် ဒီဇာတ်ကားက ရိုးလည်းရိုး ဆန်းလည်းဆန်း လန်းလည်းလန်း လို့ပြောလို့ရတယ်။ ဇာတ်လမ်းအစမှာတော့ ကိုယ့်ဘဝကိုယ်မကျေမနပ်ဖြစ်နေပြီး ပုံစံခွက်တစ်ခုထဲ ပိတ်မိနေတဲ့ ဝေါလေ့စ် တစ်ယောက် ညစာစားဖို့ အန်ဒရေ ဆီ သွားရာကစထားတယ်။ လမ်းမှာလည်းသူ့ဘဝသူ ငြီးတွားရင်းပေါ့။ စားသောက်ဆိုင်ကို အန်ဒရေရောက်လာတော့ အန်ဒရေက သူပျောက်နေတဲ့အတောအတွင်းအဖြစ်အပျက်တွေကို ရေပက်မဝင်ပြောတော့တာပဲ။ သူ ပိုလန်က တောထဲရောက်သွားပြီး စိတ်လိုလက်ရ စိတ်ထဲရှိတဲ့အတိုင်းလုပ်ခဲ့တဲ့အကြောင်းတွေ... ဆာဟာရထဲသွားပြီး ဘုန်းကြီးတစ်ပါးနဲ့ ပြဇာတ်ရိုက်ဖို့လုပ်ခဲ့ပုံတွေ... စကော့တလန်က ဖင်းန်ဟွန်းဆိုတဲ့အဖွဲ့ဆီသွားခဲ့ပုံတွေ... ဟောလိုးဝင်းမှာအရှင်လတ်လတ် မြေမြုပ်ခံခဲ့ပုံတွေပေါ့။ အဲဒီနေရာတွေကို အန်ဒရေ သွားခဲ့ရတာကလည်း သူ့အနေနဲ့ သူနေထိုင်နေရတဲ့ဘောင်လေးထဲကနေရုန်းထွက်ပြီး တကယ့် လူစစ်စစ်ဖြစ်ဖို့၊ လူလူချင်းအမှန်တကယ်ဆက်နွယ်မိဖို့နဲ့ ပကတိတရားနဲ့ ထိတွေ့ဖို့ အတွက်ဆိုပြီး အကြောင်းပြချက်ပေးတယ်။ လူစစ်စစ်ဖြစ်ဖို့ဘာတွေလိုလဲ... လူတွေဟာ အခုလို စက်ရုပ်ကြီးအတိုင်း ကိုယ်လုပ်နေကျကိစ္စတွေကို လုပ်‌ရင်းပဲ သေဆုံးသွားရမှာလား... ပကတိတရား သဘာဝတရားကြီးနဲ့ထိတွေ့မှုရှိမှ လူစစ်စစ်ဖြစ်နိုင်မယ့်အကြောင်းကိုပြောတယ်။ ဝေါလေ့စ်ကတော့ သူ့အမြင်တွေကို သိပ်သဘောမတူဘူး။ လူတိုင်းဟာ ပကတိတရားနဲ့ထိတွေ့ဖို့ အဲဒီလောက်မလုပ်နိုင်ဘူးလို့သူယုံတယ်။ သူ့အမြင်တွေကို သူ လျှပ်စစ်စောင်လေးကိုကြိုက်ပုံ၊ ကော်ဖီအသင့်ဖြစ်နေတာလေးကို ကျေနပ်ပုံတွေနဲ့ ပြန်ရှင်းပြတယ်။ အဲဒီလို သူတို့ရဲ့ရှုထောင့်ကိုယ်စီကနေ အဲဒီခေတ်နဲ့ အခုခေတ်လူတွေကြုံတွေ့နေရတဲ့ လစ်ဟာမှုကို အဓိပ္ပာယ်ဖွင့် ဖြေရှင်းချက်ထုတ်ဖို့ကြိုးစားကြတာပေါ့။ စကားလေးတွေ‌ပဲပြောပေမဲ့ ကြည့်နေတဲ့သူက ပုံရိပ်တွေတစ်ကွက်ပြီးတစ်ကွက် ကြည့်နေရသလိုခံစားရတယ်။ လူလူချင်း လက်တွေ့ဆက်နွယ်‌မှုပျောက်နေတဲ့အကြောင်း၊ လူတိုင်းဟာ ကိုယ်ပိုင်စိတ်ကူးယဉ်ကမ္ဘာထဲ နေထိုင်နေတဲ့အကြောင်းတွေ ပြောတဲ့အခါ ကိုယ့်အဖြစ်တွေနဲ့ပါ တိုက်ဆိုင်ဆက်စပ်ကြည့်ရင်း ကိုယ့်ရဲ့လောကအပေါ် ရှုမြင်ပုံတွေပါ တစ်မျိုးလေးပြောင်းသွားနိုင်မယ်လို့ယုံပါတယ်။ ဒီထဲမှာ မင်းသားချောချောလေးမပါဘူး။ မင်းသမီးချောချောလေးလည်းမပါဘူး။ ဗီလိန်ကြီးလည်း မပါသလို စားပွဲထိုးတစ်ယောက်ကလွဲလို့ တခြား ဇာတ်ပို့ဇာတ်ရံတွေလည်းမပါဘူး။ ပျင်းစရာကြီးနေမှာပေါ့ လို့ထင်နေပြီဆိုရင်တော့ "သားကြီးမင်းမှားမယ်နော်" လို့ပဲ ပြောချင်ပါတယ်။ ဒီဇာတ်ကားက ကြည့်‌နေရင်း ဪ ဒီလိုပါလားလို့ ဒဲ့ဒိုးသိလာတာမဟုတ်ဘဲ ကိုယ့်စိတ်ထဲကနေ တစ်ခုခုကို နားလည်လာသလို ခံစားချက်မျိုးပေးနိုင်တဲ့ကားမျိုး။ အနုပညာဆိုတာ ဒါပါပဲ... ရုပ်ရှင်တစ်ကားလုံး စကားလေးပြောရင်း ကားချပ်တစ်ခုကိုခြယ်သွားတယ်၊ မယ်လိုဒီ တစ်ပုဒ်ကို စပ်သွားတယ်၊ ပေလိပ်တစ်ခုကိုလှစ်သွားတယ်၊ ပုခုံးပေါ်ကဝန်ထုပ်တွေကို ဘယ်လိုပစ်ချရမလဲ အရိပ်အမြွက်လေးပြသွားတယ်၊ ဖြစ်တည်မှုကို မေးခွန်းထုတ်သွားတယ်၊ မမြဲခြင်းတရားကို မမေ့ဖို့သတိပေးသွားတယ်။ ဒီလိုရသပေါင်းစုံကို ဖန်သားပြင်က ကြည့်နေတဲ့လူတစ်ယောက်ရဲ့ မသိစိတ်ထဲနစ်ဝင်အောင်ရိုက်ပြသွားနိုင်တာကတော့ ဒီရုပ်ရှင်ရဲ့ လေးစားစရာတစ်ခုပဲဖြစ်ပါတယ်။ ရုပ်ရှင်မကောင်းလို့ စွတ်ညွှန်းတာမဟုတ်ပါဘူး။ ကျွန်တော်တောင်နောက်ကျမှကြည့်မိရလေခြင်းလို့ နည်းနည်းတောင်ရင်နာမိပါသေးတယ်။ ဒီရုပ်ရှင်ကောင်းလွန်းလို့ ကြည့်သင့်တဲ့ကားတစ်ကားကို မကြည့်လိုက်ရလေခြင်းဆိုပြီး နောင်တမရစေချင်ရုံပါ။ အချိန်ကလည်း ၂ နာရီမပြည့်ဘူးဆိုတော့ ၂နာရီမပြည့်တဲ့အချိန်အတွင်း ကိုယ့်ဘဝကိုယ် မေးခွန်းထုတ်ကြည့်လိုက်ကြပါစို့ဗျာ။ (ဒီဇာတ်ကားနဲ့အညွှန်းကို Min Thant Bo မှ ပြန်ဆို ရေးသားထားပါတယ်) Size - 2.2GB, 950MB Quality - 1080p, 720p IMDb Rating - 7.7/10 Format - mp4 Duration - 1H 50Min Genre - Comedy, Drama Subtitle - Myanmar Subtitle (Hardsub) Translated by Min Thant Bo Encoded by Y

The Lion King ရဲ့ ဇာတ်ဆောင် ခြင်္သေ့လေး စင်ဘာရဲ့ အချစ်တော် သူငယ်ချင်း တီမုန်နဲ့ ပွန်ဘာကို အားလုံး သိကြပြီးဖြစ်မှာပါ။ ဒီဇာတ်လမ်းလေးမှာတော့ ကန့်လန့်ကာနောက်က တီမုန်နဲ့ ပွန်ဘာတို့ကို နည်းနည်းသွားကြည့်လိုက်ကြရအောင်… ဇာတ်လမ်းလေးက ဒီလိုစပါတယ် … မြွေပါလေးတွေဟာ သက်ရှိစက်ဝန်းကြီးရဲ့ အောက်ပိုင်းက သတ္တဝါလေးတွေပါ။ ဒီတော့ တခြားအင်အားကြီး သားရဲတွေရဲ့ ရန်ကို အမြဲပူပန်နေကြရပါတယ်။ တီမုန်တို့ မြွေပါလေးတွေဟာ သူတို့ကို စားမယ့် ခွေးအတွေ ရန်က ကာကွယ်ဖို့ တစ်နေ့တစ်နေ့ တွင်းတွေတူးရတာနဲ့ပဲ အချိန်ကုန်နေပါတယ်။ မြွေပါလေး တီမုန်ကတော့ ဒီလို တွင်းတွေတူးရ ပုန်းကြရတဲ့ဘဝကို သဘောမကျလှပါဘူး။ အများနဲ့မတူတဲ့ တီမုန် အုပ်စုထဲမှာ အဆင်မပြေဖြစ်လာရပါပြီပြီ။ ဒါ့အပြင် အပြင်မှာ သူနဲ့အဆင်ပြေတဲ့နေရာ ရှိရမယ်လို့လည်း တစ်ထစ်ချ ယုံကြည်နေပါတယ်။ ဒီလိုနဲ့ တစ်နေ့မှာတော့ သူနဲ့အဆင်ပြေရာကို ရှာဖို့ အမေနဲ့ အဖော်မြွေပါတွေကို ထားခဲ့ပြီး ခရီးနှင်ပါတော့တယ်။ လမ်းမှာ ဘာလုပ်ရမယ် ဘယ်ကိုသွားရမယ်ဆိုတာ မသိလို့ ငိုနေတဲ့ တီမုန် ပညာရှိမျောက်ကြီးနဲ့ တည့်တည့်တိုးပါတော့တယ်။ မျောက်ကြီးက မင်းက ဟာကူနာမာထာထာ-အပူအပင်ကင်းတဲ့ဘဝကို ရှာနေတာပဲလို့ လမ်းစပေးလိုက်ပါတယ်။ ရှာတွေ့ချင်ရင် “look beyond what you see” မြင်နေရတာထက်ကျော်ပြီး ကြည့်နိုင်ရမယ်လို့လည်း လမ်းညွှန်ပေးလိုက်ပါသေးတယ်။ ဟာကူနာမာထာထာကို ရှာဖို့ ကြိုးစားတော့မယ့် တီမုန်လေးရဲ့ လမ်းခရီးမှာ ဘယ်သူတွေနဲ့ ကြုံရဆုံရမလဲ သူတို့လေးတွေကို ဘယ်လိုအန္တရာယ်တွေစောင့်ကြိုနေမှာလဲ သူစိတ်ကူးထားတဲ့ ဟာကူနာမထာထာကိုရော ရှာတွေ့နိုင်ပါ့မလား ဆိုတာကိုတော့…. File Size : (1.21 GB) and (565 MB) Quality : Blu-Ray (1080p 5.1, 720p) Running Time : 1hr 17min Format : Mp4 Genre : Animation, Adventure, Comedy Subtitle : Myanmar Subtitle (Hard Sub) Translated by Phu Myat Thwe Encoded by Thit San Khant

တရုတ်အကယ်ဒီမီကစာရင်းလုပ်ခဲ့တဲ့ တရုတ်ပြည်သုံးခြမ်းလုံးမှာ ထွက်ခဲ့တဲ့သမျှ အကောင်းဆုံးကားတစ်ရာထဲ နံပါတ်၄၄နေရာယူထားတဲ့ ရုပ်ရှင်ပါ။ ဒါရိုက်တာကတော့ Rouge (1987)ကားကို ရိုက်ခဲ့တဲ့ Stanley Kwanပါပဲ။ Center Stage ဟာ ၁၉၃၀ပြည့်နှစ်တွေတုန်းက နာမည်ကျော်ခဲ့တဲ့ မင်းသမီးရွမ်လင်းယုအကြောင်းကို ရိုက်ကူးထားတဲ့ ရုပ်ရှင်ဖြစ်ပြီး။ ဒိုကူမန်ထရီလိုလိုတစ်ခြမ်း ဇာတ်အိမ်ဆင်ရိုက်ပြတာတစ်ခြမ်း နှစ်ခြမ်းကို တစ်လှည့်စီပြနေတဲ့ရုပ်ရှင်ပါပဲ။ ပြောရရင် ဒီရုပ်ရှင်မှာ ပါဝင်နေသမျှ ဒါရိုက်တာအဆုံး မင်းသားမင်းသမီးတွေအကုန်လုံးဟာ ၁၉၆၀နဲ့ အနီးတစ်ဝိုက်မှာ မွေးခဲ့တဲ့သူတွေဖြစ်ပြီး သူတို့မမွေးခင် နှစ်၃၀လောက်က နာမည်ကျော်ခဲ့တဲ့ မင်းသမီးအကြောင်းကို ၁၉၉၀လောက်မှာ ခြေရာပြန်ကောက်ကြ ဆွေးနွေးကြတာကိုလည်း တစ်လှည့်ရိုက်ပြထားပါတယ်။ ဒီရုပ်ရှင်ထဲ သူတို့ရိုက်ပြထားတဲ့ မင်းသမီးက ၁၉၃၀ဝန်းကျင် အသံတိတ်ခေတ်လောက်က မင်းသမီး ရွမ်လင်းယုပါ။ သူဟာ အသက်၂၄နှစ်မှာတင် အောင်မြင်နေတုန်းမှာတင် သက်သေခဲ့ပေမဲ့ တရုတ်ရုပ်ရှင်လောကရဲ့ အမှတ်သညာတစ်ခု ဖြစ်လာခဲ့တဲ့သူပါ။ သူဟာ ၁၉၂၇မှာ မင်းသမီးစလုပ်ခဲ့ပြီး ၁၉၃၅မှာ သတ်သေခဲ့ပါတယ်။ ၈နှစ်ကာလအတွင်း ရုပ်ရှင်၃၀ကျော်ရိုက်ကူးခဲ့ပြီး သရုပ်ဆောင်စွမ်းရည်လည်း တော်တော်ကောင်းခဲ့တဲ့သူပါ။ သူ့လက်တွေ့ဘဝမှာတော့ သူဟာ သူ့အပြစ်လို့ပြောမရတဲ့ အိမ်ထောင်ရေးအရှုပ်အရှင်းတွေ များခဲ့တဲ့သူဖြစ်ပြီး လူတကာရဲ့အမြင်မှာတော့ ဒီအရှုပ်အရှင်းတွေဟာ သူ့အပြစ်လိုလိုဖြစ်နေခဲ့ပါတယ်။ လူတွေရဲ့ကြောက်စရာကောင်းတဲ့ အတင်းအဖျင်းတွေကို သေရမှာထက်ပိုကြောက်ခဲ့တဲ့ ရွမ်လင်းယုဟာ သူ့ရဲ့အောင်မြင်နေတဲ့ဘဝကို ကျောခိုင်းပြီး သတ်သေသွားခဲ့ပါတယ်။ ဒီရုပ်ရှင်မှာတော့ သူ့အကြောင်းတွေ သူတို့ခေတ်က မင်းသမီးတွေ ဒါရိုက်တာတွေအကြောင်းတွေကို ဒီရုပ်ရှင်ရဲ့ ဝိုင်းတော်သားတွေက ဝိုင်းဆွေးနွေးခဲ့ကြသလို ဇာတ်အိမ်မှာလည်း ၁၉၃၀ဝန်းကျင်က တရုတ်ပြည်ရုပ်ရှင်လောကက အခြေအနေတွေ လူတွေ ရုပ်ရှင်တွေအကြောင်း ပြထားခဲ့ပါတယ်။ Center Stageဟာ မက်ဂီချောင်ရဲ့ အလှည့်အပြောင်းအတွက် အရေးပါတဲ့ ရုပ်ရှင်လည်းဖြစ်ခဲ့ပါတယ်။ မက်ဂီကိုယ်တိုင်ကလည်း ဒီရုပ်ရှင်ထဲရွမ်လင်းယုနဲ့ သူက ကံကြမ္မာချင်းတောင် ဆင်တယ်ပြောလို့ရတယ်ပြောပါတယ်။ ဘာလို့ဆို ရွမ်လင်းယုဟာ နည်းနည်းနှောင်းပြီးမှ ဇာတ်ကောင်းဇာတ်လေးတွေရခဲ့သလို မက်ဂီကိုယ်တိုင်လည်း ဝေါင်ကာဝေးကား၂ကားနဲ့ ဒီကားမတိုင်ခင် အစောပိုင်းကာလတွေမှာ ပေါ့ပေါ့ပါးပါးကားတွေပဲ ရိုက်ခဲ့တာ ဖြစ်လို့ပါပဲ။ As tears go by နဲ့ Days of Being Wild ဝေါင်ကာဝေးကား၂ကားက သူ့ဇာတ်ကောင်တွေကလည်း အရမ်းဝန်ပိတဲ့ဇာတ်ကောင်တွေမဟုတ်ခဲ့တာမို့ ပြောချင်ရင် ဒီကားကနေမှ သူ သူ့သရုပ်ဆောင်အစွမ်းကို ပေါ်လွင့်မယ့် ဇာတ်ကောင်းစရခဲ့တယ်လို့ပြောရင်လည်း မမှားလောက်ပါဘူး။ ဒီရုပ်ရှင်နဲ့ မက်ဂီချောင်ဟာ ဘာလင်အပါအဝင် တခြားရုပ်ရှင်ပွဲတော်တွေမှာ သရုပ်ဆောင်ဆုရခဲ့ပါတယ်။ တခြားလူသိများတဲ့ မင်းသားတွေအနေနဲ့ ဘစ်တိုနီလို့ ဟောင်ကောင်ရုပ်ရှင်လောကမှာ လူသိများတဲ့ တိုနီလျောင်ခဖိုင်နဲ့ တိုနီလျောင်ချူဝေရဲ့မိန်းမ ကာရီနာလောင်တို့ပါပါတယ်။ တိုနီလျောင်နှစ်ယောက်ဖြစ်နေလို့ ခဖိုင်ကို ဘစ်တိုနီလို့ နာမည်ပေးထားကြတာပါပဲ။ ရုပ်ရှင်ပွဲတော်အများစုမှာ best actress ဆုတွေရခဲ့ပြီး ရုပ်ရှင်ပွဲတော် ၂ခုမှာတော့ Best Cinematography ,Best Art Direction , Best Original Film Score ,Best Original Film Song ဆုတွေရခဲ့ပါတယ်။ နာမည်ကျော်ဝေဖန်ရေးဆရာတစ်ယောက်ဆို ၁၉၉၀ခုနှစ်ရဲ့ တစ်ကမ္ဘာလုံးမှာ ထွက်ခဲ့သမျှထဲ သူ့အကြိုက်ဆုံးကားလို့ ဆိုခဲ့ဖူးပါတယ်။ ( ဘာသာပြန်ပြီး အညွှန်းရေးသားထားသူကတော့ WiRa Aung ပါ ) File Size__(1.5GB) Quality__720p IMDb Rating__7.5/10 Format__mp4 Duration__02:06:00 Type__Biography, Drama, Romance Subtitle__Myanmar Subtitle (Hardsub) Translated by WiRa Aung Encoded by Naing Aung Latt

ဒီကားလေးကတော့ မှုခင်းရေးရာနဲ့သိုင်းဇာတ်လမ်းကို ပေါင်းစပ်ထားတဲ့ဇာတ်လမ်းလေးပါ 2016ကထွက်ရှိထားတဲ့ Three Heroes and Five Gallantsကို movieအနေနဲ့ပြန်ရိုက်ကူးထားတာပါ ~နန်ရီရွာ~ လူတွေမရှုမလှသေဆုံးမှုတွေကြောင့် ကလေးတွေကြားမှာပင် တဘောင်လင်္ကါတွေနဲ့ကျော်ကြားနေသောမြို ဟုတ်ပါတယ် တစ်နှစ်ထဲမှာတင် လူ၁၂ယောက်ပျောက်ဆုံးသေဆုံးပြီး သေဆုံးသူတွေကလည်း ဒုက္ခသည်တွေ ဆင်းရဲတဲ့မိသားစုဝင်တွေဖြစ်တာကြောင့် လူသေဆုံးမှုကိုအဲ့လောက်အရေးအရာမလုပ်ခဲ့ကြပါဘူး တဖြည်းဖြည်းအစောင့်တွေပါ သေဆုံးလာတဲ့အခါမှာ တေ ာ့ ရုံး တော်က ပညာရှိလူကြီးမင်းပေါင်ကိုစေလွှတ်ကာ ထိုကိစ္စကိုစစ်ဆေးစေခဲ့ပါတယ် ပညာရှိပေါင်ဟာ သူ့တပည့်ပေါင်ရှင်းနဲ့အတူတူသွားရင်း ထိုကိစ္စကိုစစ်ဆေးဖိုလုပ်ရင်း သူရဲကောင်းနန်ရှ ကျန်းတာ့ရှနဲ့တွေ့ဆုံခဲ့ပါတော့တယ် အဲ့လိုနဲ့သူတိုသုံးယောက်ဟာ စုံစမ်းရေးကိစ္စတွေလုပ်ရင်း သံသယရှိသူလုရိသောင်ကို စစ်ဆေးတဲ့အခါ ကူညီပေးမဲ့ သူရဲကောင်းနောက်တစ်ယောက် ပိုင်ယွီထန်းနဲ့ထပ်တွေ့ကြုံခဲ့ပါတယ် အဆင်ပြေပြေတွေ့ကြုံခဲ့တာတော့မဟုတ်ပါဘူး အခက်အခဲတွေကိုသူတိုလေးယောက်ဘယ်လိုကျော်ဖြတ်မလဲ? ဘယ်လိုတွေကြုံတွေ့ရမလဲ? နောက်ကွယ်မှာ ဘယ်လိုလှည့်စားမှုတွေရှိမလဲဆိုတာ ဇာတ်လမ်းလေးကိုကြည့်ရှူလိုက်ရအောင်နော် Quality : WEB-DL 1080p , 480p Format : mp4 Genres : Historical , Crime Runtime : 1h 37 min Subtitle : Myanmar Subtitle ( Hardsub ) Translated by CM Team Encoded by LK

“လူသားအားလုံး သာတူညီမျှ ဖြစ်သွားရင် ဘယ်သူက အုပ်ချုပ်မင်းလုပ်မှာလဲ…တဲ့ လူသားအားလုံးဟာ သာတူညီမျှ အခွင့်အရေးရသင့်ကြောင်း တွေးခေါ်နိုင်စွမ်းရှိတဲ့သူပေါ့ဗျာ” ကမ္ဘာအနှံ့မှာ လူ့အခွင့်အရေးအရ သာတူညီမျှဖြစ်နိုင်ဖို့ ယနေ့ထိတိုင် Ideology Revolution တွေ ဆင်နွှဲနေရဆဲပါ။ ပဒေသရာဇ်စနစ်တော်လှန်ရေးမှစပြီး ယနေ့ LGBTQ+ အခွင့်အရေးတွေအထိ ကျွန်တော်တို့ လူသားတွေ တော်လှန်ခဲ့ကြရာ သာတူညီမျှ အခွင့်အရေးရှိတဲ့ လူ့အဖွဲ့အစည်းဟာ တဖြည်းဖြည်းနဲ့ ရုပ်လုံးပေါ်လာခဲ့ပါပြီ။ သို့ပေမဲ့ ကျွန်တော်တို့နိုင်ငံအပါအဝင် ကမ္ဘာ့ဒေသတချို့မှာလည်း ခွဲခြားဆက်ဆံခံရမှုတွေ ရှိနေဆဲဖြစ်ပါတယ်။ အဲ့ဒီအထဲကမှ အိန္ဒိယနိုင်ငံဟာ လူတန်းစားခွဲခြားမှုကြီးမားပြီး ဇာတ်နိမ့်၊ ဇာတ်မြင့် စသဖြင့် အမျိုးမျိုး ခွဲခြားဆက်ဆံတဲ့ ပြဿနာဟာ ယနေ့ထိတိုင် ရင်ဆိုင်နေရဆဲ ဖြစ်ပါတယ်။ ဒီဇာတ်လမ်းလေးကတော့ အိန္ဒိယနိုင်ငံရဲ့ဇာတ်ခွဲခြားမှုအပေါ် အခြေခံပြီး လူ့အခွင့်အရေးအတွက် လှလှပပ တင်ဆက်ထားတဲ့ ဇာတ်ကားကောင်း ဖြစ်ပါတယ်။ ဇာတ်လမ်းအကျဉ်း ================ ဗီဂျာယာရာဂါဗန်ဟာ နိုင်ငံခြားကနေ ပြန်လာပြီးနောက် အိန္ဒိယနိုင်ငံ ရဲတပ်ဖွဲ့မှာ စတင်တာဝန်ထမ်းဆောင်မယ့် ရဲအရာရှိတစ်ယောက်ပါ။ နယ်ဘက်ကို တာဝန်ကျတဲ့အခါမှာတော့ လူတန်းစားခွဲခြားမှုတွေကို သိရပြီး ကသိကအောင့် ဖြစ်ရတာပေါ့။ တာဝန်ထမ်းဆောင်ရင်း တစ်နေ့မှာတော့ ပျောက်ဆုံးနေတဲ့ ဇာတ်နိမ့်အမျိုးသမီးငယ် ၃ ဦးထဲမှာ ၂ ဦးကို သေဆုံးလျက် တွေ့ရပြီး နောက်ကျန်တဲ့တစ်ဦးကိုတော့ သဲလွန်စ အစတောင် ရှာမရဘဲ ဖြစ်နေပါတယ်။ အာဒီတီဟာ လူ့အခွင့်အရေးအတွက် ဆောင်းပါးတွေရေးတဲ့ အိန္ဒိယအမျိုးသမီးလူငယ်ဖြစ်ပါတယ်။ ဗီဂျာယာရာဂါဗန်ရဲ့ ချစ်ဇနီးဖြစ်ပြီး ဇာတ်နိမ့်အမျိုးသမီး သုံးဦးအမှုမှာ လူ့အခွင့်အရေးအတွက် ရပ်တည်သူပီပီ အမှုမှန်ပေါ်ပေါက်ဖို့အရေး အစွမ်းကုန် ဗီဂျာယာရာဂါဗန်ကို ကူညီပေးမှာ အသေအချာပါပဲ။ ကူမာရန်ကတော့ ဇာတ်နိမ့်လူတန်းစားရဲ့ ခေါင်းဆောင်ဖြစ်ပြီး Revolution ကို ဦးဆောင်နေသူပါ။ ပျောက်ဆုံးနေတဲ့ အမျိုးသမီးငယ်သုံးဦးထဲမှာ သူ့ရဲ့ ညီမ ပါဝင်တာမို့ ယူကျုံးမရဖြစ်ပြီး ဒီအမှုကို သူ့နည်းသူ့ဟန်နဲ့ ဖော်ထုတ်ဖို့ ကြိုးစားလာနိုင်ပါတယ်။ ဒီအမှုက ရိုးရှင်းရဲ့လား…? နောက်ကွယ်မှာ ဘာတွေ ပါဝင်ပတ်သက်နေဦးမလဲ…? တွေးခေါ်စရာတွေ ငြင်းခုန်စရာတွေ အပြည်နဲ့ “ငါရော လူသားဆန်ရဲ့လား” ဆိုတဲ့ အဖြေကို ဖြေကြည့်ဖို့ အကောင်းဆုံးဇာတ်လမ်းတစ်ပုဒ်ဖြစ်ပြီး ကြည့်ရှုပြီးရင်တော့ အတွေးအခေါ်ကို တိုးတက်စေမှာ အသေအချာပါပဲ။ File size…1.9GB  / 1GB Quality…1080p True WEB DL  / 720p Format…mp4 Duration….2h 18m Subtitle….Myanmar Subtitle (Hard Sub) Encoder….YK Translated by Thet Ko & Kham Mon & OeliuJ & Sora

Where’s the Dragon (2015) တရုတ်ဒဏ္ဍာရီပုံပြင်တွေထဲမှာ ရာသီခွင်၁၂ကောင်အကြောင်းကို နည်းအမျိုးမျိုးနဲ့ရုပ်ရှင်ရိုက်ကြပေမယ့် အခုကာတွန်းကားလေးကတော့ ထူးထူးဆန်းဆန်းလေး ရိုက်ကူးထားပါတယ်။ ရာသီခွင်နတ်မင်း ၁၂ ပါး ရှိတဲ့အထဲကမှ ဩဇာအကြီးဆုံးဖြစ်တဲ့ နဂါးမင်းကပျောက်သွားပါတယ်။ နဂါးမင်းပျောက်နေတဲ့ နှစ် ၅၀၀ လောက်အတွင်း လူ့လောကကြီးမှာလည်း ကပ်ဘေးတွေ တစ်ခုပြီးတစ်ခု ဖြစ်လာရပါတယ်။ နဂါးနဲ့ဇာမဏီဆိုတာ အချင်းချင်းခရက်ရှ်နေကြတဲ့စုံတွဲလေးပေါ့.. အမှန်က ဇာမဏီပျောက်လို့နဂါးက လိုက်ရှာရင်း နဂါးပါပျောက်သွားတာပါ။ ပြီးတော့ နဂါးပျောက်လို့ ဇာမဏီရှာရင်းနဲ့ သူလည်းထပ်ပျောက်သွားပြန်ပါတယ်။ အစွမ်းအရမ်းထက်ပြီး အားအင်အကြီးဆုံးနှစ်ကောင်ကို ပျောက်အောင်ဖျောက်ပစ်လိုက်တာ ပိုးဟပ်ပါတဲ့.. အဲ့ဒီမှာဇာတ်လမ်းကစတာပါပဲ ရာသီခွင်နတ်မင်း ၁၂ ပါးကို အာရုံနောက်အောင်လုပ်နိုင်ပြီး နေရာအပြောင်းအလဲလုပ်ချင်နေတဲ့ ပိုးဟပ်ကြီးက ဘယ်လိုမျိုးဉာဏ်ဆင်ခဲ့လဲ? ချစ်စရာတိရစ္ဆာန် ၁၂ ကောင်လေးတွေကရော ဘယ်လိုကာကွယ်ပေးကြမလဲ? ရယ်စရာဟာသလေးတွေအပြင် ပညာပေးဗဟုသုတလေးတွေပါထည့်ထားပြီး အရမ်းချစ်ဖို့ကောင်းတဲ့ ကာတွန်းဇာတ်ကောင်လေးတွေမို့လို့ ကလေးကြီးတွေ အကြိုက်တွေ့ဦးမှာအမှန်ပါပဲဗျာ ။ ။ အညွှန်း နဲ့ ဘာသာပြန်ကတော့ JoJoVa ပဲ ဖြစ်ပါတယ်။ Genre….. Animation Quality…. 1080p | 720p | 480p File size… 1.3GB | 710MB | 343MB Format… mp4 Duration…. 1h 35min Subtitle…. Myanmar Subtitle (Hardsub) Translator ….. JoJoVa Encoder ….. August

Prem Kumar (2023) သို့ မချောနှစ်ယောက် ကိုယ်တစ်ယောက် IMDB 6.7 ရထားတဲ့ Telugu ကားသစ်ဖြစ်ပါတယ် Telugu မျက်နှာသိ မင်းသား Santosh Sobhan ပါဝင်ထားတဲ့ အချစ်ဟာသ ကားပါ ကျွန်တော်တို့ အိန္ဒိယရုပ်ရှင်လောက က romantic comedy အများစုမှာ ဇာတ်သိမ်းဆို မင်းသမီးက မင်္ဂလာဆောင်၊ မင်းသားက လက်ထပ်ပွဲကိုလာပြီး ပွဲဖျက်၊ မင်းသမီးရဲ့ မိဘတွေကို တရားချ၊ အားလုံးက ကြွေဆင်းပြီး သတို့သမီးကို လွှတ်ပေး၊ မင်းသားနဲ့ မင်းသမီးနဲ့ ဆည်းဆာချိန်ကို အတူတူလက်တွဲပြီး ပြေးသွား၊ ပိတ်ကားချ၊ ပြီးပါပြီ ဒါတွေနဲ့ပဲ သံသရာလည်နေတာပါ ဘယ်သူကမှ မင်းသမီးနဲ့ လက်ထပ်မယ့် သတို့သားက ဘယ်ပုံ ဘယ်ချမ်းသာ သူရဲ့ အိမ်မက် ရည်မှန်းချက်တွေ ခံစားချက်တွေ အသာထား မင်္ဂလာဆောင်ခမ်းခမ်းနားနားကြီးဖြစ်အောင် ဘယ်လို အကုန်အကျခံပြီး ပြင်ဆင်ထားလဲ ဆိုတာတောင် ဂရုစိုက်ကြမှာ မဟုတ်ပါဘူး ဇာတ်လိုက် PK ဆိုတဲ့ ပရမ်ကူမာ ကတော့ အဲဒီသတို့သားဖြစ်ပါတယ် သူ့ရဲ့ ကံဆိုးလှတဲ့ ရယ်ရခက် ငိုရခက် ဘဝဇာတ်ကြောင်းပါ အိမ်ထောင်ရေးကံမကောင်းတဲ့သူလို့ ပြောရအောင်လည်း ပီကေ က လက်ထပ်တဲ့နေ့မှာပဲ သတို့သားဘဝ ကနေ မတက်ပဲ ဖော်အဲဗား groom ဖြစ်နေပြီး မိန်းမလိုချင်တဲ့ အိပ်မက်က အပြီးမသတ်ပဲဖြစ်နေသူပါ… လူစင်စစ်ကနေ ဂျိုပေါက်ချင်နေတဲ့ သူဖြစ်ပါတယ် အဲဒီကနေ ဘယ်သို့ဘယ်ပုံ ပီကေတစ်ယောက် လက်ထပ်ပွဲပါရဂူတစ်ယောက်ဖြစ်လာလဲ ဆိုတာ ဆက်ကြည့်ရင်း CM ပရိသတ်ကြီး တစ်နေ့တာ အမောဖြေနိုင်ကြပါစေ အညွှန်းနဲ့ ဘာသာပြန်ကတော့ CM Bollywood Teamပဲ ဖြစ်ပါတယ်ခင်ဗျာ ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood)

ဒီတစ်ခါမှာ CM ပရိသတ်တွေကို တရုတ်ပြည်မှာနာမည်ကြီးခဲ့တဲ့ ရုပ်ရှင်ဇာတ်ကားလေးဖြစ်တဲ့ The Invisible Guest ဆိုတဲ့ကားလေးကို တင်ဆက်ပေးလိုက်ရပါတယ်။ ဇာတ်လမ်းကတော့ နာမည်ကြီးအဆောက်အဦးဒီဇိုင်းပညာရှင်မင်ဟောက်က မြန်စွေရဲ့ ဟိုတယ်တစ်ခုမှာအသတ်ခံလိုက်ရပါတယ်။အခင်းဖြစ်နေရာမှာပဲ အိမ်ခြံမြေလောကရဲ့ ရှင်ဘုရင်တစ်ပါးဖြစ်တဲ့ ရှားလုပ်ငန်းစုရဲ့ချွေးမဖြစ်သူ ချောင်ဝန်နာ့ကိုသံသယရှိသူအဖြစ် ဖမ်းဆီးခဲ့ပါတယ်။ဒါပေမဲ့ ချောင်ဝန်နာ့ကတချိန်လုံးသူ မသတ်ခဲ့ကြောင်းငြင်းဆန်ရင်း တနေ့မှာ ကျန့်ဝေ့ဆိုတဲ့ရဲအရာရှိတစ်ယောက်ကသူ့ကိုကူဖို့ အကြောင်းဖန်လာခဲ့တယ်။ အကြောင်းရင်းကတော့ ရဲအရာရှိကျန့်က ချောင်ဝန်နာ့လူသတ်ခဲ့တယ်ဆိုတာသံသယဝင်နေတာကြောင့်ပဲပေါ့။ ကဲဒီတော့ မင်ဟောက်ကိုသတ်တာကဘယ်သူများလဲ။ ဒီအမှုကကောဘယ်လိုတွေ ပတ်သက်နေတာလဲ။ ဘယ်သူတွေပတ်သက်နေတာလဲ။ ဘာကြောင့်လဲစတဲ့ စိတ်ဝင်စားစရာကောင်းတဲ့ အကြောင်းရာတွေအတွက် ဒီဇာတ်ကားလေးကိုအတူတူကြည့်ရူလိုက်ရအောင်

A Land Imagined(2018) *********************** IMDb…6.2 ဆိုက်​ထဲက အလုပ်​သမား၁​ယောက် ထူးထူးဆန်းပျောက်သွားတယ်…. ဒါ့ကြောင့် ရဲ(၂)ယောက် လာရောက်စုံစမ်းတဲ့အခါမှာ ပျောက်သွားတဲ့သူဟာ အလုပ်လုပ်နေစဉ်ကာလအတွင်းမှာ လက်ကျိုးခဲ့လေတော့ တခြားသူတွေလို အလုပ်ကြမ်းမလုပ်ရဘူး.. လက်ကျိုးတဲ့အတွက် ကားပဲမောင်းရတယ်လို့ဆိုတယ်.. ပြီးတော့ ညဘက်ဆိုလည်းပြန်ပြန်မအိပ်တာကြာပြီဟုသိရတယ်.. ကျွန်းတုလုပ်တဲ့ဘက်မှာလည်း ပျောက်သွားတဲ့သူဟာ တစ်ချို့နဲ့သိတယ်ဆိုတော့ ရဲ(၂)ယောက်ဟာ ဆက်လက်စုံစမ်းဖို့ထွက်သွားတယ်.. အဲဒီနောက်တော့ ဒီလူပျောက်မှုကိုစုံစမ်းရင်း ရဲတစ်ယောက်လည်း အထူးအဆန်းဖြစ်ရပ်တွေကြုံခဲ့ရတယ်.. ကိုင်း သူတို့စုံစမ်းတာတွေ့မလား ..ဘာကြောင့်ပျောက်သွားတာလဲ.. ခံစားကြည့်လိုက်ပါဦး… စင်္ကာပူဆိုတာ စက်မှုအထွန်းကားဆုံးစာရင်းဝင်သလို အချမ်းသာဆုံးနိုင်ငံတွေထဲမှာလည်းပါလေတော့ ဒီနိုင်ငံမှာလာရောက်လုပ်ကိုင်တဲ့အလုပ်သမားတွေလည်း ဒုနဲ့ဒေးပါပဲ…..ငွေးကြေးတန်ဖိုးကလည်း အမေရိကန်ဒေါ်လာနဲ့ ကပ်လျက်… ဒီကားကတော့ စင်္ကာပူမှာလာရောက်လုပ်ကိုင်နေတဲ့ အလုပ်သမားတွေအကြောင်းကို ရိုက်ပြထားသလို ပေးချင်တဲ့ Messageကောင်းတွေလည်း ရှိပါတယ်… ဒီကားရဲ့ ဒါရိုက်တာဖြစ်သူ Siew Hua Yeo ဟာ 2019ရဲ့အကောင်းဆုံး ဒါရိုက်တာဆုစာရင်းထဲမှာ ဆန်ကာတင်အဆင့် ပါရှိခဲ့ပါတယ်.. File Size : 1.76 GB, 551 MB Quality : WEB-DL 1080p, 720p Format…mp4 Duration…01:35:00 Genre : Mystery Subtitle : Myanmar Subtitle (Hard Sub) Translated by Megumi Encoded by AHtet

Journey to the End of the Night (2024) IMDb Rating (4.2) CM ပရိတ်သတ်ကြီးအတွက် ထူးထူးဆန်းဆန်းနဲ့စိတ်ဝင်စားစရာကောင်းတဲ့ဇာတ်လမ်းလေးတစ်ကားကို တင်ဆက်ပေးလိုက်ပါတယ်။ 3 Body Problem လိုမျိုး မရောက်လာသေးတဲ့ရန်သူကကိုယ့်ကိုအရင်လက်ဦးအောင် တိုက်ခိုက်ထားရင် ဆိုတဲ့ခံစားချက်မျိုး ဘယ်နေရာသွားသွားမလုံခြုံဘူး အကုန်စောင့်ကြည်နေတယ်ဆိုတဲ့ ဇာတ်လမ်းမျိုးသဘောကျတဲ့သူတွေအတွက် ကြည့်ကောင်းစေမဲ့ဇာတ်ကားလေးပါ။ ဇာတ်လမ်းအကျဉ်းလေးကတော့ ၂၀၂၉ ခုနှစ်မှာ အမေရိကန်နိုင်ငံကို တရုတ်ကဓာတ်အားတွေပြတ်တောက်သွားအောင်လုပ်ပြီး ဘာသတင်းအချက်လက်မှမရပဲ သတင်းအမှောင်ဖုံးလိုက်ပါတယ်။ ဒါပေမဲ့အမေရိကန်စစ်တပ်ကနေ လူငယ်တွေကိုစစ်ထဲထည့်ပြီးတော့ ပြန်လာခုခံဖို့ကြိုးစားပေမဲ့ ဓာတ်အားတွေလုံးဝမရှိတော့ ကျောက်ခေတ်ပြန်ရောက်သွားသလိုပဲ လူတွေကအစာရေစာငတ်ပြတ်လာတယ်။ ဒီလိုဝရုန်းသုန်းကားအခြေအနေကနေ ထိန်းချုပ်ဖို့ဘယ်လိုမှမတတ်နိုင်တော့တဲ့အခြေအနေမှာ အမေရိကန်စစ်တပ်လဲတကွဲတပြားစီဖြစ်ကုန်ပါတယ်။ ဒီလိုကမ္ဘာပျက်သလိုအခြေအနေမျိုးမှာမှ လူတွေကလဲပုံမှန်မဟုတ်ပဲ ထူးဆန်းလာကြပါတယ်။ လူတွေက စစ်တပ်ကလူတွေကို ပြန်ပြီးတိုက်ခိုက်လာကြပါတယ်။ ကျူးကျော်လာတဲ့ တရုတ်တွေကလဲပုံမှန်လိုမျိုးမဟုတ်ကြပါဘူး။တရုတ်တွေလဲဒီလို ဓာတ်အားပြတ်တာတွေကြုံနေရတာကို ဘာလို့အမေရိကန်ကိုကျူးကျော်လာတာလဲဆိုတာ ဘယ်သူမှရှင်းမပြနိုင်ကြဘူး။ အမေရိကန်စစ်တပ်ထဲမှာတင်ကို ကျောက်ခေတ်လိုဖြစ်သွားတော့ဘယ်လိုမှတခြားနေရာတွေမှာဖြစ်ပျက်နေတာတွေကို မသိနိုင်ကြပါဘူး။ ဘာလို့ဒီလို ကိုယ့်လူအချင်းချင်း ပြန်တိုက်နေရတာလဲလူတွေကလဲ ဘယ်လိုဖြစ်ပြီးတော့ ဒီလိုအခြေနေကြီးမှာ ပုံမှန်မဟုတ်တာတွေဖြစ်လာရတာလဲဆိုတာကိုတော့ စိတ်ဝင်စားစရာကောင်းအောင်လို့ ဆက်လက်ပြီးကြည့်ရှုလိုက်ကြပါဦး။ (အညွှန်းနဲ့ဘာသာပြန်ကတော့ K.Hein ဖြစ်ပါတယ်။) File size…(2.9 GB) / (1.3 GB) Quality….WEB-Rip 1080p HEVC / 720p Format…. mkv/mp4 Genre….Science Fiction Duration….01:57:52 Subtitle….Myanmar Subtitle (Hardsub) Encoder….Double K Translated by K.Hein

The Ledge (2011) IMDb Rating (6.5) ဟိုးအမြင့်ကြီးက အမိုးစွန်းနားလေးမှာ သေကြောင်းကြံစည်ဖို့ ခုန်ချတော့မယ့် လူတယောက်… လေတွေက တဟူးဟူးနဲ့ အသည်းယားစရာ ရပ်နေ… ဒီတော့ ရဲစခန်းကစုံထောက်တယောက်ရောက်ချလာပြီး ပြတင်းပေါက်နားကနေ ဒီလူ့ကို နားချတယ် …. ဘာလို့ခုန်ချမှာလဲ…အိမ်ထောင်ရှိလို့လားတဲ့ ဟိုလူက မရှိပါဘူးတဲ့… ဟ..အိမ်ထောင်လဲမရှိဘဲ ဘာတွေစိတ်ညစ်လို့ ခုန်ချမှာလဲ ငါ့ကောင်တဲ့။ ဒီတော့ ခုန်ချမယ့်လူက ပြန်ပြောတယ် စုံထောက်ကြီး…ခင်ဗျားကတော့ သေချာပေါက်အိမ်ထောင်ရှိပုံပဲတဲ့။ ဒီလိုနဲ့ သူတို့နှစ်ယောက်ဟာ တယောက်ပြသနာတယောက်သိသွားကြပြီး အမိုးစွန်းနဲ့ ပြတင်းပေါက်နားကနေ သူတို့ဘဝတွေကို နောက်ကြောင်းပြန်ကြပါတော့တယ်။ ယောကျ်ားတယောက်ဘဝကို ဘယ်အရာကများ ကပြောင်းကပြန် လှုပ်နိုင်စွမ်းရှိမလဲ…. သိပ်သေချာတာပေါ့ဗျာ ဣတ္ထိယ မိန်းမတို့ပါပဲ…. ဘယ်လိုတွေဖြစ်လို့ အမိုးစွန်းကနေ ကိုယ့်ကိုယ်ကိုခုန်ချဖို့ထိ ဆုံးဖြတ်သွားရတာလဲဆိုတာတော့ အသည်းတယားယားနဲ့ကြည့်ရှုကြရမှာပါ။ အသည်းယားဆို မင်းသမီးက Liv Tyler ကြီးဗျ…. လူ့သဘာဝရဲ့အမှောင်ခြမ်းတွေကိုရိုက်ထားတာဆိုတော့ အိပ်ရာခန်းတချို့နဲ့ လှုပ်လှုပ်ခတ်ခတ် ဇာတ်နာထားရပါသေးတယ်။ မင်းသားတွေကတော့ Charlie Hunnam , Patrick Wilson , Terrence Howard တို့နဲ့ လေးလေးနက်နက်ဇာတ်ကားတကားပါပဲ။

A Kind of Madness ဟာ 2025 မှာပူပူနွေးနွေးထွက်ရှိထားတဲ့ Family Drama ဇာတ်လမ်း အမျိုးစားဖြစ်ပြီး မိသားစုဝင်တွေ၊ အထူးသဖြင့် ခင်ပွန်းနဲ့သမီး၊ မိဘနဲ့သားသမီး၊ မောင်နှမအချင်းချင်းကြားက လက်တွေ့ဆန်တဲ့ ချစ်ခြင်းမေတ္တာလွန်ဆွဲမှုတွေကို အလှပဆုံးပုံဖော်ထားတဲ့ ဇာတ်ကားကောင်းတစ်ကားဖြစ်ပါတယ်။ သရုပ်ဆောင်များ – Ian Roberts (Dan အဖြစ်) – Sandra Prinsloo (Ellie အဖြစ်) – Ashley de Lange (Lucy အဖြစ်) – Erica Wessels (Olivia အဖြစ်) – Luke Volker (Relph အဖြစ်) ဇာတ်လမ်းအကျဥ်း ++++++++++ Ellie ဆိုတဲ့ အသက် ၇၀ ကျော်အရွယ်အမျိုးသမီးကြီး တစ်ဦးဟာ သူငယ်ပြန်ရောဂါကို ခံစားနေရပြီး သားသမီးတွေကလည်း အလုပ်ကိုယ်စီနဲ့မို့ အချိန်ပြည့် ကြည့်ရှုမပေးနိုင်လို့ အရူးထောင်ကို ပို့ထားကြရပါတယ်။ ဒါပေမဲ့ Ellie ရဲ့အမျိုးသား Dan ကတော့ နှစ်ပေါင်း ၅၀ ကျော်ကြာ Ellie ကိုပဲ ချစ်မြတ်နိုးခဲ့သူပီပီ Ellie မရှိတဲ့ဘဝမှာ မနေချင်တော့လို့ သေကြောင်းကြံဖို့တောင် စဥ်းစားမိတဲ့ အထိပါပဲ။ ဒါကြောင့် Ellie ဖြစ်ချင်သမျှ အကုန်ဖြည့်ဆည်းပေးဖို့ Ellie ကိုအရူးထောင်ကနေ ခေါ်ထုတ်လာပြီး ၂ ယောက်သား ငယ်စဥ်တုန်းက ခိုးပြေးခဲ့ကြသလို စွန့်စားခရီးထွက်ကြပါတော့တယ်။ သားသမီးတွေကလည်း သူတို့အမေတစ်ခုခုဖြစ်မှာစိုးတဲ့အတွက် အဖေနဲ့ အမေကို ခွဲထုတ်ဖို့ နောက်ကနေ အသည်းသန် လိုက်တားကြပါတယ်။ ဒီကားလေးကို ကြည့်ပြီးရင် အသက်ကြီးလို့ သူငယ်ပြန်တဲ့သူတွေဟာ သူတို့မျက်လုံးထဲ ဘာတွေမြင်နေကြတာလဲဆိုတာ နားလည်လာပြီး အဲ့လိုလူတစ်ယောက်ကို မိသားစုဝင်တွေအနေနဲ့ ဘယ်လိုအကောင်းဆုံး ချစ်ပေးနိုင်မလဲဆိုတာနဲ့ သူတို့ရဲ့ အဆုံးသတ်က ဘာဖြစ်မလဲဆိုတာတွေရယ်ကိုတော့ ဇာတ်ကားထဲမှာ စောင့်မျှော်ကြည့်ရှုကြရမှာဖြစ်ပါတယ်။ File Size… (2.4 GB) / ( 1.51 GB) Quality… WEB-DL 1080p HEVC /720p Format…mkv / mp4 Duration….1h 39m Genre …..Drama Subtitle….Myanmar Subtitle (Hard Sub) Encoder….Min Wai Translated by Vic

ဒီတစ်ခါမှာတော့ Joker ထဲကမင်းသားကြီး Joaquin Pheonix နဲ့ Vince Vaughnတို့ပါဝင်ထားတဲ့ Clay Pigeon ဆိုတဲ့ဇာတ်ကားလေးကိုတင်ဆက်ပေးချင်ပါတယ် “အားလ်”ဆိုတဲ့လူဟာ သူ့မိန်းမ”အမန်ဒါ”နဲ့ သူငယ်ချင်းဖြစ်သူ”ခလေး”တို့ဖောက်ပြန်နေကြတယ်ဆိုတာကိုသိသွားပြီး မခံမရပ်နိုင်ဖြစ်ကာ သူ့ကိုယ်သူသတ်သေသွားပါတယ် ဒါပေမဲ့ ရိုးရိုးသတ်သေတာမဟုတ်ဘဲ သူငယ်ချင်းဖြစ်သူ”ခလေး”က သတ်ခဲ့တာလို့ထင်ရအောင်တမင်အကွက်ချခဲ့ပါတယ် “ခလေး”ကလည်း သူမကျူးလွန်ခဲ့တဲ့ပြစ်မှုအတွက်ထောင်ကျမခံချင်တာကြောင့်အလောင်းဖျောက်ခဲ့ပါတယ် ပြီးတော့ သူ့ကြောင့် သူ့သူငယ်ချင်းကကိုယ့်ကိုကိုယ်သတ်သေခဲ့ရတဲ့အတွက်လည်း ယူကြုံမရဖြစ်နေရပါတယ် အဲ့ဒါကြောင့်ပဲ အမန်ဒါနဲ့ထပ်မပက်သက်တော့ဘဲအဆက်ဖြတ်လိုက်တော့တယ် ဒါပေမဲ့ အမန်ဒါဘက်ကတော့မရပ်ဘဲဆက်လက်ကပ်တွယ်နေပါတယ် အဲ့အချိန်မှာပဲ ခလေးက “လက်စတာလောင်း”ဆိုသူနဲ့ ခင်မင်လာခဲ့တယ် ဒါပေမဲ့ လက်စတာလောင်းဟာ သာမန်လူမဟုတ်ဘဲ ကွင်းဆက်လူသတ်သမားဖြစ်နေပြီး အမန်ဒါကိုပါသတ်ပစ်လိုက်တဲ့အခါ…… လူပေါင်းမှားမိတဲ့ခလေးတစ်ယောက် ဘယ်လိုဒုက္ခတွေရင်ဆိုင်ရဦးမလဲ File size…(2.5 GB)/(1.3 GB) Quality….Webrip HEVC 1080p / 720p Format…mp4/ mkv Duration….01:48:00 Genre…Crime, Comedy, Drama, Romance Subtitle….Myanmar Subtitle (Hardsub) Encoder….Swan Min Htet Translated by Ruby Jane

ဒီကားလေးကတော့ ရှေးခေတ်ကားလေးတွေလို black and white ကားလေးဖြစ်ပြီး အေးဆေးလေးစိတ်ပြေလက်ပျောက် ဇာတ်ကားကြည့်ရင်းအနားယူချင်တဲ့သူတွေအတွက် ကြည့်လိုကောင်းမဲ့ဇာတ်ကားလေးဖြစ်ပါတယ်ဗျ။ ဇာတ်လမ်းလေးကတော့ စိတ်ပိုင်းဆိုင်ရာနဲ့ပတ်သက်တဲ့ကားလေးဖြစ်တာကြောင့် ကြည့်နေရင်းမသိလိုက်ခင်မှာပဲ အာရုံကိုဖမ်းစားနိုင်တဲ့ ဇာတ်ကားကောင်းလေးပဲဗျ။ ဇာတ်လမ်းလေးရဲ့အကြောင်းအရာက ဆရာဝန် Martin နဲ့ Karina ဆိုတဲ့လင်မယားဟာ တစ်နေ့မှာကောင်မလေးရဲ့အဖေဆီအပန်းဖြေအနားယူဖိုသွားကြတယ်။Karina ရဲ့ အဖေဖြစ်တဲ့ David ဟာ စာရေးဆရာဖြစ်ပြီးတော့ သူ့ဆီမှာလျှို့ဝှက်ချက်တွေဟန်ဆောင်မှုတွေကို စကားပြောမျက်နှာထားဟန်ပန်နဲ့ ဖုံးကွယ်ထားပြီး‌နေ နေတာကို တွေ့ရတယ်။Minus ဆိုတဲ့မောင်ဖြစ်သူတစ်ယောက်လည်း ရှိသေးတယ်။ဒီကောင်လေးကတော့ လူပျိုဝင်ခါစဆိုတော့ အမြဲတမ်း Karina ကို ရန်ရှာလိုက် လေသံမာမာနဲ့ပြန်အော်လိုက်လုပ်နေတော့တယ်။ ဒီလိုရှုပ်ထွေးနေတဲ့မိသားစုတွေဟာ လာဆုံနေကြပြီး Karina ဆီမှာလဲ စိတ်ရောဂါတစ်ခုရထားလို့ ကုသမှုခံယူနေတယ်။ဟောဒီအချိန်မှာ Karina ဟာ သူ့ရဲ့စိတ်ရောဂါပြဿနာကိုဘယ်လိုဖြေရှင်းမလဲ၊ ဘာတွေထင်ယောင်ထင်မှားတွေ မြင်နေရလဲ၊အမှားလားအမှန်လား မခွဲခြားနိုင်တဲ့အကြောင်းကို ဘယ်လိုရင်ဆိုင်သွားမလဲဆိုတာ ကြည့်လိုက်ကြရအောင်။ File size…(1.4 GB)/(1 GB) Quality….Blu-Ray 1080p / 720p Format… mp4 Duration…. 01:30:00 Genre… Drama Subtitle….Myanmar Subtitle (Hardsub) Encoder….Garfield Translated by Noah