90 ခုနှစ်အလွမ်းပြေ မင်းသားကြီး Robin Williams ရဲ့ ဇာတ်ကားကောင်းလေး တစ်ပုဒ်နဲ့ မိတ်ဆက်ပေးချင်ပါတယ်. ငယ်ဘဝရဲ့ နတ်သမီးပုံပြင်များထဲက တ စ်ခုဖြစ်တဲ့ ပီတာပန် နဲ့ နတ်သမီးလေး တင်ကာဘဲလ် တို့ ဇာတ်လမ်းလေးကို အားလုံးသိကြမှာပါ. ဒီဇာတ်ကားဟာလည်း ပီတာပန် ပုံပြင်ရဲ့ ဗီလိန် Captain Hook ကို အမှတ်သညာပြုပြီး အမည်ပေးထားတာ ဖြစ်ပါတယ်. ဒီဇာတ်လမ်းမှာတော့ ပီတာပန်ဟာ ကြီးပြင်းလာခဲ့ပြီး ပီတာဘန်းနင်း အဖြစ်နဲ့ အိမ်ထောင်ကျ၊ သားသမီးတွေ ရလာခဲ့တဲ့ နေရာကနေ အစပြုခဲ့ပါတယ်. သူ့ရဲ့ပီတာပန်ဘဝဟောင်း နဲ့ နဲဗားလန်းကို မေ့လျော့နေခဲ့ပေမယ့် အတိတ်ကတော့ သူ့ကို သတိရဖို့ မပျက်ကွက်ခဲ့ပါဘူး. အလုပ်ကိုဦးစားပေးလွန်းသူ ဖခင်တစ်ယောက်အနေနဲ့ သားသမီးနဲ့ဇနီးမယားအပေါ် ပျက်ကွက်မှုတွေ ရှိလာခဲ့ချိန်မှာ တစ်ဖက်ကလည်း ကိုယ်တိုင်မေ့လျော့နေခဲ့တဲ့ အတိတ်ဘဝကို မမျှော်လင့်ဘဲ ပြန်လည်ရင်ဆိုင်ရချိန်မှာတော့ ပျောက်ဆုံးနေတဲ့ ဘဝဟောင်းကို ပြန်ရှာတွေ့နိုင်မလား သားသမီးအတွက်ဆို ရေမြေဆုံးထိ လိုက်မယ့် မိဘမေတ္တာကို ဘယ်လို သက်သေပြနိုင်မလဲ စိတ်လှုပ်ရှားဖွယ် စွန့်စားခန်းတွေကြား. မိသားစု နဲ့ ချစ်ခြင်းမေတ္တာအကြောင်းကို ဖော်ကြူးထားတဲ့ဇာတ်လမ်းလေးဖြစ်လို့ CM ကနေ ပရိသတ်များ ရှုစားနိုင်ဖို့ တင်ဆက်ပေးလိုက်ပါတယ်. File size…   3 GB /  1.5 GB Quality… Blu-Ray 1080p / 720p Format… mp4 Duration…. 2h 22 m Genre .....  Adventure , Comedy Subtitle…. Myanmar Subtitle (Hard Sub) Encoder…. Thit San Khant Translated by Sai Sumali

Sniper ကား ပရိသတ်တွေအတွက် ဒီလထွက် စနိုက်ပါကား အသစ်တစ်ကား တင်ဆက်ပေးလိုက်ပါတယ်။ ဒီရုပ်ရှင်ဟာ အက်ရှင်ကားအနေနဲ့ဆို အတော်ကြည့်ကောင်းတယ်လို့ ပြောလို့ရတဲ့ ရုပ်ရှင်ပါ။ ဒီကားရဲ့ ဒါရိုက်တာ Oliver Thompson ဟာလည်း Stranger Things ရဲ့ Editor လုပ်ခဲ့ပြီး ဒီကားမတိုင်ခင်ကားဟာ ရိတ်တင်လည်းမဆိုးသလို ဆုပေးပွဲတွေက ဆုတွေလည်းရရှိခဲ့ပါတယ်။ ဒီကားကလည်း အက်ရှင်ကားတစ်ကားအနေနဲ့ဆို ကြည့်ကောင်းတဲ့ကားပါပဲ။ ဇာတ်လမ်းကတော့ အထက်လူကြီးတစ်ယောက်က လူကုန်ကူးတဲ့လူနဲ့ပေါင်း နှစ်ပေါက်တစ်ပေါက်ရိုက်ပြီး အကျင့်ပျက်ခြစားနေတာကို ဖော်ထုတ်ဖို့ကြိုးစားရာက ဆိုင်းငံ့ခံလိုက်ရတဲ့ အထူးအေးဂျင့်တွေအကြောင်းပါ။ အထက်လူကြီးတွေက သူတို့ဘက်မနေပေမဲ့ မှန်ရာကို မရမကလုပ်ချင်တဲ့ သူတို့တွေ သူတို့ဘော်ဒါခပ်ကြမ်းကြမ်းကောင်တွေနဲ့စုပြီး ဖော်ထုတ်ဖို့ကြိုးစားကြတဲ့ စနိုက်ပါကားအလန်းစားပါ။ မင်းသားဟာဆို ရုပ်ရှင်ထဲက စကားအရတော့ ကမ္ဘာပေါ်မှာ အတော်ဆုံးစနိုက်ပါသမားပါ။ သူတို့အပြင် ဂျပန်မင်းသမီးချောချောလေးကလည်း ခပ်မိုက်မိုက် လုပ်ကြံရေးသမားအဖြစ်ပါဝင်ထားပါသေးတယ်။ ဇာတ်လမ်းလေးလည်း ကြည့်ပျော်သလို G.I Joe တောင်ဆန်ပါတယ်။ Twist လုပ်ထားတာလေးတွေ သုံးလေးကွက်ပြသွားသလို လှည့်တာလေးမဆိုးပါဘူး။ တစ်ကွက်ဆို သဘောကျစရာကောင်းပါတယ်။ အပျင်းပြေအက်ရှင်ကား တစ်ကားကြည့်ချင်ရင်တော့ ဒီရုပ်ရှင်ဟာ တကယ်ကြည့်ပျော်တဲ့ရုပ်ရှင်ပါပဲ။ (ဒီဇာတ်ကားနဲ့အညွှန်းကို "___" မှ ပြန်ဆို ရေးသားထားပါတယ်) Size - 1.83GB, 761MB Quality - 1080p, 720p, 480p IMDb Rating - 4.7/10 Format - mp4 Duration - 1H 36Min Genre - Action, Thriller Subtitle - Myanmar Subtitle (Hardsub) Translated by "___" Encoded by Y

Romance,Drama '' တကယ်ချစ်ရင် ခွင့်လွှတ်ပေးဖို့ပဲ စဉ်းစားမိတယ်တဲ့" " ဒါဆိုရင် ကိုယ်လုပ်ခဲ့တဲ့အမှားတွေအတွက် ခွင့်လွှတ်ပေးဦးမှာလား..." အချစ်ကို ရုပ်ရှင်၊စာပေ။ဂီတတွေမှာ ပုံစံမျိုးစံနဲ့ဖော်ပြခဲ့ကြတာပါပဲ။ ဒီ အသစ်ထွက်လာတဲ့ လူငယ်တွေကြားက Netflix ရုပ်ရှင်မှာလည်း လူငယ်တွေကြားက အချစ်၊ အားပြိုင်မှုတွေကို အကောင်းဆုံး ဖော်ပြ ထားပါတယ်။ ဆီလင်းရီဗာဆိုတဲ့ ကောင်မလေးက လက်ထပ်ဖို့ ရည်ရွယ်ထားသူရှိပြီး အချစ်နဲ့ ဖူးစာဖက်ကို ယုံကြာည်ထားတဲ့ ပဲရစ်သူလေးပေါ့။ သူစီနီယာတန်း လာတက်တဲ့ ဗစ်တာဟူဂိုဆိုတဲ့ကျောင်းမှာ ဆိုရှယ်မီဒီယာအင်ဖလူရမ်ဇာ နာမည်ကြီးတွေလို့ပြောလို့ရတဲ့လူငယ်စုံတွဲတွေ...ဆယ်လီတွေပဲ နေကြတဲ့ ကျောင်းပေါ့။ အဲ့ထဲမှာမှ ထရီစတန်ဘာဒီအိုလာတဲ့ဆိုတဲ့ ကောင်လေးဟာ တစ်ကျောင်းလုံးမှာ ကင်း(King) လို့ပြောလို့ရတဲ့ ရေပန်းစားသူပေါ့။ ရိုးအတဲ့ ဆီလင်းလေးကို ၂ လအတွင်း ရအောင်တွဲပြီး ချစ်လာအောင်လုပ်ဖို့ ကျောင်းရဲ့ ကွင်း ဖြစ်သူ ဗန်နက်ဆာက စိန်ခေါ်လိုက်ပါတယ်။ ဒါကိုလည်း ထရီစတန်က လက်ခံလိုက်ရင်းနဲ့ ဆီလင်းနဲ့ ထရီစတန်ကကြားက အချစ်ဇာတ် လမ်းတစ်ခုပေါက်ဖွားလာပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ပေးသူကတော့ Thiha Yan Naing ဖြစ်ပါတယ်) File Size..........(2.83 GB) / (919 MB) / (544 MB) Quality............WEB-DL 1080p / 720p / 480p Duration.........1Hr 49mins Subtitle...........Myanmar Hardsub Format............MP4 Genre..............Drama, Romance Translator.......Thiha Yan Naing Encoder..........SWM

~ IMDb - 6.5/10, Rotten Tomatoes - 67% ~ မရင့်ကျက်ခြင်းများအကြောင်း အလွမ်းသစ်တို့ အဆင့်ဆင့်မြင့်မျောနေသော တိမ်စိုင်တို့ မျောကာလွင့်ကာနေကြ၏။ အချို့တိမ်တို့က ရေခိုးရေငွေ့တို့ကို ထုပ်ပိုးသိမ်းဆည်းထားကြပြီး အချို့တိမ်တို့က အတိတ်မြစ်တို့ကို ထုပ်ပိုးသိမ်းဆည်း ထားကြသည်။ တိမ်ညိုကာမိုးသော မိုးနေ့များတွင် ရွာသွန်းဖြိုးတတ်သော ထိုတိမ်တိုက်တို့ကို မနေ့ကကောင်မလေးနဲ့ အတူ ကျွန်တော် ထားခဲ့လိုက်ချင်ပါသည်။ အတိတ်ကို ထူးထွေစွာ တမ်းတမက်မောမနေတော့ခြင်းသည်လည်း ရင့်ကျက်လာခြင်း၏ ဂုဏ်သတ္တိများထဲမှ တစ်ခုဟု ဆိုကြသည်သာ။ မရှိတော့ပြီထင်ရသော တစ်ပိုင်းတစ်စ မှတ်ဉာဏ်ဟောင်းများ ငွေ့ရည်ဖွဲ့လာချိန်တွင် အတိတ်တို့သည် အတိတ်မဟုတ်တော့ပြီ။ ဟောင်းနွမ်းခဲ့ပြီထင်ရသော ရုတ်တရက်အသစ်ဖြစ်သွားတတ်သည့် မှတ်ဉာဏ်များထဲတွင် လွန်လေခဲ့ပြီးသော မနက်ဖြန်တစ်ခုတုန်းကလိုပင် သူမသည် ကျွန်တော့်ဘေး ရှိနေခဲ့သည်ပင်။ "ပြန်တွေ့ကြဦးမယ်နော်"လို့ သူမပြောခဲ့ချိန်သည် ကျွန်တော်တို့ချင်း နောက်ဆုံးဆုံတွေ့ကြချိန် ဖြစ်လာလိမ့်မည့်ကြောင်း ကျွန်တော်မသိခဲ့ပါ။ အနှစ်၂၀ကျော်အချိန်သည် အရာရာကို တိုက်စားခဲ့လေပြီ။ ကျွန်တော်တို့ အတူသွားခဲ့ဖူးသော လမ်းများ၊ အဆောက်အဦးများ တဖြည်းဖြည်းချင်း ပြောင်းလဲသွားကြပြီ။ မည်သို့ပင်ဆိုစေကာမူ ကျွန်တော့်မှတ်ဉာဏ်ထဲတွင် သူမသည် ထိုနေ့ကလိုပင် မပြောင်းမလဲ ထိုနေ့ကလိုပင် ဒီလမ်းကြားလေးထဲ ကျွန်တော့်ကို ပြုံးပြနေသေးသည်။ မှတ်ဉာဏ်များထဲတွင်၊ သူမထံမှ ကူးစက်လာခဲ့သော ကျွန်တော့်အမူအကျင့်များထဲတွင်၊ မဟောင်းသော လမ်းက‌လေးထဲတွင် "အခုသူမ" မဟုတ်သော "အရင်ကသူမ" သည် ရှင်သန်နေသေးသည်။ ပြက္ခဒိန်၂၅အုပ်၊ ပို့စကတ်တစ်ခု၊ ဝါရီရော်စာရွက်များ၊ ချိုသောအပြုံးများ၊ စီးကရက်မီးခိုးငွေ့များ၊ လမ်းမများထဲတွင် ရင့်ကျက်ပြီထင်သော ကျွန်တော်၏ မရင့်ကျက်ခြင်းများကို ပြန်တွေ့ခဲ့ရ၏။ မကုန်နိုင်အောင် ရှည်လျားသောလမ်းမကြီးထက်တွင် ကျွန်တော်တို့အတူ လျှောက်ခဲ့ကြဖူးသည်။ ဒီလမ်းသည် ဘယ်လိုမှ မဆုံးတော့သလိုပင်။ ကျောတွင် တစ်စုံတစ်ရာသော ၀န်ထုပ်ကိုလွယ်ရင်း တဖြည်းဖြည်းနောက်ကောက်ကျလာသည် ထင်သည်။ ကျွန်တော် သတိတရကြည့်မိချိန်တွင် မကုန်နိုင်အောင် ရှည်လျားသော လမ်းမကြီးမှအပ ဘာဆိုဘာမှ မရှိတော့ပါ။ သူမသည် အတိတ်ဖြစ်သွားပြီ။ သူမသည် မှတ်ဉာဏ်တစ်ခုဖြစ်သွားပြီ။ ပသို့ပဲဆိုဆို "တစ်ခါကသူမ"သည် ရှင်သန်နေသေးသည်။ ၂၀၂၀၏ ကမ္ဘာကြီးသည် တဖြည်းဖြည်းချင်း ပျက်ယွင်းလာခဲ့ပြီ။ အစစပြိုယိုင်လွင့်ပါးလာသော ကမ္ဘာတွင် မိုးတိမ်တွေပြာ သာခဲ့ဖူးသောကမ္ဘာကို ပြန်လည်မက်မောမိလာခြင်းသည် သဘာ၀သာ၊ လူသားဆန်မှုသာ။ ခံစားချက်မမဲ့နိုင်မချင်း လူသည် ဘယ်သောအခါမှ မရင့်ကျက်လာနိုင်ပြီ ထင်သည်။ သူမကို ကျွန်တော် မမေ့ပျောက်ချင်တော့ပါ။ ကျွန်တော် မရင့်ကျက်ချင်တော့ပါ။ ကျွန်တော်တို့အားလုံး မရင့်ကျက်လာနိုင်ကြသူများသာ။ ကျွန်တော်တို့အားလုံးသည် မရင့်ကျက်ခြင်းကို ပွေ့ပိုက်ထားကြသူများသာ။ P.S - ဒီရုပ်ရှင်ဟာ စာပါအတိုင်း မရင့်ကျက်လာနိုင်သူတို့အကြောင်း သက်သက်သာ။ (ဇာတ်ကားကို Phoo Lin မှ ပြန်ဆိုထားပြီး အညွှန်းကိုတော့ WiRa Aung က ရေးသားပေးထားပါတယ်) Size - 1.4GB, 720MB Quality - Web-rip 1080p, 720p IMDb Rating - 6.5/10 Format - mp4 Duration - 2H 4Min Genre - Drama, Romance Subtitle - Myanmar Subtitle (Hardsub) Translated by Phoo Lin Encoded by Y

IMDb - 6.9/10 , RT - 91% > Calls , From Up on Poppy Hill, Monsters Inc. 2, The Legend of Korra, Legion, Dirty Grandpa အစရှိတဲ့ ဇာတ်လမ်းကောင်းတွေမှာ ပါဝင်သရုပ်ဆောင်ဖူးတဲ့ Aubrey Plaza နဲ့  Creep 1,2,3ထဲက ဘဲကြီး Mark Duplassတို့ ၂ယောက်က ယခုဇာတ်လမ်းကို ဦးဆောင်ထားပြီး Spider-Man: Into the Spider-Verse, Spider-Man: Across the Spider-Verse, Let's be Cops, Tag, Jurassic World အစရှိတဲ့ ရုပ်ရှင်ကောင်းတွေမှာ ပါဝင်ထားဖူးတဲ့ Jake Johnsonကနေပြီးတော့ ဝန်းရံကာ ဒီဇာတ်လမ်းကို ပုံဖော်ထားကြပါတယ်။ ကျွန်တော့်ရဲ့ ထုံးစံအတိုင်း reviewကို မေးခွန်းလေးတွေနဲ့ စတင်ချင်ပါတယ်။ အချိန်ခရီးသွားခြင်းကို ဘယ်လိုထင်ပါသလဲ၊ အချိန်ခရီးသွားခြင်းက တကယ်ပဲဖြစ်နိုင်ရဲ့လား။ အကယ်၍ သင်က အချိန်ခရီးသွားဖို့အဖော်ရှာနေတဲ့ကြော်ငြာကို တွေ့ရင် သင့်အနေနဲ့စိတ်ဝင်စားမလား ဒါမှမဟုတ် Scamလို့ပဲသတ်မှတ်ပြီး ကျော်သွားမလား။ .... ဇတ်လမ်းအကြောင်းပြောရရင် ဒဲလ်ရီးယက်စ်ဆိုတဲ့ မိန်းကလေးငယ်လေးက ဆီယက်တဲလ် မဂ္ဂဇင်းတိုက်မှာ အလုပ်သင်ဆင်းနေသူဖြစ်ပါတယ်။ တစ်နေ့မှာ မဂ္ဂဇင်းအတွက် ဆောင်းပါးရေးဖို့အတွက် အစည်းဝေးလုပ်နေတုန်း အချိန်ခရီးသွားဖို့အတွက် လူခေါ်နေတဲ့ကြော်ငြာအကြောင်း ပြောမိရာကနေ ဆောင်းပါးရေးဖို့ဖြစ်လာပါလေရော။ ဒီလိုနဲ့ ဒဲလ်ရီးယက်စ်က စီနီယာ စာရေးဆရာ ဂျက်ဖ်နဲ့ နောက်ထပ် အလုပ်သင် အာနိုးနဲ့အတူတူ ထိုကြော်ငြာခေါ်ထားတဲ့နေရာဆီကို သွားပြီး စုံစမ်းကြတော့ ကက်နက် ကယ်လိုဝေးလို့ခေါ်တဲ့ လူကို ရှာတွေ့ပါလေရော။ ထိုလူက ဘယ်လိုလူလဲ၊ ဘယ်လိုမျိုးကြောင့် အချိန်ခရီးသွားဖို့ အဖော်ရှာနေရတာလဲ၊ အချိန်ခရီးသွားတာက တကယ်ရောဖြစ်နိုင်ရဲ့လား၊ သူက အတည်ပေါက်ပြောနေတာ ရွှီးနေတာလားဆိုတာကို စိတ်ဝင်စားဖို့ကောင်းစွာနဲ့ ကြည့်ရှု့ရမှာဖြစ်ပါတယ်။ ပုံမှန်ဆိုရင် ဒီလိုရုပ်ရှင်မျိုးက ပျင်းစရာကောင်းပေမယ့် ဒီဇာတ်လမ်းကတော့ မတူညီဘဲ ကွဲပြားလွန်းနေပါတယ်။ အတိတ်နဲ့ ပစ္စုပ္ပန်ရယ်ကို အချစ်မေတ္တာနဲ့ နှောင်ဖွဲ့ထားပြီးတော့ ဇာတ်လမ်းကို ရင်ထဲရောက်အောင် ပေးစွမ်းနိုင်တဲ့ ရုပ်ရှင်တစ်ကားလို့ ပြောရင်း reviewကို နိဂုံးချုပ်ပရစေ။ အညွှန်းနဲ့ ဘာသာပြန်က Minn Khant Kyi Win ဖြစ်ပါတယ်။

Birds Like Us ဇာတ်ကားလေးကတော့ 2017 ခုနှစ်မှာ ထွက်ရှိခဲ့ပြီး Director Faruk Šabanović နဲ့ Amela Ćuhara တို့က ပုံဖော်ရိုက်ကူးပေးထားပါတယ်။ လူသူနဲ့ဝေးရာ ငှက်ရိပ်မြုံကြီးတစ်ခုစီမှာ နေထိုင်ကျက်စားကြတဲ့ ငှက်မျိုးစိတ်လေးတွေ... တစ်ချိန်လုံး မျက်စိပိတ်နားပိတ်နေထိုင်ခဲ့ကြရာကနေ ကိုယ့်ပင်ကိုယ်သဘာဝဖြစ်တဲ့ ပျံသန်းနိုင်ခြင်း အတတ်ကိုပါ မေ့လျော့လာကြတဲ့အခါ... ငှက်အရှင်သခင်ကြီးရဲ့ ခြယ်လှယ်ကြီးစိုးမှုအောက်မှာပဲ ဆက်ပြီးနေထိုင်ကြမလား? လောကကြီးနဲ့ထိတွေ့ဖို့ ကြိုးစားလာကြမှာလား? ကိုယ့်သဘာဝကိုယ်ရော ပြန်လည်ရှာတွေ့နိုင်ကြမှာလား? သူတို့တွေ ဘယ်လိုရှင်သန်ရုန်းကန်ကြမလဲ စတဲ့ လောကသဘာဝရဲ့ ဖြစ်ပျက်မှုအစုံစုံကို ငှက်ကလေးတွေကပုံဖော်ပြသပေးသွားမယ့် ဇာတ်လမ်းလေးတစ်ပုဒ်ပါပဲ... (ဒီဇာတ်လမ်းရဲ့ အညွှန်းနဲ့ ဘာသာပြန်ရေးသားပေးသူကတော့ May Thu Soe ဖြစ်ပါတယ်။) File Size - (1.33 GB) / (730 MB) / (316 MB) Quality – WebRip - (1080p) / (720p) / (360p) Duration - 1hr 24min Subtitle – Myanmar Hardsub Format – MP4 Genre : Animation, Adventure, Fantasy Translator – May Thet Khine Soe Encoder – San Win Maung

Spy ဆိုတဲ့ ဟာာသကားကို ကြည့်ဖူးရင် ဒီဇာတ်ကားထဲက မင်းသမီး Melissa ကိုသိကြမှာပါ။ သရုပ်ဆောင်တဲ့နေရာမှာ ပိုင်နိုင်လွန်းလို့ သူ့ရဲ့ဇာတ်ကားတစ်ကားကြည့်ရုံနဲ့သူ့ကိုမှတ်မိနေမှာပါ။ အခုဇာတ်ကားကလည်း ဟာသကားတစ်ကားဖြစ်ပြီးတော့ ဒီယာနာဆိုတဲ့ ကလေးအမေတစ်ယောက်နေရာကနေ ပါဝင်သရုပ်ဆောင်ထားပါတယ်။ ဇာတ်လမ်းအကျဉ်းပြောရရင်တော့ ဒီယာနာတို့လင်မယားနှစ်ယောက်ဟာ ၂၆ နှစ်ကြာအိမ်ထောင်သက်တန်းရှိခဲ့ကြပါတယ်။ တစ်ရက်မှာတော့ သူ့ရဲ့ခင်ပွန်းဖြစ်တဲ့သူက ရုတ်တရက်ကြီး သူ့ကိုကွာရှင်းဖို့ တောင်းဆိုလာပါတယ်။ မမျှော်လင့်ထားတာတွေ ရုတ်တရက်ဖြစ်လာပြီး ချက်ချင်းဆိုသလို တခုလတ်ဖြစ်သွားတဲ့ ဒီယာနာဟာ သူမရဲ့ မိဘအိမ်ကို ပြန်ရောက်သွားပါတော့တယ်။ အဲဒီအချိန် သူ့သမီးဖြစ်တဲ့ မယ်ဒီက တက္ကသိုလ်နောက်ဆုံးနှစ် ကောလိပ်ကျောင်းသူဖြစ်နေပါပြီ။ ဒီယာနာက ကျောင်းမပြီးခဲ့ပါဘူး။ သူတက္ကသိုလ်နောက်ဆုံးနှစ်မှာ သူ့သမီးလေးကို မွေးရတော့မှာဖြစ်တဲ့အတွက်ကြောင့် ငွေစုရမှာမို့လို့ ကျောင်းကနေထွက်ခဲ့တာပါ။ ဒါနဲ့ပဲ သူ့ဘဝတစ်လျှောက်လုံးမှာ သူ့သမီးကပဲ သူ့အတွက်ဘဝတစ်ခု ဖြစ်နေခဲ့တာပေါ့။ သူ့သမီးလေးကို ပြုစုပျိုးထောင်ပေးရင်းနဲ့နောက်ဆုံးနှစ်ရောက်တော့မှ ယောက်ျားစွန့်ပစ်တာခံရပြီး မိဘအိမ်ကို ပြန်ရောက်သွားတာပေါ့။ အရင်က ယောက်ျားကိုပဲ ဦးစားပေးခဲ့တဲ့အတွက် ယောက်ျားကစွန့်ပစ်သွားတဲ့အချိန် သူ့ရဲ့ဘဝမှာ သူ့အတွက်ဘာဆိုဘာမှ မကျန်တော့တဲ့အထိ ဖြစ်သွားတာပေါ့။ ပညာရေးတန်းလမ်း ကလေးထိန်းပြီးအိမ်ထောင်ထိန်းခဲ့တဲ့အတွက် အလုပ်အကိုင်မရှိတဲ့အခြေအနေထိကိုရောက်ခဲ့တာပေါ့။ အဲဒီအချိန်မှာ ဘဝကိုအရှုံးမပေးဘဲနဲ့ သူရှေ့ဆက်ရမဲ့လမ်းကို ရဲရဲဝံ့ဝံ့ဆက်ပြီးတော့ လျှောက်လှမ်းခဲ့တယ်။ သူမပြီးသေးတဲ့ ကျောင်းကိုပြန်တတ်ဖို့ဆုံးဖြတ်လိုက်ပါတော့တယ်။ ဒီတော့သမီးနဲ့အမေ တစ်ကျောင်းထဲမှာ အတူတူပြန်တက်ဖြစ်သွားတာပေါ့။ သမီးသူငယ်ချင်းတစ်သိုက်နဲ့မိခင်ဖြစ်တဲ့ဒီယာနာက ပေါင်းမိသွားပြီး ကျောင်းမှာအတူသွားအတူလာရင်း သမီးနဲ့ပါတီအတူတူတက်တဲ့အမေဖြစ်လာပါတော့တယ်။ အဲဒီမှာပဲ သူ့ဘဝရဲ့ခရီးကို ကောလိပ်ကျောင်းကနေ ပြန်စပြီးတော့ ပျော်ရွှင်မှု လွတ်လပ်မှုတွေနဲ့ကိုယ့်လမ်းကိုယ်လျှောက်မဲ့သူတစ်ယောက် ဖြစ်လာပါတော့တယ်။ တစ်ကားလုံးဟာသရွှန်းပြီး ရိုက်ကူးထားတာဖြစ်လို့ အပျင်းပြေပြီး စိတ်ရွှင်လန်းစေမဲ့ ဇာတ်ကားတစ်ကားပါလို့ ညွှန်းလိုက်ပါရစေ။ File size…(850 MB) and (400 MB) Quality…WEB-DL Rip 720p Format…mp4 Duration….01:47:00 Subtitle….Myanmar Subtitle (Hardsub) Encoder….Nyeinsaeya Aung Translated by Yazar Htun

Tantiram (2023) “တစ္ဆေများရဲ့မာယာ” IMDb 8.7 ရထားတဲ့ စိတ်ဝင်စားစရာ တေလဂူး Mystery Horror ကားကောင်းတစ်ကားပါ မျက်နှာသိ သရုပ်ဆောင်တွေဖြစ်တဲ့ Priyanka Sharma နဲ့ Srikanth Gurram တို့ပါဝင်ထားပြီး ဝေဖန်ရေးဆရာတို့ရဲ့ ရီဗျူးလည်း ကောင်းတာမို့ အချိန်ပေးရတာ တန်မှာပါ “ထိုင်နေတော့ ကောင်းသား ထသွားမှ ကျိုးမှန်းသိ” ဆိုသလို ဘဝမှာ တချို့ကိစ္စတွေမှာ ကိုယ်က သူများရဲ့ အကူအညီယူမိကာမှ ဒုက္ခလှလှ တွေ့ရတဲ့ အဖြစ်တွေ ရှိတတ်ကြပါတယ် ဒီဇာတ်လမ်းမှာ ရိုးရာ ဒဏ္ဏာရီဇာတ်လမ်းတစ်ခုကို နောက်ခံထားပြီး စတင်ထားပါတယ် ဒီကားထဲက “ဂျင်” ဆိုတဲ့ စွမ်းအားမြင့် တစ္ဆေတွေက ဘုရားသခင်ဖန်ဆင်းခဲ့တာဖြစ်ပြီး သူတို့ကို တားမြစ်ထားတဲ့ ပညတ်တွေလည်း ရှိလို့နေပါတယ် ဒါကတော့ လူသားမိန်းမနဲ့ အိပ်လို့ မရတာပါပဲ ဒီစည်းမျဥ်းကို ဖောက်ဖျက်ကြတဲ့ “ဂျင်” တို့ဟာ ကြီးလေးတဲ့ အပြစ်ကို ခံကြရပါတယ် သို့ပေသိ တော်တော်ဖြစ်တဲ့ “ဂျင်” ပုဂ္ဂိုလ်တို့ဟာ လူသားမိန်းမကို တပ်မက်လွန်းတာကြောင့် သူတို့ရဲ့ အထီးကျန်ဆန်ချိန်တွေကို စောင့်ပြီး သွေးဆောင် ဖြားယောင်းကြပါတယ် ဘာလာချန်ဒရန်က ခိုးရာလိုက်ပြီး သူ့အဖေကို ထားခဲ့တဲ့ အမေဖြစ်သူကို |စိတ်နာပြီး မိန်းမတွေကို မုန်းတီးနေသူတစ်ယောက်ပါ သူ့အဖေလည်း တစ်ပင်လဲလို့ တစ်ပင်ကလည်း ထူချင် ထိုစဥ်က ရွာမှာ အသက်ရှင်တဲ့ မိန်းမရှိရက်နဲ့ မယားငယ်ထားရင် ရွာက နှင်ထုတ်တတ်တဲ့ ဓလေ့လည်း ရှိနေတော့ သူတို့ရဲ့ မီးရှူးမီးပန်း စက်ရုံကို သားဖြစ်သူဆီ လွှဲအပ်ခဲ့ပြီး ရွာပြင်မှာ ဇနီးသစ်လေးနဲ့ သွားနေပါတော့တယ်… သားဖြစ်သူကိုလည်း အချောဆုံးဆိုတဲ့ မိန်းကလေးနဲ့ ပေးစားလိုက်ပါတယ် အဖေလည်းမရှိတော့ အထီးကျန်နေတဲ့ ဘာလာချန်ဒရန်က တစ်ညမှာ စာရင်းတွက်နေတုန်း “ဂျင်” ရဲ့ ခြောက်လှန့်မှုကို ခံလိုက်ရပါတယ် အစက မိန်းမတွေကို မုန်းပြီး ကိုယ့်ဇနီးသည်ကို အနားကပ်မခံတဲ့ ဘာလာ ဟာ အိပ်မက်ဆိုးတွေ မက်တာကြောင့် ကြောက်ကြောက်နဲ့ ဇနီးလေးရဲ့ ပြုစုယုယမှုကို လက်ခံလိုက်ပြီး ချစ်ကြည်နူး တစ်တီတူး သွားကြပါတော့တယ် သူတို့ရဲ့ ချစ်ခြင်းကို ခွဲမှာကတော့ “ဂျင်” ဆိုတဲ့ တဏှာရူးတစ္ဆေပဲ ဖြစ်ပြီး ဘာလာချန်ဒရန်ကို အာလာဒင်ကားထဲက မီးခွက်စောင့်ဘီလူးလို လိုရာဆုတောင်းစေ ဆိုပြီး သူ့မိန်းမကို တဖန်စားရဖို့ ကြံပါတော့တယ်….. ဒီကားရဲ့ ဇာတ်လမ်းသွားပုံ ဇာတ်ညွှန်း နဲ့ သရုပ်ဆောင်တွေက မိတ်ဆွေကို ထိုင်ခုံအစွန်းမှာ မြဲနေစေမှာ ဖြစ်တာမို့လို့ အခုပဲ ဒေါင်းကြည့်လိုက်ပါဦး IMDb 8.7 ကလည်း လူထောင်ချီ vote ပေးထားတာမို့ ကြည့်ရတာ တန်မှာပါ အညွှန်းနဲ့ ဘာသာပြန်ကတော့ CM Bollywood Team က KKKZ ~ Aditi ~ Cherry တို့ ဖြစ်ပါတယ် ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood)

DCEU လို့ သိကြတဲ့ DC Extended Universe ဟာ Aquaman and the Lost Kingdom ရုပ်ရှင်အပြီး ၂၀၂၃ ခုနှစ်မှာတော့ ပိတ်သိမ်းသွားခဲ့ပြီပဲဖြစ်ပါတယ်။ ဒါရိုက်တာ Zack Snyder နဲ့အစပြုခဲ့တဲ့ DCEU ဟာ ရုပ်ရှင်ထုတ်လုပ်ရေးကုမ္ပဏီ Warner Bros. နဲ့ အနုပညာရှင် ဒါရိုက်တာတွေကြားက အဆင်မပြေမှုတွေအပြင် အခြားကိစ္စရပ်များကြောင့်ပါ ဝိဝါဒကွဲပြဲတဲ့ အစီအစဉ်တွေနဲ့ မတည်ငြိမ်တဲ့ Universe တစ်ခုဖြစ်ခဲ့ရပါတယ်။ ဒါပေမယ့် DCEU ဟာ Superman, Batman, Wonder Woman,Aquaman,Flash တို့လို ပရိတ်သတ်သဘောကျတဲ့ဇာတ်ကောင်တွေကိုလဲ တင်ဆက်နိုင်ခဲ့တာမလို့ DC ဖန်တွေအတွက် ကျေနပ်စရာကိစ္စရပ်တွေလဲ ရှိခဲ့ပြီး ထိုက်သင့်တဲ့အောင်မြင်မှုတွေလဲ ရရှိခဲ့ပါတယ်။ ဒါကြောင့်မလို့ ပြီးဆုံးခဲ့ပြီဖြစ်တဲ့ DCEU ရုပ်ရှင်အားလုံးကို BluRay 4K Quality နဲ့သိမ်းထားလို့ရအောင်တင်ဆက်လိုက်ပါတယ်…..DCEU ရုပ်ရှင်အားလုံးကို ဒီမှာ https://channelmyanmar.to/category/special-package/dceu/ ကြည့်လို့ရပါတယ်။ CM App မှာတော့ 4K Quality နဲ့ ကြည့်လို့ရပါတယ်။ DCEU အနေနဲ့ ရုပ်ရှင် (၁၆) ကား ထွက်ရှိခဲ့ပါတယ်။ – Man of Steel (2013) – Batman vs Superman: Dawn of Justice (2016) – Suicide Squad (2016) – Wonder Woman (2017) – Justice League (2017) (Theatrical Cut) – Aquaman (2018) – Shazam! (2019) – Birds of Prey (and the Fantabulous Emancipation of One Harley Quinn) (2020) – Wonder Woman 1984 (2020) – Zack Snyder’s Justice League (2021) – The Suicide Squad (2021) – Black Adam (2022) – Shazam!: Fury of the Gods (2023) – The Flash (2023) – Blue Beetle (2023) – Aquaman and the Lost Kingdom (2023) +++++++++++++++++++++++++++++ Wonder Woman 1984 (2020) IMDb Rating (5.4) / Rotten Tomatoes (73%) DatShin Review: WW84 … 2017 က ထွက်ခဲ့တဲ့ Wonder Woman ရုပ်ရှင်ဟာ DC Comics တွေထဲမှာတင်မဟုတ်ဘူး Superhero ကားတွေထဲမှာပါ အကောင်ဆုံးရုပ်ရှင်ကားတစ်ကား။ Perfect မဟုတ်ပေမဲ့ Superhero ကား (အထူးသဖြင့်) အမျိုးသမီး Superhero ကားဆိုတာ ဒီလိုရိုက်ရတယ် ဆိုပြီး ရှေ့ဆောင်လမ်းပြခဲ့သလိုမျိုးကို အောင်မြင်ခဲ့ပါတယ်။ Gal Gadot နဲ့ Chris Pine တို့ရဲ့ သရုပ်ဆောင်မှုနဲ့ chemistry, Wonder Woman ရဲ့ အပြစ်ကင်းစင် ပြုံးရွှင်နေတဲ့ အပြုံးနဲ့အတူ လူတွေကြားမှာ စစ်မက်တွေ ကင်းမဲ့အောင် ကြိုးပမ်းမှု၊ အမျိုးသမီးတွေကို နှိမ့်ချနေတဲ့ discrimination တွေကို မားမားမတ်မတ် ရပ်တည်ပြမှု၊ စစ်သည်တွေကို ဦးဆောင်နိုင်မှု စတာတွေကြောင့် Wonder Woman ရုပ်ရှင်ဟာ serious ဖြစ်သလောက် ပျော်လည်းပျော်၊ အားလည်းတက်ရတဲ့ ရုပ်ရှင်ကားတစ်ကားဖြစ်ခဲ့ပါတယ်။ WW84 မှာတော့ Patty Jenkins နဲ့ အဖွဲ့တွေဟာ အရင်ကားလိုမျိုး formula အတိုင်းပဲ သွားခဲ့ပါတယ်။ 1984 theme ဆိုတော့ အရောင်စုံ လင်းလက်နေပြီး မျှော်လင့်ချက်တွေ၊ ပျော်စရာတွေ ပိုယူဆောင်လာမဲ့အထာပေါ့။ ဇာတ်လမ်း concept ကလည်း မိုက်တယ် မဆိုးဘူး။ ဒီမှာအပြောအရဆို “message” ကောင်းကောင်း ပေးနိုင်မဲ့ဟာမျိုး။ ဒါပေမဲ့ တကယ်တမ်းမှာတော့ ဇာတ်က over တွေဖြစ်ပြီး အရင်ကားနဲ့ ဘာမှကိုမဆိုင်တော့အောင် ဖြစ်နေခဲ့ပါတယ်။ Wonder Woman ဆိုတာ ဘယ်လိုကြမ်းကြောင်း၊ ဘယ်လို epic ဖြစ်ကြောင်း၊ လူတွေကို ဘယ်လိုကယ်ကြောင်း အမျိုးသမီးငယ်လေးတွေကို ဘယ်လိုမျိုး hope and inspiration တွေယူဆောင်လာကြောင်း စတာတွေကို အရမ်းအရမ်းကို လုပ်ပြထားတယ်။ ကာတွန်းကားဆန်ဆန်ဖြစ်နေတယ်။ ကလေးတွေဆို ကြည့်ပြီး ရယ်ကြ သဘောကျကြမဲ့ အကွက်တွေ ထည့်ထားတယ်။ Slow motion တွေ စွတ်သုံးထာတယ်။ ဒီလို Over ဖြစ်နေတဲ့ script နဲ့ edit တို့ကြောင့် WW84 ဟာ DC က Superhero ကားတစ်ကား ပုံစံမဟုတ်ဘဲ Disney channel မှာလာနေတဲ့ ကလေးကြည့် ဇာတ်လမ်းတွဲတစ်ပုဒ်လိုမျိုးကိုဖြစ်နေတယ်။ Femenism ကိုပြတာမှာလည်း အရင်ကားလိုမဟုတ်ဘဲ အရမ်းကိုပြီးစလွယ်ဖြစ်လာတယ်။ သတိထားကြည့်ရင် Wonder Woman ကယ်တာခံရတဲ့ ကလေးတွေအပါအဝင် victim တွေ အားလုံးနီးပါးက အမျိုးသမီးတွေဖြစ်ပြီး ယောင်္ကျားတွေ နမော်နမဲ့လုပ်လို့ ဝင်ကယ်လိုက်ရတာချည်းပဲ။ အဲအပြင်လည်း ယောင်္ကျားတစ်ယောက်မှ ကောင်းတာမပါဘဲ အားလုံးက စော်ချောချောလေးမြင်တာနဲ့ hey sexy ဆိုပြီး ဝိုင်အော်ကြတဲ့ super နှာဘူးတွေချည်းပဲဖြစ်နေတယ်။ Wonder Woman (2017) တုန်းကလို တကယ်ကို epic and powerful လည်းဖြစ် meaningful ဖြစ်တဲ့အခိုက်အတန့်တွေမပါပဲ သက်သက်ကြီးလုပ်ပြနေတာမျိုးတွေပဲ ပိုများနေတယ်။ တချို့ cut တွေဆိုလည်း လုံးဝမထည့်ရင် ရသလောက် နားမလည်မှာစိုးလို့လားမသိဘူး အတင်းကြီးလုပ်ပြထားတာတွေရှိတယ်။ Truth is beautiful ဆိုတာကလည်း ပြောလို့သာ လူကြားကောင်းတာပါ။ လောဘမတက်ကြတဲ့ပေါ့။ မိုက်တယ် concept က။ ဒါပေမဲ့ သေချာစဉ်းစားကြည့်ရင် အလုပ်မဖြစ်ပါဘူး။ သူကတော့ ပြောနိုင်တာပေါ့ Amazon က Goddess ချောပြီးသား လှပြီးသား၊ တော်ပြီးသား။ စစ်ဘေးရှောင် ငတ်ပြတ်ပြီး ဘယ်တော့သေရမလဲ ဘယ်ပြေးရမလဲ မသိတဲ့ မိဘမဲ့ ကလေးတွေအတွက်တော့ truth is beautiful သွားလုပ်နေလို့မရပါဘူး။ သရုပ်ဆောင်တွေမှာလည်း Gal Gadot ကတော့ Gal Gadot ပဲ။ Steve ကိုကြည့်တဲ့ မျက်လုံးနဲ့အပြုံးတွေနဲ့ သူ့ရဲ့ ဝမ်းနည်းမှုတွေကတကယ့် top notch acting ဖြစ်ပြီး ရုပ်ရှင်ရဲ့ ရှားရှားပါးပါး ကောင်းကွက်တစ်ခုလည်းဖြစ်ပါတယ်။ Chris Pine လည်း မိုက်တယ်။ သနားမိတာကတော့ Pedro Pascal ပါပဲ။ Mandalorian နဲ့ Game of Thrones မှာ ကြမ်းခဲ့သလောက် ဒီမှာတော့ ငပေါကြီးလိုဖြစ်နေတယ်။ ကြိုးတော့ ကြိုးစားပါတယ် တချို့အခန်းတွေဆို သူဘယ်လောက်လုပ်နေလည်း သိသာတယ် ဒါပေမဲ့ script နဲ့ direction အောက်မှာ အူကြောင်ကြောင်နိုင်နေခဲ့တာတွေ များတယ်။ Max Lord နဲ့ Barbara တို့နှစ်ယောက် ပြောတဲ့အခန်းဆိုရင် ဟာသ sitcom တစ်ခုမှာ ဟာသတွေ ပြောနေတဲ့အခန်းလိုမျိုး တော်တော်လေး ကြည့်ရဆိုးတယ်။ DC ကားတစ်ကားအနေနဲ့ villain character ကို ဒီထက်အများကြီး ပိုကောင်း ပိုလှအောင် လုပ်ပြထားနိုင်ရက်နဲ့ တော်တော်နှမြောဖို့ကောင်းတယ်။ Action sequnce တွေက တချို့ပြောသလောက် မနည်းပါဘူး။ ကျွန်တော့် personal taste အရကတော့ action sequence များဖို့မလိုဘူး လိုအပ်သလောက် ထိထိရောက်ရောက် ပါရင် ရပြီ။ WW84 မှာ action sequence တွေက 1 တုန်းကလောက် သိပ်အားမရနိုင်ဘူးလို့ မြင်ပါတယ်။ ကြိုးတစ်ချောင်းနဲ့ ဟိုခုန် ဒီခုန် swing လုပ်နေတဲ့ cool move တွေပဲများပြီး သူ့ရဲ့ fighting skill ကို သေချာပြနိုင်မဲ့ဟာမျိုးတွေ မပါခဲ့ဘူး။ Final fight မှာတော့ CG က Black Panther Final Fight ထက်တော့ ပိုကောင်းတယ်၊ ဒါပေမဲ့ ထိရောက်မှု ရှိမနေပါဘူး။ Black Panther ထက်ပိုကောင်းတယ်ဆိုတာ ဒီတစ်ခန်းလောက်ပဲ ရှိပါတယ်။ ကျန်တဲ့ action sequence တွေမှာတော့ Marvel ကို လုံးဝမမီသေးပါဘူး။ Creative ဖြစ်အောင်လည်း မပြနိုင်သေးဘူး။ ဥပမာ သူပြေးတဲ့အခန်းဆို Black Panther နဲ့ Captain America တို့ပြေးသလောက် ကြည့်မကောင်းဘဲ တစ်မျိုးကြီးပဲ။ ကြည့်ရ အဆင်မပြေဘူး။ ဆိုတော့ အရင်ကားမှာ အရမ်းမိုက်သလောက် အခုကားမှာဘာကြောင့် ဒီလောက်ဖြစ်သွားလဲတော့ မသိဘူး။ အရမ်းကောင်းတယ်လို့ ဝိုင်းပြောလို့ပဲ လွတ်သွားတာလား။ တစ်ခုရှိတာ ဟိုနေ့က Patty Jenkins ပြောပုံအရဆို Wonder Woman (2017) ရဲ့ ဇာတ်သိမ်းက သူ့ original vision မဟုတ်ဘဲ WB အကြိုက်ရိုက်ခဲ့ရတာတဲ့။ ဆိုတော့ WW84 ကိုလည်း ပိုပျော်ဖို့ကောင်းအောင်၊ younger audience တွေပါ ကြည့်လာအောင် လုပ်ခိုင်းပြန်သလားတော့ မသိဘူး။ ပထမကား ဘယ်လောက်ကောင်းကောင်း WB ဝင်ပါမှ sequel တွေဂွမ်းကုန်တာ ဆန်းတဲ့ဟာတော့ မဟုတ်ဘူးလေ။ ဘာပဲဖြစ်ဖြစ် WW84 ရုပ်ရှင်ဟာ worthy sequel ဖြစ်မလာခဲ့တာကတော့ နှမျောစရာပါပဲ။ Admin KPK DatShin: 2/5 IMDB: 5.7/10 Rotten Tomatoes: 63% (ရုပ်ရှင်အညွှန်းကို DatShin FB Page မှ ကူးယူဖော်ပြပါသည်။)

ပေါ့ပေါ့ပါးပါးကြည့်ရမယ့် ပြစ်သစ် ရဲကားလေး တင်ဆက်ပေးလိုက်ပါတယ်… ရဲနှစ်ယောက် ရုပ်ရှင်တွေလိုမျိုး ဆိုပေမယ့် ဒီတစ်ခါက အဖေဖြစ်သူရယ် မျက်နှာကြောမတည့်တဲ့ ၁၄ နှစ်အရွယ်သမီးလေးရယ် ဇာတ်လမ်းပါ နီးလ်က အကြမ်းဖက်သမားတွေကြောင့် သူ့ရဲ့မိန်းမကို ဆုံးရှုံးလိုက်ရပြီး ရဲဝန်ထမ်းဘဝကနေပါ အနားယူခဲ့ရပါတယ်… ၁၄ နှစ်အရွယ် သမီးဖြစ်သူ ရှားလော့က ဆရာမနိုင်၊ထိန်းကျောင်းရခက်တဲ့ ကလေးမလေးဖြစ်ပြီး တစ်နေ့မှာတော့ တစ်ချိန်က ရှားလော့ရဲ့ အမေကို သတ်သွားတဲ့ အကြမ်းဖက်အဖွဲ့ ပြန်ပေါ်လာတာကြောင့် နီးလ်က ရဲတပ်ဖွဲ့ရဲ့ အကူအညီမပါဘဲ ပြန်စုံစမ်းရဖို့ ဖြစ်လာကာ… သမီးလေးကလည်း အမေ့အတွက်် လက်စားချေမယ်လို့ ဆုံးဖြတ်လိုက်တဲ့အခါမှာတော့ … ဒရာမာတွေ ခပ်ပါးပါးသာပါပြီး စိတ်ပြေလက်ပျောက်ကြည့်လို့ရမယ့် ဇာတ်လမ်းလေးကို အားပေးကြပါဦးလို့ … File size…(1.4 GB)/(825 MB) Quality….Webrip 1080p / 720p Format…mp4 Duration….01:33:00 Genre… Action, Drama, Crime, Thriller Subtitle….Myanmar Subtitle (Hardsub) Encoder….Mr. Anderson Translated by Sike Tan

ChadGetsTheAxe(2022) အခုတစ်ခါ CM ပရိသတ်ကြီးကို တင်ဆက်ပေးချင်တဲ့ horror ကားလေးကတော့ အမြင်လဲဆန်းသလို ပေါက်ကရတွေချည်းပါပဲ ရီပဲရီရမှာလိုလို ကြောက်ပဲကြောက်ရမှာလိုလိုနဲ့ပါ ဇာတ်ကားကိုရိုက်ကူးထားပုံကလည်း POV စတိုင်မို့ ကြည့်ရတာ Reality ဆန်နေမှာပါ ခုခေတ်ကြီးမှာ Live လွှင့်တာတွေ Stream လုပ်တာ လူတွေကို prank လိုက်လုပ်ပေါက်ကရတွေလုပ်ပြီး Like တွေ View တွေ သူတောင်းစားလုပ်တာက Social media မှာ အရမ်းခေတ်စားနေတာပါ ခုဇာတ်ကားထဲမှာလည်း ‌follower လိုချင်လို့ သရဲခြောက်တဲ့နေရာတွေမှာ live လွှင့်ပြီး ပေါက်ကရလုပ်ပြတဲ့ celebrity တစ်သိုက် ဟိုကသရဲက စိတ်တိုပြီး တကယ်ထတီးမလား ဒါမှမဟုတ် View လိုချင်လို့ပဲ အင်ထုနေတာလားဆိုတာ ကြည့်ရှုရင်း သရဲမကြောက်ရတဲ့အပြင် like သူတောင်းစားလေးတွေကို တီးပေးတာကို နှစ်ထောင်းအားရကြည့်ရှုရမှာမို့ လက်မလွှတ်ကြဖို့ အကြံပေးလိုက်ပါတယ် အညွှန်းနဲ့ဘာသာပြန်ကတော့ Saii Thurein Lynn ပဲ ဖြစ်ပါတယ် Genre….. Horror, Comedy Quality…. 1080p WEB-DL | 720p WEB-DL File size… 1.66GB | 879MB Format… mp4 Duration…. 1h 23min Subtitle…. Myanmar Subtitle (Hardsub) Translator ….. Saii Thurein Lynn Encoder ….. Aaron

အဲဗားက ရဲဌာနမှူးတစ်ယောက်ဖြစ်ပြီးတော့ သူတို့မြို့မှာ အကြမ်းဖက်မှုတွေက အမြဲတမ်း ဖြစ်ပွားလို့နေပါတယ်။ တစ်နေ့တစ်နေ့ သူဟာ လူတွေကို ကယ်ဆယ်ရင်းနဲ့ သဘောပေါက်လာတာက သူ့တစ်ယောက်တည်းမှာပဲ အစွမ်းရှိ၊ လူတွေအားလုံးက သူ့ကိုပဲ အဖက်လုပ်၊ သူ့လက်အောက်က ရဲတွေကလည်း အသုံးမကျပဲ သူတစ်ယောက်တည်း အရေးပါအရာရောက်သလိုပဲ ဖြစ်နေတဲ့အခါမှာ တစ်ခုခုလွဲနေမှန်း သတိထားမိလာပါတော့တယ်။ တကယ်တမ်းတော့ သူဟာ မြန်မာပေါကားထဲက မင်းသားလိုပဲ သူတစ်ယောက်တည်း စောက်ဆရာကြီးဖြစ်နေပြီး ဘေးက ကျန်တဲ့သူငယ်ချင်းတွေက သောက်ပေါသာသာလေးတွေ ဖြစ်နေတဲ့ ဇာတ်ကားတစ်ခုထဲက အဓိကဇာတ်ကောင်ဖြစ်နေမှန်း သိသွားပါတော့တယ်။ ဒီတော့ သူ့အနေနဲ့ ဒီဇာတ်ကားထဲက လွတ်မြောက်ဖို့အတွက် ကြိုးပမ်းပါတော့တယ်။ ဒီတော့ သူအနေနဲ့ ဘယ်လိုသိရှိသွားလဲ၊ ဒီဇာတ်ကားထဲက လွတ်မြောက်ဖို့ ဘယ်လိုကြိုးစားမလဲဆိုတာ ကြည့်ရှုရမှာဖြစ်ပါတယ်။ File size…(2.4 GB)/(1.2 GB) Quality….Webrip 1080p / 720p Format…mp4 Duration….01:46:00 Genre… Action, Comedy, Science Fiction Subtitle….Myanmar Subtitle (Hardsub) Encoder….Swan Min Htet Translated by Matteo

Lamas (2024) GL တွေကိုဓာတ်ကျနေတဲ့ Vivamax ရဲ့အသစ်ထွက် ကားသစ်ပါ။ မိုနာဆိုတဲ့ ကောင်မလေးဟာ မုန့်တိုက်ပိုင်ရှင်ရဲ့ သမီးဖြစ်ပြီး သူ့အဖေရဲ့ချုပ်ချယ်မှုကြောင့် စိတ်ညစ်နေရပါတယ်။ မိုနာကို ကောင်လေးတစ်ယောက်နဲ့ သဘောတူ ဇွတ်ပေးစားဖို့ကြံနေပေမယ့် မိုနာက မိန်းမချင်းပဲစိတ်ဝင်စားတာပါ။ တစ်နေ့တော့ သူ့ခံစားချက်တွေကို နိုးကြားစေမယ့် လီနာဆိုတဲ့ ကောင်မလေးသူ့လက်ထောက်အဖြစ်အလုပ်ဝင်လာချိန်မှာတော့ မိုနာတစ်ယောက် ဖခင်ကိုအာခံဖို့သတိ္တတွေရှိလာပါတော့တယ်။ Ataska Mercado နဲ့အတူအရင်ဇာတ်ကားတွေမှာ မထင်မရှားပါခဲ့တဲ့ မင်းသမီးသစ်လေးတွေ အများကြီးပွဲထုတ်ထားပါတယ်။ (အညွှန်းနဲ့ဘာသာပြန်ကတော့ Alias ဖြစ်ပါတယ်။) File size…(1 GB) / (420 MB) Quality….WEB-DL 1080p HEVC / 720p Format…. mkv/mp4 Genre….Drama Duration….01:09:13 Subtitle….Myanmar Subtitle (Hardsub) Encoder….Alvar Translated by Alias

The Moonhunter (2001) ********************* MoonHunter တစ်နည်းပြောရရင် လမင်းကိုအမဲလိုက်မယ့်မုဆိုး၊ မဖြစ်နိုင်တာကိုမျှော်လင့်ရင်း ကြိုးစားနေတဲ့သူတစ်ယောက် စနစ်ဆိုးတစ်ခုကို တစ်ယောက်အားနဲ့တော်လှန်ဖို့ ကြိုးစားခဲ့တဲ့ ကျောင်းသားလေးတစ်ယောက်ရဲ့ တော်လှန်ခရီးကိုရိုက်ကူးထားတဲ့ ဖြစ်ရပ်မှန်ဇာတ်လမ်းတစ်ပုဒ်ကို တင်ဆက်ပေးချင်ပါတယ်… ဒီဇာတ်လမ်းလေးကတော့ ၁၉၇၃ ခေတ်သစ်ထိုင်းနိုင်ငံ‌ရေးသမိုင်းက အကြီးဆုံးဆန္ဒပြပွဲကြီးကို ဦးဆောင်ခဲ့တဲ့ ကျောင်းသားခေါင်းဆောင်တစ်ယောက်နဲ့ ဆန္ဒပြပွဲအပြီး တော်လှန်ရေးသမားဘဝကို လုံးလုံးလျားလျားခံယူလိုက်ပြီးချိန် သူ့ရဲ့ဘဝခရီးကြမ်း… တော်လှန်ရေးအင်အားစုတွေကြားက အယူဝါဒီကွဲပြားမှုတွေနဲ့ စိတ်ဝမ်းကွဲမှုတွေ ပြည်ပရဲ့သက်ရောက်မှုတွေ၊ အဖွဲ့အစည်းတွေရဲ့ အကျင့်ပျက်ခြစားမှုတွေ… ကလောင်တံကနေ သေနတ်ကိုင်တဲ့အထိ အတူလိုက်ပါခဲ့တဲ့ချစ်ရသူနဲ့အတူ တော်လှန်ရေးသမားတစ်ယောက်ရဲ့ ပေးဆပ်မှုတွေ စတေးခံမှုတွေနဲ့ ဖယောင်းလမ်းမဟုတ်တဲ့ ခယောင်းလမ်းပေါ်က သူတို့တွေရဲ့ဘဝကို တစ်စွန်းတစ်စရိုက်ပြထားတာပဲဖြစ်ပါတယ်… ဇာတ်လမ်းအညွှန်းနှင့် ဘာသာပြန်သူကတော့ Mary ဖြစ်ပါတယ်… File Size : 4.12GB / 1.4GB Quality : WEB-DL 1080p / 720p Duration : 1h 47m Genres : Biography, Drama, History, War Subtitle : Myanmar Subtitle (Hard Sub) Translated by Mary Encoded by Heather Oo

Crazxy(2025) “အတိတ်ရဲ့အရိပ်” IMDb – 7.3/10 ဒီရုံတင်ကားကတော့ ခွဲစိတ်ဆရာဝန်ကြီးဖြစ်တဲ့ ဒေါက်တာအဘီမန်ယူရဲ့ တစ်ကိုယ်တော်ဇာတ်လမ်းပေါ့ ရုံတင်ငွေအနေနဲ့လည်း ၁၅ကုဋေ ပြန်ရထားပါတယ် ဆရာဝန်တစ်ယောက်ဖြစ်ပေမဲ့ သမီးဖြစ်သူ ဉာဏ်ရည်မမီဘဲမွေးဖွားလာမှာမို့ မလိုချင်တဲ့ထိဖြစ်ပြီး ဇနီးဖြစ်သူနဲ့ပါ ကွာရှင်းခဲ့ပါတယ်။ ဒါပေမဲ့ တစ်နေ့မှာတော့ ကားမောင်းနေရင်းက သမီးဖြစ်သူကို ပြန်ပေးဆွဲထားတယ်ဆိုတဲ့ ဖုန်းခေါ်ဆိုမှုတစ်ခုဝင်လာခဲ့တယ်။ သမီးနဲ့ဇနီးပေါ်မှာ သံယောဇဉ်သိပ်မရှိသူမို့ နောက်ပြောင်ပြီးခေါ်ဆိုတယ်လို့ပဲ ထင်ခဲ့တာပေါ့။ အဘီမန်ယူတစ်ယောက် သူ့သမီးကို ပြန်ကယ်ဖို့ရာ ဘယ်လိုတွေရင်ဆိုင်ဖြတ်သန်းရမှာလဲ။ ပိုပြီးထူးခြားတာက ဒီကားမှာ ဒေါက်တာအဘီမန်ယူက တစ်ယောက်တည်းသော ဇာတ်ကောင်ပါ။ သူ့ရဲ့ အတွင်းစိတ်ခံစားချက်တွေ ရုန်းကန်လှုပ်ရှားမှုတွေကို နက်နက်ရှိုင်းရှိုင်း မြင်ရမယ်။ သူ့သမီးကို ပြန်ပေးဆွဲသွားတဲ့လူက ဘယ်သူလဲ၊ သူကရော အချိန်မီကယ်တင်နိုင်မလား၊ ပြန်ပေးသမားနဲ့ သူနဲ့က ဘယ်လိုပတ်သက်မှုတွေရှိနေမလဲ။ ဒီမေးခွန်းတွေရဲ့ အဖြေကို ရှာဖွေရင်းနဲ့ ဒတ်ပူးမင်းသားကြီး ရိုင်ယန်ရေးနိုးရဲ့ Buried (2010)လို ibeမျိုး ခံစားရမလားဆိုတာအားပေးကြည့်ရှုလိုက်ကြပါဦး။ ( အညွှန်းနဲ့ ဘာသာပြန်တွေကတော့ CM Bollywood Team ပဲဖြစ်ပါတယ် )