IMDb - 6.5/10 ဒီDocumentaryဟာ ၂၀၁၉ ​တောင်ကိုရီးယားနိုင်ငံမှာ ဖြစ်ပွားခဲ့တဲ့ အကြီးကျယ်ဆုံး ဆိုက်ဘာပြစ်မှု​တွေထဲက၂ခုအ​ကြောင်း ဖြစ်ရပ်မှန်​တွေကို ရိုက်ကူးတင်ဆက်ထားတာ ဖြစ်ပါတယ်၊ IT​ခေတ် ဖြစ်တာနဲ့အညီ နည်းပညာနဲ့ ကျွမ်းဝင်သူ​တွေ များသလို ဒီနည်းပညာကိုသုံးပြီး မသိနားမလည်သူ​တွေအ​ပေါ် ကျူးလွန်လာတဲ့ဆိုက်ဘာပြစ်မှု​တွေက တစ်​နေ့တခြား များလာသလို နည်းလမ်း​တွေလည်း ပိုစုံလာပါတယ်၊ ဒီ Documentary မှာဆိုရင်​ နည်းပညာကိုအသုံးချပြီး လိင်ပိုင်းဆိုင်ရာ အမြတ်ထုတ် စီးပွားရှာသွားသူ​တွေအ​ကြောင်း မြင်​တွေ့ရမှာပါ။ ဘယ်လိုပုံစံမျိုး​ ကျူးလွန်သွားမလဲဆိုတာ အညွှန်းထဲရေးတာထက် ကိုယ်တိုင်ကြည့်လိုက်တာက ပိုပြီးအ​ဆင်​ပြေပါတယ်၊ ​ ဒီ​​နေ့​ခေတ်မှာ လူတိုင်းကြုံ​တွေ့​နေရတဲ့ အခက်အခဲတစ်ခုကိုပဲချနင်းပြီး ငွေသန်းချီ ရှာသွားခဲ့ကြတာတွေ၊ သူတို့ရဲ့​ကျော့ကွင်းထဲ သက်​ဆင်းသွားတဲ့ မိန်းမပျို​တွေ ဘယ်​လောက်ထိ ထိခိုက်နစ်နာခဲ့ရလဲ ဆိုတာ​တွေကို မြင်​တွေ့ရမှာပါ၊ နစ်နာသူ မိန်းက​လေး​တွေထဲမှာ အသက်မပြည့်​သေးသူ​တွေပါ ပါဝင်​နေတာက အ​တော်ကို ဆိုးပါတယ်၊ မြန်မာနိုင်ငံမှာလည်း လိင်ထိပါး​စော်ကားမှုအဖြစ်အပျက်​တွေ မကြာခဏဆိုသလို မြင်​တွေ့​နေရချိန် ဒီ Docuကို ကြည့်ပြီး ​ရှောင်သင့်၊ ဆောင်သင့်တာ​တွေ သိသွားနိုင်ဖို့ ​မျှော်လင့်ပါတယ်၊ ဘယ်သူ​တွေ ကြည့်သင့်လဲဆိုရင်​တော့ ကျား၊ မ မဟူ ဘယ်သူမဆို ကြည့်သင့်ပါတယ်၊ လိင်မုဆိုး​တွေ ဘနဖူးသိုက်တူးသူ​တွေက ကျား၊ မ ​ရွေးနေမှာ မဟုတ်လို့ပါပဲ။ အညွှန်း နဲ့ ဘာသာပြန်ကတော့ JimX ပဲ ဖြစ်ပါတယ်။ Genre..... Crime, Documentary Quality….1080p | 720p| 480p File size…1.4GB | 546MB | 275MB Format…mp4 Duration…. 1h 45min Subtitle….Myanmar Subtitle (Hardsub) Translator ..... JimX Encoder ..... August

အားလုံးပဲ သိုင်းကားတွေအချစ်ကားတွေ မှုခင်းကားတွေပဲကြည့်ပြီး ရိုးအီနေကြလောက်ရောပေါ့ ဒီတစ်ခါတော့ CMကနေသရဲကားကောင်းကောင်းလေးကို တင်ဆက်ပေးသွားမှာပါ ပဟေဠိပေါင်းစုံ စကားပုံပေါင်းစုံနဲ့ ဟယ်ရှီလင်မြိုကလေး ပိုပြီး လူသိများတာက တော့ ဟယ်ရှီလင်မြိုရဲ့နာကြည်းချက်မြစ်ပါပဲ အဲ့မြစ်နာမည်ဘယ်လိုဖြစ်ပေါ်လာရလဲဆိုရင် အငြိုးအာဃာတ မကျေနပ်ချက် နာကြည်းချက်တွေနဲ့ သေဆုံးရသူတွေဟာ မကျွတ်မလွတ်ဘဲ အဲ့မြစ်မှာသရဲတစ္ဆေသွားဖြစ်ကြလိုပါပဲ လတိုင်းရဲ့၁၅ရက်နေ့မြောက်ရောက်ရင် မှော်ဆရာတွေဟာ အဲ့မြစ်ကိုသွားပြီးဝိဉာဥ်ဆင့်ခေါ်ကာ လူပြန်ဝင်စားဖို အာဃာတတွေလွှတ်ချဖို လုပ် ဆောင်ပေးရပါတယ် မလုပ်ဆောင်ပေးနိုင်ဘဲ စိတ်ဆိုးအောင်လုပ်မိရင်တော့ ဟယ်ရှီလင်တစ်ရွာလုံး ဘေးဒုက္ခဆိုးကြီးကျရောက်ပြီး လူတွေသေကြေကြရမှာပါ ဒီဇာတ်လမ်းထဲမှာလည်းအစပြုထားတာက ရွှအခေါင်းဆိုင်ကအလုပ်သမား ကျိုးလော့ဟန်ပျောက်ဆုံးရာကနေစတင်ခဲ့တာပါ သူက လျိုအိမ်တော်ကလူနှစ်ယောက်သေဆုံးချိန်ရှိသောလူ သူမိန်းမသေဆုံးပြီးပျောက်သွားသောလူဖြစ်တာကြောင့် စုံထောက်လျိုကဒီကိစ္စကိုစုံစမ်းဖို ဟယ်ရှီလင်ရွာရောက်လာပါတော့တယ် အယုံအကြည်မရှိတဲ့လူက ဘယ်လိုဖြစ်ရပ်ဆန်းတွေ ကြုံတွေ့ရမလဲ? တကယ့်တရားခံကရော ဘယ်သူလဲ? ဒီကိစ္စကိုရော ကိုင်တွယ်နိုင်ပါ့မလား?ဆိုတာ ဇာတ်လမ်းလေးထဲ ရင်တဖိုဖိုနဲ့ ကြည့်ကြရအောင်နော် [ Reviewed By Kong Hou ] Quality : WEB-DL 1080p , 480p Format : mp4 Genres : Thriller , Mystery Runtime : 1h 13 min Subtitle : Myanmar Subtitle ( Hardsub ) Translated by CM Team Encoded by LK

IMDb...8.1 ရည်မှန်းချက်ကြီးတာ ကောင်းသလားလို့မေးရင် ကောင်းတာပေါ့လို့ပဲ အတော်များများက ဆိုကြမယ်ထင်ပါရဲ့ ဒါပေမဲ့ အဲဒီရည်မှန်းချက်ဆိုတာကြီးကို အကျင့်စာရိတ္တနဲ့ ကိုယ်ကျင့်တရားက ချွန်းလို မအုပ်နိုင်ရင်တော့ ကိုယ်တင်မကဘူး ကိုယ့်ဘေးက လူတွေကိုပါ ပျက်စီးစေတတ်တယ်ဆိုတာကို ဒီဇာတ်ကားရယ် Shakespeare ရေးခဲ့တဲ့ Macbeth ပြဇာတ်ရယ်က သက်သေခံနေပါတယ်.... နာမည်က မီယန်မက်ဘူး သိပ်တော်ပြီး ပါးနပ်လို့ ပါပါကြီးဆိုတဲ့ မွမ်ဘိုင်းက မာဖီယားခေါင်းဆောင်ကြီး အားအကိုးရဆုံး ညာလက်ရုံးတစ်ယောက်ပေါ့ ပါပါကြီးနားမှာ သူနေလာခဲ့တာ ၂၅ နှစ်ရှိပြီ ပါပါကြီးရဲ့အသက်ကို ကယ်ခဲ့ပေါင်းလည်းမနည်းဘူး ပါပါကြီးကလည်း သူမှသူ ဆိုပါတော့လေ ဒါပေမဲ့ သူ့မှာ လျှို့ဝှက်ချက်တစ်ခုရှိတယ် အဲဒါကတော့ ပါပါကြီးရဲ့အမြှောင်မယား နင်မီနဲ့ တိတ်တိတ်ပုန်းချစ်ကြိုက်နေတာပါပဲ မဖြစ်သင့်တဲ့အချစ်တစ်ခုရယ် ဘေးနားက မြှောက်ထိုးပင့်ကော်လုပ်တတ်သူတွေရယ်ကြောင့် စိတ်အလိုလိုက်ပြီး ထင်ရာစိုင်းမိတဲ့ မက်ဘူးတစ်ယောက် တွေ့ကြုံရတဲ့ကံကြမ္မာတွေကတော့- Awards မျိုးစုံရရှိထားပြီး နာမည်ကျော်မင်းသားကြီး Irrfar Khan က မက်ဘူးအဖြစ် သရုပ်ဆောင်ထားပါတယ် File Size : (2.02GB)  ,(957 MB) , (164MB) Quality :Blu-Ray1080P5.1Ch,720p Format…mp4 Duration…02:12:00 Genre :Crime,Drama & Thriller Subtitle : Myanmar Subtitle (Hard Sub) Translated by May Myat Thu Encoded by Phyo Pyae

ဒီတစ်ခါတင်ဆက်ပေးမှာကတော့ Manchurian Tiger ဆိုတဲ့ တရုတ်ဒရာမာဟာသကားလေးဖြစ်ပါတယ်။ မန်ချူးရီးယန်းကျားဆိုတာကမ္ဘာမှာအရှားပါးဆုံးမျိုးနွယ်ဝင်မျိုးကျားတစ်မျိုးဖြစ်တယ် ။ လူတွေဟာရှားပါးမျိုးနွယ်ဝင်ကျားကိုထိန်းသိမ်းစောင့်ရှောက်ဖို့ တိရိစ္ဆာန်ရုံမှာပိတ်လှောင်ထားသလိုပဲ လူတိုင်းရဲ့စိတ်ထဲမှာလဲပိတ်လှောင်ထားတဲ့ သားရဲတစ်ကောင်ရှိတယ် ဆိုတဲ့သဘာဝကိုဖော်ကျူးချင်တာဖြစ်ပါတယ်။ မေလင်ဟာ မီးဖွားခါနီး ကိုယ်ဝန်နေ့စေ့လစေ့နဲ့ အမျိုးသမီးတစ်ယောက် ဖြစ်ပါတယ်။ ခင်ပွန်းဖြစ်သူ ရွှီတုန်းကတော့ ခွေးချစ်သူတစ်ယောက်ပါ။ ဇနီးဖြစ်သူ မီးဖွားပြီးရင် ကလေးငယ်နဲ့ခွေးကိုဆက်မွေးဖို့အဆင်မပြေတာကြောင့် ရွှီတုန်းဟာ မာချန်လီဆီမှာ ခွေးလေးကို အပ်ထားလိုက်ပါတယ်။ မာချန်လီကတော့ အကြွေးတွေပိနေတဲ့ ဆောက်လုပ်ရေးလုပ်ငန်းရှင်တစ်ယောက်ပါ။ ကံမကာင်းစွာနဲ့ပဲ ခွေးလေးဟာ မာချန်လီ လက်ထဲမှာ သေသွားပါတယ်။ အဲဒီလိုနဲ့ ရွှီတုန်းဟာ ဒေါသတကြီးနဲ့ မာချန်လီကိုလက်စားလိုက်ချေပါတော့တယ်။ လက်စားချေဖို့ကြိုးစားတိုင်းမအောင်မြင်ဘဲ သူထင်ထားသလို မဟုတ်တဲ့ မာချန်လီအကြောင်းတွေကိုသာသိလိုက်ရပါတယ်။ တစ်ချိန်တည်းမှာပဲ မေလင် တစ်ယောက် မထင်မှတ်ဘဲနဲ့ သူ့ယောင်္ကျားရဲ့လျို့ဝှက်ချက်ကိုသိသွားပါတော့တယ်….. ဘာတွေ ဆက်ဖြစ်မလဲဆိုတာကိုတော့ ဖန်သားပြင်ထက်မှာ ဆက်လက်ကြည့်ရှုကြရအောင်ပါ။ ဒီကားလေးဟာ Genre မှာ Drama / Comedy ဆိုပေမယ့် ကိုယ့်ရဲ့တစ်ဦးတစ်ယောက်ထဲအမြင်အရ ဒရာမာဘက်ပိုရောက်တယ်လို့ ပိုခံစားမိပါတယ်။ ဘဝမှာ တချို့အရာတွေက ရယ်စရာလိုဖြစ်နေပေမယ့် ခါးသီးတဲ့အမှန်တရားတွေဖြစ်နေတတ်တာပဲမဟုတ်လား။ CM ပရိသတ်ကြီးကရော ဘယ်လိုမြင်လဲဆိုတာ အဆုံးကြည့်ပြီး ဆွေးနွေးသွားကြပါဦး။ အညွှန်း နဲ့ ဘာသာပြန်ကတော့ Nu Mon ပဲ ဖြစ်ပါတယ်။ Genre.....Comedy, Drama Quality….WEB-DL 1080p and 720p and 480p File size…1.69GB and 877MB and 284MB Format…mp4 Duration….1h 59min Subtitle….Myanmar Subtitle (Hardsub) Translator ..... Nu Mon Encoder ..... LK

Polly Pocket Sparkle Cove Adventure (2023) ================================ IMDb Rating – 6.8/10 သာမန်လူသားတွေ မမြင်နိုင်တဲ့ Dimension တွေမှာ Pockite လို့ခေါ်တဲ့ မှော်ကျောက်မျက်မျိုးစုံ ပျံ့နှံ့တည်ရှိနေပါတယ်။ Pockite အရောင်ကွဲတွေ တိုင်းမှာ ကိုယ်စီအစွမ်းသတ္တိတစ်မျိုးစီ ရှိကြတာပါ။ ဒီကျောက်မျက်ကို မျိုးရိုး စဉ်ဆက် လက်ဆင့်ကမ်းအသုံးချတဲ့ Pockite ကိုင်ဆောင်သူတွေလည်း ကမ္ဘာ အနှံ့၊ Dimension အစုံမှာ ရှိနေကြပါသေးတယ်။ Pockite တို့ပေါ်ရာမြေကို တော့ Sparkle Cove လို့ခေါ်ပြီး Prudence Pocket ဆိုတဲ့ နယ်လှည့်ခရီး သည်မိန်းကလေးတစ်ယောက်က Pockite ပေါင်း ၃၀၀ ကျော်ကို ရှာဖွေတွေ့ ရှိခဲ့တာပါ။ မှော်အစွမ်းမျိုးစုံနဲ့ Pockite တွေအားလုံးကို ကိုယ့်အမျိုးအတွက်ပဲ သုံးမယ့်အစား Prudence က သူ့မျိုးဆက်တွေကို ခရမ်းရောင် Pockite တစ် မျိုးပဲ အမွေပေးပါတယ်။ ချုံ့/ချဲ့သတ္တိရှိတဲ့ ခရမ်းရောင် Pockite လေးကို အဆင့်ဆင့်လက်ဆင့်ကမ်းလာ ရင်း Prudence မျိုးဆက်ပီသပြီး စွန့်စားရတာကြိုက်တဲ့ Polly Pocket အလှည့် ရောက်လာပါတော့တယ်။ ဆယ်ကျော်သက်ပီပီ ဖြစ်နိုင်ချေမှန်သမျှကို စမ်းကြည့် ချင်မိတဲ့ Polly ကတော့ Pockite တစ်ခုတည်းနဲ့ မကျေနပ်နိုင်ဘဲ အမွေတစ်မျိုးပဲ ချန်ခဲ့တဲ့ အဘေးတကာ့အဘေးဖြစ်သူ Prudence အကြောင်း လှန်လှောစုံစမ်းတော့ တာပါပဲ။ ဒီလိုနဲ့ Sparkle Cove ရဲ့ ဆယ်နှစ်တစ်ခါ အစောင့်အကြပ်ရာထူးလွှဲပြောင်း ဖို့ ကျင်းပတဲ့ပြိုင်ပွဲမှာ ခရမ်းရောင် Pockite ကိုင်ဆောင်သူအနေနဲ့ Polly တစ်ယောက် ဖိတ်ခေါ်ခြင်းခံရပါတော့တယ်။ နေရာအသစ်မှာ အခြားသော Pockite ကိုင်ဆောင်သူတွေနဲ့ အတွေ့အကြုံအသစ် ရမှာမို့ မှော်ကျွန်းတစ်ကျွန်းရဲ့ စွန့်စားခန်းပြိုင်ပွဲထဲ Polly ဝင်ပါမိတဲ့နောက် Pockite တွေရဲ့ တကယ့်ရည်ရွယ်ချက်ကိုနားလည်စရာ အကြောင်းဖန်လာပါတော့တယ်။ Magical adventure story ကောင်းလေးတွေ ကြိုက်တတ်သူတွေအတွက် မပျင်း တမ်းကြည့်ရ၊ ဇာတ်ကောင်တွေနေရာကနေပါ ဝင်ရောက်ခံစားကြံစည်မိစေမယ့် ဇာတ်လမ်းကောင်းလေးဖြစ်ကြောင်း Recommend ပေးလိုပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Hnin Wut Yi ဖြစ်ပါတယ်) File Size……….(1 GB) / (455 MB) Quality…………WEB-DL 1080p / 720p Duration………1Hr 06Min Subtitle………..Myanmar Hardsub Format…………MP4 Genre…………..Family, Animation Translator……Hnin Wut Yi Encoder……….SWM

Long Live Love! (2023) Comedyပိုင်တဲ့ Sunnyနဲ့Chompooတို့ရဲ့ “အချစ်သည် သက်တော်ရာကျော် ရှည်ပါစေသတည်း” ဆိုတဲ့ ရုပ်ရှင်ဇာတ်ကားကြီး Netflix ကနေ ထွက်ရှိလာပါပြီ GAPက Beckyလေးကလည်း ပါဝင်ထားပါသေးတယ် ဒီကားကတော့ အလွယ်ပြောရရင်လူတွေရဲ့ အချစ်နဲ့ ဘဝအပေါ် အမြင်တွေကို မေးခွန်းထုတ်သွားတာပါပဲ။ ဒီလိုမျိုး ကြုံလာရရင် ဘာလုပ်မလဲ လက်လျှော့မလား ပြန်ကြိုးစားမလားဆိုတာပေါ့။ အမှန်တရားဆိုတာ ရှုထောင့်အပေါ်မူတည်တယ်ဆိုသလိုပဲ ဘယ်လိုဆုံးဖြတ်ရင် အမှားလည်း အမှန်လည်း ပြောဖို့လည်းမဖြစ်နိုင်ပါဘူး။ ဒီရုပ်ရှင်ထဲမှာ ပြောသွားသလိုပါပဲ – “လူတစ်ယောက်ကို အရမ်းချစ်မိသွားရင် ကိုယ့်ကိုယ်ကိုယ်ချစ်ဖို့ မေ့သွားတတ်တယ်” တဲ့။ ဒီတော့ ကိုယ့်ကိုယ်ကိုယ်ပြန်ချစ်တာကအမှန်လား လူတစ်ယောက်ကိုပဲ အရမ်းဆက်ချစ်သွားတာက အမှန်လား။ ဒီရုပ်ရှင်မှာတော့ အဓိက ဆေတီ နဲ့ မယ်တာဆိုတဲ့ စုံတွဲလေးက ပါဝင်ထားပါတယ်။ သူတို့အရမ်းချစ်တဲ့စုံတွဲပါ၊ အရမ်းလည်းမုန်းတဲ့စုံတွဲပါ၊ သစ္စာမရှိတဲ့စုံတွဲပါ၊ သစ္စာလည်းရှိတဲ့စုံတွဲပါ၊ နားလည်မှုမရှိတဲ့စုံတွဲပါ၊ အရမ်းနားလည်ပေးတဲ့စုံတွဲလည်းဟုတ်ပါတယ်။ ဒီတော့ အချစ်ကို သက်တော်ရာကျော်ရှည်စေချင်တာ စုံတွဲတိုင်းပါပဲ။ လက်တွေ့မှာတော့ အချစ်ကို ဖျားနာစေတဲ့ အရာတွေအများကြီးရှိနေပြီတာကို ဒီရုပ်ရှင်မှာ မြင်ရပါလိမ့်မယ်။ အချစ်နေပြန်ကောင်းလားမလား အချစ်သေဆုံးသွားမလားဆိုတာတော့ ကိုယ်တိုင်ပဲ ကြည့်လိုက်ပါတော့။ အညွှန်းကိုတော့ Mr.Anderson က ရေးထားပေးပြိးတော့ ဘာသာပြန်ထားတာကတော့ CM Team ပဲ ဖြစ်ပါတယ်။ Genre….. Comedy, Rpmance Quality…. 1080p | 720p File size…3GB | 978MB Format… mp4 Duration…. 2h 15min Subtitle…. Myanmar Subtitle (Hardsub) Translator ….. CM Team Encoder ….. Aaron , Garfield

Hopeless (2023) ဒီရုပ်ရှင်ကတော့ ကိန်းရုပ်ရှင်ပွဲတော်မှာ ပထမဆုံးအကြိမ်ပြသပြီး အောင်မြင်မှုတွေ တစ်သီကြီးရရှိထားတဲ့ ရုပ်ရှင်ဖြစ်သလို မင်းသား Song Joong Ki ကိုယ်တိုင် ဇာတ်ညွှန်းကိုဖတ်ကြည့်ရုံနဲ့ သဘောကျပြီး အနုပညာကြေးမယူဘဲ ရိုက်ကူးထားတဲ့ ဇာတ်လမ်းဖြစ်လို အကုန်လုံး စောင့်မျှော်နေကြတဲ့ကားလည်း ဖြစ်မယ်ထင်ပါတယ်။ Song Joong Ki, The Worst of Evilထဲက တရုတ်မလေး BiBi နဲ့ မင်းသားသစ် Hong Xa-Bin တို အဓိကပါဝင်ထားပြီး Blue Dragon Film Awards 2023 မှာလည်း အသီးသီး Nomination ဝင်ထားတဲ့ကားလည်းဖြစ်ပါတယ်.. ဇာတ်လမ်း အကျဥ်းကတော့ ၁၇နှစ်သား Yeon-gyu ဟာ သူ့ပထွေးရဲ့ အိမ်တွင်းအကြမ်းဖက်မှုတွေ အောက်ကနေ သူ့အမေနဲ့ သူ့ညီမကို ခေါ်ပြီး ရာဇဝတ်မှုတွေနဲ့ ပြည့်နေတဲ့ မြောင်အန်းမြို့ကနေ ထွက်သွားဖိုက သူ့အိပ်မက်ပါပဲ။ တစ်နေ့မှာ‌တော့ သူ့ညီမကို ကာကွယ်ဖိုအတွက် ရန်ဖြစ်မိလို ကျေအေးငွေလိုနေတဲ့ Yeon-gyu တစ်ယောက် Chi-geon ဆီက အကူအညီယူမိပြီး သူ့ဂိုဏ်းထဲကို ရောက်သွားပါတော့တယ်။ ငရဲတွင်းကနေ လွတ်မြောက်ဖိုလုပ်ရင်း ငရဲတွင်းဆီ ခုန်ဆင်းမိပြီး ဒုစရိုက်လောကထဲမှာ နစ်မြောမှန်းမသိ နစ်မြောလာတဲ့အခါမှာ‌တော့… ဘာသာပြန်တွေကတော့ Hnin Miri,Stary Tiff & Treasure Estel တို့ပဲ ဖြစ်ပါတယ်။ Genre….. Crime, Drama Quality…. 1080p | 720p File size… 1.2GB | 459MB Format… mp4 Duration…. 2h 13min Subtitle…. Myanmar Subtitle (Hardsub) Translator ….. Hnin Miri,Stary Tiff & Treasure Estel Encoder ….. Aaron

အရင်ခေတ်စစ်ကားတွေကို နာဇီတွေဂျာမနီတွေပဲ ကြည့်ရတာ ပျင်းလာပြီဆိုတဲ့ သူတွေအတွက် ပိုလန်အမေရိကန်တော်လှန်ရေး စစ်ပွဲကို အခြေခံပြီးရိုက်ကူးထားတဲ့ ဖြစ်ရပ်မှန်သမိုင်းဇာတ်ကားကို တင်ဆက်ပေးလိုက်ပါတယ်။ ဇာတ်ကားနာမည်ကတော့ Scarborn ဖြစ်ပြီး IMDb Rating 7.2 အထိ ရရှိထားပါတယ်။ဒီဇာတ်ကားမှာအရေးအကြီးဆုံးသူကတော့ Kosciuszko ဆိုတဲ့ ပိုလန်ဗိုလ်ချုပ်ကြီးတစ်ယောက်ပဲဖြစ်ပါတယ်။ သူက သူ့အမိမြေဖြစ်တဲ့ ပိုလန်နိုင်ငံလွတ်လပ်ရေးရဖို့အတွက် အမေရိကန်တော်လှန်ရေးစစ်ပွဲမှာ ဦးဆောင်ပြီး ရှရှားတွေကို တိုက်ထုတ်ခဲ့သူ တစ်ဦးဖြစ်ပါတယ်။ ဒီအဖြစ်အပျက်တွေက ၁၇၉၄ ခုနှစ်မှာဖြစ်ပျက်ခဲ့တာဖြစ်ပြီး အဲ့ဒီအချိန်မှာကျွန်တွေ လယ်သမားတွေကို မြေရှင်ကြီးတွေ မျိုးရိုးမြင့်သူတွေက နိုင်ထက်စီးနင်း ပြုပုံတွေကိုမြင်ရမှာဖြစ် ပါတယ်။ အဲ့ဒါကြောင့် မျိုးရိုးနိမ့်ဆင်းရဲသားတွေကလည်းဗိုလ်ချုပ်ကြီး Kosciuszko ရဲ့တော်လှန်ရေးမှာပါဝင်ခဲ့ကြတာလည်း မဆန်းပါဘူး။ ရှရှားတွေဘက်ကနေလည်း ဗိုလ်ချုပ်ကြီးကိုဖမ်းဆီးဖို့ အပြင်း အထန်အသည်းအသန်တွေလိုက်ရှာကြပုံတွေကိုလည်း တွေ့ရမှာပါ။ ဒီလိုနဲ့အဖိနှိပ်ခံဆင်းရဲသားတွေရဲ့ဘ၀ ကျူးကျော်သူတွေရဲ့ရက်စက် ကြမ်းတမ်းပုံတွေနဲ့ ကိုယ့်နိုင်ငံလွတ်လပ်ရေးရဖို့ရရာလက်နက်အင်အားနဲ့ နည်းဗျူဟာကျကျပြန်လည် တော်လှန်တဲ့ဗိုလ်ချုပ်ကြီးတို့ရဲ့တော်လှန် တိုက်ပွဲတွေကို စုံစုံလင်လင်စိတ်ဝင်စားစရာကောင်းစွာကြည့်ရှုရမှာပဲ ဖြစ်ပါတယ်။ File size…2.33GB/ 521MB Quality…WEB-DL 1080p 5.1CH / 720p Format…mp4 Duration….2h Genre ….. Drama , History Subtitle….Myanmar Subtitle (Hard Sub) Encoder….Min Wai Translated by Saw Lay

The Divine Move 2: The Wrathful (2019) ************************************** The Divine Move က 2014 မှာ ထွက်ခဲ့ဖူးပါတယ်… မင်းသားကြီး Woo-sung Jung ကအဓိက သရုပ်ဆောင်ထားပြီး ဂိုကစားနည်းကိုအခြေခံထားတဲ့ဒီဇာတ်ကားကို လူတော်တော်များများကြိုက်နှစ်သက်ကြပါတယ်… ၂၀၁၉ မှာ ထွက်တဲ့ The Divine Move 2 ဟာ 2014 တုန်းက ထွက်ထားတဲ့ The Divine Move နဲ့ ဆက်စပ်မှုတော့သိပ်မရှိလှပါဘူး… သို့ပေမဲ့ ဂိုကစားနည်းနဲ့ပဲ ဇာတ်အိမ်ကိုအခြေပြုထားပြီး 2014 တုန်းက ထွက်ခဲ့တဲ့ဟာထက် ဒီကားမှာက အက်ရှင်ခန်းတွေပိုများလာသလို Fight Scene တွေလည်းပိုမိုက်လာတာအမှန်ပါပဲ… အားနေ ချနေတာမျိုးမဟုတ်ဘဲ ဇာတ်လမ်းသွားကလည်းအတော်ကောင်းပါတယ်… သတ်ဖြတ်ခန်းတွေ ဓားနဲ့ထိုးတာတွေ အရိုးတွေချိုးတာတွေ တော်တော်ကြီးကိုပီပြင်ပါတယ်… Spoiler ဖြစ်မှာ စိုးလို့ ဒီလောက်ပဲပြောပါရစေ…. ဇာတ်လမ်းအညွှန်းနဲ့ ဘာသာပြန်သူကတော့ May Phyu Zaw ပဲဖြစ်ပါတယ်…. File Size : 1.62GB / 650MB Quality : WEB-DL 1080p / 720p Genres: Action, Thriller, Crime Duration : 1h 46m Subtitle : Myanmar Subtitle (Hard Sub) Translated by May Phyu Zaw Encoded by Heather Oo

Court – State vs. A Nobody (2025) “အညတရလူတစ်ယောက်အတွက်” တေလဂူးစကားပြော တရားခွင် ရုံကားအသစ်ဖြစ်ပြီး ၆၆.၇၅ ကုဋေအထိ ရုံတင်ငွေ ရရှိထားတဲ့ ဇာတ်လမ်းလေးကို တင်ဆက်လိုက်ပါတယ် တေဂျာဟာ ရှေ့နေပေါက်စတစ်ယောက်ဖြစ်ပြီး သူတို့ရှေ့နေရုံးခန်းက ဆရာကြီးနဲ့တကွ စီနီယာရှေ့နေတွေကျေးဇူးကြောင့် အလုပ်သက်တမ်း ၃ နှစ်အတွင်း အမှုတစ်ခုမှ ကိုယ်တိုင်မကိုင်ဖူးသေးဘဲ စိတ်ပျက်လျက်ရှိပါတယ် ကံအကြောင်းဖန်လာတော့ လေးရက်နေရင် စီရင်ချက်ချတော့မယ့် အားလုံးကလက်လျှော့ထားတဲ့ ၁၉ နှစ်အရွယ်တရားခံကောင်လေးနဲ့ ပတ်သက်သူတွေက အကူအညီတောင်းလာတဲ့အခါ တရားလိုက ၁၇ နှစ်အရွယ်မိန်းကလေးရဲ့ အကောင်ကြီးကြီး အသိုင်းအဝိုင်းဖြစ်နေတာကြောင့်ရယ် အချိန်လည်းမရှိတော့တဲ့ ဒီကောင်လေးအတွက် တေဂျာတစ်ယောက် ကယ်တင်ရှင်ဖြစ်လာနိုင်မလား ခံစားကြည့်ရှုပေးပါဦး အညွှန်းနဲ့ ဘာသာပြန်ကတော့ KKKZ ~ Zwe Yan ~ ToMo ~ Cherry ~ Yunni မှ ဖြစ်ပါတယ်

ယခုတစ်ခေါက်တင်ဆက်ပေးမှာကတော့ သည်းထိတ် ရင်ဖိုအက်ရှင်ကားလေးပဲဖြစ်ပါတယ်… ဒီကားလေးမှာဆိုရင် စစ်လက်နက်ပစ္စည်းများကို ခိုးယူ ရောင်းချကြမယ့် မရိန်းတပ်သားဟောင်းများ ကြုံကြိုက်ရတဲ့ အလွဲအမှားအကြောင်းကို သည်းထိတ်ရင်ဖိုဖြစ်ဖွယ် ကြည့်ရှုရမှာပဲဖြစ်ပါတယ်.. လူတစ်ယောက်ဟာ တံခါးနီနီကြီးဆီ ရည်ရွယ်ရင်း သေနတ် တစ်လက်နဲ့ ရမ်းသန်းပစ်ခတ်လျက် အခန်းထဲဝင်လာမယ့် သတ္တဝါကြီးကို ထိတ်လန့်ကြောက်ရွံ့ရင်း ဇောချွေးများ အပြိုက်ပြိုက်ကျနေပါတယ်.. ထိုသူရဲ့ အသက်လုံခြုံမှုဟာတော့ ကျည်ရာများ ပွထနေတဲ့ တံခါးရဲ့ လက်ကိုင်မှာကန့်လန့်ခံထားတဲ့ တူတစ်လက် အပေါ်မှာ မူတည်လျက်… ထိုအဖြစ်အပျက်ဟာ စားပွဲဝိုင်းလေးတစ်လုံးပေါ်က ဆွေးနွေးပွဲရဲ့ ရလဒ်ဖြစ်တယ်လို့ဆိုရင် မမှားပါဘူး စစ်တပ်ကြီးတစ်ခုရဲ့ စစ်လက်နက်ပစ္စည်းများဟာ လုံခြုံရေး လျော့ရဲလှတဲ့ အရပ်သားကုန်လှောင်ရုံတစ်ခုဆီကို ထူးထူး ဆန်းဆန်းရွှေ့ပြောင်းမယ်ဆိုတဲ့ သတင်းဟာ မရိန်း တပ်သားဟောင်းများအဖို့ ယုံနိုင်ခဲလှပါတယ်.. သို့သော်လည်း ၎င်းတို့ကို သတင်းပေးလာသူမှာ ကုန်လှောင် ရုံမှာ နှစ်ရှည်အလုပ်လုပ်ခဲ့သူဖြစ်ပြီး ရောင်းချရမယ့် ငွေပမာဏဟာလည်း မက်လောက်စရာဖြစ်တဲ့အတွက် အလုံးစုံယုံကြည်လိုက်ပြီး စစ်လက်နက်ပစ္စည်းများကို ခိုးယူဖို့ အစီအစဉ်ချကြပါတော့တယ်… စစ်တပ်ကြီးတစ်ခုလုံးကို ထောက်ပံ့နိုင်တဲ့ လက်နက်များဟာ သာမန်ဂိတ်စောင့်လုံခြုံရေးတစ်ဦးရဲ့ အစောင့်အရှောက် အောက်မှာ ရှိတဲ့အတွက်ကြောင့် လွယ်လင့်တကူသာ ခိုးယူနိုင်ခဲ့ကြပါတယ်… အစစအရာရာအစီအစဉ်တကျဖြစ်ခဲ့ပြီး လွတ်မြောက် ရာကို ထွက်လာနိုင်ခဲ့တဲ့ မရိန်းတပ်သားဟောင်းများ အဖွဲ့ဟာ အံ့ဩစရာအဖြစ်နဲ့ကြုံကြိုက်ရပါတော့တယ် အဖွဲ့သားတစ်ယောက်ဟာ လက်နက်ပုံးများကို လှန်လှော စစ်ဆေးရင်း စတင်ဂါသေနတ်ပုံးကို ဖွင့်လိုက်တဲ့အခါမှာတော့ လူပုံသဏ္ဌာန်ဆင်တူတဲ့ အရုပ်တစ်ရုပ်ဟာ အခေါင်းထဲက ထလာတဲ့အလောင်းတစ်လောင်းသဖွယ်ထလာရာ ကြောက်လန့်တကြီး သေနတ်နဲ့ ပစ်ခတ်မိပါတော့တယ်.. သို့သော်လည်း ၎င်းအရုပ်ဟာ ဘယ်လိုထိခိုက်မှုမျိုးမှမရှိဘဲ တောတွင်းဝင်ပြေးပြီးတဲ့နောက် မရိန်းတပ်သားအုပ်စုနဲ့ ကျည်မတိုးတဲ့အရုပ်တို့ ရင်ဆိုင်ရမယ့်အဖြစ်ကို ရောက်ရှိ လာတဲ့အခါမှာတော့… ဒီဇာတ်ကားလေးဟာဆိုရင် အက်ရှင်ကားသဘောကျသူ အရုပ်တစ်ရုပ်ရဲ့ခြောက်လှန့်မှုနဲ့ ထိတ်လန့်ဖွယ်ဇာတ်လမ်း ဆင်ထားတဲ့ ရုပ်ရှင်ကားများနှစ်သက်သူတို့အတွက် အာသာပြေ ကြည့်ရှုနိုင်မယ့်ဇာတ်ကားလေးဖြစ်လို့ ရွေးချယ် စရာတစ်ခုအဖြစ် ညွှန်းဆိုတင်ဆက်ပေးလိုက်ရပါတယ်ခင်ဗျာ….. File size… (922 MB) Quality… WEB-DL 1080p HEVC Format…mkv Duration….1h 34m Genre …..Action , Horror , Thriller Subtitle….Myanmar Subtitle (Hard Sub) Encoder….Min Wai Translated by Ye Thiha Htet

Oasis: Supersonic (2016) ဂီတမှတ်တမ်းရုပ်ရှင် Oasis: Supersonic ဟာဆိုရင် အင်္ဂလန်ရဲ့ ဂီတလောကကို လှုပ်ခတ်စေခဲ့တဲ့ Oasis တေးဂီတအဖွဲ့ရဲ့ မန်ချက်စတာမြို့မှာ စတင်ဖွဲ့စည်းချိန်ကနေ ၁၉၉၆ ခုနှစ်ရဲ့ သမိုင်းဝင် Knebworth ဖျော်ဖြေပွဲတွေအထိ ကြီးမားတဲ့အောင်မြင်မှုတွေကို ရရှိခဲ့ပုံကို ပုံဖော်ထားပါတယ်။ ဒီရုပ်ရှင်ထဲမှာ ဖျော်ဖြေပွဲမှတ်တမ်းတွေ၊ နောက်ကွယ်က မြင်ကွင်းတွေ၊ အဖွဲ့ဝင်တွေဖြစ်တဲ့ Liam နဲ့ Noel Gallagher တို့အပြင် သူတို့ရဲ့ မိခင် Peggy နဲ့ အစောပိုင်းကာလတွေမှာ အရေးပါခဲ့သူတွေရဲ့ အင်တာဗျူးတွေကိုပါ ထည့်သွင်းထားပါတယ်။ ဒီရုပ်ရှင်ဟာ Oasis ရဲ့ ပရိသတ်တွေအတွက်ရော ဂီတမှတ်တမ်းရုပ်ရှင်တွေကို နှစ်သက်သူတွေအတွက်ပါ မလွတ်တမ်းကြည့်ရှုသင့်တဲ့ ရုပ်ရှင်ကားတစ်ကားဖြစ်ပါတယ်။ Oasis ရဲ့ အတိတ်ကာလကို ပြန်လည်အမှတ်ရစေပြီး သူတို့ရဲ့ ဂီတအပေါ်ထားတဲ့ စိတ်အားထက်သန်မှုကိုလည်း ခံစားရစေမှာပါ။ File size… 2.8 GB / 1.8MB Quality… BluRay 1080p / 720p Format… mp4 Duration…. 2h 2m Genre ….. Documentary/Music Subtitle…. Myanmar Subtitle (Hard Sub) Encoder…. Thit San Khant Translated… by Thomas Anthony Jr.

Runaway Mum (2024) IMDb Rating (4.2) ဒီကားလေးကတော့ အိမ်ထောင်တစ်ခုမှာယောကျ်ားရှိပါလျက်နဲ့ အစစအရာရာဦးဆောင်တာဝန်ယူနေရတဲ့မိခင်တစ်ယောက်ရဲ့ သောကတွေ ခံစားချက်တွေကိုလှစ်ဟပြထားတဲ့ဇာတ်ကားလေးဖြစ်ပါတယ်။ ပန်းချီဆရာယောင်ယောင်နဲ့ သူ့အပေါ်ပဲမှီခိုနေတဲ့ အသုံးမကျတဲ့ယောကျ်ားနဲ့ ဗရမ်းဗတာဖြစ်နေတဲ့ကလေးတွေကို ထိန်းသိမ်းလာခဲ့ရတဲ့ ဆယ်ဗီယာတစ်ယောက် တစ်နေ့တော့ခံစားရသမျှပေါက်ထွက်ပြီး အိမ်ကနေ အလုပ်ကနေထွက်ပြေးပါတော့တယ်။ ပြီးတော့အဲ့အရှုပ်အထွေးကိုပြုပြင်ဖို့ကြိုးစားရင်း ဘာတွေဆက်ဖြစ်လာမလဲဆိုတာ …… ပေါ့ပေါ့ပါးပါး ရှုခင်းလှလှလေးတွေနဲ့ရိုက်ထားတဲ့ကားကောင်းလေးမို့ ကြည့်ရှူခံစားလိုက်ကြပါအုံးနော်။ (အညွှန်းနဲ့ဘာသာပြန်ကတော့ Shwe Eain Si ဖြစ်ပါတယ်။) File size…(2.8 GB) / (1.2 GB) Quality….WEB-DL 1080p HEVC / 720p Format…. mkv/mp4 Genre….Comedy,Drama Duration….01:35:38 Subtitle….Myanmar Subtitle (Hardsub) Encoder….Double K Translated by Shwe Eain Si

The Party (2017) IMDb – 6.6 လူမှုရေးဟာသနဲ့ ဒရာမာရောစပ်ထားတဲ့ The Party (2017) ဟာ ဗြိတိသျှ အနုပညာလက်ရာမြောက် ဇာတ်ကားတစ်ကားဖြစ်ပြီး ပြသချိန် ၇၁ မိနစ်ပဲကြာပေမဲ့ သရုပ်ဆောင်တွေရဲ့ အထူးချွန်ဆုံး ပါဝင်မှုတွေကြောင့် ကမ္ဘာတစ်ဝှမ်းက ဝေဖန်ရေးသမားတွေရဲ့ အပြည့်အဝချီးကျူးမှုကို ရရှိခဲ့ပါတယ်။ ရရှိခဲ့သောဆုများ – Berlin International Film Festival (2017) – Silver Bear for Best Script (Sally Potter) – British Independent Film Awards (2017) – Best Supporting Actress (Patricia Clarkson) – အခြားဆန်ကာတင်စာရင်းဝင် ဆုများစွာ သရုပ်ဆောင်တွေကတော့ – စိတ်ဖိစီးမှုတွေနဲ့ ရုန်းကန်နေရသူ အောင်မြင်တဲ့ နိုင်ငံရေးသမား ဂျန်းနက်အဖြစ် Kristin Scott Thomas – ဂျန်းနက်ရဲ့အရက်လွန်ကျွံသောက်ပြီးစိတ်ဓာတ်ကျနေတဲ့ခင်ပွန်း ဘေလ် အဖြစ် Timothy Spall – ပါးနပ်ပြီး ပွင့်ပွင့်လင်းလင်းနဲ့မဟုတ်မခံစိတ်ရှိတဲ့ အေပရယ်အဖြစ် Patricia Clarkson – အေပရာယ်ရဲ့အမျိုးသား lofe coach ဂေါ့ဒ်ဖရီးအဖြစ် Bruno Ganz – အစိုးရဘဏ္ဍာရေးအရာရှိ တွမ်အဖြစ် Tom Shelby စတဲ့နာမည်ကြီး အနုပညာရှင်များစွာပါဝင် သရုပ်ဆောင်ထားပါတယ်။ ဇာတ်လမ်းအကျဥ်း ဂျန်းနက်ရဲ့နိုင်ငံရေးအောင်ပွဲအနေနဲ့ ဂျန်းနက်နဲ့ဘေလ်တို အိမ်မှာကျင်းပတဲ့ပါတီ တစ်ခုဟာ မိနစ်ပိုင်းအတွင်း အရှုပ်တော်ပုံကြီးအဖြစ် ပြောင်းလဲသွားပါတယ်။ ဂျန်းနက်ရဲ့ နိုင်ငံရေးအောင်မြင်မှု၊ ဘေလ် ရဲ့ ကျန်းမာရေးပြဿနာ၊ မိတ်ဆွေတွေရဲ့ လျှိဝှက်ချက်တွေနဲ့ သစ္စာဖောက်မှုတွေဟာ ပါတီမှာအကုန်ပေါ်ပေါက်လာပြီး အချင်းချင်းဘယ်လိုဖြေရှင်းကြမလဲဆိုတာ စိတ်ဝင်စားဖွယ်ကြည့်ရှုကြရမှာပါ။ ” Party ဟာ ဘဝရဲ့ အမှောင်ဆုံးနဲ့ ဟာသဆန်ဆန် မိနစ်တွေကို ရောစပ်ထားတယ်” ဆိုတဲ့ ဝေဖန်သူတွေရဲ့ မှတ်ချက်အတိုင်း ဒီဇာတ်ကားလေးဟာ လူမှုဆက်ဆံရေးရဲ့ ရှုပ်ထွေးမှုတွေကို ဟာသဉာဏ်နဲ့ ထောက်ပြတဲ့ ဇာတ်ကားကောင်းတစ်ကား ဖြစ်ပါတယ်။ ဒါကြောင့် Dark Comedy ဇာတ်လမ်းအမျိုးအစားကို ကြိုက်နှစ်သက်သူတိုင်း မပြတ်ကြည့်သင့်တဲ့ ဇာတ်ကားကောင်းလေးတစ်ကားပဲဖြစ်ပါတယ်။ File Size – 1GB/ 405MB Quality – BluRay 1080p/ 720p Duration – 1h 11m Format – mp4 Genre – Comedy, Drama Subtitle – Myanmar Subtitle (Hard Sub) Translated by – Vic Encoded by – Treasure Htet

Crown of Shadows (2025) Game of Thrones၊ The Witcher တို့လို ဒဏ္ဍာရီလာဇာတ်လမ်းတွေကို ကြိုက်နှစ်သက်သူများအတွက် နဂါးတွေ၊ ရှေးခေတ်နတ်ဘုရားတွေ၊ မှော်ပညာတွေ ပါဝင်တဲ့ ဇာတ်ကားကောင်းတစ်ကားလာပါပြီ။ မောင်နှမအချင်းချင်း သစ္စာဖောက်မှု၊ ကြောက်စရာကောင်းတဲ့အာဏာရှင်စနစ် ရှေးခေတ်ကနတ်ဘုရားကိုးကွယ်မှုများ စတဲ့ အရာတွေကို စုံလင်စွာ ကြည့်ရှုရပါမယ့်။ ဘုရင်မ Ginnarra ဟာ ရက်စက်ကြမ်းကြုတ်ပြီး အာဏာရဖို့အတွက် အဖေအရင်းဖြစ်တဲ့ ဘုရင်ကြီးကို ရက်ရက်စက်စက်သတ်ပြီး အစ်ကိုဖြစ်သူ မင်းသား Elderon ကို ထီးနန်းမှနှင်ထုတ်ခဲ့သူတစ်ယောက် ဖြစ်ပါတယ်။ သူမဟာ အကြင်နာကင်းမဲ့တဲ့ ဘုရင်မတစ်ပါးဖြစ်ပြီး သူမအုပ်ချုပ်နေချိန်မှာ Aberon နိုင်ငံတော်ကြီးဟာ အသူရာနတ်ဘုရားတွေရဲ့ ခြယ်လှယ်မှုနဲ့အတူ အုတ်အော်သောင်းနင်းဖြစ်နေပါတယ်။ ထီးနန်းကနေ နှင်ထုတ်ခံလိုက်ရတဲ့ အစ်ကိုတော် မင်းသား Elderon က ဘုရင်မကို ပုန်ကန်ဖို့ကြိုးစားနေတဲ့ တပ်ဖွဲ့တစ်ခုနဲ့ ပူးပေါင်းမိပြီး နန်းတော်ကို ပြန်လည်သိမ်းပိုက်ဖို့ ကြိုးစားခဲ့တယ်။ မင်းသား Elderon ကို အသက်ဘေးကနေ အကြိမ်ကြိမ်ကယ်တင်ပေးပြီး နောက်ကွယ်ကနေ အကူအညီတွေ ပေးနေခဲ့တာကတော့ နဂါးတစ်ကောင်ပဲဖြစ်ပါတယ်။ အဲ့ဒီနဂါးက ဘာလို့ မင်းသား Elderon ကို ကူညီပေးနေရတာလဲ ? တော်လှန်ရေးတပ်တွေရဲ့အကူအညီနဲ့ သူ့ညီမကို နန်းချနိုင်ပါ့မလား ? သူ့ကိုကူညီပေးနေတဲ့တပ်ဖွဲ့ထဲမှာ ရှိနေတဲ့ သစ္စာဖောက်ကရော ဘယ်သူဖြစ်နေမလဲ ? နောက်ဆုံးမှာ Aberon နိုင်ငံတော်ကြီးကို အုပ်ချုပ်မယ့်ဘုရင်က ဘယ်သူဖြစ်လာမှာလဲ ဆိုတာကို The Crown of Shadows ရုပ်ရှင်ကားကြီးမှာ ကြည့်ရှုလိုက်ကြပါအုံး။ (အညွှန်းနဲ့ဘာသာပြန်ကတော့ Su Mon ဖြစ်ပါတယ်။) File size… (3.2 GB) / (1.7 GB) Quality…. WEB-Rip 1080p / 720p Format…. mp4 Genre…. Fantasy Duration…. 02:22:51 Subtitle…. Myanmar Subtitle (Hardsub) Encoder…. Benjamin Translated by Su Mon